खुङ इस्राएलीया़ यिहम्बा ओहले किन्ज्योगी खुङया़ला राहङदीराङ पुह-पोहमो ज़ो नाङसीन। किन्ज्योगी राहङगी ज़िज्यिद खुङया़ला तेन नाङसीन। खुङया़ ङ्याम्बुराङ किन्ज्योगी राहङगी ताहम्ज्या ज़्या़ नाङसीन ओहले खुङला छ्य़े-ठिम नाङसीन, किन्ज्योला स्याहप्तो स्य़ूहज्येला लोप नाङसीन, मिहरोगी ताहम्ज्याया़ खुङया़गी ज्योर्सीन।
२ पत्रुस 1:4 - ह्योल्मो4 दि लाहमलेॱराङ मिहरोगी छे-मे़हबा रिहन माहङबु डोएँ दाङ चा़ छ्यिम्बु ताहम्ज्याया़ ओहराङ ङ्याम्बु ज़्या़ नाङदी येह च्यिबेमाना दि जाम्बुलीङला येहकेन्गी ओहराङला तोङ च्य़ूगेन्गी चोक्पा सेम्बाया़ लाहमले क्यो़दी ख्यागी किन्ज्योकी थु ङ्ये़बाकी मिहजी ताङ ख़ूज्यु म़ेदी यिहम्बा। Faic an caibideil |
२ पत्रुस 1:4
25 Iomraidhean Croise
ओहराङ आबाया़गी ओहराङला खुङला च्यि ठाबे ने़गे ओ़हला ते़बे ङ्यिहमा ङ्ये़हमुज्यीगी तेहन्दाला च्यी़राङ टिहला ज़्या़क्यो यिहम्बा, यिहॱनाङ किन्ज्यो याहपगीनी नाहम्स्यी किन्दुगी तेहन्दाला ओहराङलाॱराङ या़हबु ओहङज्यु ओहले मिहरो ल़ेहमुराङ नाम्पार-ताहक्पा डो ख़ूज्यु सुङदीमाराङ ओहराङला च्युर नाङगे।
किन्ज्योगी ताहम्ज्या ज़्या़ नाङग्यो नाहम्स्यी किन्दु लिहकेन्गी मेलामया़ मास्यीका लाहमले क़े क्याहप नाङग्यो मिहया़गी ज्योर ख़ूज्यु म़ेदी दि साम्बा ताहम्ज्या ङ्याम्बु लाहम्बा जे नाङगेन्दी मास्यीकाॱराङ यिहम्बा। तोहङस्यो ताहम्ज्याकी ती़हजीला मिहया़गी पेहक्यो तिहक्पालेगी खुङया़ला खा फे़ नाङज्येला मास्यीका टोहङ नाङसीन।
ए ङाहगी च्याहम्बु रो़हया़, ताहन्दानी ओहराङ किन्ज्योगी छार्क्यीनया़राङ यिहम्बा यिहॱनाङ तिङलेनी ओहराङ च्यि ओहङगे यिहम्बा, ओ़हगी तेहन्दाला किन्ज्योगी ओहराङला ह्अ कोह च्य़ू नाङदी म़ेह। यिहॱनाङ मास्यीका फेप नाङ फान्ज्यो ओहराङॱआङ मिहरो ल़ेहमुराङ डोज्ये येह च्यिबेमाना मिहरो काहन्डुमु येहबा, ओहराङगी मिहरोला ओ़ह ल़ेहमुराङ थोङज्ये येह।
Sanasan