२ तिमोथी 2:15 - ह्योल्मो15 तेहन्दामकी लुहङला या़हबु पेहती चा़लतिएँकी ल़ेहमीया़ ल़ेहमुराङ किन्ज्योला थु ङ्य़ेबु पेहती मिहरोगी दिनला मिहरोगी स्याहल माज्येला नाहम-माना ठाबे पेहती तेहतोङ। दि ल़ेहमु पेहती ख्ये ङोहजाला छ्यि-माहकोहज्यु। Faic an caibideil |
२ तिमोथी 2:15
29 Iomraidhean Croise
“इस्राएली आदा-नो़हया़, ङाहगी ताम सेन नाङदोङ। किन्ज्योगी येशू लाहमले ख्या फे़बेया़गी पाहरक्यीला ओङ छ्यिम्बुगी छ्या़लेया़ जे-नाङदी याहम्जेन छ्येवागी ताक्छेनया़ तेन नाङग्योदीनी ख्या फे़बेया़ला थुयी़राङ येहबा। ओ़ह ताक्छेनया़ लाहमले किन्ज्योगी नासरतकी येशूला राहङगीराङ ताङग्यो यिहम्बा म़ेदी दास्यी नाङसीन।
ङ्यिहगी ङोह छाएँगी ल़ेहया़ दाङ यिहप्ती-यिहप्ती पेहकेन्गी ल़ेह चोक्पाया़ पाङदी येहबा। ङ्यिह गो़ कोर च्य़ूदी ल़ेह मेहबेकें ओहले किन्ज्योगी सुङला याहर-माहर मेहबेकें। यिहॱनाङ तेहन्दामला ङ्यिह छ्यिसाल-नाहङसाल पेहती प्रा साल्गे ओहले किन्ज्योगी ज़ी़लुला ङ्यिह तेहन्दाम दाङ टाहङबु पेहती मिह थाम्ज्यीगी थोङगे पेहती मिहजी ताङगेराङ येह।
आदा-नो़ह दाङ आज्यी-नुहमुया़ ङ्यिह ख्या फ़ेबे-म़ेहमेया़ला दि लोप्ताम क्याहप्को येह ख्या फ़ेबे-म़ेहमेया़गी ल़ेहमी-लाहम पेहकेनया़ला लोप्ताम क्याहप नाङदोङ। ओहले सेम मा-फाम्बु पेहकेनया़ला स्युक क्ये च्य़ू नाङदोङ ओहले ला़ म़ेह खाएँया़ला रो़हराम जे नाङदोङ। ओहले खुङ थाम्ज्यी ङ्याम्बु ना़स्यीङ छ्यिम्बु जे नाङदोङ।
Sanasan