फिलिप्‍पी 1:1 - ह्योल्‍मो

¹ फिलिप्‍पी क्‍याहसाला येहकेन मास्‍यीका येशूकी नाम्‍पार-ताहक्‍पा मिहया़, एल्‍डरया़ ओहले डिकनया़ला ङ्यिह मास्‍यीका येशूकी योक्‍पु पावल दाङ तिमोथीगी दि यिहगी प्रुहएँॱराङ येहबा।

फिलिप्‍पी 1:1 Iomraidhean Croise

मर्कूस 13:34

ओ़ह केच्‍या नि योक्‍पुया़ला खाङबा चि क्‍याहप्‍ती कोरा क्‍याहप्‍च्‍येला डोएँगी खाङबा ताहक्‍पुगी पेताम ल़ेहमु यिहम्‍बा। ताहक्‍पुगी राहङगी योक्‍पुया़ला राहङ-राहङगी ल़ेहया़ पेहती ज़्‍या़दोङ म़ेदी ल़ेह चि क्‍याहप्‍के ओहले कोह सुङगे मिहॱलाङ ‘या़हबु पेहती खाङबा सुङदोङ!’ म़ेदी ल़ेह तेन्‍दी ज़्‍या़एँ।

यूहन्‍ना 12:26

ङाहला स्‍याहप्‍तो स्‍युहज्‍ये छोल्‍गेन्‍दी ङाहला तिङ ङ्या़ कोहएँ। ओहले ङाह का़हला येहबा, ओ़हला ङाहला स्‍याहप्‍तो स्‍युहएँया़ॱआङ ओहङज्‍ये येह। ङाहती याहपगी ङाहला स्‍याहप्‍तो स्‍युहएँया़ला चा़ जे नाङज्‍ये येह।”

ल़ेह-पेन 1:20

ओहले येहपाॱआङ पत्रुसगी मासीन, “ता़ह छ्य़े-लुगी छ्य़ेला यहूदागी तेहन्‍दाला दि रोहवा प्री़हदी येहबा– ‘खोगी खाङबा तोङबा क्‍येरे डोज्‍यु, ओ़हला सुॱआङ माहतेहच्‍यु। ओहले खोला चि क्‍याहप्‍क्‍योगी ल़ेह लेहमेन मिहगीराङ लेहन्‍ज्‍यु!’”

ल़ेह-पेन 20:28

ता़हनी ख्‍याराङॱआङ जेम्‍बु पेहतोङ, ओहले नाम्‍पार-ताहक्‍पा थुगी ख्‍याला च्‍योल नाङग्‍योकी छो़बाया़लाॱआङ या़हबु पेहती त़ेदोङ। किन्‍ज्‍योगी छेन्‍छोकला या़हबु पेहती कोहरोवा जे नाङदोङ च्‍यिबेमाना चो़वो छ्येवा येशूगी ओ़ह मिहया़ला राहङदीराङ ठा़ स्‍याहल च्‍य़ू नाङदी ङ्योह नाङग्‍यो यिहन।

ल़ेह-पेन 9:13

ओहजेला हननियागी मासीन, “चो़वो छ्येवा, ओ़ह मिहगी यरूशलेमला राहङगी छार्क्‍यीनया़ला ज्‍यिबुराङ तुहक्‍पु तेरक्‍यो माएँ ताम ङाहगी मिह माहङबुराङ लाहमले थे़दी येह।”

रोमी 1:1

दि यिहगी ङाह पावलगी प्रुहक्‍यो यिहम्‍बा। ङाह मास्‍यीका येशूगी योक्‍पु यिहम्‍बा। मिहरोगीॱराङ ङाहला ल़ेह-पेन ज़ो़-नाङज्‍येला क़े क्‍याहप नाङसीन ओहले किन्‍ज्‍योकी या़हबु लेहङगु स्‍येच्‍येला खा फे़ नाङसीन।

रोमी 1:7

रोम क्‍याहसाला तेहकेन किन्‍ज्‍योगी च्‍याहम्‍बु ङ्येन्‍जेन-ङ्येहवाया़ थाम्‍ज्‍यीला ङाह दि यिहगी प्रुहएँॱराङ येहबा, किन्‍ज्‍योगी ख्‍या थाम्‍ज्‍यीला च्‍याहम्‍बा जेती मिहरोकी नाम्‍पार-ताहक्‍पा छार्क्‍यीन ज़ो नाङज्‍येला क़े क्‍याहप नाङदी येह, किन्‍ज्‍यो ओहराङगी याहप दाङ चो़वो येशू मास्‍यीकागी ख्‍या थाम्‍ज्‍यीला काटीन दाङ स्‍य़िहदे नाङज्‍यु।

