२ तिमोथी 3:15 - ह्योल्‍मो

¹⁵ ख्‍येगी फेमा यिहन्‍ज्‍युराङ नाम्‍पार-ताहक्‍पा छ्य़ेगी स्‍याहलया़ ङोह स्‍य़ेदीॱराङ येहबा। दि स्‍याहलया़गी मास्‍यीका येशूला तेहपा पेहकेमु ज्‍योर्केन्‍गी थार्पाकी तेहन्‍दाला ङोह स्‍य़े ख़ूएँगी येहन्‍देन तेर्के।

२ तिमोथी 3:15 Iomraidhean Croise

मत्ती 22:29

ओहले येशूगी खुङया़ला सुङ नाङसीन, “ख्‍याया़ जोल्‍दी तेहक्‍यो दुबा। ख्‍याया़गी सुङरापगी स्‍याहल दाङ किन्‍ज्‍योगी ओङगी तेहन्‍दाला ङोह स्‍य़ेदी मिहन्‍दु।

लूका 1:15

च्‍यिबेमाना खो चो़वो छ्येवागी ज़ी़लुला चा़ छ्यिम्‍बु मिह ओहङज्‍ये येह। खोगी कुहन्‍डुमकी-निङगु दाङ राहङसा ज़िगे से़हया़ च्‍यिॱआङ थुङज्‍ये म़ेह, ओहले राहङगी आमागी फोवा यिहन्‍ज्‍युराङ खो नाम्‍पार-ताहक्‍पा थुगी काहङज्‍ये येह।

लूका 2:40

ओहले स़ेबु रिहक्‍स्‍यीगी काहङदी स्‍युक छ्यिम्‍बु जेती कुसोला छार्सीन, ओहले किन्‍ज्‍योगी काटीन स़ेबु थो़ला येहकें।

लूका 24:27

ओहले मोशा दाङ थाम्‍ज्‍यीराङ लुहङतेम्‍बाया़गी सुङरापला येशूगी तेहन्‍दाला प्रुहक्‍योगी केच्‍या खुङया़ला ह्‍अ कोह च्‍य़ू नाङसीन।

लूका 24:32

खुङया़गी राहङ नाहङदुङ मासीन, “येशू ओहराङ ङ्याम्‍बु लाहमला स्‍याहल सुङ नाङगेमु ओहले ओहराङला सुङरापगी तेहन्‍दा खा फे़ नाङगेमु च्‍यि ओहराङगी सेम ज्‍यिबुराङ काहसो काहल्‍ग्‍यो म़ेहबा येहकें ले?”

लूका 24:45

ओहले सुङरापला प्रुहक्‍योगी स्‍याहल ङोह स्‍य़े च्‍य़ूज्‍येला येशूगी खुङया़ला ङोह स्‍ये़एँगी ओङ नाङसीन।

यूहन्‍ना 5:47

यिहॱनाङ ख्‍याया़गी मोशागी प्रुहक्‍योगी तामया़ यिह मे़हछ्य़ेसीनमाना, ङाहती ताम ख्‍यागी काह-ठि पेहती यिह-छ्य़े ख़ूज्‍ये ले?”

ल़ेह-पेन 10:43

येशूला यिह-छ्य़े पेहकें मिहया़गी येशूगी छेनला तिहक्‍पा ता़हज्‍ये येह म़ेदी थाम्‍ज्‍यी लुहङतेम्‍बाया़गी येशूगी तेहन्‍दाला स्‍येती येह।”

ल़ेह-पेन 13:29

दि रोहवा पेहती येशूगी तेहन्‍दाला छ्य़ेला प्रुहक्‍योगी थाम्‍ज्‍यीराङ ताम खुङया़गी तेहन्‍दा डुप च्‍य़ू-फान्‍ज्‍यो खुङगी येशूला क्‍याहङस्‍यीङले पाप्‍ते फुक्‍पा नाहङला ज़्‍या़सीन।

ल़ेह-पेन 16:1

ओ़ह पावल डर्बी दाङ लुस्‍त्रा क्‍याहसाॱलाङ लेप्‍सीन। ओहले ओ़ह क्‍याहसाला तिमोथी मिहन थो़क्‍यो स्‍याहप्‍च्‍यी च्‍यी़ तेहको येहकें। खो किन्‍ज्‍योला यिह-छ्य़े पेहक्‍यो यहूदी पी़हमी च्‍यी़गी पुह यिहन्‍गे, यिहॱनाङ खोगी आबादी ग्रीक यिहन्‍गे।

ल़ेह-पेन 17:2

ओहले पावल राहङगी ठिम ची़दे खुङ ङ्याम्‍बु ओ़ह यहूदीया़की छो़खाङला काहल्‍सीन, ओहले साता सुम थु सुङरापगी तामया़ लाहमले स्‍येपा तुहर्सीन।

ल़ेह-पेन 26:24

पावलगी माक्‍यो दि तामया़ थे़दी फेस्‍तसगी क़े तेन्‍दी मासीन, “पावल ख्‍ये ङ्योम्‍बा काहल्‍सीन दु, ख्‍येगी येहन्‍देनगी ख्‍येला ङ्योम्‍बा ज़ोसीन दु” म़ेदी मासीन।

रोमी 1:2

ओ़ह या़हबु लेहङगु किन्‍ज्‍योगी लोह माहङबु तोहङले राहङगी लुहङतेम्‍बाया़ लाहमले नाम्‍पार-ताहक्‍पा सुङरापला ताहम्‍ज्‍या ज़्‍या़ नाङग्‍यो येहकें।

