२ तिमोथी 1:12 - ह्योल्‍मो

¹² ओ़ह सोङबे ङाह दि से़हया़ला तुहक्‍पु खुर्केॱराङ येहबा। यिहॱनाङ ङाहला दिगी तेहन्‍दाला च्‍यिॱआङ ङोहजा मेहयोहङगे च्‍यिबेमाना ङाहगी सु थो़ला म़ेहबा पेहक्‍यो येहबा ओ़ह ङाहला या़हबु पेहती क्‍यी़ह येहबा। किन्‍ज्‍योगी ङाहला चि क्‍याहप नाङग्‍योकी से़हया़ मिहरोगीॱराङ ओ़ह ङ्यिहमा थु सी़दे ज़्‍या़ नाङज्‍ये येह। दि तामला ङाह म़ेहबा पेहकें।

२ तिमोथी 1:12 Iomraidhean Croise

मत्ती 12:21

ओहले थाम्‍ज्‍यी क्‍यिहपागी मिहया़गी राहङगी रेहवा मिहरोगी छेनला ज़्‍या़ज्‍ये येह।

मत्ती 24:36

“ओ़ह ङ्यिहमा दाङ ती़हजी नाहम लेप्‍कें यिहम्‍बा म़ेदी ठीक-ठीक ङ्या़ह-ङ्या़ह पेहती सुॱलाङ क्‍यी़ह म़ेह, ओ़हनी स्‍यिहङगामगी स्‍याहप्‍च्‍यीया़ दाङ स़ेबुॱलाङ थुयी़ म़ेह, ओ़ह केच्‍यानी याहप्‍च्‍येन आबा च्‍यी़ला थुयी़ येहबा।

मत्ती 7:22

ओ़ह ङ्यिहमु मिह माहङबुगीराङ ङाहला दि ल़ेहमु माज्‍ये येह, ‘ओ़ चो़वो, ओ़ चो़वो च्‍यि ङ्यिहगी राहङगी छेनला किन्‍ज्‍योगी लेहङगु माहस्‍येपा ले? च्‍यि राहङगी छेन लेहन्‍दी ल्‍हेन्‍डीया़ माहङेपा ले? च्‍यि राहङगी छेनला ङ्यिहगी याहम्‍जेम्‍बा ल़ेहया़ माहबेबा ले?’ म़ेदी माज्‍ये येह।

लूका 10:12

ङाह ख्‍याला माएँ, किन्‍ज्‍योगी ठिम ताङ नाङगे ङ्यिहमाला सदोम क्‍याहसाकी मिहया़ला म़ेदीॱआङ ओ़ह क्‍याहसाकी मिहया़ला ङ्य़ेहबा छ्यिम्‍बु काल नाङज्‍ये येह!” म़ेदी येशूगी सुङ नाङसीन।

लूका 23:46

ओहले येशूगी सुङ-क़े छ्यिम्‍बुच्‍यी तेन्‍दी, “ओ़ याहप, ङाहगी सो राहङलाराङ च्‍योल्‍गो येह!” म़ेदी सुङ नाङसीन। ओ़ह सुङदी येशू टोहङ नाङसीन।

यूहन्‍ना 17:15

राहङगी खुङया़ला दि जाम्‍बुलीङले नोम फेप नाङदोङ म़ेदीनी ङाह सोल्‍वाङ मेहताप, यिहॱनाङ खुङया़ला ती़ह यिहन्‍ज्‍यु जेम्‍दी ज़्‍या़ नाङदोङ।

यूहन्‍ना 6:44

ङाहला ताङ नाङगेन याहपगी ङाहसाला ओहङज्‍ये सेम मेहनाङसीनमाना सुॱआङ ङाहसाला ओहङ मी़हखुएँ, ङाहसाला ओहङगेया़ला ङाह जाम्‍बुलीङकी तिङस्‍यो ती़हजीला सोम्‍बो ज़ोज्‍ये येह।

