२ तिमोथी 3:3 - ह्योल्‍मो

³ सुलाॱआङ निङज्‍यी मेहबेकें, लेहमेन मिहया़ ङ्याम्‍बु थिन मी़हखुएँ, ताम खेर क्‍याहप्‍कें, राहङग्‍याल स्‍योरक्‍यो, ज्‍यी़ज्‍ये ल़ेहमु, या़हबु तामया़ला नाम्‍दो पेहकेन,

२ तिमोथी 3:3 Iomraidhean Croise

मत्ती 10:21

“नो़हगी नो़हला सेच्‍येला ज़ुङ च्‍य़ूज्‍ये येह, आबागी पुह पोहमोला, पुह पोहमोगी आबा-आमाला टाह पेहच्‍ये येह ओहले खुङया़ला से च्‍य़ूज्‍ये येह।

मत्ती 4:1

ओ़ह तिङले ती़ह गो-छ्येवागी येशूला ङ्याहम च्‍येच्‍येला नाम्‍पार-ताहक्‍पा थुगी येशूला रिह-काम्‍बुला नोम फेप्‍सीन।

लूका 10:16

ओहले येशूगी स्‍याहप्‍च्‍यीया़ला सुङ नाङसीन, “ख्‍यागी ताम ङ्यिहन्‍गेन्‍दीगी ङाहगी ताम ङ्यिहन्‍गे, ख्‍याला मिहङ्यीहन्‍गेया़गी ङाहॱलाङ मिहङ्यीहन्‍गे, ओहले ङाहला मिहङ्यीहन्‍गेया़गी ङाहला ताङ चाहङ नाङगेन किन्‍ज्‍योॱलाङ मिहङ्यीहन्‍गे” म़ेदी येशूगी सुङ नाङसीन।

लूका 16:14

दि थाम्‍ज्‍यी ताम थे़दी फरिसीया़गी येशूगी स्‍याहला स्‍ये़हन्‍डील पेहसीन। च्‍यिबे मासीमाना खुङया़ला क्‍युहराङ चा़ छ्यिम्‍बु येहकें।

यूहन्‍ना 6:70

येशूगी खुङया़ला सुङ नाङसीन, “च्‍यि ङाह राहङगीराङ ख्‍या मेहन्‍दा च्‍यिङ्यी़ला दाम्‍ग्‍यो मिहम्‍बा ले? यिहॱनाङ ख्‍या नाहङला मेहन्‍दा च्‍यी़दी (ती़ह गो-छ्येवा) दियाबलस यिहम्‍बा।”

रोमी 1:29

ओ़ह सोङबे खुङ नामे नाजोकी तोक्‍ला छान्‍दी, ती़हसेमगी काहङग्‍यो ओहङगे। खुङया़गी मिहया़ला नाम्‍दो पेहकें ओहले ह्‍अम्‍बा पेहकें, लेहमेन मिहला ठादो पेहकें ओहले मिहला सेकें। खुङ ठुक्‍पा क्‍याहप्‍कें, चिहन क्‍याहप्‍के, मिहदाम च्‍येहके ओहले ताम ख्‍येर क्‍याहप्‍कें,

रोमी 1:31

खुङ उल्‍दुम्‍बा ओहङगे, ओहले खुङगी पेहकें माएँगी तामया़ मेहबेकें। खुङगी सेम तोह ल़ेहमु सान्‍दी ओहङगे ओहले सुलाॱआङ निङज्‍यी मेहबेएँ।

१ कोरिन्‍थी 7:5

च्‍यी़गी च्‍यी़ला मा-लोक माहबे। ङ्यिहमा तोबाज्‍यीगी तेहन्‍दाला टे़ह क्‍याहप्‍ती सोल्‍वाङ ताप्‍च्‍येला खा फ़ेदी तेहॱनाङ लेहमेन ती़हजीलाती ङ्याम्‍बुराङ तेहच्‍यु। मिहन्‍सीमाना ख्‍याया़गी सेम ज़ुङ मी़हखुरो ओहले ती़ह गो-छ्येवागी ख्‍याला तिहक्‍पाला छ्यि च्‍य़ूज्‍येला लोहङ ज्‍योर्च्‍ये येह।

