२ तिमोथी 4:8 - ह्योल्‍मो

⁸ ता़ह ङाहगी तेहन्‍दाला टाहङदेनकी पेस्‍यो ज़्‍या़ नाङदी येह, ओ़हदी टाहङबु-ठिम ताङ नाङगेन चो़वोगी ओ़ह ङ्यिहमाला ङाहला नाङज्‍ये येह, ओहले ङाहला च्‍यी़राङ मिहम्‍बा, यिहॱनाङ मिहरो फेप नाङगेन्‍गी लाहम ज्‍यिबुराङ सेम काहसो पेहती कू़हदे तेहकें थाम्‍ज्‍यीलाराङ नाङज्‍ये येह।

२ तिमोथी 4:8 Iomraidhean Croise

मत्ती 24:36

“ओ़ह ङ्यिहमा दाङ ती़हजी नाहम लेप्‍कें यिहम्‍बा म़ेदी ठीक-ठीक ङ्या़ह-ङ्या़ह पेहती सुॱलाङ क्‍यी़ह म़ेह, ओ़हनी स्‍यिहङगामगी स्‍याहप्‍च्‍यीया़ दाङ स़ेबुॱलाङ थुयी़ म़ेह, ओ़ह केच्‍यानी याहप्‍च्‍येन आबा च्‍यी़ला थुयी़ येहबा।

मत्ती 7:22

ओ़ह ङ्यिहमु मिह माहङबुगीराङ ङाहला दि ल़ेहमु माज्‍ये येह, ‘ओ़ चो़वो, ओ़ चो़वो च्‍यि ङ्यिहगी राहङगी छेनला किन्‍ज्‍योगी लेहङगु माहस्‍येपा ले? च्‍यि राहङगी छेन लेहन्‍दी ल्‍हेन्‍डीया़ माहङेपा ले? च्‍यि राहङगी छेनला ङ्यिहगी याहम्‍जेम्‍बा ल़ेहया़ माहबेबा ले?’ म़ेदी माज्‍ये येह।

लूका 10:12

ङाह ख्‍याला माएँ, किन्‍ज्‍योगी ठिम ताङ नाङगे ङ्यिहमाला सदोम क्‍याहसाकी मिहया़ला म़ेदीॱआङ ओ़ह क्‍याहसाकी मिहया़ला ङ्य़ेहबा छ्यिम्‍बु काल नाङज्‍ये येह!” म़ेदी येशूगी सुङ नाङसीन।

रोमी 2:5

यिहॱनाङ ख्‍याया़गी राहङगी सेम सान्‍दी पेहती स्‍या़बा माहन्‍डुपा सोङबे किन्‍ज्‍योकी थुयालकी ङ्यिहमाला ख्‍याया़ला जेन छ्यिम्‍बु ङ्य़ेहबा फो़ज्‍ये येह, ओहजेला किन्‍ज्‍योगी ठिम टाहङबु जेती ताङ नाङग्‍योदी मिह थाम्‍ज्‍यीगी थोङज्‍ये येह।

रोमी 8:23

किन्‍ज्‍योगी छ्या़ च्‍य़ू नाङग्‍योगी से़हया़ च्‍यी़राङ मिहम्‍बा, ओहराङ राहङॱआङ नाम्‍पार-ताहक्‍पा थुला तोहङस्‍यो सेदो यिहन्‍गे सोङबे, मिहरोगी राहङदीराङ पुह-पोहमो ज़ो नाङज्‍येला, पे यिहॱना़: ओहराङ ज़ुबुकी थार्पाकी तेहन्‍दाला कू़हदी ओहराङ राहङॱआङ नाहङदा-नाहङॱराङ बोल तेहती येहबा।

१ कोरिन्‍थी 2:9

यिहॱनाङ छ्य़ेला दि ल़ेहमु प्री़हदी येहबा, “मी़गी माहथोङबा, नाम्‍ज्‍योगी मा़हथेबा ओहले मिहगी सेमला मा़हनेबाकी तामया़ॱराङ किन्‍ज्‍योगी मिहरोला चेवा जे नाङगेया़गी तेहन्‍दाला ठाबे जे-नाङदी येहबा।”

१ कोरिन्‍थी 3:13

मिह थाम्‍ज्‍यीकी या़हबु चोक्‍पा ल़ेहया़ किन्‍ज्‍योगी ठिम ताङ नाङगे ङ्यिहमाला ङ्याहम च्‍ये नाङज्‍ये येह च्‍यिबेमाना ओ़ह ङ्यिहमाला खुङया़गी पेहक्‍योकी ल़ेह काह-ठि दुबा म़ेदी मेहला लू़दे ज़ी़ नाङज्‍ये येह।