ल़ेह-पेन 13:46

यिहॱनाङ पावल दाङ बारनाबासकी आप छ्य़ेदी मासीन, “थाम्‍ज्‍यी म़ेदी तोहङले किन्‍ज्‍योगी या़हबु लेहङगु राहङ फे़बेया़ला स्‍येॱराङ कोहच्‍ये येहकें, यिहॱनाङ राहङ फे़बेया़गी सेन्‍ज्‍ये थुराङ जे मेहनाङ दु। नाहमॱआङ स्‍यिज्‍ये म़ेहबागी मिहली ज़ाङबु ज्‍योर्च्‍येला राहङ फे़बेया़गीराङ का़ नाङसीन। ओ़ह सोङबे ता़ह ङ्यिह लेहमेन क्‍यिहपागी मिहया़साला डोएँ।

ल़ेह-पेन 13:50

यिहॱनाङ यहूदीया़गी छ्य़ेसेम पेहकें दाङ मिहन थोप्‍क्‍यो पी़हमी-पेहजाया़ ओहले क्‍याहसाकी गोबाया़ला ताम ख्‍येर क्‍याहप्‍ती पावल दाङ बारनाबासला ओ़ह दे-खामले ङेसीन।

ल़ेह-पेन 21:13

ओहजेला पावलगी, “च्‍यिबे ख्‍यागी दि ल़ेहमु पेहती ङी़हदी ङाहगी सेम सुह क्‍याहप च्‍य़ूएँ? ङाह यरूशलेमला ताहम्‍ज्‍येज्‍यीराङ मिहम्‍बा, चो़वो येशूगी तेहन्‍दाला स्‍यि कोहॱनाङ स्‍यि ख़ूएँ” म़ेदी मासीन।

ल़ेह-पेन 7:59

खुङया़गी तोह क्‍याहप्‍केनराङ येहकें, ओहजेला स्‍तिफनासगी चो़वो छ्येवा ङ्याम्‍बु दि ल़ेहमु म़ेदी सोल्‍वाङ ताप्‍सीन, “ओ़ चो़वो छ्येवा येशू, ङाहगी यिहला ल़ेहन नाङदोङ।”

ल़ेह-पेन 9:16

ओहले ङाहगी मिहनगी तेहन्‍दाला खोगी काहजे तुहक्‍पु ना़ कोहच्‍ये येह, ओ़ह ङाहगी खोला तेन्‍ज्‍ये येह” म़ेदी चो़वो छ्येवागी सुङ नाङसीन।

रोमी 1:16

या़हबु लेहङगु स्‍येच्‍येला ङाह ङोह मेहछाएँ। च्‍यिबेमाना यिह-छ्य़े मिह थाम्‍ज्‍यीगी तेहन्‍दाला, दि थार्पा तेर्केन्‍गी किन्‍ज्‍योकी ओङ यिहम्‍बा, तोहङस्‍यो यहूदी क्‍यिहपाया़की तेहन्‍दाला ओहले लेहमेन क्‍यिहपाया़गी तेहन्‍दालाॱआङ।

रोमी 9:33

मास्‍यीकाकी तेहन्‍दाला किन्‍ज्‍योगी सुङ नाङग्‍यो ल़ेहमुराङ सुङरापला ओ़हठीॱराङ प्री़हदी येहबा, “त़ेदोङ, ङाह सियोनला तोह च्‍यी़ ज़्‍या़ज्‍ये येह, ओ़ह तोह-पा़राला मिहया़ नार्तो क्‍याहप्‍च्‍ये येह, तोह-पा़रा च्‍यी़, का़हन्‍दीगी खुङया़ला रिहल्‍ज्‍ये येह, यिहॱनाङ मिहरो थो़ला यिह छ्य़ेगेन सुज्‍यीॱआङ ङोहजाला छ्यिच्‍ये म़ेह।”

१ कोरिन्‍थी 1:8

ओहराङ चो़वो येशू मास्‍यीका फेप नाङगे ङ्यिहमु ख्‍या ङ्य़ेहबा-छ्यू़बा म़ेहबा ओहङज्‍यु म़ेदी मिहरोगीॱराङ ख्‍याला तिङस्‍यो ङ्यिहमा थु थिक-चि पेहती ज़्‍या़ नाङज्‍ये येह।

