एफिसी 2:4 - ह्योल्‍मो

⁴ यिहॱनाङ थुज्‍यी ज़ी़ नाङज्‍येला छ्युक्‍पु ज़्‍य़ू नाङगे किन्‍ज्‍योगी राहङगी चेवा छ्यिम्‍बु लाहमले ओहराङला माहङबुराङ चेवा जे नाङसीन।

एफिसी 2:4 Iomraidhean Croise

लूका 1:78

च्‍यिबेमाना, ओहराङगी किन्‍ज्‍यो थुज्‍यी ज़ी़गे दाङ निङज्‍यी जेकेन्‍दी यिहम्‍बा, ओ़ह सोङगोराङ किन्‍ज्‍योगी थार्पागी येहसेर स्‍यिहङगामले ओहराङ साला ताङ नाङज्‍ये येह।

रोमी 10:12

च्‍यिबेमाना यहूदी दाङ लेहमेन क्‍यिहपाला च्‍यिॱआङ ख्‍येपार म़ेह। ओ़ह चो़वोॱराङ थाम्‍ज्‍यीगी चो़वो यिहम्‍बा, ओहले मिहरोला क्‍याप्‍केया़ला मिहरोगी बोलो-छ्योलो मेलाम नाङज्‍ये येह।

रोमी 2:4

किन्‍ज्‍योगी ख्‍येला माहङबुराङ थुज्‍यी ज़ी़ नाङसीन ओहले मिहरोगी ख्‍येला ना़स्‍यीङ छ्यिम्‍बु जेती माहङबुराङ कू़हदी ज़्‍य़ू नाङसीन ता़ह ख्‍ये च्‍यि किन्‍ज्‍योला क्‍युक्‍टो पेहकें? किन्‍ज्‍योकी थुज्‍यीगी तिहक्‍पा पाङ च्‍य़ूदी स्‍या़बा पेह च्‍य़ूगे माएँ ताम च्‍यि ख्‍येला क्‍यी़ह म़ेहबा?

रोमी 5:8

यिहॱनाङ किन्‍ज्‍योगी राहङगी चेवा ओहराङला दि ल़ेहमु जेती तेन नाङसीन, ओहराङ तिहक्‍च्‍येम्‍बा येहकेमुराङ मास्‍यीका ओहराङगी तेहन्‍दाला टोहङ नाङसीन।

रोमी 9:23

ज़िज्‍यिदकी तेहन्‍दाला तोहङलेराङ ठाबे जे नाङग्‍यो किन्‍ज्‍योगी थुज्‍यी ज़ी़ नाङग्‍योकी मिहया़ला राहङदी ज़िज्‍यिदकी क्‍युह तेन नाङज्‍येला मिहरोगी दि ल़ेहमु जे नाङसीन।

एफिसी 1:7

किन्‍ज्‍योगी काटीन था़ म़ेहबा येहकें सोङबे मास्‍यीकाकी ठा़ लाहमले ओहराङगी येशूला थार्पा ज्‍योर सिहन्‍दी येहबा ओहले ओहराङगी पेहक्‍यो तिहक्‍पाया़ थाम्‍ज्‍यीराङ ता़ह सिहन्‍दी येह।

एफिसी 2:7

किन्‍ज्‍योगी दि थाम्‍ज्‍यी जे नाङग्‍योकी तेहन्‍दादी ओहराङ मास्‍यीकाला यिह-छ्य़े पेहक्‍यो मिहया़ला थुज्‍यी ज़ी़ नाङदी मिहरोगी था़ म़ेहबा काटीनकी क्‍युह ओहङगेन ङ्यिहमाया़ला नाहम-मानागी तेहन्‍दाला तेन नाङज्‍येला यिहम्‍बा।

एफिसी 3:8

मास्‍यीकाकी नाम्‍पार-ताहक्‍पा मिहया़ नाहङला ङाह थाम्‍ज्‍यी म़ेदी फेनराङ मे़हथोएँ येहॱनाङ मिहकी नावागी ङोहॱराङ स्‍य़े मी़हखुएँ मिहरोकी क्‍युहकी या़हबु लेहङगु लेहमेन क्‍यिहपाकी मिहया़ला स्‍येकेन्‍गी काटीन किन्‍ज्‍योगी ङाहला नाङसीन।

२ थेसलोनिकी 2:13

चो़वोगी चेवा जे नाङग्‍योकी आदा-नो़ह दाङ आज्‍यी-नुहमुया़, राहङ फ़ेबे-म़ेहमेया़गी तेहन्‍दाला ङ्यिहगी नाहम माॱनाङ किन्‍ज्‍योला थुज्‍यी-छ्ये़ फुलॱराङ कोहएँ च्‍यिबेमाना तोहङ यिहन्‍ज्‍युराङ नाम्‍पार-ताहक्‍पा थुगी टाहङबु ज़ोएँगी ल़ेह लाहमले ओहले तेहन्‍दामकी स्‍याहल थो़ला तेहपा पेहती थार्च्‍येला किन्‍ज्‍योगी राहङ फ़ेबे-म़ेहमेया़ला दाम नाङसीन।

१ तिमोथी 1:14

किन्‍ज्‍योगी ङाहला ओहराङ चो़वोकी काटीन माहङबुराङ नाङग्‍यो सोङबे मास्‍यीका येशू लाहमले ङाहला तेहपा दाङ चेवा जे नाङसीन।

२ तिमोथी 1:9

किन्‍ज्‍योगी ओहराङला थार च्‍य़ू नाङसीन, ओहले नाम्‍पार-ताहक्‍पा मिहलीगी तेहन्‍दाला क़े क्‍याहप नाङसीन। ओहराङगी पेहक्‍योगी ल़ेहला ज़ी़दी मिहम्‍बा यिहॱनाङ किन्‍ज्‍यो राहङगी थु दाङ काटीन लाहमले जे नाङग्‍यो यिहम्‍बा। जाम्‍बुलीङ छ्या़गे म़ेदी तोहङलेराङ ओहराङला मास्‍यीका येशूगी दि काटीन नाङग्‍यो यिहम्‍बा।

१ पत्रुस 1:3

ओहराङ चो़वो येशू मास्‍यीकाकी याहप किन्‍ज्‍योला थुज्‍यी-छ्ये़। किन्‍ज्‍योगी थुज्‍यी लाहमले टोहङग्‍योलेगी येशू मास्‍यीकाला सोम्‍बो ज़्‍याङ च्‍य़ू नाङदी मिहरोगी ओहराङला मिहली साम्‍बा नाङसीन। ओ़ह सोङबे ओहराङ थाम्‍ज्‍यीगी सोम्‍बो रेहवा ज्‍योर्ती येह।