१ कोरिन्‍थी 9:25

चेमु चाज्‍येला बो लेहन्‍गे मिहया़गी ज्‍यिबुराङ तुहक्‍पु पेहती च्‍याहङदार पेहकें। खुङया़गी ओ़ह तोङदी डोएँगी च्‍याहगा ज्‍योर्च्‍येला ओ़हठी पेहकें, यिहॱनाङ ओहराङदी नाहमॱआङ मेहतोङगे च्‍याहगा ज्‍योर्च्‍येला दिठी पेहकें।

२ कोरिन्‍थी 5:2

देला ताहन्‍दा ओहराङ ज्‍यिबुराङ छाबा-छुबे पेहकें, ओहले स्‍यिहङगामला येहकेन्‍गी ज़ुबुला ओहराङगी काप्‍च्‍या ल़ेहमुराङ पेहती केहन्‍ज्‍येला ओहराङ सेम्‍बा पेहकें।

फिलिप्‍पी 3:11

ला़ खासीमाना स्‍यिक्‍योया़लेगी ङाह सोम्‍बो लाहङ ख़ूज्‍यु।

कलस्‍सी 1:5

ख्‍याया़गी तेहन्‍दाला स्‍यिहङगामला या़हबु पेहती ज़्‍या़क्‍यो रेहवागी पेहती ख्‍यागी दि ल़ेहमु यिह-छ्य़े दाङ चेवा पेहक्‍यो यिहम्‍बा। दिगी तेहन्‍दाला ख्‍याया़गी तोहङलेराङ तेहन्‍दामकी सुङ पे यिहॱनाङ या़हबु लेहङगु थ़े सिहन्‍दी येह।

१ थेसलोनिकी 1:10

ओहले स्‍यिहङगामले माहर फेप नाङज्‍ये येह म़ेदी लाहम क़ूह तेहकेन किन्‍ज्‍योगी स़ेबुला किन्‍ज्‍योगीॱराङ टोङग्‍यो ग्‍या़लेगी सोम्‍बो ज़्‍याङ च्‍य़ू नाङसीन। ओ़ह स़ेबुराङ येशू यिहम्‍बा, ओहले ताहन्‍दा राहङया़गी क़ूह तेहक्‍योदीॱआङ मिह-रो़हलाॱराङ यिहम्‍बा। ओहले ओहराङ थो़ला ओहङज्‍ये पेहक्‍योगी किन्‍ज्‍योकी थुयाल ङो़ले थार च्‍य़ू नाङगेन्‍दीॱआङ मिह-रो़हराङ यिहम्‍बा।

१ थेसलोनिकी 5:4

यिहॱनाङ आदा-नो़ह दाङ आज्‍यी-नुहमुया़, ख्‍या फ़ेबे-म़ेहमेॱया ना़-जुबेला म़ेह। ओ़ह सोङबे ओ़ह ङ्यिहमागी ख्‍या फ़ेबे-म़ेहमेया़ला कुमेनगी ल़ेहमुराङ ह्‍अ ल़ेह च्‍य़ूज्‍ये म़ेह।

२ थेसलोनिकी 2:8

ओ़ह तिङले तिहक्‍पागी मिह थेन ओहङज्‍ये येह, ओहले खोला चो़वो येशूगी राहङगी स्‍याहलकी उगी तोङ च्‍य़ू नाङज्‍ये येह, मिहरो फेप नाङगेन क्‍या-साङे येहसेरगी खोला तोङ च्‍य़ू नाङज्‍ये येह।

१ तिमोथी 6:19

दि ल़ेहमु पेहती राहङगी तिङमा ओहङगेन्‍गी मिहलीकी तेहन्‍दाला या़हबु ब्राम तिङदी क्‍युह-नोहर सी़दे ज़्‍या़ ख़ूज्‍यु। ओहले खुङया़गी तेहन्‍दामकी मिहली ज़ुङदी ज़्‍या़ ख़ूज्‍ये येह।

२ तिमोथी 1:10

ओ़ह काटीन ता़ह ओहराङला थार्पा नाङगेन मास्‍यीका येशू फेप्‍तीलेॱआङ तेन नाङ सिहन्‍दी येह। मिहरोगी स्‍यिएँगी ओङला तोङ च्‍य़ू नाङदी मिहली दाङ नाहमॱआङ मे़ह-तोङगेन्‍दीला या़हबु लेहङगु लाहमले तेन नाङसीन।

