फिलिप्‍पी 1:28 - ह्योल्‍मो

²⁸ ख्‍याया़ राहङला टाहसेम पेहकें मिहया़ ङ्याम्‍बु मा़हन्‍ज्‍यी। ख्‍या नाहम-माना स्‍युक छ्यिम्‍बु पेहती तेहतोङ, दि तामगी ख्‍याया़ला टाहसेम पेहकेनया़ फाम्‍दे डोएँ ओहले ख्‍याया़गीदी थार्पा ज्‍योर्के म़ेदी तेन्‍गे। किन्‍ज्‍योगीॱराङ ख्‍याया़ला थार्पा नाङज्‍ये येह।

फिलिप्‍पी 1:28 Iomraidhean Croise

मत्ती 10:28

मिहया़गीनी ख्‍याया़गी ज़ुबु च्‍यी़ला से खू़गे, ख्‍याया़गी यिहलानी खुङगी च्‍यिॱआङ ने क्‍याल मी़हखुएँ! ओ़ह सोङबे यिहला से मी़हखुएँया़ ङ्याम्‍बु मा़हन्‍ज्‍यी, ख्‍याया़गी यिह दाङ ज़ुबु ङ्यिकालाराङ ङ्याल्‍वाला छ्यि च्‍य़ू थुप्‍कें किन्‍ज्‍यो ङ्याम्‍बु च्‍यी़राङ ज्‍यी़दोङ।

मर्कूस 3:3

ओहले येशूगी लाहक्‍पा काम्‍ग्‍योगी मिहला, “ख्‍ये लाहङदी देला स्‍यो!” म़ेदी सुङ नाङसीन।

लूका 3:6

ओहले मिह थाम्‍ज्‍यीगीराङ किन्‍ज्‍योगी थार्पा थोङज्‍ये येह।”

यूहन्‍ना 16:8

ओहले मिहरो फेप फान्‍ज्‍यो मिहरोगी दि जाम्‍बुलीङला तिहक्‍पा, तेहन्‍दाम दाङ किन्‍ज्‍योकी ठिमकी तेहन्‍दाला खुङया़गी ल़ेह नोहर च्‍य़ूगेनॱराङ येह म़ेदी तेन नाङज्‍ये येह।

ल़ेह-पेन 28:28

ओहले पावलगी ताम था़ च्‍येती मासीन, “ओ़ह सुङगोराङ ता़ह ङाह राहङ फे़बेया़ला माएँ, किन्‍ज्‍योगी थार्पागी या़हबु लेहङगु मिहरोगी लेहमेन क्‍यिहपाया़ साला ताङ नाङदी येह ओहले खुङया़गी ङ्यिहन्‍ज्‍ये येह।”

रोमी 8:17

ओहराङ किन्‍ज्‍योकी पुह-पोहमो काहल फान्‍ज्‍योनी थोप-थाङकी मिहॱआङ ओहङगे, किन्‍ज्‍योकी फास्‍यी ज्‍योर्केन्‍गी मिह ओहले मास्‍यीका ङ्याम्‍बुदी पी़माला फास्‍यी ज्‍योर्केन्‍गी मिह। ओहराङ मास्‍यीका ङ्याम्‍बुराङ तुहक्‍पु खुर्सीमाना मिहरो ङ्याम्‍बुराङ ज़िज्‍यिद ज्‍योर्च्‍ये येह।

१ थेसलोनिकी 2:2

ख्‍या फ़ेबे-म़ेहमेॱया साला ओहङगे म़ेदी तोहङले फिलिप्‍पीकी मिहया़गी ङ्यिहला आब्रु तेन्‍दी ज्‍यिबुराङ तुहक्‍पु तेर्सीन। दि केच्‍याॱआङ ख्‍या फ़ेबे-म़ेहमेया़ला थुयी़राङ येह। मिहया़गी ङ्यिहला ज्‍यिबुराङ टाह पेहॱनाङ किन्‍ज्‍योगी लेहङगु या़हबु ख्‍या फ़ेबे-म़ेहमेया़ला स्‍येच्‍येला ङ्यिहला किन्‍ज्‍योगीॱराङ स्‍युक क्‍ये च्‍य़ू नाङसीन।

हिब्रू 13:6

ओ़ह सोङबे ङ्यिह थाक-ताङदी माएँ, “चो़वोगीॱराङ ङाहला रो़हराम जे नाङगे। ङाह नाहमॱआङ ज्‍यी़ज्‍ये म़ेह। मिहगी ङाहला च्‍यि पेह ख़ूएँ?”

ज्‍याल्‍गा 2:10

ता़ह ख्‍या थो़ला तुहक्‍पु बाप ओहङज्‍ये पेहती येह ओ़ह यिहन्‍ज्‍यु मा़हन्‍ज्‍यी। ती़ह गो-छ्येवागी ख्‍या नाहङला लाहलाला ङ्याहम च्‍येच्‍ये म़ेदी चोन-खाङला लू़ज्‍ये पेहती येह, ओहले ख्‍याला ङ्यिहमा च्‍यु थु च्‍यी़राङ तुहक्‍पु ओहङज्‍ये येह। स्‍यि कोहॱनाङ ङाहलेगी तेहपा मा़हलोह, ओहले क्‍याहल्‍दी ज्‍योर्केन्‍की च्‍याहगा था़ म़ेहबा मिहली ज़ाङबु ङाह ख्‍येला तेर्के।