२ तिमोथी 3:17 - ह्योल्‍मो

¹⁷ किन्‍ज्‍योकी मिहया़गी थाम्‍ज्‍यीराङ या़हबु ल़ेहया़ या़हबु पेहती ठीक-ठीक ङ्या़ह-ङ्या़ह पेहती पेह ख़ूज्‍यु म़ेदीराङ छ्य़े नाङग्‍यो यिहम्‍बा।

२ तिमोथी 3:17 Iomraidhean Croise

ल़ेह-पेन 9:36

योप्‍पा माएँ क्‍याहसाला ताबीता माएँगी चो़वो छ्येवाला यिह-छ्य़े पेहक्‍यो नुहमु च्‍यी़ येहकें। ताबीता माक्‍योदी डोरकास यिहम्‍बा। ओ़ह माक्‍योगी तेहन्‍दादी “रेहउ” यिहम्‍बा। ओहले मोह नाहम माॱनाङ लेहमेन मिहया़ला या़हबु पेहको येहकें ओहले प्राङबुया़ला रो़हराम पेहको येहकें।

२ कोरिन्‍थी 9:8

किन्‍ज्‍योगी ख्‍या थाम्‍ज्‍यीला काटीन बोल्‍बु जेती नाङ थुप्‍कें। ख्‍याया़ला च्‍यि से़हदीॱआङ कोहपु डोज्‍ये म़ेह ओहले ख्‍यागी या़हबु ल़ेहया़ माहङबुराङ पेह ख़ूज्‍ये येह।

एफिसी 2:10

च्‍यिबेमाना ओहराङ या़हबु ल़ेहया़की तेहन्‍दाला मास्‍यीका येशूला ज़ो नाङग्‍योकी किन्‍ज्‍योकी छ्या़की छ्या़लेया़ यिहम्‍बा। ओहराङगी ओ़ह या़हबु ल़ेहया़ पेहच्‍यु सुङदीमाराङ किन्‍ज्‍योगी तोहङ यिहन्‍ज्‍युराङ ठाबे जे नाङग्‍यो येहकें।

१ तिमोथी 6:11

यिहॱनाङ ख्‍ये किन्‍ज्‍योकी मिह यिहन्‍गे सोङबे दि थाम्‍ज्‍यी चोक्‍पा तामया़ ङो़ले था़-रिहङबुराङ तेह, ओहले ख्‍येगी राहङगी टाहङदेनला किन्‍ज्‍योला क्‍याप्‍च्‍येला, यिह-छ्य़ेला, चेवाला, थिक-चि पेहती तेहच्‍येला ओहले राहङला ङ्येम्‍बु ज़ोएँगी से़हया़ थो़ला राहङगी सेम ताङदोङ।

२ तिमोथी 2:21

पे-मी़हसिहएँगी तामया़ ङो़ले मिहगी राहङगी राहङला चाङमा ज़ोसीन माना खो या़हबु ल़ेहया़की तेहन्‍दाला पे-सी़हएँगी मिह च्‍यी़ डो ख़ूज्‍ये येह, ओहले खाङबा ताहक्‍पुकी तेहन्‍दाला चाङमा, फेन्‍दोप दाङ या़हबु ल़ेहया़ च्‍यिला-माना ठाबे टी़हज्‍ये येह।

तीतस 1:16

खुङया़गी किन्‍ज्‍योला ङोह स्‍य़ेगे म़ेदीनी माएँ यिहॱनाङ खुङया़गी पेहक्‍यो ल़ेहया़गीदी किन्‍ज्‍योला मा-लोक पेहक्‍यो म़ेदी तेन्‍गे। खुङया़नी नाम्‍दो लाहङज्‍ये ल़ेहमु ओहङगे ओहले किन्‍ज्‍योगी काया़ मी़हची़एँदी ओहङगे ओहले खुङ का़हन्‍दीॱआङ या़हबु ल़ेहया़ पेहच्‍येला मी़हसीहएँ।

तीतस 2:14

येशू मास्‍यीकागी ओहराङला तिहक्‍पा ना थाम्‍ज्‍यीले थार च्‍य़ू नाङज्‍येला, टाहङबु ज़ो़-नाङज्‍येला, राहङदीराङ मिहया़ ज़ो़-नाङज्‍येला, या़हबु ल़ेहया़ पेहच्‍येला स्‍युक क्‍ये च्‍य़ूज्‍येला मिहरोगी राहङकी मिहलीॱराङ च्‍यिहम्‍बा ताङ नाङसीन।

तीतस 3:1

स्‍युहङ दाङ स्‍युहङ-पेनया़की ओङ चो़ला तेहतोङ, खुङया़गी माक्‍योकी ताम थाम्‍ज्‍यी ची़दोङ ओहले या़हबु ल़ेहया़ पेहच्‍येकी तेहन्‍दाला नाहम माॱनाङ ठाबे पेहती तेहतोङ म़ेदी खुङया़ला टेहम्‍बा साल च्‍य़ू तेर।

हिब्रू 10:24

ओहराङगी च्‍यी़गी च्‍यी़ला निङज्‍यी दाङ या़हबु ल़ेहगी तेहन्‍दाला काह-ठि पेहती आ़र क्‍ये च्‍य़ूज्‍ये माएँ तामला नोम्‍साङ ताङ कोहएँ।

हिब्रू 13:21

ख्‍याया़ला नामे-नाजो या़हबु गीनया़गी छाङबु ज़ो नाङज्‍यु, ओहले ख्‍याया़गी मिहरोगी थु-सेम तेहन्‍दा डुप च्‍य़ू ख़ूज्‍यु। ख्‍याया़गी मिहरोला थु ङ्ये़एँगी ल़ेह पेह ख़ूज्‍यु म़ेदी येशू मास्‍यीका लाहमले मिहरोगी ख्‍याया़गी सेमला छ्या़ले जे नाङज्‍यु। नाहम्‍स्‍यी किन्‍दु येशू मास्‍यीकाकी ज़िज्‍यिद ओहङज्‍यु।