१ तिमोथी 5:10 - ह्योल्‍मो

¹⁰ ओहले मोहगी या़हबु ल़ेहया़ पेहक्‍यो ओहङ कोहकें, पुह पोहमोया़ला या़हबु पेहती चारा पेहक्‍यो ओहङ कोहकें, टोहम्‍बोया़ला ता़हनाङ-ताहम्‍जी पेहक्‍यो ओहङ कोहकें, किन्‍ज्‍योला यिह छ्य़ेक्‍यो नाम्‍पार-ताहक्‍पा मिहया़ती काङबा ठी़ तेरक्‍यो ओहङ कोहकें, तुहक्‍पुला छ्यिक्‍यो मिहया़ला रो़हराम पेहक्‍यो ओहङ कोहकें ओहले दि ल़ेहमुराङ ल़ेह या़हबुया़ माहङबुॱराङ पेहक्‍यो ओहङ कोहकें।

१ तिमोथी 5:10 Iomraidhean Croise

मत्ती 25:17

ओहले सेर-टाङ कोहर्मु ङ्यी़ ज्‍योर्केन्‍दीगीॱआङ लेहमेन सेर-टाङ कोहर्मु ङ्यी़ ख्‍येप्‍साङ तेन्‍सीन।

मत्ती 5:16

ओ़ह ल़ेहमु पेहतीराङ ख्‍याया़गी येहसेर मिहया़गी पाहरक्‍यीला स्‍यारच्‍यु, मिहया़गी ख्‍याया़गी ल़ेह या़हबुया़ थोङदी स्‍यिहङगामला ज़्‍यू़गेन ख्‍याया़गी याहप्‍च्‍येन आबाला थुज्‍यी-छ्ये़ फुल्‍ज्‍यु” म़ेदी येशूगी सुङ नाङसीन।

लूका 7:38

ओहले मोह क्‍याहपले ओहङदी येशूगी स्‍याहप पोहला लाहङदी ङी़हदी तेहसीन, आहन्‍डा पेहती ङी़हदी तेहकेमु मोहगी मिज्‍यु माहङबु स्‍योर्ती येशूगी स्‍याहपला लेप्‍सीन, ओहले मोहगी येशूगी स्‍याहपला राहङगी टागी फी़ तेर्ती येशूगी स्‍याहपला च्‍युक पेहती टिहमा स्‍यिहम्‍बु खाएँगी नुम पे़दी स्‍याहपला टुहल्‍सीन।

लूका 7:44

ओहले पी़हमी ङो़ले ज़ी़दी सिमोनला सुङ नाङसीन, “दि पी़हमीला त़ेदोङ ले। ङाह ख्‍येगी खाङबाला ओहङसीन, ख्‍येगी ङाहला काङबा ठुएँगी छ्यु माहतेर, दि पी़हमीगीनी ङाहगी काङबा राहङगी मिज्‍युगी ठी़दी राहङगी टागी फी़सीन।

ल़ेह-पेन 10:22

ओहले खुङगी मासीन, “माक्‍पेन कर्नेलियसगी ङ्यिहला ताङ नाङग्‍यो यिहम्‍बा। खो टाहङबु पेहकेन दाङ किन्‍ज्‍योगी ज्‍यिक्‍पा खुर्केन्‍गी मिह यिहम्‍बा, ओहले यहूदी क्‍यिहपागी मिहया़गीॱआङ खोला ची़नाङ पेहकें। नाम्‍पार-ताहक्‍पा स्‍यिहङगामकी स्‍याहप्‍च्‍यी च्‍यी़ खोसाला लेप्‍सीम्‍बाराङ ‘पत्रुसला राहङगी खाङबाला क़े क्‍याहप्‍ती खोगी ताम ङ्यिहन्‍दोङ’ म़ेदी म़े ज़्‍या़सीन दुबा। ओ़ह सोङगोराङ ङ्यिहगी क़े क्‍याहप ओहङग्‍यो” म़ेदी कर्नेलियसगी ताङग्‍यो मिहया़गी मासीन।

ल़ेह-पेन 22:12

ओ़ह क्‍याहसाला हननिया मिहन थो़क्‍यो मेहन्‍दा च्‍यी़ तेहको येहकें। ओहले खोगी मोशागी नाङग्‍यो छ्य़े-ठिमया़ या़हबु पेहती ची़उ येहकें। ओहले खो मिह टाहङबु येहकें ओहले दमस्‍कसला तेहकेन्‍गी यहूदी थाम्‍ज्‍यीगी खोला ची़नाङ पेहको येहकें।

