फिलिप्‍पी 1:8 - ह्योल्‍मो

⁸ काह-ठि पेहती मास्‍यीका येशूकी निङज्‍यीगी पेहती ङाह ख्‍या थाम्‍ज्‍यीला टेहम्‍बा साल्‍गे माएँ तामला किन्‍ज्‍यो ङाहती पाङबु ज़्‍य़ू नाङदी येह।

फिलिप्‍पी 1:8 Iomraidhean Croise

लूका 1:78

च्‍यिबेमाना, ओहराङगी किन्‍ज्‍यो थुज्‍यी ज़ी़गे दाङ निङज्‍यी जेकेन्‍दी यिहम्‍बा, ओ़ह सोङगोराङ किन्‍ज्‍योगी थार्पागी येहसेर स्‍यिहङगामले ओहराङ साला ताङ नाङज्‍ये येह।

रोमी 1:9

ङाह सेम तिहङ यिहन्‍ज्‍युराङ किन्‍ज्‍योकी स़ेबुकी या़हबु लेहङगुया़ स्‍येती किन्‍ज्‍योला स्‍याहप्‍तो स्‍युहएँ। ओहले ङाहती सोल्‍वाङला ख्‍याॱलाङ नाहम्‍माॱनाङ टेहम्‍बा साल्‍देॱराङ येह, दिगी पाङबु किन्‍ज्‍यो ज़्‍य़ू नाङदी येह।

रोमी 9:1

ता़ह ङाहगी माज्‍ये पेहक्‍योगी तामया़ तेहन्‍दाम यिहन। ङाह मास्‍यीकाती यिहम्‍बा, ङाह स्‍योप मेहक्‍याहप। ङाहती नावा दाङ नाम्‍पार-ताहक्‍पा थुगीॱआङ पाङबु तेर्के।

२ कोरिन्‍थी 13:9

च्‍यिबेमाना ङ्यिह मा-फाम्‍बु डोएँमु ओहले ख्‍याया़दी स्‍युक छ्यिम्‍बु डोएँमु ङ्यिह सेम काहसो पेहकें। ख्‍याया़ याहरक्‍यी डोज्‍यु म़ेदीराङ ङ्यिह सोल्‍वाङ ताप्‍कें।

२ कोरिन्‍थी 6:12

ख्‍याया़गी तेहन्‍दाला ङ्यिहती च्‍याहम्‍बा ङ्ये़हमु काहल्‍दी म़ेह, यिहॱनाङ ख्‍याया़गी च्‍याहम्‍बा गा ङ्यिहगी तेहन्‍दाला ङ्युहङा पेहती काहल्‍सीन।

२ कोरिन्‍थी 7:15

ख्‍यागी ताम थाम्‍ज्‍यी ङ्यिहन्‍दी, ज्‍यिबुराङ ज्‍यिक्‍पा खुर्ती ओहले दार्ती तीतसला फेप स्‍युहक्‍योगी ताम टेहम्‍बा साल्‍गेमु खोगी सेम नाहङगी च्‍याहम्‍बा ख्‍याया़गी तेहन्‍दाला जेन माहङरो माहङरो काहल्‍दी येह।

गलाती 1:20

ङाहगी प्रुहक्‍योगी ताम तेहम्‍बा तेहन सुमॱराङ यिहन, ङाहगी किन्‍ज्‍योगी दिनला स्‍योप क्‍याहप्‍ती म़ेह।

गलाती 3:26

च्‍यिबेमाना तेहपा लाहमले ख्‍या थाम्‍ज्‍यी मास्‍यीका येशूला किन्‍ज्‍योकी छार्क्‍यीन यिहम्‍बा।

गलाती 4:19

ए ङाहगी पेहजाया़, मास्‍यीकाती ल़ेहमुराङ डोलु-तेहलुया़ ख्‍याया़गी मिहलीला माहथोङ थु पेहजा क्‍येएँ ती़हजीला आमागी काह-ठि पेहती सुह ना़गे ओ़ह ल़ेहमुराङ तुहक्‍पु ताहन्‍दा ङाहगी ना़गेॱराङ येहबा।

फिलिप्‍पी 2:1

च्‍यि मास्‍यीकाला येहकेन्‍गी ख्‍याती मिहलीगी ख्‍याया़ला आ़र क्‍ये च्‍य़ूदी येहबा? च्‍यि मिहरोगी निङज्‍यीगी ख्‍याया़ला सेम लो तेहमु नाङदी येहबा? च्‍यि ख्‍यागी नाम्‍पार-ताहक्‍पा थु लाहमले छोक्‍पा पेहती येहबा? च्‍यि ख्‍यागी च्‍यी़गी च्‍यी़ला चेवा दाङ च्‍याहम्‍बा पेहती येहबा?

