२ तिमोथी 2:16 - ह्योल्‍मो

¹⁶ जाम्‍बुलीङकी तेहन्‍दा म़ेहबा दाङ कोह मे़हछ्येएँगी तामया़लेगी था़-रिहङबुराङ तेह, च्‍यिबेमाना दिगीनी मिहया़ला किन्‍ज्‍यो यिहन्‍ज्‍यु जेन माहङबु था़-रिहङबु ख्‍येर्के।

२ तिमोथी 2:16 Iomraidhean Croise

१ कोरिन्‍थी 15:33

ख्‍या तेहन्‍दाम म़ेहबागी तामया़ला यिहम्‍बा म़ेदी माहतेह। चोक्‍पा मिहया़ ङ्याम्‍बु च्‍याम्‍गेमु या़हबु मिहया़ॱआङ नोहङगे।

१ कोरिन्‍थी 5:6

ख्‍याया़गी छ्य़ेन्‍दो तेन्‍गेन्‍दी या़हबु मिहम्‍बा। च्‍योप्‍क्‍यो चाम्‍बाला सिपाज्‍यीराङ खमिर लू़सीमाना चाम्‍बा रेबेॱराङ फोर्के माएँदी च्‍यि ख्‍याया़ला क्‍यी़ह म़ेहबा?

१ तिमोथी 1:9

ओहराङला दि तामॱआङ क्‍यी़ह ओहङ कोहएँ, ठिम या़हबु मिहगी तेहन्‍दाला ज़ोक्‍यो मिहम्‍बा। ठिमनी ठिमला गोम्‍गेन दाङ माक्‍योगी ताम मी़हङ्यिहन्‍गेनया़गी तेहन्‍दाला, किन्‍ज्‍योला मी़हचीगे दाङ तिहक्‍च्‍येम्‍बाया़गी तेहन्‍दाला, नाम्‍पार-ताहक्‍पा म़ेहबा दाङ छ्य़े मी़हची़गेनया़गी तेहन्‍दाला, राहङ आबा-आमाला सेकेंया़ दाङ मिह सेकेंया़गी तेहन्‍दाला,

१ तिमोथी 4:7

किन्‍ज्‍योला मे़हक्‍याप्‍के दाङ तेहन्‍दा म़ेहबागी तोहङमा तोहङमागी पेतामया़ ङो़ले था़-रिहङबुराङ तेह। बरु किन्‍ज्‍योला क्‍याप्‍ती राहङगी मिहजी या़हबु ताङज्‍येला च्‍याहङदार पेहतोङ।

१ तिमोथी 6:20

तिमोथी, ख्‍येला चि क्‍याहप्‍क्‍योगी तामया़ या़हबु पेहती ज़्‍यो़। उल्‍दुम्‍बा तामया़ दाङ फेन मे़हथोएँगी तामया़ला ताहक्‍स्‍यार पेहकेन्‍गी तामया़ ओ़ह माहताहक्‍पाकी येहन्‍देनया़ यिहम्‍बा ओ़ह ङो़ले ख्‍ये था़-रिहङबुराङ तेह।

२ तिमोथी 2:14

दि ताम खुङया़ला टेहम्‍बा साल च्‍य़ू तेर, ओहले चो़वोकी दिनला का तेर, च्‍यिबेमाना खुङया़गी ताम-छिकाया़की तेहन्‍दाला स्‍येपा माहतुहर्च्‍यु, ओ़हगी च्‍यिॱआङ फेन्‍दोप मेहयोहङगे, यिहॱनाङ ओ़हगीनी ङ्यिहन्‍गे मिहया़ला ऩे च्‍यी़राङ क्‍याल्‍गे।

२ तिमोथी 2:21

पे-मी़हसिहएँगी तामया़ ङो़ले मिहगी राहङगी राहङला चाङमा ज़ोसीन माना खो या़हबु ल़ेहया़की तेहन्‍दाला पे-सी़हएँगी मिह च्‍यी़ डो ख़ूज्‍ये येह, ओहले खाङबा ताहक्‍पुकी तेहन्‍दाला चाङमा, फेन्‍दोप दाङ या़हबु ल़ेहया़ च्‍यिला-माना ठाबे टी़हज्‍ये येह।

२ तिमोथी 3:13

यिहॱनाङ मिह ङ्येहम्‍बाया़ दाङ ठाग तिएँया़गी लेहमेन मिहया़ला गो़ कोर च्‍य़ूज्‍ये येह ओहले खुङ राहङॱआङ गो़ ली़ज्‍ये येह ओहले खुङ जेन-जेन नोहङदी डोज्‍ये येह।