ल़ेह-पेन 6:3

ओ़ह सोङबे आदा-नो़हया़, ख्‍याया़गी पाहरक्‍यीले नाम्‍पार-ताहक्‍पा थु दाङ रिहक्‍स्‍यीगी काहङग्‍यो, ओहले मिहन थोप्‍क्‍यो मेहन्‍दा तिहन दाम्‍दोङ। ओहले दि साहज्‍ये थुङज्‍येगी ठाल ङ्यिह खुङला चि क्‍याहप्‍कें।

ल़ेह-पेन 9:36

योप्‍पा माएँ क्‍याहसाला ताबीता माएँगी चो़वो छ्येवाला यिह-छ्य़े पेहक्‍यो नुहमु च्‍यी़ येहकें। ताबीता माक्‍योदी डोरकास यिहम्‍बा। ओ़ह माक्‍योगी तेहन्‍दादी “रेहउ” यिहम्‍बा। ओहले मोह नाहम माॱनाङ लेहमेन मिहया़ला या़हबु पेहको येहकें ओहले प्राङबुया़ला रो़हराम पेहको येहकें।

ल़ेह-पेन 9:39

ओहले पत्रुस खुङ ङ्यी़ ङ्याम्‍बुराङ योप्‍पाला काहल्‍सीन। ओ़हला लेप-लुहङ मे़हबाराङ मिहया़गी पत्रुसला थो़स्‍यो तेङला ख्‍येर्सीन। ओहले ह्‍युग्‍मोया़ डोरकास ङ्याम्‍बु येहकेमु ताबीतागी चेम तेरक्‍योगी काप्‍च्‍या थो़दी पत्रुसला तेन्‍दी, ङी़हदी पत्रुसकी पोहला तेह ओहङसीन।

रोमी 12:13

किन्‍ज्‍योगी दाम नाङग्‍योकी मिहया़ला कोम्‍बु डोएँमु रो़ह पेहतोङ, ओहले खाङबाला ओहङग्‍यो टोहम्‍बोया़ला ता़हनाङ-ताहम्‍जी पेहतोङ।

एफिसी 2:10

च्‍यिबेमाना ओहराङ या़हबु ल़ेहया़की तेहन्‍दाला मास्‍यीका येशूला ज़ो नाङग्‍योकी किन्‍ज्‍योकी छ्या़की छ्या़लेया़ यिहम्‍बा। ओहराङगी ओ़ह या़हबु ल़ेहया़ पेहच्‍यु सुङदीमाराङ किन्‍ज्‍योगी तोहङ यिहन्‍ज्‍युराङ ठाबे जे नाङग्‍यो येहकें।

कलस्‍सी 1:10

ओहले ख्‍याया़गी चो़वोला थु ङ्ये़एँगी मिहजी ताङदी नाहम-माना मिहरोला क़ेहनाङ लाहङ च्‍य़ू ख़ूज्‍यु ओहले थाम्‍ज्‍यी या़हबु ल़ेहया़ला सेदो या़ह च्‍य़ूगेनॱराङ किन्‍ज्‍योकी येहन्‍देनला याहरक्‍यी पेहती डो ख़ूज्‍यु।

१ तिमोथी 2:10

यिहॱनाङ या़हबु-या़हबु ल़ेहया़ पेहती राहङला ज़ाप्‍च्‍यू, ओ़हदी किन्‍ज्‍योला क्‍याप्‍केन पी़हमी-पेहजाया़ला ज्‍यार्पु थोङगे।

१ तिमोथी 3:2

ओ़ह सोङबे छेन्‍छोककी लोबेनला च्‍यिॱआङ ङ्य़ेहबा फो़क्‍यो ओहङज्‍ये मेहयोहङगे। ओहले खोदी पी़हमी च्‍यी़मे च्‍यी़राङ ओहङ कोहएँ। खो राहङगी राहङला थिला ज़्‍या़ ख़ूएँदी ओहङ कोहएँ, ना़स्‍यीङ छ्यिम्‍बु पेह ख़ूएँदी ओहङ कोहएँ, ओहले खोगी डोलु-तेहलु या़हबु ओहङ कोहएँ, खोगी टोहम्‍बोया़ला ता़हनाङ-ताहम्‍जी पेह स्‍य़े कोहएँ ओहले या़हबु पेहती लुहङ तेर ख़ूएँदी ओहङ कोहएँ

१ तिमोथी 3:7

येहपाराङ, फि मिहया़गी तन्‍दोलाॱआङ खो या़हबु सी़ह कोहएँ, मिहन्‍सीमाना खोती आब्रु स्‍योर्ज्‍ये येह ओहले खो ती़ह गो-छ्येवागी मिताला छ्यिच्‍ये येह।

