२ तिमोथी 3:16 - ह्योल्‍मो

¹⁶ दि थाम्‍ज्‍यी नाम्‍पार-ताहक्‍पा सुङराप किन्‍ज्‍योगी थु लाहमले नाङग्‍यो यिहम्‍बा, ओहले दि सुङराप मिहया़ला लोप्‍च्‍येला, लोप्‍ताम क्‍याहप्‍च्‍येला, च्‍ये़ज्‍येला, टाहङदेनकी लाहमला च्‍याहङदार पेह च्‍य़ूज्‍येला, ज्‍यिबुराङ फेन थोएँ यिहम्‍बा।

२ तिमोथी 3:16 Iomraidhean Croise

मत्ती 13:52

ओहले येशूगी येहपाराङ सुङ नाङसीन, “ता़ह यिहन्‍ज्‍यु किन्‍ज्‍योगी क्‍याहल्‍सीकी तेहन्‍दाला सुङदेन ज़्‍योरक्‍योगी थाम्‍ज्‍यी छ्य़ेकी खेम्‍बुदी खाङबागी ताहक्‍पु च्‍यी़ ल़ेहमुराङ यिहम्‍बा। खाङबा ताहक्‍पुगी राहङगी चाहङलेगी साम्‍बा से़हया़ॱआङ तेन्‍गे, ओहले निङबा से़हया़ॱआङ तेन्‍गे।”

मत्ती 21:42

ओहले येशूगी खुङला सुङ नाङसीन, “च्‍यि ख्‍याया़गी सुङरापला प्रुहक्‍योगी दि केच्‍या टा़हदी म़ेहबा?– चिक्‍सो-खे़बागी फेन मे़हथोएँ म़ेदी क्‍युर चाहङग्‍योगी तोहॱराङ खाङबागी ब्राम तिङगेमु सुहर-तोह काहल्‍सीन। दि ल़ेहमुनी चो़वो किन्‍ज्‍यो राहङगीराङ डो च्‍य़ू नाङग्‍यो यिहम्‍बा, दिनी काहजे याहम्‍जेन छ्येवागी छ्या़ले दुबा!”

मत्ती 22:43

येशूगी खुङया़ला सुङ नाङसीन, “आहन्‍डा यिहन्‍सीमाना च्‍यिबे दाऊदला किन्‍ज्‍योगी थुगी मिहरोला ‘चो़वो’ म़ेदी मा च्‍य़ू नाङग्‍यो? च्‍यिबेमाना दाऊद खो राहङगीराङ दि ल़ेहमु म़ेदी माक्‍यो येहकें–

मत्ती 26:54

यिहॱनाङ ङाहगी दि लाङसीमानानी सुङरापला दि ल़ेहमु ओहङ कोहकें म़ेदी प्रुहक्‍योगी केच्‍या काहन्‍डुमु पेहती तेहन्‍दा डुप ख़ूएँ ले?”

मत्ती 26:56

यिहॱनाङ लुहङतेम्‍बाया़गी सुङरापला प्रुह नाङग्‍यो ल़ेहमुराङ तेहन्‍दा डुप्‍च्‍यु म़ेदी दि थाम्‍ज्‍यी काहल्‍ग्‍यो यिहम्‍बा।” ओहजेला स्‍याहप्‍च्‍यी थाम्‍ज्‍यीराङ येशूला क्‍युर ज़्‍या़दी प्रे़ह काहल्‍सीन।

मर्कूस 12:24

येशूगी खुङया़ला ल़ेहन क्‍याहप नाङसीन, “ख्‍या ज्‍यिबुराङ जोल्‍ग्‍यो दुबा च्‍यिबेमाना ख्‍यागी सुङरापला प्रुहक्‍योगी तामॱआङ ह्‍अ मेहकोह दु, किन्‍ज्‍योगी ओङलाॱआङ ह्‍अ मेहकोह दु।

मर्कूस 12:36

च्‍यिबेमाना किन्‍ज्‍योगी नाम्‍पार-ताहक्‍पा थु लाहमले दाऊद खो राहङगीराङ दि ल़ेहमु सुङ नाङदी येहबा– चो़वो छ्येवागी ङाहगी चो़वोला सुङ नाङसीन, ‘ङाहगी ख्‍येगी टाहया़ला ख्‍येगी काङबा चो़ला छ्यि मा़हच्‍यु थु ख्‍ये ङाहगी योबा ङो़ले तेह!’