१ कोरिन्‍थी 3:13

मिह थाम्‍ज्‍यीकी या़हबु चोक्‍पा ल़ेहया़ किन्‍ज्‍योगी ठिम ताङ नाङगे ङ्यिहमाला ङ्याहम च्‍ये नाङज्‍ये येह च्‍यिबेमाना ओ़ह ङ्यिहमाला खुङया़गी पेहक्‍योकी ल़ेह काह-ठि दुबा म़ेदी मेहला लू़दे ज़ी़ नाङज्‍ये येह।

फिलिप्‍पी 1:20

ङाहगी पेह कोहकेन्‍गी ल़ेहलेगी ङाह नाहमॱआङ ङोहजाला माहछ्यीज्‍यु यिहॱनाङ तोहङमा ल़ेहमु खास पेहती ताहन्‍दा ङाह सेम-स्‍युक छ्यिम्‍बु पेहती तेहकें। ङाह स्‍यिॱना़ङ सोॱनाङ ङाहती थाम्‍ज्‍यी मिहली लाहमले मास्‍यीकालाॱराङ चा़ ओहङज्‍यु माएँ ङाहती सेम्‍बा दाङ रेहवा यिहम्‍बा।

फिलिप्‍पी 3:10

ङाह मास्‍यीकाला ङोह स्‍य़े ख़ूज्‍यु ओहले मिहरो टोहङदे येहपाराङ सोम्‍बो ज़्‍याङ नाङग्‍योकी ओङला ङाहगी ङे़स्‍यी स्‍य़े ख़ूज्‍यु, मिहरोगी तुहक्‍पु खुर नाङग्‍यो ल़ेहमु ङाहगीॱआङ तुहक्‍पु खुर ङ्युहङज्‍यु ओहले मिहरो टोहङ नाङगेन्‍गी ङ्यिहमा थु ङाहॱआङ मिहरो ल़ेहमु ओहङ ख़ूज्‍यु

फिलिप्‍पी 3:21

मास्‍यीकागी ओङ लाहमले थाम्‍ज्‍यीराङ से़हया़ला राहङती ओङ चो़ला नोम फेप नाङज्‍ये येह ओहले ओ़ह ओङ लाहमलेॱराङ ओहराङदी दि स्‍यिदी डोएँ ज़ुबुला मिहरोदी ल़ेहमुराङ ज़िज्‍यिद-च्‍येन ज़ो नाङज्‍ये येह।

फिलिप्‍पी 3:8

तेहम्‍बाराङ माज्‍ये माना मास्‍यीका येशू ङाहती चो़वोला ङोह स्‍य़े ङ्युहङगेन मेलाम तादाङलानी ना थाम्‍ज्‍यीराङ से़हया़ ङाहगी स्‍यिती काम्‍बुलाराङ थोङसीन। मास्‍यीकाला ज्‍योर ख़ूज्‍यु म़ेदी मिहरोगी तेहन्‍दाला ङाहगी रेबेॱराङ से़हया़दी क्‍यी़ह खुर्ती येहबा, ओ़ह रेबेॱराङ से़हया़ ङाहगी तेहन्‍दाला ङ्योहक्‍तोङ यिहम्‍बा।

१ थेसलोनिकी 2:16

लेहमेन क्‍यिहपाकी मिहया़ला थार्पा तेर्केन्‍की या़हबु लेहङगु ङ्यिहला स्‍ये मा़हच्‍यु। दि ल़ेहमु पेहती किन्‍ज्‍योगी ज़ी़नाङला खुङया़गी गो़ तिहक्‍पागी काहङदी काहल्‍सीन। यिहॱनाङ ता़ह ज्‍युक्‍स्‍योलला किन्‍ज्‍योगी थुयाल खुङ थो़ला बाप्‍ती येह।

