फिलिप्पी 1:1 - ह्योल्मो1 फिलिप्पी क्याहसाला येहकेन मास्यीका येशूकी नाम्पार-ताहक्पा मिहया़, एल्डरया़ ओहले डिकनया़ला ङ्यिह मास्यीका येशूकी योक्पु पावल दाङ तिमोथीगी दि यिहगी प्रुहएँॱराङ येहबा। Faic an caibideil |
रोम क्याहसाला तेहकेन किन्ज्योगी च्याहम्बु ङ्येन्जेन-ङ्येहवाया़ थाम्ज्यीला ङाह दि यिहगी प्रुहएँॱराङ येहबा, किन्ज्योगी ख्या थाम्ज्यीला च्याहम्बा जेती मिहरोकी नाम्पार-ताहक्पा छार्क्यीन ज़ो नाङज्येला क़े क्याहप नाङदी येह, किन्ज्यो ओहराङगी याहप दाङ चो़वो येशू मास्यीकागी ख्या थाम्ज्यीला काटीन दाङ स्य़िहदे नाङज्यु।
तेहम्बाराङ माज्ये माना मास्यीका येशू ङाहती चो़वोला ङोह स्य़े ङ्युहङगेन मेलाम तादाङलानी ना थाम्ज्यीराङ से़हया़ ङाहगी स्यिती काम्बुलाराङ थोङसीन। मास्यीकाला ज्योर ख़ूज्यु म़ेदी मिहरोगी तेहन्दाला ङाहगी रेबेॱराङ से़हया़दी क्यी़ह खुर्ती येहबा, ओ़ह रेबेॱराङ से़हया़ ङाहगी तेहन्दाला ङ्योहक्तोङ यिहम्बा।
ख्या फ़ेबे-म़ेहमेॱया साला ओहङगे म़ेदी तोहङले फिलिप्पीकी मिहया़गी ङ्यिहला आब्रु तेन्दी ज्यिबुराङ तुहक्पु तेर्सीन। दि केच्याॱआङ ख्या फ़ेबे-म़ेहमेया़ला थुयी़राङ येह। मिहया़गी ङ्यिहला ज्यिबुराङ टाह पेहॱनाङ किन्ज्योगी लेहङगु या़हबु ख्या फ़ेबे-म़ेहमेया़ला स्येच्येला ङ्यिहला किन्ज्योगीॱराङ स्युक क्ये च्य़ू नाङसीन।
ओ़ह ङ्यिहमाला चो़वो येशूगी राहङगी नाम्पार-ताहक्पा मिहया़ लाहमले ज़िज्यिद नोम नाङज्ये येह ओहले यिह छ्य़ेगेया़ थाम्ज्यीलाराङ ह्अ ल़ेह च्य़ू नाङज्येला मिहरो फेप नाङज्ये येह ओहजेला राहङ फे़बे-मे़हमेया़ॱआङ ओ़हला ओहङज्ये येह, च्यिबेमाना ङ्यिहगी तामला ख्या फ़ेबे-म़ेहमेया़गी यिह-छ्य़े जे नाङसीन।
छेन्छोककी गोबागी किन्ज्योकी छ्या़लेया़ ची़ लेहन्ग्यो ओहङगे। ओ़ह सोङबे खो च्यिॱआङ क्येन म़ेहबाकी मिह ओहङ कोहकें। ओहले खोगी छ्य़ेन्दो तेन्ज्ये मेहयोहङगे, ग्यो़बाराङ स्यिहताङ पेहच्ये मेहयोहङगे, छ्याङसीवा ओहङज्ये मेहयोहङगे, मिहया़ ङ्याम्बु ठ़ूस्यी सिहङदा पेहच्ये मेहयोहङगे ओहले क्युहला ह्अम्बा पेहच्ये मेहयोहङगे।
दि छ्य़ेकी केच्या येशू मास्यीकागी तेन नाङग्यो यिहम्बा। राहङ स्याहप्च्यीया़गी ग्यो़बाराङ बाप ओहङज्ये पेहक्यो केच्याया़गी तेहन्दाला ङोह स्य़े ख़ूज्यु म़ेदी किन्ज्योगी येशूला दि ज्याल्गा नाङग्यो येहकें। येशूगी दि केच्या प्रा साल नाङज्येला स्यिहङगामकी स्याहप्च्यी च्यी़ला राहङला स्याहप्तो स्युएँगी यूहन्नासाला ताङ नाङसीन।
ओहले ओ़ह स्यिहङगामकी स्याहप्च्यीला छ्या़ छाल्ज्येला ङाह मिहरोगी स्याहपला खेप्चु क्याहप्सीन। यिहॱनाङ मिहरोगी ङाहला दि ल़ेहमु सुङ नाङसीन, ख्येगी ङाहला दि ल़ेहमु पेहच्ये मेहयोहङगे। ङाहॱआङ येशूगी तेहन्दाला पाङबु तेर्केन्गी ख्ये दाङ ख्येगी नो़हया़ ङ्याम्बु-ङ्याम्बुराङकी रो़ह दाङ योक्पुज्यीराङ यिहम्बा। किन्ज्योला छ्या़ छाल्दोङ! च्यिबेमाना चो़वो येशू मास्यीकागी तेन नाङग्यो तेहन्दामगीॱराङ लुहङतेम्बाया़ला स्युक क्ये च्य़ूएँ।