२ तिमोथी 4:7 - ह्योल्‍मो

⁷ ङाहगी मा़ या़हबु क्‍याहप सिहन्‍दी येह। ङाहगी छ्योङ कोहएँकी ल़ेह सिहन्‍दा च्‍ये सिहन्‍दी येह ओहले ङाहगी यिह-छ्य़ेला सी़दे ज़्‍या़दी येह।

२ तिमोथी 4:7 Iomraidhean Croise

लूका 11:28

दि ताम सेन्‍दी येशूगी, “किन्‍ज्‍योगी सुङदेन ङ्यिहन्‍दी ची़गेनया़ गा सोनाम-साक्‍पु यिहम्‍बा!” म़ेदी सुङ नाङसीन।

लूका 8:15

ओहले या़हबु साला लेप्‍क्‍योगी सेनगी तेहन्‍दादी च्‍यि यिहम्‍बा मासीमाना, लाहलागी किन्‍ज्‍योगी सुङदेन ङ्यिहन्‍दी सेमला ज़्‍या़एँ, ओहले सुङदेनगी सुङग्‍यो ल़ेहमुराङ ल़ेहया़ पेहकें ओहले ती़हजी लेप्‍केमु माहङबु म़ेदी माहङबु सेदो या़हगे” म़ेदी येशूगी स्‍याहप्‍च्‍यीया़ला ह्‍अ कोह च्‍य़ू नाङसीन।

यूहन्‍ना 17:6

जाम्‍बुलीङलेगी राहङगी ङाहला नाङग्‍यो मिहया़ला ङाहगी राहङला ङोह स्‍य़े च्‍य़ूदी येह। खुङया़ राहङदी यिहन्‍गे, ओहले राहङगी खुङया़ ङाहला नाङसीन, ओहले खुङया़गी राहङगी सुङदेन ङ्यिहन्‍दी येह।

यूहन्‍ना 4:34

ओहले येशूगी खुङया़ला सुङ नाङसीन, “ङाहला ताङ नाङगेन याहपकी का दाङ मिहरोगी छ्या़ले छाङबु पेहकेन्‍दीराङ ङाहती साहप्‍च्‍या यिहम्‍बा।

ल़ेह-पेन 13:25

राहङगी ल़ेह सिहन्‍दा च्‍येच्‍ये पेहकें ती़हजीला यूहन्‍नागी मासीन, ‘ख्‍यागी ङाहला सु यिहम्‍बा ने़उ दुबा? ङाहनी ख्‍याया़गी कू़हदी तेहक्‍योगी मिह मिहन। ङाह तिङले मेहन्‍दा च्‍यी़ फेप नाङज्‍ये येह, ङाहनी मिहरोगी स्‍याहपगी लेकाम स्‍युज्‍येॱलाङ सी़हज्‍ये म़ेह।’

ल़ेह-पेन 20:24

यिहॱनाङ, ङाहगी मिहली ङाहगी तेहन्‍दालानी च्‍यिॱआङ फेन थो़ज्‍ये म़ेह। ङाहला देजे च्‍यी़राङ सेम्‍बा येहबा, किन्‍ज्‍योगी मिहया़ला काटीन जे-नाङदी येहबा माएँ या़हबु लेहङगुगी तामया़ मिहया़ला स्‍य़े ख़ूज्‍यु म़ेदी ओ़ह छ्या़लेया़ तेहन्‍दा डुप च्‍य़ूज्‍येला चो़वो येशूगीराङ ङाहला कुल नाङग्‍यो यिहम्‍बा।

गलाती 2:2

किन्‍ज्‍योगी ङाहला ज्‍याल्‍गा नाङग्‍यो सोङबे ङाह यरूशलेमला काहल्‍सीन, ओहले ङाहगी ओ़ह ग्‍या़गी गोबाया़ला च्‍यी़राङ खाजुम्‍बाला क़े क्‍याहप्‍ती ङाहगी लेहमेन क्‍यिहपाकी मिहया़ला स्‍ये़क्‍योकी या़हबु लेहङगुॱराङ या़हबु पेहती प्रा साल्‍सीन। च्‍यिबेमाना ङाहगी पेह सिहन्‍ग्‍यो दाङ पेह तेहक्‍योकी ल़ेहया़ स्‍यिती काम्‍बुला थोरो डोनी म़ेदी ङाहला ज्‍यी़सु येहकें ओ़ह सोङबे ङाहगी ओ़ह ल़ेहमु पेहक्‍यो यिहम्‍बा।