यूहन्‍ना 10:35

किन्‍ज्‍योगी देला सु ङ्याम्‍बु स्‍याहल सुङ नाङबा, खुङया़ला किन्‍ज्‍योगी ल्‍हाया़ म़ेदी सुङ नाङसीन मासीमाना (सुङरापला प्रुहक्‍योगी किन्‍ज्‍योगी स्‍याहल नाहम्‍माॱनाङ तेहम्‍बा-तेहन्‍सुमराङ ओहङगे।)

यूहन्‍ना 3:20

च्‍यिबेमाना ल़ेह ङ्येहम्‍बा पेहकेन मिहगी क्‍या-साङेला ङेन्‍ज्‍येन पेहकें, ओहले खुङ क्‍या-साङेला मेहयोहङगे, मिहन्‍सीमानानी खोगी पेहक्‍यो ल़ेह चोक्‍पाया़ क्‍या-साङेला थोङज्‍ये येह।

ल़ेह-पेन 1:16

“आदा-नो़हया़ सेन नाङदोङ, ओहराङगी सुङरापगी स्‍याहल तेहन्‍दा डुपॱराङ कोहच्‍ये येहकें, ओ़ह छ्य़ेगी स्‍याहल येशूला जु़ङज्‍येला लाहम तेन्‍गे यहूदागी तेहन्‍दाला दाऊद क्‍याहल्‍बुगी स्‍याहल लाहमले तोहङलेराङ नाम्‍पार-ताहक्‍पा थुगी सुङनाङ सिहन्‍ग्‍यो येहकें।”

ल़ेह-पेन 18:25

खोगी थार्पा नाङगेन मास्‍यीकागी तेहन्‍दाला लोप्‍च्‍युङ ज्‍योर्ती येहकें ओहले खो सेमला काहसो पेहती येशूगी तेहन्‍दाला ठीक-ठीक ङ्या़ह-ङ्या़ह पेहती लोप्‍को येहकें। यिहॱनाङ खोला यूहन्‍नागी तेरक्‍यो बप्‍तिस्‍मा च्‍यी़राङ क्‍यी़ह येहकें।

ल़ेह-पेन 20:20

ङाहगी खाङबा-खाङबा दाङ मिहया़गी पाहरक्‍यीला काहल्‍दी लोप्‍च्‍युङ तेर्केमु राहङ फ़ेबेया़लाॱराङ फेन थो़ज्‍यु म़ेदी ङाहगी ताम च्‍यिॱआङ फे़क्‍यो मा़हज्‍याबा पेहती थाम्‍ज्‍यीराङ स्‍येसीन।

ल़ेह-पेन 20:27

च्‍यिबे मासीमाना किन्‍ज्‍योगी ओहराङ मिहगी थार्पा थोप ख़ूज्‍यु म़ेदी जे नाङग्‍यो दाङ जे नाङगे छ्या़लेगी तेहन्‍दाला च्‍यिॱआङ ताम फे़क्‍यो मा़हज्‍याबा पेहती राहङ फे़बेया़ला स्‍ये सिहन्‍दी येह।

ल़ेह-पेन 28:25

ओहले खुङराङ नाहङदोङराङ ताम मा़हन्‍डीबा पेहती ओहलेगी डोज्‍ये पेहसीन। ओहजेला पावलगी मासीन, “नाम्‍पार-ताहक्‍पा थुगी राहङ फे़बेया़गी चावाया़ला सुङ नाङग्‍योकी स्‍याहल तेहम्‍बा-तेहन्‍सुमॱराङ यिहम्‍बा च्‍यिबेमाना यशैया लुहङतेम्‍बा लाहमले किन्‍ज्‍योगी दि ल़ेहमु जेती स्‍याहल सुङ नाङसीन–

रोमी 15:4

सुङरापला प्रुहक्‍योकी सुङदेनया़ ओहराङला लोप्‍ताम क्‍याहप्‍च्‍येकी तेहन्‍दाला प्रुहक्‍यो यिहम्‍बा। ओहराङगी रेहवाला स्‍यि मी़हच्‍य़ूज्‍येगी तेहन्‍दाला छ्य़ेगी ओहराङला ना़ ख़ूएँकी ओङ दाङ स्‍युक क्‍ये च्‍य़ूगे।

रोमी 2:20

ओहले ख्‍येगी उल्‍दुम्‍बाया़ला लोप्‍ताम क्‍याहप ख़ूएँ ओहले च्‍यिॱआङ मे़हस्‍येगेनया़ला लोप्‍च्‍युङ तेर ख़ूएँ, च्‍यिबेमाना ख्‍येगी छ्य़े-ठिम लाहमले थाम्‍ज्‍यी येहन्‍देन दाङ तेहन्‍दाम ङोह स्‍य़े सिहन्‍दी येह।

