२ तिमोथी 2:2 - ह्योल्‍मो

² पाङबु तेर्के माहङबुराङ मिहया़की दिनला ङाहगी ख्‍येला लोप्‍क्‍योकी तामया़ लेहमेन लोप ख़ूएँ दाङ यिह-छ्य़ेबु मिहया़ला चि क्‍याहप तेर।

२ तिमोथी 2:2 Iomraidhean Croise

मत्ती 13:52

ओहले येशूगी येहपाराङ सुङ नाङसीन, “ता़ह यिहन्‍ज्‍यु किन्‍ज्‍योगी क्‍याहल्‍सीकी तेहन्‍दाला सुङदेन ज़्‍योरक्‍योगी थाम्‍ज्‍यी छ्य़ेकी खेम्‍बुदी खाङबागी ताहक्‍पु च्‍यी़ ल़ेहमुराङ यिहम्‍बा। खाङबा ताहक्‍पुगी राहङगी चाहङलेगी साम्‍बा से़हया़ॱआङ तेन्‍गे, ओहले निङबा से़हया़ॱआङ तेन्‍गे।”

मत्ती 24:25

“टेहम्‍बा साल्‍दी ज़्‍यो़, ङाहगी ख्‍याया़ला दि केच्‍या तोहङलेराङ मा सिहन्‍दी येह।

लूका 12:42

ओहले येशूगी सुङ नाङसीन, “यिह-छ्य़ेबु दाङ रिहक्‍स्‍यी छ्यिम्‍बु येहकेन्‍गी डु गोबा काहन्‍डुमु मिह यिहन्‍डो? खोला ताहक्‍पुगी राहङ खाङबा मे़हमेया़ला ठाबे ती़हजीला खुङया़गी बोला थोप्‍केन्‍गी साहप्‍च्‍या क्‍य़ेज्‍येला कुलज्‍ये येह।

१ कोरिन्‍थी 4:2

ओहले किन्‍ज्‍योदी तिहङ-रिहङबुगी तेहन्‍दा स्‍येच्‍येला चि क्‍याहप्‍क्‍योगी मिहया़ किन्‍ज्‍योगी ज़ी़लुला यिह-छ्य़ेबु ओहङ कोहकें।

२ कोरिन्‍थी 2:14

यिहॱनाङ ङाह किन्‍ज्‍योला थुज्‍यी-छ्ये़ फुल्‍गे, मिहरोगी ङ्यिहया़ला मास्‍यीका ङ्याम्‍बुराङ क्‍याहल्‍गेन्‍गी लाहमला ॱठि नाङगे, ओहले टिहमा स्‍यिहम्‍बु खाएँगी मास्‍यीकागी येहन्‍देन छ्यो़ ज़्‍यिलाराङ फेल्‍ज्‍येला मिहरोगी ङ्यिहया़ला कुल नाङगे।

२ कोरिन्‍थी 3:5

च्‍यि स़ेह माॱनाङ ङ्यिह लाहमलेॱराङ ओहङग्‍यो यिहन म़ेदी ठे-टिहती माज्‍येला ङ्यिह राहङॱआङ सी़हज्‍ये म़ेह, यिहॱनाङ ङ्यिहगी पेह ख़ूएँगी से़हया़नी किन्‍ज्‍यो लाहमलेॱराङ ओहङगे यिहम्‍बा।

कलस्‍सी 1:7

दि या़हबु लेहङगु ङ्यिह ङ्याम्‍बुराङ स्‍याहप्‍तो स्‍युहएँ च्‍याहम्‍बु नो़ह इपाफ्रासगी ख्‍याया़ला लोप्‍सीन। खो ङ्यिह ङ्याम्‍बुराङ ङ्यिहती छापला ख्‍याया़गी पाहरक्‍यीला मास्‍यीकाकी छ्या़ले पेहकेन यिह-छ्य़ेबु नो़ह यिहन।

१ तिमोथी 1:12

ङाहगी ल़ेहला ङाहला स्‍युक नाङगेन ओहराङगी चो़वो येशू मास्‍यीकाला ङाह थुज्‍यी-छ्ये़ फुल्‍गे। मिहरोगी ङाहला यिह-छ्य़ेबु ज़ी़ नाङदे राहङगी छ्या़लेला च्‍य़ू नाङसीन।

