२ तिमोथी 2:3 - ह्योल्‍मो

³ मास्‍यीका येशूकी या़हबु माक्‍मीगी ल़ेहमुराङ पेहती ख्‍येगीॱआङ तुहक्‍पु खुर्तोङ।

२ तिमोथी 2:3 Iomraidhean Croise

ल़ेह-पेन 23:31

ओहले माक्‍पेन छ्यिम्‍बुगी माक्‍यो ल़ेहमुराङ पेहती माक्‍पेन दाङ माक्‍मीया़गी पावलला ख्‍येर्ती काहल्‍सीन। ओहले खुङया़गी पावलला ओ़ह कुहङमुराङ एन्‍टिपाट्रिस माएँ ग्‍या़ थु क्‍याहल्‍सीन।

१ कोरिन्‍थी 13:7

चेवागी ताम थाम्‍ज्‍यीराङ ना़गे, ताम थाम्‍ज्‍यीला यिह छ्य़ेगे, ताम थाम्‍ज्‍यीला रेहवा पेहकें, ताम थाम्‍ज्‍यीला सेम थिक-चि पेहती तेहकें।

१ कोरिन्‍थी 9:7

राहङदीराङ डोसोङला का़हन्‍दी माक्‍मीगी ल़ेह पेहटो ले? कुहन्‍डुम कामे क्‍याहप्‍के मिहगी ओ़हगी कामे मेहसाहडो ले? ओहले राह-ल़ूह सोएँ मिहगी ओ़ह लाहमले ओहमा मेहसाहडो ले?

२ कोरिन्‍थी 1:6

ङ्यिहगी तुहक्‍पु ङ्युहङग्‍योदी ओ़ह ख्‍याया़गी स्‍य़िहदे दाङ थार्पागी तेहन्‍दाला यिहम्‍बा। ओहले किन्‍ज्‍योगी ङ्यिहला स्‍य़िहदे नाङग्‍योदीॱआङ ओ़ह ख्‍याया़गी स्‍य़िहदेगी तेहन्‍दाला यिहम्‍बा। ङ्यिहगी खुरक्‍योकी ओ़ह तुहक्‍पुया़राङ ख्‍याया़गी ना़स्‍यीङ छ्यिम्‍बु पेहती ना़ ख़ूज्‍ये येह।

१ तिमोथी 1:18

त़ेदोङ, ङाहगी पुह तिमोथी, माहङबुराङ तोहङले ख्‍येगी तेहन्‍दाला किन्‍ज्‍यो ङो़ले सुङ नाङग्‍योकी स्‍याहलला ल़ेहमु पेहती ख्‍येला दि ल़ेहया़ चि क्‍याहप्‍केराङ येहबा। ख्‍येगी मा़ या़हबु क्‍याहप्‍तोङ।

२ तिमोथी 1:1

किन्‍ज्‍योगी थुगी जेती मास्‍यीका येशू ङ्याम्‍बु येहकेन्‍गी मिहलीगी ताहम्‍ज्‍यागी तेहन्‍दाला स्‍येच्‍येला ङाह पावल मास्‍यीका येशूकी ल़ेह-पेन काहल्‍ग्‍यो यिहम्‍बा।

२ तिमोथी 1:8

ओ़ह सोङबे ओहराङगी चो़वोकी पाङबु तेहच्‍ये दाङ ङाह चोन-खाङला छ्यिक्‍योगी तेहन्‍दाला ख्‍ये ङोहजा माहबे! बरु ख्‍येगीॱआङ किन्‍ज्‍योकी ओङकी पेहती या़हबु लेहङगु स्‍येच्‍येला तुहक्‍पु खुर्तोङ।

२ तिमोथी 2:10

ओ़ह सोङबे किन्‍ज्‍योगी दाम नाङग्‍योकी मिहया़गी तेहन्‍दाला ङाह च्‍यि स़ेह माना ना़गे, ओ़हगी पेहती खुङया़गीॱआङ था़ म़ेहबा ज़िज्‍यिद ङ्याम्‍बु मास्‍यीका येशू थो़ला येहकेन्‍गी थार्पा ज्‍योर ख़ूज्‍यु।