तीतस 1:11

खुङगी खाला खास्‍यो माहक्‍याहप्‍पा मेहयोहङगे, च्‍यिबे मासीमाना खुङया़गीनी लोप्‍च्‍येराङ मे़हयोहङगेन्‍गी तामया़ लोप्‍ती खाङबा मे़हमेया़ थाम्‍ज्‍यीला ठू़ च्‍य़ूदी येह। टाङगा ज़ो़ज्‍येगी तेहन्‍दाला च्‍यी़राङ खुङया़गी दि ल़ेहमु पेहक्‍यो यिहम्‍बा।

तीतस 1:14

ओ़हठी पेहसीमाना च्‍यी़राङ तेहन्‍दामकी स्‍याहलला मी़हचीएँ मिहया़गी का दाङ तेहन्‍दा म़ेहबा यहूदीया़की पेतामया़ला ची़ज्‍ये म़ेह।

तीतस 3:9

यिहॱनाङ तेहन्‍दा म़ेहबागी तामला स्‍येपा तुहर्केन दाङ गो़ रिङ म़ेहबागी ताहङबो चावाया़की पेतामया़, मिहया़ला ठू़ च्‍य़ूगे दाङ छ्य़े-ठिमकी तेहन्‍दाकी ठू़स्‍यीया़ ङो़ले ख्‍या था़-रिहङबुराङ तेह च्‍यिबेमाना दि तेहन्‍दा म़ेहबागी फेन मे़हथोएँगी तामया़ यिहम्‍बा।

हिब्रू 12:15

जेम्‍बु पेह, सु मिहज्‍यीॱआङ किन्‍ज्‍योकी काटीन ज्‍योर्च्‍येला ल़े टोहल (छूट) माहती़ज्‍यु, ओहले ख्‍या यिहला खाक्‍ती ज़ोएँगी तू़हगी तोहङबो ल़ेहमु बी़दी ओहङदी मिहया़ला तुहक्‍पु तेर्केन्‍की मिहया़ माहन्‍डोज्‍यु, मिहन्‍सीमाना ख्‍यागी मिह माहङबुलाराङ मेहचाङा ज़ोज्‍ये येह।

२ पत्रुस 2:18

खुङ छ्य़ेन्‍दो छ्यिम्‍बु तेन्‍दी फेन मे़हथोएँगी तामया़ माएँ, ओहले थेरेरे चोक्‍पा लाहमले स्‍योर्ती ओहङग्‍यो मिहया़ला ज़ुबुकी खाम्‍साङबुकी तेहन्‍दाला पे मी़हसीहएँगी ल़ेहया़ तेन्‍दी छ्यि च्‍य़ूगे।

२ पत्रुस 2:2

मिह माहङबुराङ खुङया़गी पे मी़हसीहएँगी लाहमया़ला स्‍य़ूहज्‍ये येह ओहले खुङगी पेहती तेहन्‍दामकी लाहमती आब्रु डोज्‍ये येह।

ज्‍याल्‍गा 13:14

ओ़ह तोहङस्‍यो सेम्‍ज्‍येनकी छापला दि ल़ेहमु याहम्‍जेम्‍बाकी ताक्‍छेनया़ तेन्‍गेन्‍गी स्‍युक खोला तेर्ते येहकें। दिगी पेहतीराङ खोगी जाम्‍बुलीङकी मिह थाम्‍ज्‍यीला गो़ कोर च्‍य़ूसीन। पादाङगी नाहन्‍दी काहल्‍देॱआङ थारक्‍यो ओ़ह सेम्‍ज्‍येनला ची़नाङ पेहच्‍येला थाम्‍ज्‍यीगी खोगी कु जे़दोङ म़ेदी ओ़ह ङ्यिपा सेम्‍ज्‍येनगी मिहया़ला कुल्‍सीन।

ज्‍याल्‍गा 13:3

खोती गो़ च्‍यी़लादी ज्‍यिबुराङ छ्यिम्‍बु नाहन्‍दी काहल्‍ग्‍यो ल़ेहमु थोङगो येहकें, यिहॱनाङ खोगी नाहन्‍दी टा़हक्‍यो येहकें। ओहले जाम्‍बुलीङ थाम्‍ज्‍यी ह्‍अ ल़ेहदी ओ़ह सेम्‍ज्‍येन तिङला ताहदा क्‍याहप्‍ती काहल्‍सीन।