१ कोरिन्‍थी 16:10

तिमोथी ख्‍यासाला ओहङगेमु खोला च्‍यि से़हदीॱआङ ज्‍यिक्‍पा मेहयोहङगे छ्याप्‍स्‍यी पेहती ख्‍याया़गी खोला तेहसा ग्‍या़ तेर्तोङ। च्‍यिबेमाना खोगीॱआङ ङाहगी ल़ेहमुराङ चो़वोगी छ्या़लेया़ पेहकेनॱराङ येहबा।

२ कोरिन्‍थी 1:1

किन्‍ज्‍योगी थु लाहमले मास्‍यीका येशूगी ल़ेह-पेन पावल दाङ ओहराङगी नो़ह तिमोथी लाहमले, कोरिन्‍थला येहकेन्‍गी किन्‍ज्‍योगी छेन्‍छोकला, ओहले अखैयाला येहकेन्‍गी थाम्‍ज्‍यी मास्‍यीकाकी पुह पोहमोया़ला दि यिहगी प्रुहएँॱराङ येहबा।

गलाती 1:10

ङाहगी मिहया़ला क़ेहनाङ लाहङ च्‍य़ूज्‍ये छोल्‍ग्‍यो यिहनॱराङ मिहन ङाहगीनी किन्‍ज्‍योकी थु गा काहसो डो च्‍य़ूज्‍ये छोल्‍ग्‍यो यिहम्‍बा। का़हलेॱआङ ङाहगी तोहरोङॱआङ मिहया़ला क़ेहनाङ लाहङ च्‍य़ूज्‍ये छोल्‍ग्‍यो यिहन्‍सीन मानानी ङाह मास्‍यीकाकी लाबु डोज्‍ये म़ेहबा येहकें।

गलाती 3:26

च्‍यिबेमाना तेहपा लाहमले ख्‍या थाम्‍ज्‍यी मास्‍यीका येशूला किन्‍ज्‍योकी छार्क्‍यीन यिहम्‍बा।

गलाती 3:28

ओ़ह सोङबे यहूदी मिह यिहॱना़ यिहन, लेहमेन क्‍यिहपागी मिह यिहॱना़ यिहन, योक्‍पु यिहॱना़ यिहन, सुज्‍यीदीॱआङ ओङ चो़ला ज्‍युल्‍दी माहतेहबाकी मिह यिहॱना़ यिहन, क्‍येप-ख्‍योवा यिहॱना़ यिहन, पी़हमी-पेहजा यिहॱना़ यिहन, येशू मास्‍यीकाला ख्‍या थाम्‍ज्‍यी च्‍यी़राङ यिहम्‍बा।

एफिसी 1:1

किन्‍ज्‍योगी थु लाहमले मास्‍यीका येशूगी ल़ेह-पेन ङाह पावल लाहमले, मास्‍यीका येशूला यिह छ्य़ेक्‍यो एफिससला येहकेन्‍गी नाम्‍पार-ताहक्‍पा मिहया़ला दि यिहगी प्रुहएँॱराङ येहबा।

एफिसी 1:15

ओ़ह सोङबे चो़वो येशू थो़ला येहकेन ख्‍याया़गी तेहपा दाङ मास्‍यीकाकी नाम्‍पार-ताहक्‍पा मिहया़ थो़ला येहकेन ख्‍याया़की चेवाकी तेहन्‍दाला ङाहगी थ़ेसीन।

एफिसी 6:24

ओहराङ चो़वो येशू मास्‍यीकाला नाहम्‍स्‍यी किन्‍दुॱराङ चेवा पेहकें मिह थाम्‍ज्‍यी ङ्याम्‍बु किन्‍ज्‍योगी काटीन ज़्‍य़ू नाङज्‍यु।

फिलिप्‍पी 2:19

चो़वो येशूकी थुला येहसीमाना ङाहला रेहवा येह, ङाह ग्‍यो़बाराङ तिमोथीला ख्‍यासाला ताङगेराङ येह। ओहले ख्‍याती लेहङगु ज्‍योर्केमु ङाहला ज्‍यिबुराङ क़ेहनाङ लाहङज्‍ये येह।

