१ तिमोथी 6:9 - ह्योल्‍मो

⁹ यिहॱनाङ छ्युक्‍पु डोज्‍ये छोल्‍गे मिहया़ ङ्याहम्‍छेला छ्यिकें, मिताला छ्यिकें ओहले माहङबुराङ तेहन्‍दा म़ेहबा दाङ राहङला ने़-क्‍याल्‍गेन्‍गी सेम्‍बाया़ला नोम्‍साङ ताङगे, ओ़ह ल़ेहमु केच्‍याया़गी मिहया़ला नोङगेन ओहले तोङ च्‍य़ूगे।

१ तिमोथी 6:9 Iomraidhean Croise

मत्ती 13:22

येहपाराङ काहजे मिहगी सेमदी छेर्मा चेहरेप ल़ेहमुराङ ओहङगे। खुङया़गी किन्‍ज्‍योगी लोप्‍च्‍युङ ङ्यिहन्‍दीॱआङ दि जाम्‍बुलीङगी तेहन्‍दाला तुहङाल पेहकें ओहले क्‍युह-नोहर थो़ला सेम च्‍याङगे। ओ़ह सोङबे खुङया़गी ङ्यिहन्‍ग्‍योगी लोप्‍च्‍युङ तोर्ते डोएँ ओहले च्‍यिॱआङ सेदो मे़हयाहएँ।

मत्ती 19:22

दि ल़ेहमु स्‍याहल थ़े फान्‍ज्‍यो ओ़ह स्‍यारा मिह तोहङबा ना-स्‍यी़दी काहल्‍सीन च्‍यिबेमाना खो ङ्याम्‍बु क्‍युह-नोहर माहङबुराङ येहकें।

मत्ती 26:15

“का़हलेॱआङ ङाहगी येशूला ज़ुङ च्‍यू़सीमाना ङाहला च्‍यि नाङगे ले?” ओहले खुङया़गी खोला दि ल़ेहगी तेहन्‍दाला ङुल-टाङ कोहर्मु सुम-च्‍यु तेर्सीन।

मत्ती 6:19

“दि जाम्‍बुलीङला राहङगी तेहन्‍दाला क्‍युहया़ सी़दी मा़हज्‍या। देला सी़ ज़्‍या़क्‍योगी क्‍युहया़ला बु क्‍याहप्‍कें, चेगी साहएँ, कुमेन स्‍योरके।

मर्कूस 4:19

यिहॱनाङ दि जाम्‍बुलीङगी तुहङाल, क्‍युह-नोहरगी चेवा ओहले ओ़ह ल़ेहमुराङ से़हया़ला सेम ग्‍युर्ती ओ़ह सुङदेन तोर्ती डोएँ ओहले बुदी च्‍यिॱआङ मे़हयाहएँ।

लूका 12:21

ओहले येशूगी मिहया़ला, “राहङगी तेहन्‍दाला क्‍युह सी़दे ज़्‍या़एँ मिहगी च्‍याहवा ओ़ह रोहवाॱराङ ओहङज्‍ये येह, किन्‍ज्‍योगी ओ़ह रोहवा मिहला छ्युक्‍पु सुङ मेहनाङगे” म़ेदी दि पे था़ च्‍ये नाङसीन।

लूका 21:35

च्‍यिबे मासीमाना, ओ़ह ङ्यिहमा जाम्‍बुलीङला तेहकेन मिह थाम्‍ज्‍यीगी थो़ला बाप्‍च्‍ये येह।

ल़ेह-पेन 8:20

ओहजेला पत्रुसगी मासीन, “ख्‍येगी टाङगा ख्‍ये ङ्याम्‍बुराङ तोङदी डोज्‍यु, च्‍यिबेमाना किन्‍ज्‍योगी काबाप टाङगागी ङ्योह ख़ूएँ म़ेदी ख्‍येगी साम्‍लु ताङसीन।

एफिसी 4:22

तोहङमाकी डोलु-तेहलुया़ पेहती राहङगी मिहजी ताङगे ख्‍याया़की निङबा मिहली क्‍युर्तोङ म़ेदी ख्‍याया़गी ह्‍अ केह सिहन्‍दी येह। ख्‍याया़ती चोक्‍पा-चोक्‍पा सेम्‍बाया़गी पेहती ओ़ह निङबा मिहली तोङदी डोॱराङ येहकें।