फिलिप्‍पी 2:26

खोगी ख्‍याया़ला थू़ज्‍ये म़ेदी ज्‍यिबुराङ सेम्‍बा पेहती येहकें। खो ने़हदी येह माएँ लेहङगु ख्‍यागी थे़क्‍यो सोङबे खो ज्‍यिबुराङ तुहङाल लाहङग्‍यो येहकें।

फिलिप्‍पी 4:1

ओ़ह सोङबे ङाहगी च्‍याहम्‍बा पेहक्‍योकी आदा-नो़ह दाङ आज्‍यी-नुहमुया़, ख्‍या दि ल़ेहमुराङ पेहती चो़वोला थिक-चि पेहती तेहतोङ। ए ङाहगी रो़हया़ ङाह ख्‍याया़ला निङज्‍यी पेहकें, ङाहगी ख्‍याया़ला ज्‍यिबुराङ टेहम्‍बा साल्‍दी येहबा। ख्‍याया़राङ ङाहती सेम काहसो दाङ पेस्‍यो यिहम्‍बा।

कलस्‍सी 2:1

ता़ह ख्‍याया़गी दि केच्‍या ह्‍अ कोहज्‍यु माएँ ङाहती सेम्‍बा येहबा, काह-ठि पेहती ख्‍याया़ दाङ लाउडिकियाला येहकेन्‍की मिहया़ ओहले ङाहला थोङॱराङ माहथोङबा मिह थाम्‍ज्‍यीगी तेहन्‍दाला ङाह कादुप च्‍येती ल़ेह पेहकें,

कलस्‍सी 3:12

ख्‍याया़राङ किन्‍ज्‍योगी दाम नाङग्‍यो दाङ मिहरोगी चेवा जे नाङग्‍योकी नाम्‍पार-ताहक्‍पा मिहया़ यिहम्‍बा। ओ़ह सोङबे ख्‍यागी चेवा पेहकें, निङज्‍यी पेहकें, ङ्येम्‍ज्‍युङ पेहकें, स्‍यिहवा पेहकें दाङ ना़स्‍यीङ छ्यिम्‍बु पेहकेन्‍गी छ्याप्‍स्‍यीया़ला काप्‍च्‍या ल़ेहमुराङ केहन्‍दी राहङगी राहङला ज़ाप कोहएँ।

१ थेसलोनिकी 2:5

राहङ फ़ेबे-म़ेहमेया़ला या़हबु पेहती थुयी़राङ येह, ङ्यिहगी ख्‍या फ़ेबे-म़ेहमेॱया ङ्याम्‍बु ज्‍याप्‍ला तेन्‍दी ताम मा़हमे ओहले ङ्यिहगी राहङ फ़ेबे-म़ेहमेॱया ङो़ले च्‍यिरा ज्‍योर्केनी म़ेदी ह्‍अम्‍बा पेहती दि ल़ेहमु पेहक्‍यो मिहन। किन्‍ज्‍योॱराङ दिगी पाङबु ज़्‍य़ू नाङदी येह।

१ थेसलोनिकी 2:8

तेहम्‍बाराङ ङ्यिहगी ख्‍या फ़ेबे-म़ेहमेया़ला निङज्‍यी पेहती येह, राहङ फेबे-मे़हमेया़दी ङ्यिहला ज्‍यिबुराङ निङ च्‍येहएँ, माज्‍येराङ माना किन्‍ज्‍योकी लेहङगु या़हबु च्‍यी़राङ मिहम्‍बा ङ्यिहगी मिहली थाम्‍ज्‍यीराङ ख्‍या फ़ेबे-म़ेहमेया़गी तेहन्‍दाला तेर्च्‍येलाॱआङ ठाबे काहल्‍दी येहकें।

२ तिमोथी 1:4

ख्‍येती मिज्‍युला टेहङगेमु ङ्यिहन-नुहप ख्‍येला थू़ज्‍ये सेम क्‍येदी ओहङगे। ख्‍येला थ़ू ङ्युहङसीमाना ङाह काहजे क़ेहनाङ लाहङज्‍ये येहकें।

फिलेमोन 1:12

ङाह खोला येहपाराङ ख्‍येसाला लो़ ताङगेराङ येहबा। खो ङाहगी निङ थाक्‍पाॱराङ यिहम्‍बा!

फिलेमोन 1:20

ओ़ह सोङबे नो़ह, ख्‍ये ङो़ले चो़वोला च्‍यिरा खेप्‍साङ लेहन्‍ज्‍ये ङाहगी सेम्‍बा येहबा। मास्‍यीकाला ङाहगी सेमला येहपाराङ खाम्‍साङे जे तेर्तोङ।

१ यूहन्‍ना 3:17

जाम्‍बुलीङगी क्‍युह-नोहर येहकेया़गी राहङगी आदा-नो़ह दाङ आज्‍यी-नुहमुया़ तुहक्‍पुला छ्यिक्‍यो थोङगेमुॱआङ राहङगी सेम सान्‍दी पेहसीनमाना ओ़ह ल़ेहमु मिहया़गी किन्‍ज्‍योला काह-ठि पेहती चेवा पेह ख़ूज्‍ये ले?