२ तिमोथी 3:12 - ह्योल्मो12 मास्यीका येशूला सेम तिहङ यिहन्ज्यु क्याप्ती राहङगी मिहजी या़हबु ताङज्ये छोल्गेनया़ तुहक्पुला छ्यिॱराङ छ्यिच्ये येह। Faic an caibideil |
२ तिमोथी 3:12
32 Iomraidhean Croise
ता़ह या़हबु पेहती ङ्यिहन्दोङ, ङाह ख्याया़साला लुहङतेम्बा, खेम्बा ताहक्पु मिहया़ दाङ तेहन्दामकी छ्य़े-ठिमकी लोबेनया़ ताङ चाहङज्ये येह। खुङया़ नाहङला ख्याया़गी लाहलाला सेच्ये येह, लाहलाला क्याहङस्यीङला च्याङज्ये येह ओहले लाहलालादी छो़खाङया़ला ताक्स्यु क्याहप्च्ये येह ओहले लाहलाला क्याहसा च्यी़ले लेहमेन क्याहसा थु ङेच्ये येह।
ओहले खुङ ङ्यी़गी ओ़ह ग्या़ला येहकेन्गी चो़वो छ्येवागी स्याहप्च्यीया़ला यिह-छ्य़ेला सान्दी ज़ोएँॱराङ किन्ज्योला यिह छ्य़ेदी तेहच्येला स्युक क्ये च्य़ूसीन। सेमले खाल्दी थिक-चि पेहती तेहच्येला आ़र क्ये च्य़ूसीन। किन्ज्योगी क्याहल्सीला लेप्कें म़ेदी तोहङले ओहराङगी माहङबुराङ तुहक्पु खुर कोहज्ये येह म़ेदी लोप्ताम क्याहप्सीन।
ङ्यिह दि जाम्बुलीङला च्यी़राङ मिहम्बा यिहॱनाङ ख्याया़गी दिनॱलाङ ङ्यिहगी राहङगी डोलु-तेहलुया़ टाहङबु पेहती किन्ज्योगी थु-ङ्य़ेबुगी मिहजी ताङदी येहबा दि तामला ङ्यिह ख्याया़ला छ्य़ेन्दो तेन्दी मा ख़ूएँ ओहले ङ्यिहगी राहङगी नावागीॱआङ दिराङ पाङबु तेर्के, दि जाम्बुलीङगी रिहक्स्यी लाहमले मिहम्बा, यिहॱनाङ दि किन्ज्योगी काटीन लाहमले यिहम्बा।
तेहम्बाराङ किन्ज्योला क्याप्केन्गी तेहन्दा ङोहॱराङ स्ये मी़हखुएँगी नाहङ-ताम काहजे छ्यिम्बु येहबा? मास्यीका मिहगी पी़नाङ नोम्दी फेप नाङसीन, नाम्पार-ताहक्पा थुगी मिहरोला टाहङबु यिहम्बा म़ेदी तेन नाङसीन ओहले मिहरोला स्यिहङगामकी स्याहप्च्यीया़गीॱआङ थोङसीन। ओहले मिहरोकी तेहन्दाला लुहङबा लुहङबागी मिहया़गी थ़ेसीन, जाम्बुलीङला मिहरोला मिहया़गी यिह-छ्य़े पेहसीन ओहले किन्ज्योगी मिहरोला येहपाराङ स्यिहङगामला ज्यिबुराङ चा़ जेती नोम फेप्सीन!
Sanasan