फिलिप्‍पी 2:5

ख्‍याया़गी सेम येशू मास्‍यीकाती ल़ेहमुराङ ओहङज्‍यु।

फिलिप्‍पी 3:12

ङाहगी दि से़हया़ तोहङलेराङ ज्‍योर सिहन्‍दी येह, ङाह तोहङलेराङ याहङ-ताहक्‍पा काहल सिहन्‍दी येह म़ेदीनी मिहम्‍बा, यिहॱनाङ ओ़ह से़हया़ला ज़ुङज्‍येकी तेहन्‍दाला ङाह तोहङदा-तोहङ स्‍युक पेहती छ्योङगेराङ येह ओ़ह से़हया़गी तेहन्‍दालाराङ मास्‍यीकागी ङाहला ज़ुङ नाङसीन।

फिलिप्‍पी 3:3

तेहन्‍दामकी स्‍या-ताक पेहकेनया़नी ओहराङया़ गा यिहम्‍बा च्‍यिबेमाना ओहराङ किन्‍ज्‍योला नाम्‍स्‍यी लाहमले छ्येपा फुल्‍गे ओहले मास्‍यीका येशूकी छेनला छ्य़ेन्‍दो तेन्‍गे। ओहले ज़ुबुला स्‍या-ताक पेहकें तामला ङ्यिह यिह मे़हछ्येएँ।

फिलिप्‍पी 3:8

तेहम्‍बाराङ माज्‍ये माना मास्‍यीका येशू ङाहती चो़वोला ङोह स्‍य़े ङ्युहङगेन मेलाम तादाङलानी ना थाम्‍ज्‍यीराङ से़हया़ ङाहगी स्‍यिती काम्‍बुलाराङ थोङसीन। मास्‍यीकाला ज्‍योर ख़ूज्‍यु म़ेदी मिहरोगी तेहन्‍दाला ङाहगी रेबेॱराङ से़हया़दी क्‍यी़ह खुर्ती येहबा, ओ़ह रेबेॱराङ से़हया़ ङाहगी तेहन्‍दाला ङ्योहक्‍तोङ यिहम्‍बा।

१ थेसलोनिकी 1:1

पावल, सिलास दाङ तिमोथी लाहमले किन्‍ज्‍यो याहप दाङ चो़वो येशू मास्‍यीकाकी थेसलोनिकीया़गी छेन्‍छोकला काटीन दाङ स्‍य़िहदे ओहङज्‍यु।

१ थेसलोनिकी 2:2

ख्‍या फ़ेबे-म़ेहमेॱया साला ओहङगे म़ेदी तोहङले फिलिप्‍पीकी मिहया़गी ङ्यिहला आब्रु तेन्‍दी ज्‍यिबुराङ तुहक्‍पु तेर्सीन। दि केच्‍याॱआङ ख्‍या फ़ेबे-म़ेहमेया़ला थुयी़राङ येह। मिहया़गी ङ्यिहला ज्‍यिबुराङ टाह पेहॱनाङ किन्‍ज्‍योगी लेहङगु या़हबु ख्‍या फ़ेबे-म़ेहमेया़ला स्‍येच्‍येला ङ्यिहला किन्‍ज्‍योगीॱराङ स्‍युक क्‍ये च्‍य़ू नाङसीन।

२ थेसलोनिकी 1:1

पावल, सिलास, दाङ तिमोथी लाहमले, किन्‍ज्‍यो ओहराङगी याहप दाङ चो़वो येशू मास्‍यीकाकी थेसलोनिकीया़की छेन्‍छोकला:

२ थेसलोनिकी 1:10

ओ़ह ङ्यिहमाला चो़वो येशूगी राहङगी नाम्‍पार-ताहक्‍पा मिहया़ लाहमले ज़िज्‍यिद नोम नाङज्‍ये येह ओहले यिह छ्य़ेगेया़ थाम्‍ज्‍यीलाराङ ह्‍अ ल़ेह च्‍य़ू नाङज्‍येला मिहरो फेप नाङज्‍ये येह ओहजेला राहङ फे़बे-मे़हमेया़ॱआङ ओ़हला ओहङज्‍ये येह, च्‍यिबेमाना ङ्यिहगी तामला ख्‍या फ़ेबे-म़ेहमेया़गी यिह-छ्य़े जे नाङसीन।

१ तिमोथी 1:2

यिह-छ्य़ेला ङाहगी तेहन्‍दामकी पुह तिमोथीला प्रुहएँॱराङ येहबा। किन्‍ज्‍यो याहप दाङ ओहराङगी चो़वो मास्‍यीका येशूगी ख्‍याया़ला काटीन, थुज्‍यी दाङ स्‍य़िहदे नाङज्‍यु।

