२ तिमोथी 3:5 - ह्योल्‍मो

⁵ खुङया़गी छ्य़ेसेम पेहचेनज्‍यी तेन्‍गे यिहॱनाङ ओ़हगी ओङया़लादी मा-लोक पेहकें। ओ़ह ल़ेहमु मिहया़ ङो़ले था़-रिहङबुराङ तेहतोङ।

२ तिमोथी 3:5 Iomraidhean Croise

मत्ती 7:15

“चिहन क्‍याहप्‍के लुहङतेम्‍बाया़ ङ्याम्‍बु जेम्‍दे तेहतोङ। खुङ फि ङो़ले ल़ूह जे़दी ओहङगे, यिहॱनाङ नाहङलादी ज्‍यी़ज्‍ये ल़ेहमु फारा ल़ेहमु ओहङगे।

एफिसी 4:14

ओ़ह सोङबे ओहराङ पेहजाया़ ल़ेहमु ओहङज्‍ये मेहयोहङगे। चिहन क्‍याहप्‍के मिहया़की लोप्‍च्‍युङ दाङ छलगी ओहराङ छ्यु पाहलाप दाङ ल्‍हा़बागी फार छुर याप्‍क्‍योकी छ्यु-टुह ल़ेहमु ओहङज्‍ये म़ेह।

२ थेसलोनिकी 3:14

दि यिहगीला ङ्यिहगी माक्‍योकी तामया़ का़हलेॱआङ सुज्‍यीगीॱआङ मिहङ्यीहन्‍सीमाना ओ़ह ल़ेहमु मिहया़ला या़हबु पेहती ङोहस्‍यी ताङ ज़्‍यो़ ओहले ओ़ह ल़ेहमु मिहया़ ङ्याम्‍बु च्‍यामॱराङ माहच्‍याम। ओ़हठी पेहसीमाना खो राहङराङ ङोह छाज्‍ये येह।

२ थेसलोनिकी 3:6

आदा-नो़ह दाङ आज्‍यी-नुहमुया़, चो़वो येशू मास्‍यीकागी छेनला ङ्यिह ख्‍या फ़ेबे-म़ेहमेया़ला का तेर्के। ङ्यिहगी तेरक्‍योगी लुहङला मी़हचीएँ दाङ ल़ेहमी-लाहमया़ ङो़ले ख्‍या फ़ेबे-म़ेहमेॱया था़-रिहङबुराङ ज़्‍य़ू नाङदोङ।

१ तिमोथी 4:7

किन्‍ज्‍योला मे़हक्‍याप्‍के दाङ तेहन्‍दा म़ेहबागी तोहङमा तोहङमागी पेतामया़ ङो़ले था़-रिहङबुराङ तेह। बरु किन्‍ज्‍योला क्‍याप्‍ती राहङगी मिहजी या़हबु ताङज्‍येला च्‍याहङदार पेहतोङ।

१ तिमोथी 4:8

च्‍यिबेमाना ज़ुबुगी तेहन्‍दाला च्‍याहङदार पेहक्‍योदीॱआङ या़हबु यिहम्‍बा यिहॱनाङ किन्‍ज्‍योला क्‍याहप्‍च्‍येला च्‍याहङदार पेहक्‍योदीनी च्‍यी़ला माना खेप्‍साङ ओहङगे यिहम्‍बा च्‍यिबेमाना दिगी ताहन्‍दा दाङ तिङमागी मिहली ङ्यिकाराङकी तेहन्‍दाला ताहम्‍ज्‍या ज़्‍या़क्‍यो ओहङगे।

१ तिमोथी 5:8

का़हलेॱआङ सुज्‍यीगी राहङगी ङ्येहवाया़ दाङ माज्‍येराङ माना राहङदीराङ खाङबा मे़हमेया़ला मेह तासीमानानी खोगी तेहपाला मा-लोक पेहकें ओहले यिह मे़हछ्येगे मिहया़ म़ेदीॱआङ खो जेन चोक्‍पा ओहङगे।

१ तिमोथी 6:5

ओ़ह ल़ेहमु मिहया़गी नावा नोहङग्‍योया़ दाङ तेहन्‍दामकी लाहमलेगी लो़हक्‍यो मिहया़की पाहरक्‍यीला ठ़ूस्‍यी सिहङदा च्‍यी़राङ ख्‍योङगे, ओहले किन्‍ज्‍योला म़ेहबा पेहक्‍योदी छ्युक्‍पु डोज्‍येगी तेहन्‍दाला यिहम्‍बा म़ेदी नोम्‍साङ ताङगे।

२ तिमोथी 2:16

जाम्‍बुलीङकी तेहन्‍दा म़ेहबा दाङ कोह मे़हछ्येएँगी तामया़लेगी था़-रिहङबुराङ तेह, च्‍यिबेमाना दिगीनी मिहया़ला किन्‍ज्‍यो यिहन्‍ज्‍यु जेन माहङबु था़-रिहङबु ख्‍येर्के।

२ तिमोथी 2:23

यिहॱनाङ उल्‍दुम्‍बा दाङ गो़ रिङ म़ेहबाकी तामया़ला मा-लोक पेहतोङ– ख्‍येला क्‍यी़हराङ येह दिगी ठू़स्‍यीया़ च्‍यी़राङ ख्‍योङगे।

तीतस 1:16

खुङया़गी किन्‍ज्‍योला ङोह स्‍य़ेगे म़ेदीनी माएँ यिहॱनाङ खुङया़गी पेहक्‍यो ल़ेहया़गीदी किन्‍ज्‍योला मा-लोक पेहक्‍यो म़ेदी तेन्‍गे। खुङया़नी नाम्‍दो लाहङज्‍ये ल़ेहमु ओहङगे ओहले किन्‍ज्‍योगी काया़ मी़हची़एँदी ओहङगे ओहले खुङ का़हन्‍दीॱआङ या़हबु ल़ेहया़ पेहच्‍येला मी़हसीहएँ।

तीतस 3:10

ओहले ठू़ च्‍य़ूगे मिहया़ला लेहमा च्‍यी़ ङ्यी़ लोप्‍ताम क्‍याहप्‍तोङ, ओहले ओहजे पेहतीॱआङ मिहङ्यीहन्‍सीमाना खो ङ्याम्‍बु च्‍यामॱराङ माहच्‍याम।