6 ओ़ह सोङबे ङाह ख्येला तोहङमागी तामया़ टेहम्बा साल च्य़ूगेनॱराङ माउ येह, ङाहगी ख्ये थो़ला लाहक्पा ज़्या़गेमु किन्ज्योगी नाङग्योकी काबापला ख्येगी मेह ल़ेहमुराङ पेहती ती़हदी तेह च्य़ूदोङ।
ओहले खोगी राहङगी योक्पु च्युला क़े क्याहप्ती सेर-टाङ रे़ह-रे़ह तेर्ती मासीन ‘ङाह लो़हदी माहयोहङ थु ख्यागी दि सेर-टाङ ङो़ले छोङ क्याहप्ती ख्येप्साङ तेन्दोङ!’
ओहले पावलगी राहङगी लाहक्पा खुङ थो़ला ज़्या़एँमु नाम्पार-ताहक्पा थु खुङ थो़ला ज़्य़ू फेप्सीन। ओ़ह तिङले खुङया़गी लेहमेन लेहमेन क्यिहपागी तामया़ मासीन ओहले लुहङदेनया़ माज्ये छ़ूसीन।
ओहले खुङया़गी ओ़ह दाम्ग्योगी मिह तिहनला ल़ेह-पेनया़गी दिनला ख्येर्सीन, ओहले ल़ेह-पेनया़गी सोल्वाङ ताप्ती राहङगी लाहक्पा खुङ थो़ला ज़्या़सीन।
नाम्पार-ताहक्पा थुला मा़हसेह।
ख्येगी ज्योरक्योकी काबापला याहङसे मा़हने। ओ़ह काबाप लुहङतेम्बागी स्याहल सुङगेमु ओहले छेन्छोककी एल्डरया़गी ख्ये थो़ला लाहक्पा ज़्या़गेमु ख्येला ज्योरक्योकी काबाप यिहम्बा।
का़हलेॱआङ ख्येगी आदा-नो़ह दाङ आज्यी-नुहमुया़ला दि लुहङ लोप तेर्सीमाना ख्येगी ची़दे ओङग्योकी तेहन्दामकी लुहङ दाङ तेहपाकी सुङला छार्ती ख्ये मास्यीका येशूती ज्यिबुराङ या़हबु स्याहप्तो स्युहएँगी मिह डोज्ये येह।
दि ताम खुङया़ला टेहम्बा साल च्य़ू तेर, ओहले चो़वोकी दिनला का तेर, च्यिबेमाना खुङया़गी ताम-छिकाया़की तेहन्दाला स्येपा माहतुहर्च्यु, ओ़हगी च्यिॱआङ फेन्दोप मेहयोहङगे, यिहॱनाङ ओ़हगीनी ङ्यिहन्गे मिहया़ला ऩे च्यी़राङ क्याल्गे।
ङाह ख्येला किन्ज्योगी या़हबु लेहङगु स्येच्येला का तेर्केॱराङ येहबा। ती़हजी या़हबु येहॱनाङ मे़हॱनाङ या़हबु लेहङगु स्येच्ये माहक्युर। खुङया़ला लोप्ताम क्याहप्तोङ, बार्ता लाङदोङ, आ़र क्ये च्य़ूदोङ ओहले ना़स्यीङ छ्यिम्बु दाङ लुहङ तेर्केन्गी तामया़ला ख्ये मा-फाम्बु माहबे।
नामे नाजोकी बप्तिस्मागी तेहन्दाला लुहङ, सुज्यी थो़ला लाहक्पा ज़्या़गेन्की ल़ेह, स्यिदीले सोम्बो लो़हगेन्गी केच्या दाङ था़ म़ेहबा ङ्य़ेहबा काल्गेन तामया़गी ब्राम येहपाराङ माहतिङ।
ओ़ह सोङबे ख्याया़ला ङाह दि तामया़ नाहम-माना टेहम्बा साल च्य़ूगे। यिहन्ज्येनी ख्यागी दि ताम थाम्ज्यी ङोह स्य़ेदी येहबा ओहले ख्यागी ज़्योरक्योगी तेहन्दामकी स्याहलला ख्या सान्दी पेहती तेहतीॱआङ येहबा।
ए ङाहगी च्याहम्बु रो़हया़, ख्याया़ला प्रुहक्योगी दि ङाहगी यिहगी ङ्यिपु यिहम्बा, ओहले दि यिहगी ङ्यिकालाराङ काहजे तामया़ टेहम्बा साल च्य़ूदी ख्याया़की सेम चाङमाला स्युक क़े च्य़ूज्ये छोल्दी येहबा।
ख्याया़गी दि थाम्ज्यी लेहमा च्यी़ ङोह स्य़ेदीॱराङ येहकें यिहॱनाङ ताहन्दा ङाह ख्याया़ला टेहम्बा साल च्य़ूएँ चो़वोगी राहङगी मिहया़ला मिश्र क्याहल-खापले तेन्दी नोम फेप्सीन। यिहॱनाङ यिह मे़हछ्य़ेगेया़ला मिहरोगी तोङ च्य़ू नाङसीन।