१ तिमोथी 1:9

ओहराङला दि तामॱआङ क्‍यी़ह ओहङ कोहएँ, ठिम या़हबु मिहगी तेहन्‍दाला ज़ोक्‍यो मिहम्‍बा। ठिमनी ठिमला गोम्‍गेन दाङ माक्‍योगी ताम मी़हङ्यिहन्‍गेनया़गी तेहन्‍दाला, किन्‍ज्‍योला मी़हचीगे दाङ तिहक्‍च्‍येम्‍बाया़गी तेहन्‍दाला, नाम्‍पार-ताहक्‍पा म़ेहबा दाङ छ्य़े मी़हची़गेनया़गी तेहन्‍दाला, राहङ आबा-आमाला सेकेंया़ दाङ मिह सेकेंया़गी तेहन्‍दाला,

१ तिमोथी 3:7

येहपाराङ, फि मिहया़गी तन्‍दोलाॱआङ खो या़हबु सी़ह कोहएँ, मिहन्‍सीमाना खोती आब्रु स्‍योर्ज्‍ये येह ओहले खो ती़ह गो-छ्येवागी मिताला छ्यिच्‍ये येह।

१ तिमोथी 6:10

च्‍यिबेमाना ल़ेह चोक्‍पा ना थाम्‍ज्‍यीगी चार्ङ्यीदी क्‍युह-नोहरकी निङज्‍यी यिहम्‍बा। काहजे मिहया़गीनी क्‍युह-नोहरकी ह्‍अम्‍बाला छ्यिती तेहपा पेहच्‍ये क्‍युर्ती चोक्‍पा लाहम ङो़ले स्‍य़ूहदी येहबा। ओहले तुहक्‍पुगी खुङया़की सेम ज्‍यिबुराङ सुह क्‍याहप्‍ती येह।

१ तिमोथी 6:17

दि जाम्‍बुलीङकी छ्युक्‍पु मिहया़ला छ्य़ेन्‍दो माहतेन म़ेदी म़ेदोङ, ओहले ले खाल मी़हखुएँकी क्‍युह-नोहर थो़ला मिहम्‍बा यिहॱनाङ ओहराङला थाम्‍ज्‍यी से़हया़ माहङबु म़ेदी माहङबु जेती नाङगेन किन्‍ज्‍यो थो़ला रेहवा पेहतोङ म़ेदी खुङया़ला का तेर।

२ तिमोथी 2:26

ओहले खुङगी नावा खा फे़ फान्‍ज्‍यो दियाबलसकी मिताले स्‍योर्च्‍ये येह, च्‍यिबेमाना खुङया़ला ती़ह गो-छ्येवागी राहङगी सेमला ने़जेबा पेहच्‍येला ज़ुङदी ज़्‍या़क्‍यो येहबा।

तीतस 2:12

दि काटीनगी ओहराङला चोक्‍पा मिहली दाङ राहङ ज़ुबुगी चा़ पेहकेन्‍गी जाम्‍बुलीङकी से़हया़ पाङ च्‍य़ूगे ओहले दि काटीनकी पेहती राहङगी राहङला सेम थिक-चिला ज़्‍या़दी दि जाम्‍बुलीङला तेहन्‍दाम दाङ टाहङबु पेहती मिहजी ताङ ख़ूएँ।

२ पत्रुस 2:3

ह्‍अम्‍बाला छ्यिती खुङया़गी माहताक्‍पाकी तामया़ जे़दी ख्‍या लाहमले खेप्‍साङ लेहन्‍ज्‍ये येह। खुङया़ला ङ्य़ेहबा काल्‍गेन्‍गी ताम तोहङलेराङ आप्‍ता च्‍ये सिहन्‍दी येह, ओ़ह सोङबे खुङया़ला ङ्य़ेहबा नाङगेन्‍गी किन्‍ज्‍यो ज़िम माहनाङबा जेती ज़्‍याङदीॱराङ ज़्‍य़ू नाङदी येह।

यहूदा 1:11

खुङया़ला क्‍येवा क्‍येमु! च्‍यिबेमाना खुङ कयिनकी लाहमला स्‍युहसीन, खेप्‍साङ लेहन्‍ज्‍येकी तेहन्‍दाला बालामगी पेहक्‍योगी ल़ेह चोक्‍पाकी लाहम ज़ुङदी येह, ओहले कोरहगी ल़ेहमुराङ खुङया़गी टा़ह पेहसीन ओहले खुङया़ ओ़ह ल़ेहमुराङ पेहती तोङदी डोएँ।