२ तिमोथी 3:10 - ह्योल्मो10 ता़हनी ख्येगी ङाहगी लुहङ, ङाहगी डोलु-तेहलु, ङाहगी मिहलीकी सेम्बाया़, ङाहगी यिह-छ्य़े, ङाहगी ना़स्यीङ छ्यिम्बु, ङाहगी चेवा, ङाह सेम थिर पेहती तेहक्यो थोङदी येह। Faic an caibideil |
२ तिमोथी 3:10
27 Iomraidhean Croise
ए ङाहगी आदा-नो़ह दाङ आज्यी-नुहमुया़, ङाह ख्याला ओहर-छ्य़े स्युहउ येह, ख्याया़गी पाहरक्यीला ठू़ च्य़ूदी खा फ़ेदी डो च्य़ूएँगी मिहया़ दाङ यिह छ्य़ेलुला गो़ कोर्केन मिहया़ यिहन्ज्यु जेम्बु पेहतोङ। ख्याया़गी ज़्योरक्यो लोप्च्युङला खुङगी टाह पेहकें। ओ़ह ल़ेहमु मिहया़ ङ्याम्बु च्यामॱराङ माहच्याम।
च्यिबेमाना ङ्यिहगी ख्या फ़ेबे-म़ेहमेया़गी पाहरक्यीला लेहङगु या़हबु ख्योङगेमु तामला च्यी़राङ मिहम्बा, यिहॱनाङ नाम्पार-ताहक्पा थु दाङ ओङ लाहमले ख्या फ़ेबे-म़ेहमेया़गी तेहन्दामकी लेहङगु या़हबुया़ यिह छ्य़े ख़ूएँ पेहती ख्योङदी ओहङसीन। ङ्यिह ख्या फ़ेबे-म़ेहमेॱया ङ्याम्बु तेहकेमु ङ्यिहगी ख्या फ़ेबे-म़ेहमेया़गी तेहन्दाला ङ्यिहगी मिहजी काहन्डुमु पेहती ताङबा, ओ़ह राहङया़ला थुयी़राङ येह।
ख्येगीराङ ल़ेह थाम्ज्यी या़हबु पेहती खुङया़ला पे तेन्दोङ। लुहङ तेर्केमु तेहन्दाम, ख्येला लेहमेन मिहया़गी ची़नाङ पेहकेन छ्याप्स्यीगी, सुज्यीगीॱआङ ताम च्येह मी़हखुएँगी तामया़ तिक्पु पेहती खुङया़ला लोप्तोङ। ओहले ओहराङला टाह पेहकेन मिहया़गी ओहराङला च्यिॱआङ चोक्पा तामया़ मा ख़ूज्ये म़ेह ओहले खुङया़ ङोहजाला छ्यिच्ये येह।
Sanasan