१ कोरिन्‍थी 7:9

यिहॱनाङ का़हलेॱआङ सेम ज़ुङ मी़हखुसीमानानी पा़हमाराङ पेहतोङ। च्‍यिबेमाना राहङ सेम ज़ुङ मा़हखुबा पेहती तिहक्‍पा पेहकें म़ेदीनी पा़हमा पेहकेन्‍दीराङ या़हबु यिहम्‍बा।

१ थेसलोनिकी 4:8

ओ़ह सोङबे का़हन्‍दीगी दि लुहङला मी़हचीएँ ओ़हदीगी मिहला मिहम्‍बा, किन्‍ज्‍योलाॱराङ मी़हचीएँ, ओ़ह किन्‍ज्‍योगीॱराङ ख्‍या फ़ेबे-म़ेहमेया़ला नाम्‍पार-ताहक्‍पा थु नाङसीन।

१ तिमोथी 3:11

डिकनकी पी़हमीॱया़ङ ओ़ह ल़ेहमुराङ पेहती टाह छ्याक्‍पा ओहङ कोहकें, मिह ताम मे़हच्‍येहकेन्‍दी ओहङ कोहकें, यिहॱनाङ ताम रेबेलाॱराङ राहङ सेम थिक-चिला ज़्‍या़गेन दाङ यिह-छ्य़ेबु ओहङ कोहकें।

तीतस 1:8

ओहले खोगी टोहम्‍बोया़ला फेप स्‍युहएँ, या़हबु तामया़ थो़ला सेम ताङगेन, ह्‍अदा-ह्‍ओदे माहबेपा पेहती ल़ेह पेहकेन, मिह थेका, टाहङबु, दाङ राहङगी राहङला थिक-चिला ज़्‍या़गेन्‍दी ओहङ कोहकें।

तीतस 2:3

ओ़ह ल़ेहमुराङ पेहती क़ेहङगेनया़ला, किन्‍ज्‍योला क्‍याप्‍केन्‍गी पी़हमीया़गी काह-ठि पेहती राहङगी मिहजी ताङगे ओ़ह ल़ेहमुराङ पेहती ख्‍याया़गीॱआङ राहङगी मिहजी ताङ कोहकें, लेहमेन मिहला स्‍यिती काम्‍बुला फातुर च़ूज्‍ये मेहयोहङगे, छ्याङगी ज़िज्‍ये मेहयोहङगे, ओहले का़हन्‍दी या़हबु येहबा खुङया़गी मिहया़ला ओ़हदीॱराङ लोप्‍च्‍यु म़ेदी लोप्‍ताम क्‍याहप्‍तोङ।

याकूब 2:6

यिहॱनाङ ख्‍याया़गीनी प्राङबुया़ला स्‍ये़हन्‍डील पेहसीन। च्‍यि छ्युक्‍पुया़गी ख्‍याला ङ्येन्‍ज्‍येन मेहबेकें ले? च्‍यि ख्‍याला ठिम-खाङला ख्‍येर्केन्‍दीॱआङ खुङया़ॱराङ मिहन ले?

२ पत्रुस 2:14

खुङया़गी मी़ छ्येउ-छ्येंमुकी काहङग्‍यो ओहङगे, ओहले काहजे लाहयो-तिहक्‍पाया़ पेहॱनाङ खुङया़ला मेहन्‍दाङगे। सेम थिला म़ेहबाकी मिहया़ला खुङया़गी छ्यि च्‍य़ूगें। खुङया़की सेमगी ह्‍अम्‍बा पेहच्‍येलाॱराङ बा़नी काहल्‍सीहन्‍ग्‍यो ओहङगे। खुङया़ॱराङ किन्‍ज्‍योकी मे़मु सू़हक्‍यो मिहया़ यिहम्‍बा।

