२ तिमोथी 1:1 - ह्योल्‍मो

¹ किन्‍ज्‍योगी थुगी जेती मास्‍यीका येशू ङ्याम्‍बु येहकेन्‍गी मिहलीगी ताहम्‍ज्‍यागी तेहन्‍दाला स्‍येच्‍येला ङाह पावल मास्‍यीका येशूकी ल़ेह-पेन काहल्‍ग्‍यो यिहम्‍बा।

२ तिमोथी 1:1 Iomraidhean Croise

यूहन्‍ना 10:28

ङाह खुङया़ला था़ म़ेहबागी मिहली ज़ाङबु तेर्कें। ओहले खुङया़ नाहमॱआङ तोङदी डोज्‍ये म़ेह, ओहले सुज्‍यीगीॱआङ खुङया़ला ङाह लाहक्‍पाले फ्रो़दी ख्‍येर ख़ूज्‍ये म़ेह।

यूहन्‍ना 17:3

राहङ च्‍यिमे च्‍यी़राङ तेहन्‍दामकी किन्‍ज्‍यो ओहले राहङगी ताङ नाङग्‍योकी येशू मास्‍यीकाला ङोह स्‍य़ेगेन्‍दीॱराङ था़ म़ेहबा मिहली ज़ाङबु यिहम्‍बा।

यूहन्‍ना 5:24

“तेहम्‍बाराङ, ङाह ख्‍याया़ला माएँ, सुगी ङाहती ताम ङ्यिहन्‍गे ओहले ङाहला ताङ नाङगेन्‍दीला यिह-छ्य़े पेहकें, खो ङ्याम्‍बु नाहमॱआङ मिहस्‍यीएँगी मिहली ज़ाङबु ओहङगे। खोला ठिम ताङज्‍ये म़ेह, यिहॱनाङ खो स्‍यिवालेगी मिहलीला स्‍य़ूह सिहन्‍दी येह।

यूहन्‍ना 6:40

च्‍यिबेमाना ङाहती याहपकी थु-सेम दिराङ यिहन: स़ेबुला ताएँ दाङ खोला यिह छ्य़ेगे थाम्‍ज्‍यीगी था़ म़ेहबा मिहली ज़ाङबु ज्‍योर ख़ूज्‍यु, ओहले ङाहगी खोला तिङस्‍यो ती़हजीला सोम्‍बो ज़ोज्‍ये येह।”

यूहन्‍ना 6:54

ङाहगी ज़ुबु साहएँ दाङ ठा़ थुङगेन ङ्याम्‍बु था़ म़ेहबा मिहली ओहङगे, ओहले तिङस्‍यो ती़हजीला ङाहगी खोला सोम्‍बो ज़ोज्‍ये येह।

रोमी 1:1

दि यिहगी ङाह पावलगी प्रुहक्‍यो यिहम्‍बा। ङाह मास्‍यीका येशूगी योक्‍पु यिहम्‍बा। मिहरोगीॱराङ ङाहला ल़ेह-पेन ज़ो़-नाङज्‍येला क़े क्‍याहप नाङसीन ओहले किन्‍ज्‍योकी या़हबु लेहङगु स्‍येच्‍येला खा फे़ नाङसीन।

रोमी 5:21

ओ़ह ती़हजीला तिहक्‍पागी स्‍यिवा लाहमले मिहया़ थो़ला ओङ छ्य़ेक्‍यो ल़ेहमु ताहन्‍दा किन्‍ज्‍योकी काटीनगी ओङ छ्ये़गेॱराङ येहबा। दि काटीनगी पेहतीराङ ओहराङला किन्‍ज्‍योगी दिनला टाहङबु सी़ह च्‍य़ू नाङसीन ओहले ओहराङ चो़वो येशू मास्‍यीका लाहमले ओहराङला था़ म़ेहबा मिहली ज्‍योर्ती येहबा।

रोमी 6:23

च्‍यिबेमाना तिहक्‍पागी ले़गादी स्‍यिवा यिहम्‍बा, यिहॱनाङ किन्‍ज्‍योगी आहन्‍डाराङ नाङग्‍यो काबाप मास्‍यीका येशू ओहराङ चो़वोला था़ म़ेहबागी मिहली ज़ाङबु यिहम्‍बा।