१ तिमोथी 3:8

ओ़ह ल़ेहमुराङ पेहती डिकनया़ॱआङ च्‍याह-ठाक्‍पा ओहङ कोहकें, खुङ तेहन्‍दामकी तामया़ माएँदी ओहङ कोहकें, छ्याङसीवा ओहङज्‍ये मेहयोहङगे ओहले क्‍युहला लोपॱआङ पेहच्‍ये मेहयोहङगे।

तीतस 1:1

किन्‍ज्‍योकी योक्‍पु दाङ मास्‍यीका येशूकी ल़ेह-पेन ङाह पावल लाहमले दि यिहगी प्रुहएँॱराङ येहबा। ओहले किन्‍ज्‍योगी दाम नाङग्‍योकी मिहया़ला तेहपाला सान्‍दी ज़ोज्‍येला ओहले मिहरोगी थु-सेम जे नाङगेन मिहली ङ्याम्‍बु डी़गेन्‍गी तेहन्‍दामकी लाहम ङो़ले खुङया़ला ठिच्‍येला ङाहला कुल नाङसीन।

तीतस 1:7

छेन्‍छोककी गोबागी किन्‍ज्‍योकी छ्या़लेया़ ची़ लेहन्‍ग्‍यो ओहङगे। ओ़ह सोङबे खो च्‍यिॱआङ क्‍येन म़ेहबाकी मिह ओहङ कोहकें। ओहले खोगी छ्य़ेन्‍दो तेन्‍ज्‍ये मेहयोहङगे, ग्‍यो़बाराङ स्‍यिहताङ पेहच्‍ये मेहयोहङगे, छ्याङसीवा ओहङज्‍ये मेहयोहङगे, मिहया़ ङ्याम्‍बु ठ़ूस्‍यी सिहङदा पेहच्‍ये मेहयोहङगे ओहले क्‍युहला ह्‍अम्‍बा पेहच्‍ये मेहयोहङगे।

फिलेमोन 1:1

मास्‍यीका येशूकी तेहन्‍दाला चोन-खाङला छ्यिक्‍यो ङाह पावल दाङ ओहराङगी नो़ह तिमोथी लाहमले, ओहराङ ङ्याम्‍बुराङ ल़ेह पेहकेन च्‍याहम्‍बु रो़ह फिलेमोन

हिब्रू 13:23

ओहराङगी नो़ह तिमोथी चोन-खाङले थेन सिहन्‍दी येह म़ेदी ङाह ख्‍याया़ला लेहङगु तेर्को येह। का़हलेॱआङ खो ग्‍यो़बाराङ देला ओहङसीमाना ङाह ख्‍यासाला ओहङगेमु खोलाॱआङ ङ्याम्‍बुराङ ख्‍योङदी ओहङज्‍ये येह।

याकूब 1:1

किन्‍ज्‍यो दाङ चो़वो येशू मास्‍यीकाला स्‍याहप्‍तो स्‍युहएँगी स्‍याहप्‍च्‍यी ङाह याकूबगी दि यिहगी जाम्‍बुलीङगी माहङबु ग्‍या़ ग्‍या़ला फेतोर कोहतोर काहल्‍ग्‍यो इस्राएलगी छाङ च्‍यिङ्यी़ला प्रुहउ येहबा। ख्‍या थाम्‍ज्‍यीला ङाहती टास्‍यी-देले येहबा।

१ पत्रुस 2:25

च्‍यिबेमाना ख्‍या ल़ूहया़ ल़ेहमुराङ पेहती आला ख्‍याम्‍दी येहकें, यिहॱनाङ ता़ह ख्‍याया़गी नाम्‍स्‍यीला कोहरोवा जे नाङगे दाङ सुङ नाङगे साला ख्‍याया़ लो़ह ओहङदी येह।

२ पत्रुस 1:1

येशू मास्‍यीकाकी योक्‍पु दाङ ल़ेह-पेन सिमोन-पत्रुस लाहमले, ओहले ओहराङगी किन्‍ज्‍यो दाङ थार्पा नाङगेन येशू मास्‍यीकाकी टाहङदेन लाहमले ङ्यिहती ल़ेहमुराङ चा़ छ्यिम्‍बु तेहपा ज्‍योर्केनया़ला:

यहूदा 1:1

ङाह येशू मास्‍यीकाकी लाबु, याकूबकी नो़ह यहूदा लाहमले– पाहङज्‍येन क्‍याहप्‍क्‍योया़, पे यिहॱना़ किन्‍ज्‍यो याहपकी चेवा जे नाङग्‍योया़ दाङ येशू मास्‍यीकाकी जेम्‍बु जेती ज़्‍या़ नाङग्‍योया़ला दि यिहगी प्रुहएँॱराङ येहबा।