२ पत्रुस 2:19

खुङया़गी ख्‍याया़ला ना थाम्‍ज्‍यीगी पे-ठिमया़लेगी खा फे़ तेर्के म़ेदी ताहम्‍ज्‍या ज़्‍या़गे, यिहॱनाङ खुङ राहङ मानादी तोङदी डोएँगी योक्‍पु काहल सिहन्‍ग्‍यो ओहङगे, च्‍यिबेमाना का़हन्‍दी से़हगी मिहला क्‍याहल ख़ूएँ ओ़ह से़हगीॱराङ खोला योक्‍पु ज़ोएँ यिहम्‍बा।

२ पत्रुस 3:3

थाम्‍ज्‍यी म़ेदी तोहङले ख्‍याया़गी दि तामया़ ङोह स्‍य़े कोहएँ, तिङमागी ङ्यिहमाया़ला राहङगी सेमला ने़जेबाकी चोक्‍पा लाहमया़ला स्‍य़ूहदी डोएँकी मिहया़ थेन्‍दी ओहङज्‍ये येह, ओहले खुङया़गी ख्‍याया़ला स्‍ये़हन्‍डील पेहकेनॱराङ दि ल़ेहमु माज्‍ये येह,

यहूदा 1:16

मुहर-मुहर म़ेदी तेहकेनया़, नाहमॱआङ सेन्‍दोग मेहयोहङगेया़, राहङगी सेमला ने़जेबा पेहती डोएँया़, छ्य़ेन्‍दो तेन्‍दी ताम माएँया़ ओहले राहङला खेप्‍साङ ओहङज्‍येगी तेहन्‍दाला लेहमेन मिहया़ ङ्याम्‍बु ज्‍याप्‍ला तेन्‍गेया़ दि मिहया़राङ यिहम्‍बा।

यहूदा 1:18

“तिङमा ती़हजीया़ला स्‍या़ क्‍याहप्‍केया़ ओहङज्‍ये येह। खुङगी किन्‍ज्‍योला ची़ज्‍ये म़ेह ओहले राहङगी सेमला ने़जेबा पेहती डोज्‍ये येह” म़ेदी खुङया़गी माक्‍यो येहकें।

ज्‍याल्‍गा 13:15

तोहङस्‍यो सेम्‍ज्‍येनगी कुगी ताम मा ख़ूज्‍यु ओहले ओ़ह कुला छ्येपा मेहफुल्‍गेनया़ला स़े तेर्च्‍यु म़ेदी ओ़ह सेम्‍ज्‍येनकी कुला ऊ फी़ तेर्केन ओङ ङ्यिपा सेम्‍ज्‍येनला तेर्ते येहकें।

ज्‍याल्‍गा 13:17

ओ़ह पार माहक्‍याहप्‍पा पेहती सुज्‍यीगीॱआङ ङ्योहएँ दाङ चोङगेन पेह मी़हखुएँ काहल्‍सीन। ओ़ह पार-ती ओ़ह सेम्‍ज्‍येनकी मिहन यिहम्‍बा क्‍यिनी ओ़ह मिहनगी टाहङजी यिहम्‍बा।

ज्‍याल्‍गा 16:6

च्‍यिबेमाना खुङया़गी किन्‍ज्‍योकी मिहया़ दाङ लुहङतेम्‍बाया़ला सेसीन ओहले राहङगी खुङया़ला ठा़ थुङ च्‍य़ू नाङदी येह। खुङया़गी ज्‍योर कोहएँगी ङ्य़ेहबाॱराङ ज्‍योर्सीन।”

ज्‍याल्‍गा 17:6

ओहले ङाहगी ओ़ह पी़हमीला किन्‍ज्‍योकी मिहया़गी ठा़ दाङ येशूगी तेहन्‍दाला पाङबु तेर्केनया़गी ठा़ थुङदी ज़िक्‍यो थोङसीन। मोहला थोङदी ङाह ज्‍यिबुराङ ह्‍अ ल़ेहसीन।