२ तिमोथी 1:12

ओ़ह सोङबे ङाह दि से़हया़ला तुहक्‍पु खुर्केॱराङ येहबा। यिहॱनाङ ङाहला दिगी तेहन्‍दाला च्‍यिॱआङ ङोहजा मेहयोहङगे च्‍यिबेमाना ङाहगी सु थो़ला म़ेहबा पेहक्‍यो येहबा ओ़ह ङाहला या़हबु पेहती क्‍यी़ह येहबा। किन्‍ज्‍योगी ङाहला चि क्‍याहप नाङग्‍योकी से़हया़ मिहरोगीॱराङ ओ़ह ङ्यिहमा थु सी़दे ज़्‍या़ नाङज्‍ये येह। दि तामला ङाह म़ेहबा पेहकें।

२ तिमोथी 1:18

चो़वोकी ओ़ह ङ्यिहमाला खोला थुज्‍यी ज़ी़-नाङज्‍यु। ख्‍येला या़हबु पेहती क्‍यी़हराङ येह, एफिससला खोगी राहङगी निङ थाक्‍पा यिहन्‍ज्‍युराङ ङाहला स्‍याहप्‍तो स्‍युहक्‍यो येहकें।

२ तिमोथी 2:5

चेमु चेएँ ग्‍या़ला ठिमला ते़बेकी चेमु मे़हचेसीमाना का़हन्‍दीॱआङ चेमु चेएँ मिहगी च्‍याहगा ज्‍योर मी़हखुएँ।

२ तिमोथी 4:1

स्‍यिक्‍यो दाङ सोम्‍बो मिह थाम्‍ज्‍यीला ठिम ताङ नाङगेन मास्‍यीका येशू दाङ किन्‍ज्‍योगी दिनला ङाह ख्‍येला स्‍युक पेहती माएँ। मास्‍यीका येशू फेप नाङदी ओङ छ्य़े नाङगे सोङबे

तीतस 2:13

ङ्यिहगी सोनाम-साक्‍पुकी रेहवा– ओहराङगी थाम्‍ज्‍यी म़ेदी चा़ छ्यिम्‍बु किन्‍ज्‍यो दाङ ओहराङला थार्पा नाङगेन येशू मास्‍यीका राहङगी ज़िज्‍यिद छ्यिम्‍बुला फेप नाङगेन्‍गी ङ्यिहमाला ङ्यिह क़ूह तेहको येहबा।

हिब्रू 12:11

किन्‍ज्‍योगी ओहराङला च्‍युर नाङगेमु ओ़ह ती़हजीला क्‍यिपु म़ेदी माहङबु तुहक्‍पु ओहङगे। यिहॱनाङ ओहराङ टिहला तेहती च्‍याहङदार पेह सिहन्‍ग्‍योया़गी तेहन्‍दाला ओ़हगी तिङले टाहङदेनकी स्‍य़िहदे ओहङ च्‍य़ूएँगी सेदो या़ह च्‍य़ूगे।

हिब्रू 9:28

ओ़हठीॱराङ पेहती मिह माहङबुगी तिहक्‍पाया़ खुर नाङज्‍येला मास्‍यीकागी लेहमा च्‍यी़ राहङगी राहङला मार्च्‍ये फुल नाङसीन। ओहले मास्‍यीका येहपाराङॱआङ लेहमा च्‍यी़ फेप नाङज्‍ये येह। ओहजे काहङला मिहया़गी तिहक्‍पाया़ ता़ह च्‍य़ू नाङज्‍येला मिहम्‍बा यिहॱनाङ सेम काहसो पेहती मिहरो फेप नाङगेन्‍गी फेप-लाहम कू़हदी तेहकेनया़ला थार्पा नाङज्‍येला फेप नाङज्‍ये येह।

याकूब 1:12

तुहक्‍पु-काहबुगी ती़हजीलाॱआङ ना़दे थिर पेहती तेहकें मिह काहजे सोनाम-साक्‍पु। च्‍यिबेमाना किन्‍ज्‍योगी मिहरोला चेवा पेहकेनया़ला मिहलीगी च्‍याहगा तेर्के सुङदे ताहम्‍ज्‍या ज़्‍या़ नाङदी येह। ओ़ह च्‍याहगादी सु, तुहक्‍पुगी ती़हजीलाॱआङ थिर पेहती तेह ख़ूएँ खोगी ज्‍योर्च्‍ये येह।