१ कोरिन्‍थी 1:1

किन्‍ज्‍योकी थु लाहमले मास्‍यीका येशूगी ल़ेह-पेन डोज्‍येला क़े क्‍याहप नाङग्‍यो पावल दाङ ओहराङगी नो़ह सोस्‍थेनेस लाहमले,

२ कोरिन्‍थी 1:1

किन्‍ज्‍योगी थु लाहमले मास्‍यीका येशूगी ल़ेह-पेन पावल दाङ ओहराङगी नो़ह तिमोथी लाहमले, कोरिन्‍थला येहकेन्‍गी किन्‍ज्‍योगी छेन्‍छोकला, ओहले अखैयाला येहकेन्‍गी थाम्‍ज्‍यी मास्‍यीकाकी पुह पोहमोया़ला दि यिहगी प्रुहएँॱराङ येहबा।

२ कोरिन्‍थी 1:20

च्‍यिबेमाना किन्‍ज्‍योगी थाम्‍ज्‍यीराङ ताहम्‍ज्‍याया़ येशू मास्‍यीकाला “यिहम्‍बा” ओहङगे। ओ़ह सोङबेॱराङ मास्‍यीका लाहमले किन्‍ज्‍योगी ज़िज्‍यिदगी तेहन्‍दाला ङ्यिह “आमेन” म़ेदी माएँ।

गलाती 3:26

च्‍यिबेमाना तेहपा लाहमले ख्‍या थाम्‍ज्‍यी मास्‍यीका येशूला किन्‍ज्‍योकी छार्क्‍यीन यिहम्‍बा।

गलाती 3:28

ओ़ह सोङबे यहूदी मिह यिहॱना़ यिहन, लेहमेन क्‍यिहपागी मिह यिहॱना़ यिहन, योक्‍पु यिहॱना़ यिहन, सुज्‍यीदीॱआङ ओङ चो़ला ज्‍युल्‍दी माहतेहबाकी मिह यिहॱना़ यिहन, क्‍येप-ख्‍योवा यिहॱना़ यिहन, पी़हमी-पेहजा यिहॱना़ यिहन, येशू मास्‍यीकाला ख्‍या थाम्‍ज्‍यी च्‍यी़राङ यिहम्‍बा।

एफिसी 3:6

ओ़ह तिहङ-रिहङबुकी केच्‍या च्‍यि यिहम्‍बा मासीमाना, लेहमेन क्‍यिहपाकी मिहया़गीॱआङ या़हबु लेहङगु लाहमले इस्राएलीया़गी ल़ेहमुराङ किन्‍ज्‍योकी मेलामया़ ज्‍योर ख़ूएँ काहल्‍सीन। लेहमेन क्‍यिहपाकी मिहया़ॱआङ ज़ुबु च्‍यी़गी ओङबुया़ यिहन ओहले मास्‍यीका येशू लाहमले किन्‍ज्‍योगी ज़्‍या़ नाङग्‍योकी ताहम्‍ज्‍या पी़मागी हकदार काहल्‍दी येह।

१ तिमोथी 6:19

दि ल़ेहमु पेहती राहङगी तिङमा ओहङगेन्‍गी मिहलीकी तेहन्‍दाला या़हबु ब्राम तिङदी क्‍युह-नोहर सी़दे ज़्‍या़ ख़ूज्‍यु। ओहले खुङया़गी तेहन्‍दामकी मिहली ज़ुङदी ज़्‍या़ ख़ूज्‍ये येह।

२ तिमोथी 1:10

ओ़ह काटीन ता़ह ओहराङला थार्पा नाङगेन मास्‍यीका येशू फेप्‍तीलेॱआङ तेन नाङ सिहन्‍दी येह। मिहरोगी स्‍यिएँगी ओङला तोङ च्‍य़ू नाङदी मिहली दाङ नाहमॱआङ मे़ह-तोङगेन्‍दीला या़हबु लेहङगु लाहमले तेन नाङसीन।

२ तिमोथी 1:13

मास्‍यीका येशू थो़ला येहकेन्‍गी तेहपा दाङ चेवा ख्‍येगी ङाह ङो़ले थे़क्‍योगी तेहन्‍दामकी तामया़गी पे त़ेदी लोप्‍तोङ।