१ तिमोथी 5:16

का़हलेॱआङ किन्‍ज्‍योला यिह छ्य़ेक्‍यो पी़हमीदी राहङगी ङ्येहवाया़ नाहङला ह्‍युग्‍मोया़ येहसीमाना मोहगी खुङया़ला रो़हराम पेहच्‍यु। दि ल़ेहमु पेहसीमाना छेन्‍छोककी खुङया़गी ठाल खुर कोहच्‍ये म़ेह। ओ़ह सोङबे राहङदी ङ्येहवाया़ सुॱआङ म़ेहबाकी ह्‍युग्‍मोया़ला च्‍यी़राङ छेन्‍छोककी रो़हराम पेहच्‍यु।

१ तिमोथी 5:25

ओ़ह ल़ेहमुराङ पेहती काहजे या़हबु ल़ेहया़दी तोहङलेराङ छ्यिसाल-नाहङसाल पेहती थोङगे। ओहले छ्यिसाल-नाहङसाल पेहती माहथोङबाकी ल़ेहया़ हिप्‍तीॱआङ तेह मी़हखुएँ।

१ तिमोथी 6:18

खुङया़गी या़हबु ल़ेहया़ पेहच्‍यु, ल़ेह या़हबुया़ला छ्युक्‍पु डो ख़ूज्‍यु, ओहले सेम ज़ाङबु ओहङ ख़ूज्‍यु ओहले लेहमेन मिहया़ला तेर ख़ूज्‍यु।

२ तिमोथी 1:5

ख्‍येती तेहन्‍दामकी तेहपा ङाहला क्‍यी़ह येह। ओ़ह तेहपा तोहङले ख्‍येती यिबी लोइस दाङ आमा युनियस ङ्याम्‍बुॱआङ येहकें, ओहले ओ़ह ल़ेहमु तेहपा तोहरोङॱआङ ख्‍ये ङ्याम्‍बु येहबा म़ेदी ङाहला तेहम्‍बा-तेहन्‍सुमॱराङ क्‍यी़ह येहबा।

२ तिमोथी 2:21

पे-मी़हसिहएँगी तामया़ ङो़ले मिहगी राहङगी राहङला चाङमा ज़ोसीन माना खो या़हबु ल़ेहया़की तेहन्‍दाला पे-सी़हएँगी मिह च्‍यी़ डो ख़ूज्‍ये येह, ओहले खाङबा ताहक्‍पुकी तेहन्‍दाला चाङमा, फेन्‍दोप दाङ या़हबु ल़ेहया़ च्‍यिला-माना ठाबे टी़हज्‍ये येह।

२ तिमोथी 3:15

ख्‍येगी फेमा यिहन्‍ज्‍युराङ नाम्‍पार-ताहक्‍पा छ्य़ेगी स्‍याहलया़ ङोह स्‍य़ेदीॱराङ येहबा। दि स्‍याहलया़गी मास्‍यीका येशूला तेहपा पेहकेमु ज्‍योर्केन्‍गी थार्पाकी तेहन्‍दाला ङोह स्‍य़े ख़ूएँगी येहन्‍देन तेर्के।

२ तिमोथी 3:17

किन्‍ज्‍योकी मिहया़गी थाम्‍ज्‍यीराङ या़हबु ल़ेहया़ या़हबु पेहती ठीक-ठीक ङ्या़ह-ङ्या़ह पेहती पेह ख़ूज्‍यु म़ेदीराङ छ्य़े नाङग्‍यो यिहम्‍बा।

तीतस 2:14

येशू मास्‍यीकागी ओहराङला तिहक्‍पा ना थाम्‍ज्‍यीले थार च्‍य़ू नाङज्‍येला, टाहङबु ज़ो़-नाङज्‍येला, राहङदीराङ मिहया़ ज़ो़-नाङज्‍येला, या़हबु ल़ेहया़ पेहच्‍येला स्‍युक क्‍ये च्‍य़ूज्‍येला मिहरोगी राहङकी मिहलीॱराङ च्‍यिहम्‍बा ताङ नाङसीन।

तीतस 2:7

ख्‍येगीराङ ल़ेह थाम्‍ज्‍यी या़हबु पेहती खुङया़ला पे तेन्‍दोङ। लुहङ तेर्केमु तेहन्‍दाम, ख्‍येला लेहमेन मिहया़गी ची़नाङ पेहकेन छ्याप्‍स्‍यीगी, सुज्‍यीगीॱआङ ताम च्‍येह मी़हखुएँगी तामया़ तिक्‍पु पेहती खुङया़ला लोप्‍तोङ। ओहले ओहराङला टाह पेहकेन मिहया़गी ओहराङला च्‍यिॱआङ चोक्‍पा तामया़ मा ख़ूज्‍ये म़ेह ओहले खुङया़ ङोहजाला छ्यिच्‍ये येह।

