6 राहङ ङ्याम्बु च्यि येहबा ओ़हदीलाॱराङ क़ेहनाङ पेहती किन्ज्योला क्याप्केन्दीॱराङ थाम्ज्यी म़ेदी छ्यिम्बु फेन्दोप यिहम्बा।
ओहले येशूगी ओ़हला जोम्ग्यो मिहया़ला सुङ नाङसीन, “जेम्बु पेहतोङ! ना थाम्ज्यीगी ह्अम्बाया़ ङो़ले जेम्दे तेहतोङ, च्यिबेमाना काहजेराङ क्युह येहॱनाङ ओ़हदीगी मिहला तेहन्दामकी मिहली मेहतेर्कें।”
ओहले येहपाराङ माक्मीया़ ओहङदी ओ़हठी पेहतीराङ टी़हसीन। ओहले यूहन्नागी, “ख्यागी सुॱलाङ ठो़ पेहती तुहक्पु तेर्ते टाङगा लेहन्ज्ये माहछोल, स्यिती काम्बुला सुॱलाङ फातुर मा़हचु, ज्योर्केन्गी ले़गालाराङ सेम काहसो पेहतोङ!” म़ेदी यूहन्नागी मासीन।
ङ्यिहला क्यी़ह येह, किन्ज्योला चेवा पेहकेनया़ दाङ मिहरोगी थु-सेम जेती क़े क्याहप नाङग्यो मिहया़गी तेहन्दाला च्यिला-माना मिहरोगी या़हबुॱराङ जे नाङगे।
ङ्यिहगी ताहन्दा खुरक्यो तुहक्पु तिङले ज्योर्केन्की च्यि स़ेह ङ्याम्बुॱआङ दुर मी़हखुएँ ज़िज्यिद टेहम्बा साल्गेमुनी तेहम्बाराङ दि तुहक्पुनी च्यिॱआङ मिहन।
च्यिबेमाना ङाह सोम्बो लिहक्योदी मास्यीकाकी तेहन्दालाराङ यिहम्बा, ओहले स्यिएँदी ङाहती तेहन्दाला ख्येप्साङ यिहम्बा।
च्यिबेमाना ज़ुबुगी तेहन्दाला च्याहङदार पेहक्योदीॱआङ या़हबु यिहम्बा यिहॱनाङ किन्ज्योला क्याहप्च्येला च्याहङदार पेहक्योदीनी च्यी़ला माना खेप्साङ ओहङगे यिहम्बा च्यिबेमाना दिगी ताहन्दा दाङ तिङमागी मिहली ङ्यिकाराङकी तेहन्दाला ताहम्ज्या ज़्या़क्यो ओहङगे।
यिहॱनाङ ओहराङला साहज्ये दाङ केहन्ज्ये थु येहसीमानानी ओहराङ ओ़हदीलाॱराङ सेम काहसो पेहच्ये येह।
क्युह-नोहरकी थो़ला सेम च्याङदी माहतेह। राहङ ङ्याम्बु च्यि येहबा ओ़हदीलाॱराङ सेम काहसो पेहती तेहतोङ। च्यिबेमाना किन्ज्योगी दि ल़ेहमु सुङ नाङदी येह, “ङाह ख्याला नाहमॱआङ क्युर ज़्या़दी डोज्ये म़ेह, ङाह ख्याला नाहमॱआङ क्युर्च्ये म़ेह।”