२ तिमोथी 2:18 - ह्योल्‍मो

¹⁸ स्‍यिदीले सोम्‍बो लो़हगेन्‍गी ताम तोहङलेराङ काहल सिहन्‍सीन म़ेदी खुङया़गी तेहन्‍दामकी लाहमला क्‍युर्ती येह। काहजे मिहया़गी तेहपाला खुङया़गी गो़ कोर च्‍य़ूगेनॱराङ येह।

२ तिमोथी 2:18 Iomraidhean Croise

मत्ती 15:13

येशूगी सुङ नाङसीन, “स्‍यिहङगामला ज़्‍य़ू नाङगेन ङाहगी याहपगी च़ू माहनाङबादी थाम्‍ज्‍यीराङ तोहङबो रिङ यिहन्‍ज्‍युराङ पो नाङज्‍ये येह।

मत्ती 22:29

ओहले येशूगी खुङया़ला सुङ नाङसीन, “ख्‍याया़ जोल्‍दी तेहक्‍यो दुबा। ख्‍याया़गी सुङरापगी स्‍याहल दाङ किन्‍ज्‍योगी ओङगी तेहन्‍दाला ङोह स्‍य़ेदी मिहन्‍दु।

लूका 8:13

ओहले तोहरो खाया़ला लेप्‍क्‍योगी सेनगी तेहन्‍दादी च्‍यि यिहम्‍बा मासीमाना, लाहलागी सुङदेन ङ्यिहन्‍दी क़ेहनाङ पेहती यिह छ्य़ेगे। यिहॱनाङ खुङ चार्ङ्यी म़ेहबागी तोहङबो ल़ेहमुराङ यिहम्‍बा, खुङगी ङ्यिहमा तोबा च्‍यी़राङ किन्‍ज्‍योला यिह-छ्य़े पेहकें, ओहले च्‍यि रोहवा का़हबु ओहङसीमाना किन्‍ज्‍योलेगी तेहपा लो़हएँ।

ल़ेह-पेन 5:39

यिहॱनाङ दि किन्‍ज्‍यो ङो़ले यिहन्‍सीमानानी ख्‍या फे़बेया़गी दि मिहया़ला का़ मी़हखुएँ। का़हलेॱआङ का़ज्‍ये पेहसीमाना ख्‍यागी किन्‍ज्‍योला टा़ह पेहक्‍यो म़ेदी ङोह स्‍ये़ज्‍ये येह।”

१ कोरिन्‍थी 11:19

यिहन्‍ज्‍येनी तेहन्‍दामकी मिह ङोह स्‍येच्‍येला ख्‍याया़ नाहङला ठ़ूस्‍यी ओहङॱराङ कोहएँ।

१ कोरिन्‍थी 15:12

मास्‍यीकानी टोहङदी येहपाराङ सोम्‍बो ज़्‍याङ नाङसीन म़ेदी ख्‍यागी मिहया़ला स्‍येकें मासीमाना काह-ठि पेहती ख्‍या नाहङला लाहलागी स्‍यिक्‍यो मिहया़ येहपाराङ सोम्‍बो लो़ह मी़हखुएँ म़ेदी मा ख़ूएँ ले?

कलस्‍सी 3:1

का़हलेॱआङ ख्‍याया़ मास्‍यीका ङ्याम्‍बु सोम्‍बो लो़हक्‍यो यिहन्‍सीमाना ता़ह स्‍यिहङगामकी से़हया़ छोल्‍दोङ, ओ़हला मास्‍यीका किन्‍ज्‍योगी योबा छ्या़ ङो़ले ज़्‍य़ू नाङदी येह।

१ तिमोथी 1:19

ख्‍येगी राहङगी तेहपा दाङ नावा या़हबुला माहपाङ। लाहला मिहगी राहङगी नावागी माक्‍यो तामला मी़हची़एँमु राहङगी तेहपाकी छ्यु-टुहला नुप च्‍य़ूदी येह।

१ तिमोथी 6:10

च्‍यिबेमाना ल़ेह चोक्‍पा ना थाम्‍ज्‍यीगी चार्ङ्यीदी क्‍युह-नोहरकी निङज्‍यी यिहम्‍बा। काहजे मिहया़गीनी क्‍युह-नोहरकी ह्‍अम्‍बाला छ्यिती तेहपा पेहच्‍ये क्‍युर्ती चोक्‍पा लाहम ङो़ले स्‍य़ूहदी येहबा। ओहले तुहक्‍पुगी खुङया़की सेम ज्‍यिबुराङ सुह क्‍याहप्‍ती येह।

१ तिमोथी 6:21

च्‍यिबेमाना काहजे मिहया़गी दि ल़ेहमु से़हया़की तिङ ङ्या़गेमु यिह-छ्य़े ङो़ले लो़हक्‍यो येह। किन्‍ज्‍योगी काटीन ख्‍या थाम्‍ज्‍यी ङ्याम्‍बु ज़्‍य़ू नाङज्‍यु।

२ तिमोथी 2:14

दि ताम खुङया़ला टेहम्‍बा साल च्‍य़ू तेर, ओहले चो़वोकी दिनला का तेर, च्‍यिबेमाना खुङया़गी ताम-छिकाया़की तेहन्‍दाला स्‍येपा माहतुहर्च्‍यु, ओ़हगी च्‍यिॱआङ फेन्‍दोप मेहयोहङगे, यिहॱनाङ ओ़हगीनी ङ्यिहन्‍गे मिहया़ला ऩे च्‍यी़राङ क्‍याल्‍गे।

तीतस 1:11

खुङगी खाला खास्‍यो माहक्‍याहप्‍पा मेहयोहङगे, च्‍यिबे मासीमाना खुङया़गीनी लोप्‍च्‍येराङ मे़हयोहङगेन्‍गी तामया़ लोप्‍ती खाङबा मे़हमेया़ थाम्‍ज्‍यीला ठू़ च्‍य़ूदी येह। टाङगा ज़ो़ज्‍येगी तेहन्‍दाला च्‍यी़राङ खुङया़गी दि ल़ेहमु पेहक्‍यो यिहम्‍बा।

हिब्रू 3:10

ओ़ह सोङबे ओ़ह मिहया़ ङ्याम्‍बु ङाहला स्‍यिहताङ लाहङसीन ओहले ङाहगी मासीन, ‘खुङगी सेम नाहम पेहॱनाङ ङाहलेगी था़-रिहङबु काहल्‍दी येह, खुङगी ङाहगी लाहमला डोज्‍ये माहङ्यीहन।’

याकूब 5:19

ङाहगी आदा-नो़ह दाङ आज्‍यी-नुहमुया़, ख्‍याया़ नाहङला सुज्‍यी तेहन्‍दामगी लाहमले क्‍यो़दी काहल्‍सीन माना खोला लो़दी ख्‍येर्स्‍यो।

१ यूहन्‍ना 2:19

ओ़ह टाहया़ ओहराङ नाहङलेॱराङ थेन्‍दी काहल्‍सीन, च्‍यिबेमाना खुङ ओहराङदी मिहम्‍बा यिहन्‍गे। का़हलेॱआङ खुङया़ ओहराङदी यिहम्‍बा यिहनानी खुङ ओहराङ ङ्याम्‍बुराङ तेहच्‍ये येहकें। खुङ ओहराङदी मिहम्‍बा दु म़ेदी या़हबु पेहती क्‍यी़ह ज्‍योर्च्‍येला खुङया़गी ओहराङला क्‍युर ज़्‍या़दी काहल्‍सीन।