२ तिमोथी 2:9

ओ़ह या़हबु लेहङगु मिहया़ला स्‍य़ेक्‍यो सोङबे ङाहगी तुहक्‍पु खुर कोहक्‍यो यिहम्‍बा। ओहजे च्‍यी़राङ मिहम्‍बा, मिह नाहग-च्‍येनला ल़ेहमुराङ पेहती च्‍याल्‍दागी ताहम्‍दी चोन-खाङला तेह के़हदी येहबा। यिहॱनाङ किन्‍ज्‍योगी लुहङनी च्‍याल्‍दागी ताहम्‍दी ज़्‍या़ मी़हखुएँ

२ तिमोथी 3:11

एन्‍टिओखिया, आइकोनियन दाङ लुस्‍त्रा लुहङबाला मिहया़गी ङाहला तुहक्‍पु तेरक्‍यो दाङ सताई-तिक्‍योगी तामया़ ख्‍येगी या़हबु ङोह स्‍य़ेदीॱराङ येहबा। यिहॱनाङ चो़वोगीॱराङ ङाहला ओ़ह थाम्‍ज्‍यी तुहक्‍पुया़ ङो़ले थार च्‍य़ू नाङसीन।

२ तिमोथी 4:5

यिहॱनाङ ख्‍येदी सान्‍दी पेहती तेह। तुहक्‍पु खुर्तोङ, या़हबु लेहङगु स्‍येकेन्‍गी ल़ेहया़ पेहतोङ, ओहले ख्‍येगी किन्‍ज्‍योगी छ्या़लेया़ छाङबु पेहती पेहतोङ।

फिलेमोन 1:2

ओहराङगी नुहमु अप्‍फिया, ङ्यिह ङ्याम्‍बुराङ डी़दी ले़ह पेहक्‍योगी माक्‍मी रो़ह अर्खिप्‍पस दाङ ख्‍येगी खाङबाला छो़क्‍यो छेन्‍छोकला:

हिब्रू 10:32

ओ़ह तोहङमागी ङ्यिहमाया़ टेहम्‍बा साल्‍दोङ। ओहजे काहङला ख्‍याया़गी किन्‍ज्‍योकी क्‍या-साङे ज्‍योर फान्‍ज्‍यो माहङबुराङ तुहक्‍पु खुर कोहसीन यिहॱनाङ ख्‍याया़गी सेम मा-फाम्‍बु माहकाहल।

हिब्रू 11:27

तेहपा लाहमलेॱराङ खोगी क्‍याहल्‍बुगी थुयाललाॱआङ नाङदा माहबेबा पेहती मिश्र क्‍याहल-खापले थेन्‍दी काहल्‍सीन ओहले थोङ मी़हखुएँ किन्‍ज्‍योला थोङग्‍यो ल़ेहमुराङ पेहती खोगी सिपाज्‍यीॱआङ क्‍याहप लो़हदी मा़हते।

हिब्रू 6:15

अब्राहामगी ना़स्‍यीङ छ्यिम्‍बु पेहती कू़हदी तेहसीन ओहले किन्‍ज्‍योगी ताहम्‍ज्‍या ज़्‍या़ नाङग्‍योकी मेलामया़ खोगी ज्‍योर्सीन।

याकूब 1:12

तुहक्‍पु-काहबुगी ती़हजीलाॱआङ ना़दे थिर पेहती तेहकें मिह काहजे सोनाम-साक्‍पु। च्‍यिबेमाना किन्‍ज्‍योगी मिहरोला चेवा पेहकेनया़ला मिहलीगी च्‍याहगा तेर्के सुङदे ताहम्‍ज्‍या ज़्‍या़ नाङदी येह। ओ़ह च्‍याहगादी सु, तुहक्‍पुगी ती़हजीलाॱआङ थिर पेहती तेह ख़ूएँ खोगी ज्‍योर्च्‍ये येह।