रोमी 16:26

यिहॱनाङ ता़ह नाहम्‍स्‍यी किन्‍दु ज़्‍य़ू नाङगेन्‍गी किन्‍ज्‍योगी का नाङदी लुहङतेम्‍बाया़गी छ्य़े प्रुह नाङसीन। ओहले दि सुङराप लाहमले थाम्‍ज्‍यी क्‍यिहपाकी मिहया़गी यिह छ्य़ेदी किन्‍ज्‍योकी काया़ ची़ज्‍यु म़ेदी दि साङदी ज़्‍या़ नाङग्‍योकी या़हबु लेहङगु क्‍याहल-खाप थाम्‍ज्‍यीला स्‍येकेराङ येहबा।

रोमी 2:27

स्‍या-ताक माहबेबाया़गी ख्‍या स्‍या-ताक पेहक्‍यो यहूदीया़ला क्‍येन केन्‍ज्‍ये येह च्‍यिबेमाना ख्‍या ङ्याम्‍बु प्रुहक्‍योकी छ्य़े-ठिम येहकें यिहॱनाङ ख्‍यागी ओ़ह मा़हची ओहले लेहमेन क्‍यिहपाकी मिहया़गी स्‍या-ताक माहबेबा येहकें यिहॱनाङ खुङगी छ्य़े-ठिम ची़सीन।

१ कोरिन्‍थी 1:21

जाम्‍बुलीङगी रिहक्‍पा-रिहक्‍स्‍यी लाहमले मिहया़गी किन्‍ज्‍योला ङोह स्‍य़े मी़हखुएँ म़ेदी मिहरोला थुयी़ येहकें ओ़ह सोङबे ङ्यिहगी प्रा साल्‍ग्‍यो या़हबु लेहङगुकी उल्‍दुम्‍बा ताम लाहमलेॱराङ यिह छ्य़ेगेया़ला थार च्‍य़ूज्‍ये सुङदी किन्‍ज्‍योगी थु-सेम जे नाङसीन।

एफिसी 6:4

ए आबाया़, राहङ पुह पोहमोया़ला स्‍यिहताङ लाहङ मा़हच्‍यु, यिहॱनाङ खुङला चो़वोकी काया़ लोप्‍ती मिहरोगी लाहमला ठितोङ।

१ तिमोथी 4:13

ङाह माहयोहङ थु ख्‍येगी मिहया़ला छ्य़े टा़हदी ङ्यिहन च्‍य़ूदोङ, खुङया़ला आ़र क्‍ये च्‍य़ूदोङ ओहले लुहङया़ लोप्‍तोङ।

२ तिमोथी 1:1

किन्‍ज्‍योगी थुगी जेती मास्‍यीका येशू ङ्याम्‍बु येहकेन्‍गी मिहलीगी ताहम्‍ज्‍यागी तेहन्‍दाला स्‍येच्‍येला ङाह पावल मास्‍यीका येशूकी ल़ेह-पेन काहल्‍ग्‍यो यिहम्‍बा।

२ तिमोथी 1:5

ख्‍येती तेहन्‍दामकी तेहपा ङाहला क्‍यी़ह येह। ओ़ह तेहपा तोहङले ख्‍येती यिबी लोइस दाङ आमा युनियस ङ्याम्‍बुॱआङ येहकें, ओहले ओ़ह ल़ेहमु तेहपा तोहरोङॱआङ ख्‍ये ङ्याम्‍बु येहबा म़ेदी ङाहला तेहम्‍बा-तेहन्‍सुमॱराङ क्‍यी़ह येहबा।

२ पत्रुस 3:16

दिगी तेहन्‍दाला खोगी दि ल़ेहमुराङ तामया़ राहङगी यिहगीया़ला प्री़हदी येहकें। खोगी प्रुहक्‍योगी लाहला तामया़ ङोह स्‍य़ेज्‍येला याहम्‍बीज्‍यी खेन्‍दा-का़हबु येहबा, ओहले मे़हस्‍येगे मिहया़ दाङ राहङगी सेम टिहला मे़हज्‍याएँ मिहया़गी दि तामया़ला लेहमेन छ्य़ेया़ला ल़ेहमु फार्च्‍या-फिर्च्‍या ज़ोएँ। दि ल़ेहमु पेहती खुङ राहङगी राहङला ङ्य़ेहबा फो़ च्‍य़ूगे।

ज्‍याल्‍गा 19:10

ओहले ओ़ह स्‍यिहङगामकी स्‍याहप्‍च्‍यीला छ्या़ छाल्‍ज्‍येला ङाह मिहरोगी स्‍याहपला खेप्‍चु क्‍याहप्‍सीन। यिहॱनाङ मिहरोगी ङाहला दि ल़ेहमु सुङ नाङसीन, ख्‍येगी ङाहला दि ल़ेहमु पेहच्‍ये मेहयोहङगे। ङाहॱआङ येशूगी तेहन्‍दाला पाङबु तेर्केन्‍गी ख्‍ये दाङ ख्‍येगी नो़हया़ ङ्याम्‍बु-ङ्याम्‍बुराङकी रो़ह दाङ योक्‍पुज्‍यीराङ यिहम्‍बा। किन्‍ज्‍योला छ्या़ छाल्‍दोङ! च्‍यिबेमाना चो़वो येशू मास्‍यीकागी तेन नाङग्‍यो तेहन्‍दामगीॱराङ लुहङतेम्‍बाया़ला स्‍युक क्‍ये च्‍य़ूएँ।