१ तिमोथी 4:4 - ह्योल्‍मो

⁴ किन्‍ज्‍योगी ज़ो नाङग्‍योकी थाम्‍ज्‍यीराङ से़हया़ या़हबु येहबा। किन्‍ज्‍योला थुज्‍यी-छ्ये़ फुल्‍दी साहसीन माना च्‍यि से़हॱआङ मा-लोक पेह मेहकोहएँ।

१ तिमोथी 4:4 Iomraidhean Croise

ल़ेह-पेन 10:15

ओहले येहपाराङ पत्रुसगी दि रोहवा क़े च्‍यी़ थ़ेसीन, “किन्‍ज्‍योगी चाङमा ज़ो नाङग्‍योकी से़हया़ला ख्‍येगी चाङमा म़ेह म़ेदी साम्‍लु माहताङ।”

ल़ेह-पेन 15:29

राहङ फे़बेया़गी कुला तेरक्‍यो से़हया़ माहसाह, ज्‍यिङबा च्‍यिर्ते सेक्‍यो मार्च्‍येगी स्‍या दाङ ठा़या़ माहसाह ओहले छ्येउ-छ्येंमु माहबे। दि तामया़ ङो़ले राहङ फ़ेबेॱया जेम्‍दे तेहसीन मानानी या़हबु ओहङज्‍ये येह। ख्‍या फे़बेया़ला मा कोहएँगी तामया़ देजेराङ यिहन। टास्‍यी-देले” म़ेदी यिहगी प्रुहसीन।

ल़ेह-पेन 21:25

चो़वो येशूला यिह-छ्य़े पेहकेन लेहमेन क्‍यिहपागी मिहया़ला, ‘कुया़ला फुल्‍ग्‍योगी साहज्‍ये से़हया़ माहसाह, ठा़ मा़हथुङ, ज्‍यिङबा च्‍यिर्ती सेक्‍यो मार्च्‍येगी स्‍या माहसाह, ओहले छ्येउ-छ्येंमु माहबे’ म़ेदी ङ्यिहगी टे़ह क्‍याहप्‍ती यिहगी प्री़हदे ताङ सिहन्‍दी येह।”

रोमी 14:14

चो़वो येशूला ङाहगी यिह छ्य़ेक्‍यो सोङबे दि केच्‍या ङाहला या़हबु पेहती क्‍यी़ह येह, का़हन्‍दीॱआङ साहएँ से़हया़ मेहचाङा म़ेह। यिहॱनाङ सुगी ओ़हदी मेहचाङा येह म़ेदी ने़गे, खोगी तेहन्‍दाला ओ़ह मेहचाङा डोएँ।

रोमी 14:20

साहएँ से़हया़गी पेहती किन्‍ज्‍योकी छ्या़लेला माहनोङ। थाम्‍ज्‍यी साहएँ से़हया़ साहज्‍ये ओहङगे यिहॱनाङ राहङगी साहक्‍यो से़हगी पेहती लेहमेनला ऩे क्‍याल्‍सीमानाती ओ़ह या़हबु मिहम्‍बा।

रोमी 14:6

लाहला ङ्यिहमा चा़ छ्यिम्‍बु यिहन म़ेदी ची़गे मिहगी चो़वोला ची़नाङ पेहती खोगी ची़क्‍यो यिहम्‍बा। ओहले ना थाम्‍ज्‍यी साहएँ मिहगी चो़वोगी तेहन्‍दालाराङ साहक्‍यो यिहम्‍बा च्‍यिबेमाना खोगी किन्‍ज्‍योला थुज्‍यी-छ्ये़ फुल्‍दी साहएँ। ओहले मेहसाहएँ मिहगीॱआङ किन्‍ज्‍योला ची़नाङ पेहती मेहसाहएँ ओहले खोगी किन्‍ज्‍योला थुज्‍यी फुल्‍गे।

१ कोरिन्‍थी 10:23

ख्‍यागी माएँ, “ठिमला ते़बे ल़ेह ना थाम्‍ज्‍यीराङ पेहच्‍ये डी़गे” यिहॱनाङ ओ़ह थाम्‍ज्‍यी लाहमले ख्‍येप्‍साङती मेहयोहङगे। “ठिमला ते़बे ल़ेह ना थाम्‍ज्‍यीराङ पेहच्‍ये डी़गे” यिहॱनाङ ओ़ह थाम्‍ज्‍यी लाहमले याहर्क्‍यीनी डो च्‍यु मी़हखुएँ।

१ कोरिन्‍थी 10:25

स्‍यागी छोङखाङया़ला च्‍यि चोङगे ले? ख्‍यागी च्‍यिॱआङ नोम्‍साङ माहताङबा, च्‍यिॱआङ टी़हदाप माहबेबा पेहती ओ़ह सोह।

१ कोरिन्‍थी 10:26

च्‍यिबेमाना “जाम्‍बुलीङ दाङ ओ़हला येहकेन्‍की ना थाम्‍ज्‍यीराङ से़हया़ किन्‍ज्‍योदीॱराङ यिहन।”

१ कोरिन्‍थी 10:30

का़हलेॱआङ ङाहगी थुज्‍यी-छ्ये़ फुल्‍दी साहसीन माना थुज्‍यी-छ्ये़ फुल्‍दी साहक्‍यो तामला लेहमेनगी ङाहला च्‍यिबे क्‍येन ता़ज्‍ये ले?

१ तिमोथी 4:3

ओहले खुङया़गी पा़हमा पेहच्‍ये मेहयोहङगे ओहले काहजे से़हया़ साहज्‍येॱआङ मेहयोहङगे म़ेदी लोप्‍कें। यिहॱनाङ यिह-छ्य़े दाङ तेहन्‍दामकी स्‍याहलला ङोह स्‍य़ेगेया़गी थुज्‍यी-छ्ये़ फुल्‍दी दि साहज्‍ये से़हया़ साहज्‍ये ओहङगे च्‍यिबेमाना किन्‍ज्‍योगीॱराङ दि थाम्‍ज्‍यी ज़ो नाङग्‍यो यिहम्‍बा।