१ थेसलोनिकी 5:4

यिहॱनाङ आदा-नो़ह दाङ आज्‍यी-नुहमुया़, ख्‍या फ़ेबे-म़ेहमेॱया ना़-जुबेला म़ेह। ओ़ह सोङबे ओ़ह ङ्यिहमागी ख्‍या फ़ेबे-म़ेहमेया़ला कुमेनगी ल़ेहमुराङ ह्‍अ ल़ेह च्‍य़ूज्‍ये म़ेह।

१ तिमोथी 6:20

तिमोथी, ख्‍येला चि क्‍याहप्‍क्‍योगी तामया़ या़हबु पेहती ज़्‍यो़। उल्‍दुम्‍बा तामया़ दाङ फेन मे़हथोएँगी तामया़ला ताहक्‍स्‍यार पेहकेन्‍गी तामया़ ओ़ह माहताहक्‍पाकी येहन्‍देनया़ यिहम्‍बा ओ़ह ङो़ले ख्‍ये था़-रिहङबुराङ तेह।

२ तिमोथी 1:14

ख्‍येला चि क्‍याहप्‍क्‍योगी तेहन्‍दामकी तामया़ ओहराङ नाहङला ज़्‍य़ू नाङगेन नाम्‍पार-ताहक्‍पा थु लाहमले सी़दे ज़्‍या़दोङ।

२ तिमोथी 1:16

चो़वोगी ओनेसिफरसकी खाङबा मे़हमेया़ला थुज्‍यी ज़ी़-नाङज्‍यु, च्‍यिबेमाना खोगी ङाहला ज्‍यिबुराङ स्‍युक क्‍ये-च्‍युउ येहकें, ओहले ङाह चोन-खाङला छ्यिकेमुॱआङ खोगी ङोहजा माहबे।

२ तिमोथी 1:18

चो़वोकी ओ़ह ङ्यिहमाला खोला थुज्‍यी ज़ी़-नाङज्‍यु। ख्‍येला या़हबु पेहती क्‍यी़हराङ येह, एफिससला खोगी राहङगी निङ थाक्‍पा यिहन्‍ज्‍युराङ ङाहला स्‍याहप्‍तो स्‍युहक्‍यो येहकें।

२ तिमोथी 1:8

ओ़ह सोङबे ओहराङगी चो़वोकी पाङबु तेहच्‍ये दाङ ङाह चोन-खाङला छ्यिक्‍योगी तेहन्‍दाला ख्‍ये ङोहजा माहबे! बरु ख्‍येगीॱआङ किन्‍ज्‍योकी ओङकी पेहती या़हबु लेहङगु स्‍येच्‍येला तुहक्‍पु खुर्तोङ।

२ तिमोथी 2:9

ओ़ह या़हबु लेहङगु मिहया़ला स्‍य़ेक्‍यो सोङबे ङाहगी तुहक्‍पु खुर कोहक्‍यो यिहम्‍बा। ओहजे च्‍यी़राङ मिहम्‍बा, मिह नाहग-च्‍येनला ल़ेहमुराङ पेहती च्‍याल्‍दागी ताहम्‍दी चोन-खाङला तेह के़हदी येहबा। यिहॱनाङ किन्‍ज्‍योगी लुहङनी च्‍याल्‍दागी ताहम्‍दी ज़्‍या़ मी़हखुएँ

२ तिमोथी 4:8

ता़ह ङाहगी तेहन्‍दाला टाहङदेनकी पेस्‍यो ज़्‍या़ नाङदी येह, ओ़हदी टाहङबु-ठिम ताङ नाङगेन चो़वोगी ओ़ह ङ्यिहमाला ङाहला नाङज्‍ये येह, ओहले ङाहला च्‍यी़राङ मिहम्‍बा, यिहॱनाङ मिहरो फेप नाङगेन्‍गी लाहम ज्‍यिबुराङ सेम काहसो पेहती कू़हदे तेहकें थाम्‍ज्‍यीलाराङ नाङज्‍ये येह।

