१ तिमोथी 5:3 - ह्योल्‍मो

³ चारा पेहकेन मिह सुॱआङ म़ेहबाकी ह्‍युग्‍मोया़ला ची़नाङ पेहतोङ।

१ तिमोथी 5:3 Iomraidhean Croise

मत्ती 15:6

खोगीदी राहङगी आबा-आमाला स्‍याहप्‍तो स्‍युह मेहकोएँ। दि ल़ेहमु पेहती ख्‍याया़ राहङदीराङ पे-ठिम ङो़ले ग्‍युर्ती ख्‍याया़गी किन्‍ज्‍योगी काला फेन मे़हथोएँ ज़ोसीन।

मत्ती 23:13

“ए यिहन्‍दो तेन्‍गे छ्य़े-ठिमकी लोबेनया़ दाङ फरिसीया़! ख्‍याया़ला काहजे छा़ तुहवा! ख्‍याया़गी स्‍यिहङगामगी क्‍याहल्‍सीगी कोहला कोहल्‍ज्‍या क्‍याहप्‍ती येह। ओहले ख्‍याया़ राहङॱआङ नाहङला मी़हस्‍युहएँ ओहले नाहङला स्‍य़ूहज्‍ये छोल्‍गेनया़ॱलाङ स्‍य़ूह मी़हच्‍युएँ।”

लूका 2:37

यिहॱनाङ मोह राहङसा ख्‍योवाला माहकाहल्‍बा पेहती किन्‍ज्‍योगी छ्योखाङलाॱराङ तेहको येहकें। ओहजेला मोहगी लोह के़ह-ज़्‍यि काहल सिहन्‍दी येहकें। ओहले मोह छ्योखाङ क्‍युर मा़हज्‍याबा पेहती ङ्युङने तेहते ङ्यिहन-नुहप किन्‍ज्‍योला सोल्‍वाङ ताप्‍ते स्‍याहप्‍तो स्‍युहउ येहकें।

लूका 7:12

ओहले येशू क्‍याहसागी कोह ग्‍या़ला लेप्‍केमु मिह बा़लया़ रोह च्‍यी़ खुर्ती तुहर्साला डोएँॱराङ येहकें। ओ़ह खुर्ते ख्‍येर्केन रोहदी, ह्‍युग्‍मोकी पुह च्‍यिमे च्‍यी़राङ यिहन्‍गे।

यूहन्‍ना 1:47

येशूगी नथानेलला राहङ ङो़ले ओहङगेॱराङ पेहक्‍यो ज़ी़दी खोगी तेहन्‍दाला सुङ नाङसीन, “त़ेदोङ, खो तेहम्‍बा-तेहन्‍सुमॱराङ इस्राएली यिहन, खोला च्‍यिॱआङ क्‍येन म़ेह।”

ल़ेह-पेन 6:1

ओ़ह ती़हजीला चो़वो छ्येवा येशूगी स्‍याहप्‍च्‍यीया़गी टाहङजीला माहङरो माहङरो पेहती डोॱराङ येहकें। ओहजेला ग्रीक ताम माएँ दाङ हिब्रू ताम माएँ यहूदीया़की पाहरक्‍यीला ताम स्‍याङ स्‍याङ काहल्‍सीन। च्‍यिबेमाना ङ्यिहमा टाहङमा कोहएँगी साहप्‍च्‍याया़ खुङया़गी ह्‍युग्‍मोया़गी या़हबु पेहती माहन्‍ज्‍योर येहकें।

ल़ेह-पेन 9:39

ओहले पत्रुस खुङ ङ्यी़ ङ्याम्‍बुराङ योप्‍पाला काहल्‍सीन। ओ़हला लेप-लुहङ मे़हबाराङ मिहया़गी पत्रुसला थो़स्‍यो तेङला ख्‍येर्सीन। ओहले ह्‍युग्‍मोया़ डोरकास ङ्याम्‍बु येहकेमु ताबीतागी चेम तेरक्‍योगी काप्‍च्‍या थो़दी पत्रुसला तेन्‍दी, ङी़हदी पत्रुसकी पोहला तेह ओहङसीन।

ल़ेह-पेन 9:41

ओहले पत्रुसगी मोह लाहक्‍पाला ज़ुङदी लाङसीन। ओ़ह तिङला खोगी चो़वो छ्येवागी नाम्‍पार-ताहक्‍पा मिहया़ दाङ ह्‍युग्‍मोया़ला क़े क्‍याहप्‍ती स्‍यी़दीॱआङ सोम्‍बो लो़हक्‍योगी ताबीता खुङया़ला चि क्‍याहप्‍सीन।

१ थेसलोनिकी 2:6

मास्‍यीकाकी ल़ेह-पेन यिहन्‍गे सोङबे ङ्यिहगी ख्‍या फ़ेबे-म़ेहमेॱया थो़ला ओङ छ्य़े ख़ूज्‍ये येहकें। यिहॱनाङ ङ्यिहला मिहया़गी ची़नाङ पेहच्‍यु म़ेदी ङ्यिहगी माहछोल, ख्‍या लाहमलेॱआङ छोल्‍दी म़ेह ओहले लेहमेन मिह लाहमलेॱआङ छोल्‍दी म़ेह।

१ तिमोथी 5:2

ओहले ओ़ह ल़ेहमुराङ पेहती क़ेहमु मिहया़ला राहङगी आमाला ल़ेहमुराङ ओहले राहङ म़ेदी फेमा पी़हमी पेहजाया़लाती राहङगी नुहमुला ल़ेहमु पेहती च्‍याहङज्‍यु सेम्‍बा थो़दी लोप्‍ताम क्‍याहप्‍तोङ।

याकूब 1:27

तुहक्‍पुला छ्यिक्‍यो ह्‍युग्‍मो दाङ टो़टेया़ला रो़हराम पेहकेन ओहले जाम्‍बुलीङकी चोक्‍पा से़हया़ यिहन्‍ज्‍यु राहङ था़-रिहङबु तेहकेंॱराङ किन्‍ज्‍यो याहपला थु ङ्य़ेबु ओहङगेन्‍गी चाङमा दाङ नाम्‍पार-ताहक्‍पा छ्य़े यिहम्‍बा।

१ पत्रुस 2:17

मिह थाम्‍ज्‍यी आदा-नो़हया़ला ची़नाङ पेहतोङ। यिह-छ्य़ेबाया़ला चेवा पेहतोङ। किन्‍ज्‍योकी ज्‍यिक्‍पा खुर्तोङ। क्‍याहल्‍बुला ची़नाङ पेहतोङ।

१ पत्रुस 3:7

क्‍येप-ख्‍योवाया़, ओ़ह ल़ेहमुराङ पेहती राहङगी पी़हमीया़गी सेम छ्ये़मु दाङ ज़ुबुला स्‍युक ङ्ये़हमु ओहङगे माएँ ताम ह्‍अ के़हदी खुङया़ला ची़नाङ पेहतोङ च्‍यिबेमाना खुङया़गीॱआङ ख्‍या ङ्याम्‍बु-ङ्याम्‍बुराङ मिहली ज्‍योर्च्‍ये येह, दि ल़ेहमु पेहती ख्‍याया़गी सोल्‍वाङ ताप्‍केमु च्‍यिॱआङ ङ्याहम्‍छेया़ माहयोङज्‍यु म़ेदी च्‍यी़गी च्‍यी़ला छ्याप्‍स्‍यी या़हबुया़ पेहकें पेहतोङ।