२ तिमोथी 2:9 - ह्योल्मो9 ओ़ह या़हबु लेहङगु मिहया़ला स्य़ेक्यो सोङबे ङाहगी तुहक्पु खुर कोहक्यो यिहम्बा। ओहजे च्यी़राङ मिहम्बा, मिह नाहग-च्येनला ल़ेहमुराङ पेहती च्याल्दागी ताहम्दी चोन-खाङला तेह के़हदी येहबा। यिहॱनाङ किन्ज्योगी लुहङनी च्याल्दागी ताहम्दी ज़्या़ मी़हखुएँ Faic an caibideil |
२ तिमोथी 2:9
22 Iomraidhean Croise
ख्याया़ला नाहम-माना ङाहगी सेम नाहङला ज़्या़दी येह। दि ल़ेहमु पेहच्येला ङाहला ठाबे ऩेसीन च्यिबेमाना ताहन्दा ङाह चोन-खाङ नाहङला येहकेंमु ओहले चोन-खाङ म़ेदी फिला येहकेमुॱआङ ख्याया़गी ङाहला या़हबु लेहङगु स्येकेन्गी ल़ेहला ओहले दिला सी़दे ज़्या़ज्येला किन्ज्योगी नाङग्यो दि थाम्ज्यी काटीनला ख्याया़ ङाह ङ्याम्बुराङ पी़मा काहल्दी येह।
ओ़ह सोङबे ङाह दि से़हया़ला तुहक्पु खुर्केॱराङ येहबा। यिहॱनाङ ङाहला दिगी तेहन्दाला च्यिॱआङ ङोहजा मेहयोहङगे च्यिबेमाना ङाहगी सु थो़ला म़ेहबा पेहक्यो येहबा ओ़ह ङाहला या़हबु पेहती क्यी़ह येहबा। किन्ज्योगी ङाहला चि क्याहप नाङग्योकी से़हया़ मिहरोगीॱराङ ओ़ह ङ्यिहमा थु सी़दे ज़्या़ नाङज्ये येह। दि तामला ङाह म़ेहबा पेहकें।
किन्ज्योला यिह-छ्य़े माहबेबाकी मिहया़गी पाहरक्यीला ख्याया़गी डोलु-तेहलु या़हबु ओहङज्यु। सुज्यीगीॱआङ ख्याया़ला मिह चोक्पा म़ेदी ख्याला टाह पेहसीनमाॱनाङ खुङया़गी ख्यागी पेहक्योगी ल़ेह या़हबुया़ थोङज्यु, ओहले किन्ज्योगी ठिम ताङ नाङगेन ङ्यिहमाला खुङया़गी किन्ज्योला त़ेरा तेच्या फुल्ज्यु।
Sanasan