तीतस 3:1

स्‍युहङ दाङ स्‍युहङ-पेनया़की ओङ चो़ला तेहतोङ, खुङया़गी माक्‍योकी ताम थाम्‍ज्‍यी ची़दोङ ओहले या़हबु ल़ेहया़ पेहच्‍येकी तेहन्‍दाला नाहम माॱनाङ ठाबे पेहती तेहतोङ म़ेदी खुङया़ला टेहम्‍बा साल च्‍य़ू तेर।

तीतस 3:14

ओहराङगी मिहया़ या़हबु ल़ेहया़ला सेम ताङ ख़ूज्‍यु, दि लाहमले पेहती खुङगी लेहमेन मिहया़ला ज्‍यिबुराङ कोहपु डोएँमु रो़हराम पेह ख़ूज्‍यु, दि ल़ेहमु पेहसीमाना ख्‍या फेन मे़हथोएँगी मिहया़ डोज्‍ये म़ेह।

तीतस 3:8

दि तेहन्‍दामकी स्‍याहल यिहम्‍बा। किन्‍ज्‍योला यिह छ्य़ेक्‍यो मिहगी राहङला या़हबु ल़ेहया़ला सेम ताङज्‍येला जेम्‍बु पेहच्‍यु म़ेदी ख्‍येगी स्‍युक तेर्ती लोप्‍क्‍यो ङाहला या़हबु ने़गे। च्‍यिबेमाना दि ल़ेहमु तामया़ मिहया़गी तेहन्‍दाला या़हबु दाङ फेन थो़एँगी तामया़ यिहम्‍बा।

हिब्रू 10:24

ओहराङगी च्‍यी़गी च्‍यी़ला निङज्‍यी दाङ या़हबु ल़ेहगी तेहन्‍दाला काह-ठि पेहती आ़र क्‍ये च्‍य़ूज्‍ये माएँ तामला नोम्‍साङ ताङ कोहएँ।

हिब्रू 13:2

राहङ खाङबाला ओहङग्‍यो टोहम्‍बोया़ला या़हबु पेहती फेप स्‍यी़हदोङ, च्‍यिबेमाना दि ल़ेहमु पेहती लाहलागी ङोह मा़हस्‍येबा पेहती स्‍यिहङगामकी स्‍याहप्‍च्‍यीया़ॱलाङ फेप स्‍युहक्‍यो येहकें।

हिब्रू 13:21

ख्‍याया़ला नामे-नाजो या़हबु गीनया़गी छाङबु ज़ो नाङज्‍यु, ओहले ख्‍याया़गी मिहरोगी थु-सेम तेहन्‍दा डुप च्‍य़ू ख़ूज्‍यु। ख्‍याया़गी मिहरोला थु ङ्ये़एँगी ल़ेह पेह ख़ूज्‍यु म़ेदी येशू मास्‍यीका लाहमले मिहरोगी ख्‍याया़गी सेमला छ्या़ले जे नाङज्‍यु। नाहम्‍स्‍यी किन्‍दु येशू मास्‍यीकाकी ज़िज्‍यिद ओहङज्‍यु।

१ पत्रुस 2:12

किन्‍ज्‍योला यिह-छ्य़े माहबेबाकी मिहया़गी पाहरक्‍यीला ख्‍याया़गी डोलु-तेहलु या़हबु ओहङज्‍यु। सुज्‍यीगीॱआङ ख्‍याया़ला मिह चोक्‍पा म़ेदी ख्‍याला टाह पेहसीनमाॱनाङ खुङया़गी ख्‍यागी पेहक्‍योगी ल़ेह या़हबुया़ थोङज्‍यु, ओहले किन्‍ज्‍योगी ठिम ताङ नाङगेन ङ्यिहमाला खुङया़गी किन्‍ज्‍योला त़ेरा तेच्‍या फुल्‍ज्‍यु।

१ पत्रुस 4:9

ङ्येहर्स्‍यी माहबेबा पेहती च्‍यी़गी च्‍यी़ला ता़हनाङ-ताहम्‍जी पेहतोङ।

३ यूहन्‍ना 1:12

डेमेत्रियसलाती मिह थाम्‍ज्‍यीगी या़हबु माएँ ओहले तेहन्‍दाम राहङगीॱआङ खोगी तेहन्‍दाला पाङबु नाङगे। ङ्यिहॱआङ खोगी पाङबु येह। ङ्यिहगी पाङबु तेहन्‍दाम यिहन म़ेदीनी ख्‍याया़लाॱआङ क्‍यी़हराङ येह।