ज्‍याल्‍गा 1:1

दि छ्य़ेकी केच्‍या येशू मास्‍यीकागी तेन नाङग्‍यो यिहम्‍बा। राहङ स्‍याहप्‍च्‍यीया़गी ग्‍यो़बाराङ बाप ओहङज्‍ये पेहक्‍यो केच्‍याया़गी तेहन्‍दाला ङोह स्‍य़े ख़ूज्‍यु म़ेदी किन्‍ज्‍योगी येशूला दि ज्‍याल्‍गा नाङग्‍यो येहकें। येशूगी दि केच्‍या प्रा साल नाङज्‍येला स्‍यिहङगामकी स्‍याहप्‍च्‍यी च्‍यी़ला राहङला स्‍याहप्‍तो स्‍युएँगी यूहन्‍नासाला ताङ नाङसीन।

ज्‍याल्‍गा 1:20

ङाहगी योबा लाहक्‍पाला ख्‍येगी थोङग्‍यो दि कार्मा तिहन दाङ सेरकी छ्येकुङ तिहनकी तेहन्‍दादी दिराङ यिहम्‍बा: कार्मा तिहनदी छेन्‍छोक तिहनला चारा पेहकेन्‍गी स्‍यिहङगामकी स्‍याहप्‍च्‍यीया़ यिहम्‍बा ओहले सेरकी छ्येकुङ तिहनदी छेन्‍छोक तिहन यिहम्‍बा।”

ज्‍याल्‍गा 19:10

ओहले ओ़ह स्‍यिहङगामकी स्‍याहप्‍च्‍यीला छ्या़ छाल्‍ज्‍येला ङाह मिहरोगी स्‍याहपला खेप्‍चु क्‍याहप्‍सीन। यिहॱनाङ मिहरोगी ङाहला दि ल़ेहमु सुङ नाङसीन, ख्‍येगी ङाहला दि ल़ेहमु पेहच्‍ये मेहयोहङगे। ङाहॱआङ येशूगी तेहन्‍दाला पाङबु तेर्केन्‍गी ख्‍ये दाङ ख्‍येगी नो़हया़ ङ्याम्‍बु-ङ्याम्‍बुराङकी रो़ह दाङ योक्‍पुज्‍यीराङ यिहम्‍बा। किन्‍ज्‍योला छ्या़ छाल्‍दोङ! च्‍यिबेमाना चो़वो येशू मास्‍यीकागी तेन नाङग्‍यो तेहन्‍दामगीॱराङ लुहङतेम्‍बाया़ला स्‍युक क्‍ये च्‍य़ूएँ।

ज्‍याल्‍गा 2:12

“पर्गाममकी छेन्‍छोकला चारा पेहकेन स्‍यिहङगामकी स्‍याहप्‍च्‍यीला दि ताम प्री़हदोङ: ‘दि ताम लेहप ङ्यिकाराङ ङो़ले नुम्‍बु पादाङ येहकेंन्‍दीगी दि ल़ेहमु सुङ नाङगु दु।

ज्‍याल्‍गा 2:8

“स्‍मुर्नाकी छेन्‍छोकला चारा पेहकेन्‍की स्‍यिहङगामकी स्‍याहप्‍च्‍यीला दि ताम प्री़हदोङ: ‘दि ताम तोहङ यिहन्‍ज्‍युराङ ज़्‍य़ू नाङगेन दाङ नाहम्‍स्‍यी किन्‍दुॱराङ ज़्‍य़ू नाङगेन्‍दीगी सुङ नाङगु दु, मिहरो टोहङ नाङग्‍यो येहकें ओहले येहपाराङ सोम्‍बो ज़्‍याङ नाङसीन।

ज्‍याल्‍गा 22:9

यिहॱनाङ मिहरोगी ङाहला सुङ नाङसीन, “त़ेदोङ, ख्‍येगी ङाहला दि ल़ेहमु पेहच्‍ये मेहयोहङगे। ङाहनी ख्‍ये दाङ ख्‍येगी लुहङतेम्‍बा आदा-नो़हया़ ओहले दि छ्य़ेला प्रुहक्‍योगी सुङया़ ची़गेन मिहया़ ल़ेहमुराङ किन्‍ज्‍योगी स्‍याहप्‍च्‍यी च्‍यी़राङ यिहम्‍बा। किन्‍ज्‍योला छ्या़ छाल्‍सोङ।”