२ तिमोथी 3:6 - ह्योल्‍मो

⁶ च्‍यिबेमाना खुङया़ नाहङला लाहला खाङबा-खाङबाला स्‍य़ूहदी तिहक्‍पाला छ्यिक्‍यो दाङ तिहक्‍पागी ल़ेह पेहच्‍येला सेम्‍बा पेहकेन्‍गी मा-फाम्‍बु पी़हमी-पेहजाया़ला राहङगी ओङ चो़ला ज़्‍या़ज्‍ये येह।

२ तिमोथी 3:6 Iomraidhean Croise

मत्ती 11:28

ए तुहक्‍पु दाङ तुहङालगी पेहती थाङ छ्येक्‍योया़, ङाहसाला स्‍यो, ङाह ख्‍याया़ला थाङ सो च्‍य़ूएँ।

मत्ती 23:13

“ए यिहन्‍दो तेन्‍गे छ्य़े-ठिमकी लोबेनया़ दाङ फरिसीया़! ख्‍याया़ला काहजे छा़ तुहवा! ख्‍याया़गी स्‍यिहङगामगी क्‍याहल्‍सीगी कोहला कोहल्‍ज्‍या क्‍याहप्‍ती येह। ओहले ख्‍याया़ राहङॱआङ नाहङला मी़हस्‍युहएँ ओहले नाहङला स्‍य़ूहज्‍ये छोल्‍गेनया़ॱलाङ स्‍य़ूह मी़हच्‍युएँ।”

मत्ती 23:14

[“ए यिहन्‍दो तेन्‍गे छ्य़े-ठिमकी लोबेनया़ दाङ फरिसीया़! ख्‍याया़ काहजे छा़ तुहवा! ख्‍याया़गी ह्‍युग्‍मोया़गी खाङबा स्‍यिहङया़ फ्रो़गे ओहले मिहया़ला तेन्‍ज्‍येला रिहङबु-रिहङबु सोल्‍वाङ ताप्‍के। ओ़ह सोङबे किन्‍ज्‍योगी ख्‍याया़ला ज्‍यिबुराङ छ्यिम्‍बु ङ्य़ेहबा काल नाङज्‍ये येह।”]

मत्ती 4:24

ओ़ह सोङबे गालील साने़की पोहला येहकेन्‍गी सिरिया क्‍याहल-खाप काहङ्येॱराङ येशूगी जे नाङग्‍योकी जेबापया़गी तेहन्‍दाला ख्‍येप्‍टा काहल्‍सीन। मिहया़गी यिहन्‍जे मिहन्‍जे नाहजाया़ दाङ क्‍येन क्‍याहप्‍क्‍यो नेहपाया़ला येशूसाला ख्‍योङसीन। खुङया़ नाहङला रेहरेला ल्‍हेन्‍डी स्‍युहक्‍यो येहकें, रेहरेला ज़ा नाहजा क्‍याहप्‍क्‍यो येहकें ओहले रेहरे ओङबु स्‍योरक्‍योगी मिहया़ येहकें। येशूगी थाम्‍ज्‍यीलाराङ टा़ह च्‍य़ू नाङसीन।

मर्कूस 4:19

यिहॱनाङ दि जाम्‍बुलीङगी तुहङाल, क्‍युह-नोहरगी चेवा ओहले ओ़ह ल़ेहमुराङ से़हया़ला सेम ग्‍युर्ती ओ़ह सुङदेन तोर्ती डोएँ ओहले बुदी च्‍यिॱआङ मे़हयाहएँ।

१ कोरिन्‍थी 12:2

ख्‍याया़ला क्‍यी़हराङ येह, चो़वोला यिह मे़हछ्य़ेएँमु ख्‍याया़ च्‍या च्‍यी़ले ताम माॱराङ मी़हखुएँगी कुया़ ङो़ले सेम ग्‍युरक्‍यो येहकें।

१ तिमोथी 5:6

यिहॱनाङ का़हलेॱआङ ह्‍युग्‍मोगी राहङगी मिहजी ङ्याहमसाङ-खाम्‍साङ च्‍यी़राङ पेहती ताङसीमाना मोह सोम्‍बो यिहॱनाङ स्‍यिक्‍यो ल़ेहमुराङ यिहम्‍बा।

१ तिमोथी 6:9

यिहॱनाङ छ्युक्‍पु डोज्‍ये छोल्‍गे मिहया़ ङ्याहम्‍छेला छ्यिकें, मिताला छ्यिकें ओहले माहङबुराङ तेहन्‍दा म़ेहबा दाङ राहङला ने़-क्‍याल्‍गेन्‍गी सेम्‍बाया़ला नोम्‍साङ ताङगे, ओ़ह ल़ेहमु केच्‍याया़गी मिहया़ला नोङगेन ओहले तोङ च्‍य़ूगे।