१ तिमोथी 1:18

त़ेदोङ, ङाहगी पुह तिमोथी, माहङबुराङ तोहङले ख्‍येगी तेहन्‍दाला किन्‍ज्‍यो ङो़ले सुङ नाङग्‍योकी स्‍याहलला ल़ेहमु पेहती ख्‍येला दि ल़ेहया़ चि क्‍याहप्‍केराङ येहबा। ख्‍येगी मा़ या़हबु क्‍याहप्‍तोङ।

१ तिमोथी 4:14

ख्‍येगी ज्‍योरक्‍योकी काबापला याहङसे मा़हने। ओ़ह काबाप लुहङतेम्‍बागी स्‍याहल सुङगेमु ओहले छेन्‍छोककी एल्‍डरया़गी ख्‍ये थो़ला लाहक्‍पा ज़्‍या़गेमु ख्‍येला ज्‍योरक्‍योकी काबाप यिहम्‍बा।

१ तिमोथी 4:6

का़हलेॱआङ ख्‍येगी आदा-नो़ह दाङ आज्‍यी-नुहमुया़ला दि लुहङ लोप तेर्सीमाना ख्‍येगी ची़दे ओङग्‍योकी तेहन्‍दामकी लुहङ दाङ तेहपाकी सुङला छार्ती ख्‍ये मास्‍यीका येशूती ज्‍यिबुराङ या़हबु स्‍याहप्‍तो स्‍युहएँगी मिह डोज्‍ये येह।

१ तिमोथी 5:22

ह्‍अदा-ह्‍ओदे पेहती सु मिहज्‍यी थो़ला लाहक्‍पा ज़्‍या़दी खुङला छेन्‍छोककी एल्‍डर माहज़ो़। ओहले लेहमेन मिहया़गी पेहकेन्‍गी तिहक्‍पागी ल़ेहला लाहक्‍पा माहक्‍याहप। राहङला नाहम्‍माॱनाङ नाम्‍पार-ताहक्‍पा ज़्‍या़दोङ।

१ तिमोथी 6:12

यिह-छ्य़ेकी या़हस्‍यो मा़ क्‍याहप्‍तोङ। था़ म़ेहबाकी मिहली ज़ुङदी ज़्‍या़दोङ। दिगी तेहन्‍दालाराङ ख्‍येला क़े क्‍याहप नाङग्‍यो येहकें, ख्‍येगी माहङबुराङ पाङबु तेर्के मिहया़गी दिनला राहङगी यिह-छ्य़ेकी तेहन्‍दाला तेहन्‍दामकी पाङबु तेरक्‍यो येहकें।

२ तिमोथी 3:10

ता़हनी ख्‍येगी ङाहगी लुहङ, ङाहगी डोलु-तेहलु, ङाहगी मिहलीकी सेम्‍बाया़, ङाहगी यिह-छ्य़े, ङाहगी ना़स्‍यीङ छ्यिम्‍बु, ङाहगी चेवा, ङाह सेम थिर पेहती तेहक्‍यो थोङदी येह।

२ तिमोथी 3:14

यिहॱनाङ ख्‍येगी लोप्‍क्‍यो दाङ निङ थाक्‍पा यिहन्‍ज्‍युराङ म़ेहबा पेहक्‍योकी दि तामया़ला क्‍याप्‍तीॱराङ तेहतोङ।

हिब्रू 2:17

ओ़ह सोङबे राहङगी नो़हया़ काहन्‍डुमु येहबा येशू राहङॱआङ थाम्‍ज्‍यी से़हया़ला ओ़ह ल़ेहमुराङ डो कोहसीन, ओहले मिहया़गी तिहक्‍पा ता़ह च्‍य़ू नाङज्‍येला येशू किन्‍ज्‍योगी छ्या़लेला यिह-छ्य़ेबु दाङ च्‍याहम्‍बु पूजाहारी छ्यिम्‍बु काहल्‍सीन।