२ तिमोथी 1:9

किन्‍ज्‍योगी ओहराङला थार च्‍य़ू नाङसीन, ओहले नाम्‍पार-ताहक्‍पा मिहलीगी तेहन्‍दाला क़े क्‍याहप नाङसीन। ओहराङगी पेहक्‍योगी ल़ेहला ज़ी़दी मिहम्‍बा यिहॱनाङ किन्‍ज्‍यो राहङगी थु दाङ काटीन लाहमले जे नाङग्‍यो यिहम्‍बा। जाम्‍बुलीङ छ्या़गे म़ेदी तोहङलेराङ ओहराङला मास्‍यीका येशूगी दि काटीन नाङग्‍यो यिहम्‍बा।

२ तिमोथी 2:1

ओ़ह सोङबे ख्‍ये, ए ङाहगी पुह, मास्‍यीका येशू थो़ला येहकेन्‍गी काटीनला सान्‍दी पेहती तेह।

२ तिमोथी 2:10

ओ़ह सोङबे किन्‍ज्‍योगी दाम नाङग्‍योकी मिहया़गी तेहन्‍दाला ङाह च्‍यि स़ेह माना ना़गे, ओ़हगी पेहती खुङया़गीॱआङ था़ म़ेहबा ज़िज्‍यिद ङ्याम्‍बु मास्‍यीका येशू थो़ला येहकेन्‍गी थार्पा ज्‍योर ख़ूज्‍यु।

२ तिमोथी 2:3

मास्‍यीका येशूकी या़हबु माक्‍मीगी ल़ेहमुराङ पेहती ख्‍येगीॱआङ तुहक्‍पु खुर्तोङ।

२ तिमोथी 3:15

ख्‍येगी फेमा यिहन्‍ज्‍युराङ नाम्‍पार-ताहक्‍पा छ्य़ेगी स्‍याहलया़ ङोह स्‍य़ेदीॱराङ येहबा। दि स्‍याहलया़गी मास्‍यीका येशूला तेहपा पेहकेमु ज्‍योर्केन्‍गी थार्पाकी तेहन्‍दाला ङोह स्‍य़े ख़ूएँगी येहन्‍देन तेर्के।

तीतस 1:2

दि तेहन्‍दामदी था़ म़ेहबा मिहलीकी रेहवाला छ्या़दे येहबा। नाहमॱआङ स्‍योप क्‍याप मेहनाङगेन किन्‍ज्‍योगी जाम्‍बुलीङ छ्या़ च्‍य़ू नाङगेन म़ेदी तोहङलेराङ, “मिहया़ला था़ म़ेहबागी मिहली ज़ाङबु नाङगेन” सुङदी ताहम्‍ज्‍या ज़्‍या़ नाङदी येहकें,

तीतस 1:4

ङ्यिह यिह-छ्य़े च्‍यी़ला येहकेन्‍गी ङाहती तेहन्‍दामगी पुह तीतसला दि यिहगी प्रुहएँॱराङ येहबा। किन्‍ज्‍यो याहप दाङ ओहराङला थार्पा नाङगेन्‍गी मास्‍यीका येशूगी ख्‍याया़ला काटीन दाङ स्‍य़िहदे नाङज्‍यु।

हिब्रू 9:15

किन्‍ज्‍योगी ताहम्‍ज्‍या ज़्‍या़ नाङग्‍यो नाहम्‍स्‍यी किन्‍दु लिहकेन्‍गी मेलामया़ मास्‍यीका लाहमले क़े क्‍याहप नाङग्‍यो मिहया़गी ज्‍योर ख़ूज्‍यु म़ेदी दि साम्‍बा ताहम्‍ज्‍या ङ्याम्‍बु लाहम्‍बा जे नाङगेन्‍दी मास्‍यीकाॱराङ यिहम्‍बा। तोहङस्‍यो ताहम्‍ज्‍याकी ती़हजीला मिहया़गी पेहक्‍यो तिहक्‍पालेगी खुङया़ला खा फे़ नाङज्‍येला मास्‍यीका टोहङ नाङसीन।

१ यूहन्‍ना 2:25

ओहले मास्‍यीकागी ओहराङ ङ्याम्‍बु ज़्‍या़ नाङग्‍योकी ताहम्‍ज्‍यादी था़ म़ेहबा मिहली यिहम्‍बा।