फिलिप्‍पी 1:30

काहल्‍ग्‍यो ङ्यिहमाया़ला ङाहगी तुहक्‍पु पेहक्‍यो ख्‍याया़गी थोङदी येह ओहले ताहन्‍दाॱआङ तुहक्‍पु पेहकेनॱराङ येह म़ेदी ख्‍याया़गी थे़दी येह ता़ह ख्‍याया़गीॱआङ दि तुहक्‍पुराङ खुर्केॱराङ येह।

१ तिमोथी 1:18

त़ेदोङ, ङाहगी पुह तिमोथी, माहङबुराङ तोहङले ख्‍येगी तेहन्‍दाला किन्‍ज्‍यो ङो़ले सुङ नाङग्‍योकी स्‍याहलला ल़ेहमु पेहती ख्‍येला दि ल़ेहया़ चि क्‍याहप्‍केराङ येहबा। ख्‍येगी मा़ या़हबु क्‍याहप्‍तोङ।

१ तिमोथी 6:12

यिह-छ्य़ेकी या़हस्‍यो मा़ क्‍याहप्‍तोङ। था़ म़ेहबाकी मिहली ज़ुङदी ज़्‍या़दोङ। दिगी तेहन्‍दालाराङ ख्‍येला क़े क्‍याहप नाङग्‍यो येहकें, ख्‍येगी माहङबुराङ पाङबु तेर्के मिहया़गी दिनला राहङगी यिह-छ्य़ेकी तेहन्‍दाला तेहन्‍दामकी पाङबु तेरक्‍यो येहकें।

१ तिमोथी 6:20

तिमोथी, ख्‍येला चि क्‍याहप्‍क्‍योगी तामया़ या़हबु पेहती ज़्‍यो़। उल्‍दुम्‍बा तामया़ दाङ फेन मे़हथोएँगी तामया़ला ताहक्‍स्‍यार पेहकेन्‍गी तामया़ ओ़ह माहताहक्‍पाकी येहन्‍देनया़ यिहम्‍बा ओ़ह ङो़ले ख्‍ये था़-रिहङबुराङ तेह।

२ तिमोथी 1:14

ख्‍येला चि क्‍याहप्‍क्‍योगी तेहन्‍दामकी तामया़ ओहराङ नाहङला ज़्‍य़ू नाङगेन नाम्‍पार-ताहक्‍पा थु लाहमले सी़दे ज़्‍या़दोङ।

२ तिमोथी 3:10

ता़हनी ख्‍येगी ङाहगी लुहङ, ङाहगी डोलु-तेहलु, ङाहगी मिहलीकी सेम्‍बाया़, ङाहगी यिह-छ्य़े, ङाहगी ना़स्‍यीङ छ्यिम्‍बु, ङाहगी चेवा, ङाह सेम थिर पेहती तेहक्‍यो थोङदी येह।

ज्‍याल्‍गा 3:10

ख्‍येगी ना़स्‍यीङ छ्यिम्‍बु पेहती ङाहगी काया़ ची़क्‍यो सोङबे, ता़ह थाम्‍ज्‍यी क्‍यिहपाया़ला ङ्याहम च्‍येच्‍येला दि जाम्‍बुलीङ थो़ला बाप ओहङज्‍ये पेहक्‍यो तुहक्‍पुलेगी ङाह ख्‍येला थार च्‍य़ूज्‍ये येह।

ज्‍याल्‍गा 3:8

ङाहला ख्‍येगी ल़ेहया़ क्‍यी़ह येह। त़ेदोङ, ङाहगी ख्‍येगी दिनला कोह खा फे़ ज़्‍या़दी येह, ओ़हदी सुज्‍यीगीॱआङ क्‍याहप ख़ूज्‍ये म़ेह। ओहले ख्‍ये ङ्याम्‍बु स्‍युक ङ्ये़हमु येहॱनाङ ख्‍येगी ङाहगी थाम्‍ज्‍यी काया़ ची़दे येह, ओहले ङाहगी मिहन मा-लोक पेहती म़ेह।

ज्‍याल्‍गा 6:11

खुङ ऱेह-ऱेहला काप्‍च्‍या कार्पु च्‍यी़ नाङसीन, ओहले खुङया़ला दि ल़ेहमु सुङ नाङसीन, “ख्‍या ङ्याम्‍बुराङ ल़ेह पेहकेन्‍गी ख्‍यागी रो़ह दाङ नो़हया़ला ख्‍याया़ला ल़ेहमुराङ पेहती माहसे थु ख्‍या तोहरोङॱआङ तोबा थु थाङ से़दोङ।”