२ थेसलोनिकी 1:3 - ह्योल्मो3 आदा-नो़ह दाङ आज्यी-नुहमुया़, ख्याया़गी तेहन्दाला नाहम्माॱनाङ ङ्यिहगी किन्ज्योला थुज्यी-छ्ये़ फुलॱराङ कोहएँ। ओहले ओ़ह ल़ेहमु पेहक्योदी या़हबु यिहम्बा च्यिबेमाना ख्या फे़बे मे़हमेया़की तेहपा माहङरो माहङरो पेहती काहल्दी येह। ओहले ख्या राहङ नाङदोङगी चेवाॱआङ जेन-जेन माहङरो माहङरो पेहती डोॱराङ येह। Faic an caibideil |
ख्याया़ला नाहम-माना ङाहगी सेम नाहङला ज़्या़दी येह। दि ल़ेहमु पेहच्येला ङाहला ठाबे ऩेसीन च्यिबेमाना ताहन्दा ङाह चोन-खाङ नाहङला येहकेंमु ओहले चोन-खाङ म़ेदी फिला येहकेमुॱआङ ख्याया़गी ङाहला या़हबु लेहङगु स्येकेन्गी ल़ेहला ओहले दिला सी़दे ज़्या़ज्येला किन्ज्योगी नाङग्यो दि थाम्ज्यी काटीनला ख्याया़ ङाह ङ्याम्बुराङ पी़मा काहल्दी येह।
यिहॱनाङ ताहन्दा तिमोथी ख्या फ़ेबे-म़ेहमेॱया साले पेहती ङ्यिहसाला लो़ह लेप्सीन। ओहले तिमोथीगी ख्या फ़ेबे-म़ेहमेया़गी चेवा दाङ तेहपागी तेहन्दाला ज्यिबुराङ या़हबु लेहङगु नोम फेप्सीन। ङ्यिहगी ल़ेहमुराङ ख्या फ़ेबे-म़ेहमेया़गीॱआङ ङ्यिहला टेहम्बा साल्दी थुज्येला ज्यिबुराङ सेम्बा जे नाङग्यो दुबा।
ता़ह ज्युक्स्योलला आदा-नो़ह दाङ आज्यी-नुहमुया़, चो़वो येशूगी छेनला ङ्यिह राहङ फ़ेबे-म़ेहमेया़ला थाल्मा च्याहर्ती दि उर्चु पेहको येह, ख्या फ़ेबे-म़ेहमेया़गी ङ्यिह लाहमले किन्ज्योला थु ङ्ये़एँगी डोलु-तेहलुया़ लोप नाङदी येह ओहले लोप्क्यो ल़ेहमुराङ ख्या फबे-मे़हमेया़गी नाहरे जे नाङगेराङ येह। ओ़ह ल़ेहमु डोलु-तेहलुया़ला ख्या फ़ेबे-म़ेहमेॱया जेन-जेन या़हबु पेहती फेप नाङदोङ।
चो़वोगी चेवा जे नाङग्योकी आदा-नो़ह दाङ आज्यी-नुहमुया़, राहङ फ़ेबे-म़ेहमेया़गी तेहन्दाला ङ्यिहगी नाहम माॱनाङ किन्ज्योला थुज्यी-छ्ये़ फुलॱराङ कोहएँ च्यिबेमाना तोहङ यिहन्ज्युराङ नाम्पार-ताहक्पा थुगी टाहङबु ज़ोएँगी ल़ेह लाहमले ओहले तेहन्दामकी स्याहल थो़ला तेहपा पेहती थार्च्येला किन्ज्योगी राहङ फ़ेबे-म़ेहमेया़ला दाम नाङसीन।