१ पत्रुस 1:4

स्‍यिहङगामला ख्‍याया़गी तेहन्‍दाला सी़दे ज़्‍या़क्‍योगी फास्‍यी नाहमॱआङ तोङदी डोज्‍ये म़ेह, नाहमॱआङ नोङज्‍ये म़ेह ओहले नाहमॱआङ तोर्च्‍ये म़ेह।

१ पत्रुस 5:4

ओहले ल़ूहकी ताहक्‍पु ङोहदोराङ थेन फेप्‍केमु ख्‍याया़गी नाहमॱआङ याहल्‍दी मेहन्‍डोएँगी ज़िज्‍यिदकी पेस्‍यो ज्‍योर्च्‍ये येह।

ज्‍याल्‍गा 1:7

त़ेदोङ, मिहरो मुक्‍पाला फेप नाङगेराङ येह, ओहले मिह थाम्‍ज्‍यीगी मिहरोला थोङज्‍ये येह ओहले मिहरोला दुङगी चो़क्‍योया़गीॱआङ थोङज्‍ये येह। थाम्‍ज्‍यी मी़गी मिहरोला थोङज्‍ये येह। ओहले जाम्‍बुलीङकी थाम्‍ज्‍यी क्‍यिहपाया़गी मिहरोगी तेहन्‍दाला ङ्याहङेन पेहच्‍ये येह। दि ल़ेहमुराङ ओहङज्‍यु। आमेन।

ज्‍याल्‍गा 19:11

ओहले ङाहगी स्‍यिहङगाम खा फे़क्‍यो थोङसीन ओहले ओ़हला ताबु कार्पु च्‍यी़ थोङसीन। ओ़ह ताबु खाला स्‍येहन नाङग्‍योगी छेनदी “यिह-छ्य़ेबु दाङ तेहन्‍दाम” दुबा। मिहरोगी टाहङदेनला ठिम दाङ मा़ क्‍याहप नाङगे।

ज्‍याल्‍गा 2:10

ता़ह ख्‍या थो़ला तुहक्‍पु बाप ओहङज्‍ये पेहती येह ओ़ह यिहन्‍ज्‍यु मा़हन्‍ज्‍यी। ती़ह गो-छ्येवागी ख्‍या नाहङला लाहलाला ङ्याहम च्‍येच्‍ये म़ेदी चोन-खाङला लू़ज्‍ये पेहती येह, ओहले ख्‍याला ङ्यिहमा च्‍यु थु च्‍यी़राङ तुहक्‍पु ओहङज्‍ये येह। स्‍यि कोहॱनाङ ङाहलेगी तेहपा मा़हलोह, ओहले क्‍याहल्‍दी ज्‍योर्केन्‍की च्‍याहगा था़ म़ेहबा मिहली ज़ाङबु ङाह ख्‍येला तेर्के।

ज्‍याल्‍गा 22:20

दि तामगी पाङबु नाङगेन्‍दीगी सुङ नाङगु दु, “तेहम्‍बाराङ, ङाह ओहङगेॱराङ येह।” आमेन, फेप नाङदोङ, ओ़ चो़वो येशू।

ज्‍याल्‍गा 4:10

ओहले खुङया़गी छ्ये़-लु लेहन्‍गेनॱराङ पेहकेमु नाहम्‍स्‍यी किन्‍दु सोम्‍बो दाङ ज़्‍य़ू-ठिला ज़्‍य़ू नाङगेन्‍दीगी दिनला ओ़ह ङ्यिहस्‍यु िज्‍़य छ्य़े-ठिमकी लोबेनया़ खेप्‍चु क्‍याहप्‍ती छ्या़ छाल्‍सीन ओहले खुङया़गी राहङ-राहङगी पेस्‍यो ज़्‍य़ू-ठिकी दिनला ज़्‍या़दी दि ल़ेहमु मासीन,

ज्‍याल्‍गा 4:4

ओ़ह ज़्‍य़ू-ठिकी कोर-क्‍यिहले लेहमेन ङ्यिहस्‍यु िज्‍़य ज्‍यू़-ठिया़ येहकें, ओहले ओ़ह ज्‍यू़-ठिया़ला सेरकी पेस्‍यो दाङ नाहम्‍सा कार्पु नोम्‍ग्‍यो ङ्यिहस्‍यु िज्‍़य छ्य़े-ठिमकी लोबेनया़ ज़्‍य़ू नाङग्‍यो ङाहगी थोङसीन।