तीतस 1:11

खुङगी खाला खास्‍यो माहक्‍याहप्‍पा मेहयोहङगे, च्‍यिबे मासीमाना खुङया़गीनी लोप्‍च्‍येराङ मे़हयोहङगेन्‍गी तामया़ लोप्‍ती खाङबा मे़हमेया़ थाम्‍ज्‍यीला ठू़ च्‍य़ूदी येह। टाङगा ज़ो़ज्‍येगी तेहन्‍दाला च्‍यी़राङ खुङया़गी दि ल़ेहमु पेहक्‍यो यिहम्‍बा।

तीतस 3:3

च्‍यिबेमाना तोहङले ओहराङॱआङ उल्‍दुम्‍बा येहकें, माक्‍यो ताम मिहङ्यीहन्‍गेनदी येहकें, आला ख्‍याम्‍दी येहकें, नामे नाजोकी डे़छ्या दाङ ङ्याहम्‍साङ खाम्‍साङकी योक्‍पु काहल्‍दी येहकें, मिहला सेम चोक्‍पा च्‍याङदी ठादो पेहती राहङगी मिहजी ताङगो येहकें, मिहया़गी ओहराङला ङ्येन्‍ज्‍येन पेहको येहकें ओहले ओहराङगीॱआङ मिहया़ला ङ्येन्‍ज्‍येनॱराङ पेहको येहकें।

२ पत्रुस 2:18

खुङ छ्य़ेन्‍दो छ्यिम्‍बु तेन्‍दी फेन मे़हथोएँगी तामया़ माएँ, ओहले थेरेरे चोक्‍पा लाहमले स्‍योर्ती ओहङग्‍यो मिहया़ला ज़ुबुकी खाम्‍साङबुकी तेहन्‍दाला पे मी़हसीहएँगी ल़ेहया़ तेन्‍दी छ्यि च्‍य़ूगे।

२ पत्रुस 3:17

ओ़ह सोङबे ए च्‍याहम्‍बु रो़हया़, तोहङलेराङ दि तामया़ ङोह स्‍य़ेदी जेम्‍बु पेहती तेह, ओ़ह ल़ेहमु पेहती तेहसीन माना मिह ङ्येहम्‍बाया़गी गो़ ली ख़ूज्‍ये म़ेह ओहले ख्‍या सान्‍दी पेहती दोम्‍बा पा़क्‍योगी ग्‍या़ले रिहल्‍ज्‍ये म़ेह।

यहूदा 1:16

मुहर-मुहर म़ेदी तेहकेनया़, नाहमॱआङ सेन्‍दोग मेहयोहङगेया़, राहङगी सेमला ने़जेबा पेहती डोएँया़, छ्य़ेन्‍दो तेन्‍दी ताम माएँया़ ओहले राहङला खेप्‍साङ ओहङज्‍येगी तेहन्‍दाला लेहमेन मिहया़ ङ्याम्‍बु ज्‍याप्‍ला तेन्‍गेया़ दि मिहया़राङ यिहम्‍बा।

यहूदा 1:18

“तिङमा ती़हजीया़ला स्‍या़ क्‍याहप्‍केया़ ओहङज्‍ये येह। खुङगी किन्‍ज्‍योला ची़ज्‍ये म़ेह ओहले राहङगी सेमला ने़जेबा पेहती डोज्‍ये येह” म़ेदी खुङया़गी माक्‍यो येहकें।

यहूदा 1:4

च्‍यिबेमाना माहङबुराङ तोहङले ङ्य़ेहबा फो़ज्‍ये सी़ह सिहन्‍ग्‍योकी लाहला मिहया़ खाजुम्‍बाला ख्‍या फे़बे मे़हमेया़की पाहरक्‍यीला स्‍युहसीहन्‍दी येह। खुङ किन्‍ज्‍योला मेहक्‍याप्‍केन्‍गी मिहया़ यिहम्‍बा, खुङगी ओहराङकी किन्‍ज्‍योकी काटीनला ल़ेह ङ्येहम्‍बा पेहकेन्‍गी छेन्‍ज्‍याया़ जे़दी येह ओहले ओहराङगी च्‍यिमी च्‍यी़राङ ताहक्‍पु दाङ चो़वो, येशू मास्‍यीकाला मा-लोक पेहकें।