फिलिप्पी 1:20 - ह्योल्मो20 ङाहगी पेह कोहकेन्गी ल़ेहलेगी ङाह नाहमॱआङ ङोहजाला माहछ्यीज्यु यिहॱनाङ तोहङमा ल़ेहमु खास पेहती ताहन्दा ङाह सेम-स्युक छ्यिम्बु पेहती तेहकें। ङाह स्यिॱना़ङ सोॱनाङ ङाहती थाम्ज्यी मिहली लाहमले मास्यीकालाॱराङ चा़ ओहङज्यु माएँ ङाहती सेम्बा दाङ रेहवा यिहम्बा। Faic an caibideil |
फिलिप्पी 1:20
41 Iomraidhean Croise
ङाहगी निङज्यी पेहक्योगी आदा-नो़ह दाङ आज्यी-नुहमुया़, किन्ज्योकी थुज्यी माहङबुराङ ख्या थो़ला येहबा। ओ़ह सोङबे राहङगी ज़ुबुला नाम्पार-ताहक्पा दाङ किन्ज्योगी थु-सेम जे नाङगेन्गी सोम्बो मार्च्ये जे़दी किन्ज्योला स्याहप्तो स्य़ूहज्येला मिहरोगी दिनला फुल्दोङ म़ेदी ङाह ख्याया़ला ओहर-छ्य़े स्युहउ येह। ख्यागी यिहगी फुल कोहएँगी तेहन्दामगी मार्च्येॱआङ दिराङ यिहम्बा।
मिह-ज़ुबुला ते़बे माहङबुराङ मा फाम्बुया़ ओहङगे ओ़ह ल़ेहमु मा-फाम्बु ख्या ङ्याम्बुॱआङ येहकें सोङबे ङाह ख्याया़गी ङोह स्य़े ख़ूएँ पेहती ताम माएँराङ येहबा। च्यिबेमाना ख्याया़गी लेहमा च्यी़ राहङ ज़ुबुकी ओङबुया़ला मेहचाङा दाङ तोहरोङ माहङबु तिहक्पाया़ पेहच्येला चि क्याहप्क्यो येहकें, ता़ह ओ़हठीॱराङ पेहती नाम्पार-ताहक्पा ओहङज्येला राहङ ओङबुया़ला टाहङदेनकी योक्पु ज़ोज्येला चि क्याहप्तोङ।
मास्यीकाकी तेहन्दाला किन्ज्योगी सुङ नाङग्यो ल़ेहमुराङ सुङरापला ओ़हठीॱराङ प्री़हदी येहबा, “त़ेदोङ, ङाह सियोनला तोह च्यी़ ज़्या़ज्ये येह, ओ़ह तोह-पा़राला मिहया़ नार्तो क्याहप्च्ये येह, तोह-पा़रा च्यी़, का़हन्दीगी खुङया़ला रिहल्ज्ये येह, यिहॱनाङ मिहरो थो़ला यिह छ्य़ेगेन सुज्यीॱआङ ङोहजाला छ्यिच्ये म़ेह।”
दि ल़ेहमु मिहगी सेम ग्या़ ङ्यी़ला ओहङगे। पा़हमा माहबेबा पी़हमी दाङ पोहमो स्यार्मा याहङबागी ज़ुबु दाङ सेम ङ्यिकालाराङ काह-ठि पेहती नाम्पार-ताहक्पा ओहङ ख़ूज्ये म़ेदी चो़वोगी तेहन्दालाराङ तुहङाल पेहकें। यिहॱनाङ पा़हमा पेहक्यो पी़हमीगीती राहङगी ख्योवाला काह-ठि पेहती क़ेहनाङ लाहङ च्य़ूज्ये म़ेदी जाम्बुलीङगी से़हला तुहङाल पेहकें।
Sanasan