२ तिमोथी 3:13 - ह्योल्‍मो

¹³ यिहॱनाङ मिह ङ्येहम्‍बाया़ दाङ ठाग तिएँया़गी लेहमेन मिहया़ला गो़ कोर च्‍य़ूज्‍ये येह ओहले खुङ राहङॱआङ गो़ ली़ज्‍ये येह ओहले खुङ जेन-जेन नोहङदी डोज्‍ये येह।

२ तिमोथी 3:13 Iomraidhean Croise

२ कोरिन्‍थी 6:8

ङ्यिहला मिहया़गी चा़ पेहॱनाङ मेहबेॱनाङ, ङ्यिहती मिहन चोक्‍पा डोॱनाङ मिहन थोपॱनाङ ङ्यिहला मिहया़गी क्‍येन ता़ मी़हखुएँ छ्याप्‍स्‍यी पेहती ङ्यिह किन्‍ज्‍योगी छ्या़लेया़ पेहको येह। मिहया़गी तालुला ङ्यिह ठाग तिएँगी मिहया़ ल़ेहमु काहल्‍सीन, यिहॱनाङ ङ्यिहगी सुज्‍यीॱलाङ ठाग ती़दे म़ेह।

१ तिमोथी 4:1

नाम्‍पार-ताहक्‍पा थुगी छ्यिसाल-नाहङसाल जेती सुङ नाङगे, तिङ-तिङले काहजे मिहया़ गो़ कोर च्‍य़ूएँगी नाम्‍स्‍यी दाङ ल्‍हान्‍डा-ल्‍हेन्‍डीया़की लुहङया़ थो़ला सेम ताङदी तेहपा लो़हज्‍ये येह।

२ तिमोथी 3:8

यान्‍नेस दाङ याम्‍ब्रेसगी मोशाला टाह पेहक्‍यो ल़ेहमुराङ, दि मिहया़गीॱआङ तेहन्‍दामकी स्‍याहलला टाह पेहकें। दि मिहया़गी नावा नोहङग्‍यो दाङ यिह-छ्य़े ची़हमा ओहङगे।

तीतस 3:3

च्‍यिबेमाना तोहङले ओहराङॱआङ उल्‍दुम्‍बा येहकें, माक्‍यो ताम मिहङ्यीहन्‍गेनदी येहकें, आला ख्‍याम्‍दी येहकें, नामे नाजोकी डे़छ्या दाङ ङ्याहम्‍साङ खाम्‍साङकी योक्‍पु काहल्‍दी येहकें, मिहला सेम चोक्‍पा च्‍याङदी ठादो पेहती राहङगी मिहजी ताङगो येहकें, मिहया़गी ओहराङला ङ्येन्‍ज्‍येन पेहको येहकें ओहले ओहराङगीॱआङ मिहया़ला ङ्येन्‍ज्‍येनॱराङ पेहको येहकें।

२ पत्रुस 2:20

यिहॱनाङ का़हलेॱआङ खुङया़गी ओहराङगी चो़वो दाङ थार्पा नाङगेन येशू मास्‍यीकाला ङोह स्‍य़ेदीॱआङ जाम्‍बुलीङकी चोक्‍पा लाहमला छ्यि च्‍य़ूगे ल़ेहया़लेगी स्‍योर सिहन्‍दी तिङले येहपाराङ तिहक्‍पाला छ्यिती ओ़हगी ओङला छ्यिसीमाना, खुङया़गी गादी तोहङमादी म़ेदीॱआङ जेन माहङबु चोक्‍पा ओहङज्‍ये येह।

२ पत्रुस 3:3

थाम्‍ज्‍यी म़ेदी तोहङले ख्‍याया़गी दि तामया़ ङोह स्‍य़े कोहएँ, तिङमागी ङ्यिहमाया़ला राहङगी सेमला ने़जेबाकी चोक्‍पा लाहमया़ला स्‍य़ूहदी डोएँकी मिहया़ थेन्‍दी ओहङज्‍ये येह, ओहले खुङया़गी ख्‍याया़ला स्‍ये़हन्‍डील पेहकेनॱराङ दि ल़ेहमु माज्‍ये येह,

ज्‍याल्‍गा 12:9

दि ल़ेहमु पेहते ओ़ह डुक, खो ताहङबोकी प्रुहल यिहन्‍गे, खो थाम्‍ज्‍यी जाम्‍बुलीङला गो़ कोर च्‍य़ूएँगी दियाबलस दाङ ती़ह गो-छ्येवा यिहम्‍बा। खो दाङ खोगी स्‍याहप्‍च्‍यीया़ला स्‍यिहङगामले माहर जाम्‍बुलीङला क्‍युर ज़ाङग्‍यो येहकें।

ज्‍याल्‍गा 13:14

ओ़ह तोहङस्‍यो सेम्‍ज्‍येनकी छापला दि ल़ेहमु याहम्‍जेम्‍बाकी ताक्‍छेनया़ तेन्‍गेन्‍गी स्‍युक खोला तेर्ते येहकें। दिगी पेहतीराङ खोगी जाम्‍बुलीङकी मिह थाम्‍ज्‍यीला गो़ कोर च्‍य़ूसीन। पादाङगी नाहन्‍दी काहल्‍देॱआङ थारक्‍यो ओ़ह सेम्‍ज्‍येनला ची़नाङ पेहच्‍येला थाम्‍ज्‍यीगी खोगी कु जे़दोङ म़ेदी ओ़ह ङ्यिपा सेम्‍ज्‍येनगी मिहया़ला कुल्‍सीन।

ज्‍याल्‍गा 18:23

लोकी क्‍या-साङे ता़ह यिहन्‍ज्‍यु ख्‍येला येहपा छ्या़ज्‍ये म़ेह ओहले माहक्‍पा साम्‍बा दाङ नामा साम्‍बाकी क़े ख्‍येला थे़ज्‍ये म़ेह। च्‍यिबेमाना ख्‍येगी छोङबाया़ जाम्‍बुलीङगी छ्यिम्‍बु-छ्यिम्‍बु मिहया़ येहकें, ओहले ख्‍येगी ङ्येहन क्‍याहप्‍ती क्‍यिहपा-क्‍यिहपागी मिहया़ला गो़ कोर च्‍य़ूसीन!”