तीतस 3:8

दि तेहन्‍दामकी स्‍याहल यिहम्‍बा। किन्‍ज्‍योला यिह छ्य़ेक्‍यो मिहगी राहङला या़हबु ल़ेहया़ला सेम ताङज्‍येला जेम्‍बु पेहच्‍यु म़ेदी ख्‍येगी स्‍युक तेर्ती लोप्‍क्‍यो ङाहला या़हबु ने़गे। च्‍यिबेमाना दि ल़ेहमु तामया़ मिहया़गी तेहन्‍दाला या़हबु दाङ फेन थो़एँगी तामया़ यिहम्‍बा।

हिब्रू 12:2

ओहराङ यिह-छ्य़ेला छ़ू नाङगे दाङ छाङबु जे नाङगेन्‍गी येशूला ओहराङगी त़ेदी तेहतोङ। राहङ आब्रु डोएँगी तामला येशूगी च्‍यिॱआङ नाङदा जे माहनाङ यिहॱनाङ मिहरोगी तिहङला ओहङगेन्‍गी सेम काहसोगी तेहन्‍दाला क्‍याहङस्‍यीङगी तुहक्‍पु खुर नाङसीन, ओहले मिहरो किन्‍ज्‍योगी ज़्‍य़ू-ठिकी योबा ङो़ले ज़्‍य़ू नाङसीन।

हिब्रू 2:18

च्‍यिबेमाना मिहरो राहङगीॱआङ छेताला छ्यिक्‍यो ती़हजीला तुहक्‍पु खुर नाङसीन ओ़ह सोङबे ङ्याहम्‍छेला छ्यिकेया़ला मिहरोगी रो़हराम जे नाङ थुप्‍कें।

हिब्रू 7:25

ओ़ह सोङबे मिहरोला यिह छ्य़ेदी किन्‍ज्‍यो पोहला ओहङगेया़ला मिहरोगी ताहन्‍दा दाङ नाहम माॱनाङ थार्पा थोप च्‍य़ू थुप्‍कें। च्‍यिबेमाना खुङया़गी तेहन्‍दाला किन्‍ज्‍यो ङ्याम्‍बु सोल्‍वाङ ताप नाङज्‍येला मिहरो नाहम्‍स्‍यी किन्‍दु ज़्‍य़ू नाङगे।

१ पत्रुस 1:5

तिङमा ती़हजीला ओहङज्‍ये पेहक्‍योगी थार्पागी तेहन्‍दाला ख्‍या तेहपा लाहमले किन्‍ज्‍योगी ओङ लाहमले जेम्‍बु जेती ज़्‍या़ नाङदी येह।

१ पत्रुस 4:16

यिहॱनाङ सुज्‍यीगी मास्‍यीकापा काहल्‍ग्‍यो सोङबे तुहक्‍पु खुर कोहएँमु ङोह माहछा। यिहॱनाङ मास्‍यीकाकी छेन ल़ेहन ङ्युहङगेमु किन्‍ज्‍योला थुज्‍यी-छ्ये़ फुल्‍दोङ।

१ पत्रुस 4:19

ओ़ह सोङबे किन्‍ज्‍योगी थु ङ्ये़बाकी तुहक्‍पु खुर्केनया़गी ल़ेह या़हबु पेहच्‍यु ओहले खुङया़गी राहङगी सेम साज्‍या-नाम्‍ज्‍या छ्या़ नाङगेन यिह-छ्य़ेबु किन्‍ज्‍योला चि क्‍याहप्‍च्‍यु।

यहूदा 1:24

ता़ह, का़हन्‍दीगी मिहया़ला रिहल्‍गे यिहन्‍ज्‍यु थार च्‍य़ू थुप्‍कें, ओहले का़हन्‍दीगी ख्‍याया़ला काहसो डो च्‍य़ू नाङदी किन्‍ज्‍योकी ज़िज्‍यिदगी दिनला च्‍यिॱआङ ङ्य़ेहबा-छ्यू़बा म़ेहबा जेती लाहङ च्‍य़ू थुप्‍कें,