२ तिमोथी 1:8 - ह्योल्मो8 ओ़ह सोङबे ओहराङगी चो़वोकी पाङबु तेहच्ये दाङ ङाह चोन-खाङला छ्यिक्योगी तेहन्दाला ख्ये ङोहजा माहबे! बरु ख्येगीॱआङ किन्ज्योकी ओङकी पेहती या़हबु लेहङगु स्येच्येला तुहक्पु खुर्तोङ। Faic an caibideil |
२ तिमोथी 1:8
48 Iomraidhean Croise
ओहराङ थाम्ज्यीगीराङ किन्ज्योला थुज्यी-छ्ये़ फुल्दोङ। ङाहगी स्य़ेक्यो या़हबु लेहङगु दाङ मास्यीकाकी तेहन्दाला स्ये़क्योकी केच्याया़ लाहमले मिहरोगी ख्याया़ला राहङदी यिह-छ्य़ेला थिक-चि दाङ सान्दी ज़ो थुप्कें। काल्बा-काल्बा यिहन्ज्यु साङदी ज़्या़ नाङग्योकी केच्या ताहन्दा येशू मास्यीकागी छ्यिसाल-नाहङसाल जेती तेन नाङसीन।
मास्यीकाकी तेहन्दाला किन्ज्योगी सुङ नाङग्यो ल़ेहमुराङ सुङरापला ओ़हठीॱराङ प्री़हदी येहबा, “त़ेदोङ, ङाह सियोनला तोह च्यी़ ज़्या़ज्ये येह, ओ़ह तोह-पा़राला मिहया़ नार्तो क्याहप्च्ये येह, तोह-पा़रा च्यी़, का़हन्दीगी खुङया़ला रिहल्ज्ये येह, यिहॱनाङ मिहरो थो़ला यिह छ्य़ेगेन सुज्यीॱआङ ङोहजाला छ्यिच्ये म़ेह।”
ख्याया़ला नाहम-माना ङाहगी सेम नाहङला ज़्या़दी येह। दि ल़ेहमु पेहच्येला ङाहला ठाबे ऩेसीन च्यिबेमाना ताहन्दा ङाह चोन-खाङ नाहङला येहकेंमु ओहले चोन-खाङ म़ेदी फिला येहकेमुॱआङ ख्याया़गी ङाहला या़हबु लेहङगु स्येकेन्गी ल़ेहला ओहले दिला सी़दे ज़्या़ज्येला किन्ज्योगी नाङग्यो दि थाम्ज्यी काटीनला ख्याया़ ङाह ङ्याम्बुराङ पी़मा काहल्दी येह।
ओ़ह सोङबे ङाह दि से़हया़ला तुहक्पु खुर्केॱराङ येहबा। यिहॱनाङ ङाहला दिगी तेहन्दाला च्यिॱआङ ङोहजा मेहयोहङगे च्यिबेमाना ङाहगी सु थो़ला म़ेहबा पेहक्यो येहबा ओ़ह ङाहला या़हबु पेहती क्यी़ह येहबा। किन्ज्योगी ङाहला चि क्याहप नाङग्योकी से़हया़ मिहरोगीॱराङ ओ़ह ङ्यिहमा थु सी़दे ज़्या़ नाङज्ये येह। दि तामला ङाह म़ेहबा पेहकें।
ओहले ओ़ह स्यिहङगामकी स्याहप्च्यीला छ्या़ छाल्ज्येला ङाह मिहरोगी स्याहपला खेप्चु क्याहप्सीन। यिहॱनाङ मिहरोगी ङाहला दि ल़ेहमु सुङ नाङसीन, ख्येगी ङाहला दि ल़ेहमु पेहच्ये मेहयोहङगे। ङाहॱआङ येशूगी तेहन्दाला पाङबु तेर्केन्गी ख्ये दाङ ख्येगी नो़हया़ ङ्याम्बु-ङ्याम्बुराङकी रो़ह दाङ योक्पुज्यीराङ यिहम्बा। किन्ज्योला छ्या़ छाल्दोङ! च्यिबेमाना चो़वो येशू मास्यीकागी तेन नाङग्यो तेहन्दामगीॱराङ लुहङतेम्बाया़ला स्युक क्ये च्य़ूएँ।
Sanasan