रोमी 3:2

ख्‍येप्‍साङनी दिला माहङबुराङ ख्‍येप्‍साङ येहबा। थाम्‍ज्‍यी म़ेदी तोहङलेनी किन्‍ज्‍योगी यहूदीया़ला राहङगी नाम्‍पार-ताहक्‍पा सुङ चि क्‍याहप नाङसीन।

रोमी 4:23

दि किन्‍ज्‍योगी दिनला टाहङबु सी़हगेन्‍गी केच्‍या खोगी तेहन्‍दाला च्‍यी़राङ प्रुहक्‍यो मिहम्‍बा,

१ कोरिन्‍थी 12:7

ता़ह मिह थाम्‍ज्‍यीला रो़हराम पेहच्‍येगी तेहन्‍दालाराङ नाम्‍पार-ताहक्‍पा थुगी छ्या़लेया़ थोङ ख़ूज्‍यु म़ेदी किन्‍ज्‍योगी मिह ऱेह-ऱेहला काबाप नाङदी येह।

गलाती 3:8

किन्‍ज्‍योगी लेहमेन क्‍यिहपाकी मिहया़ला तेहपा लाहमलेॱराङ च्‍यिॱआङ क्‍येन म़ेहबाकी मिह ज़ो नाङज्‍ये येह माएँ ताम सुङरापगी तोहङ यिहन्‍ज्‍युराङ थोङदी अब्राहामला “ख्‍ये लाहमलेॱराङ थाम्‍ज्‍यी क्‍यिहपाकी मिहया़गी मेलाम ज्‍योर्च्‍ये येह” माएँ या़हबु लेहङगु प्रा साल्‍सीन।

२ तिमोथी 2:25

ओहले टाह पेहकेनया़ला खोगी स्‍यिहवा पेहती या़हबु लाहमला ॱठि ख़ूएँदी ओहङ कोहकें। ओ़हठी यिहन्‍सीमाना च्‍यी़राङ किन्‍ज्‍योगी खुङया़ला स्‍या़बा पेहकेन दाङ तेहन्‍दामकी स्‍याहल ङोह स्‍य़े ख़ूएँगी सेम नाङज्‍ये येह,

२ तिमोथी 4:2

ङाह ख्‍येला किन्‍ज्‍योगी या़हबु लेहङगु स्‍येच्‍येला का तेर्केॱराङ येहबा। ती़हजी या़हबु येहॱनाङ मे़हॱनाङ या़हबु लेहङगु स्‍येच्‍ये माहक्‍युर। खुङया़ला लोप्‍ताम क्‍याहप्‍तोङ, बार्ता लाङदोङ, आ़र क्‍ये च्‍य़ूदोङ ओहले ना़स्‍यीङ छ्यिम्‍बु दाङ लुहङ तेर्केन्‍गी तामया़ला ख्‍ये मा-फाम्‍बु माहबे।

हिब्रू 11:1

तेहपा पेहकेन म़ेदी माक्‍यो तामगी तेहन्‍दादी च्‍यि यिहम्‍बा मासीमाना रेहवा पेहक्‍योकी तामला सेम तेहमु पेहती तेहकें दाङ मी़गी माहथोङबाकी से़हला सेम तिहङ यिहन्‍ज्‍युराङ यिह-छ्य़े पेहकें यिहम्‍बा।

हिब्रू 3:7

ओ़ह सोङबे नाम्‍पार-ताहक्‍पा थुगी सुङ नाङग्‍यो ल़ेहमुराङ, “तिहरीङ ख्‍यागी किन्‍ज्‍योगी सुङ-क़े थ़ेसीन माना,

हिब्रू 4:12

च्‍यिबेमाना किन्‍ज्‍योगी सुङ सोम्‍बो येह ओहले दिगी छ्या़ले जे नाङगेराङ येहबा। ओहले दि, खा ङ्यी़ येहकेन्‍गी पादाङ म़ेदीॱआङ नोम्‍बु येहबा। ओहले दिगी सो दाङ नाम्‍स्‍यीला ओ़हगी छी़ दाङ रेहको नाहङगी काङ थु तोल्‍गे ओहले सेम नाहङगी तामया़ दाङ सेम्‍बाया़ला दिगी ङ्याहम च्‍येती ताएँ।