१ तिमोथी 4:10 - ह्योल्‍मो

¹⁰ ओ़ह सोङबे ङ्यिह ला़ खाॱनाङ मे़हखाॱनाङ कादुप च्‍येती ल़ेह पेहकें च्‍यिबेमाना ङ्यिहगी रेहवा सोम्‍बो ज़्‍य़ू नाङगेन किन्‍ज्‍यो थो़ला ज़्‍या़दी येह। ओहले मिह-रो़हराङ मिह थाम्‍ज्‍यीला थार्पा नाङगेन्‍गी किन्‍ज्‍यो यिहम्‍बा खास पेहतीती मिहरो थो़ला म़ेहबा पेहकेनया़ला थार्पा नाङगेन्‍गी किन्‍ज्‍यो यिहम्‍बा।

१ तिमोथी 4:10 Iomraidhean Croise

मत्ती 16:16

सिमोन-पत्रुसगी ल़ेहन क्‍याहप्‍सीन, “राहङ सोम्‍बो किन्‍ज्‍योगी स़ेबु थार्पा नाङगेन्‍गी मास्‍यीका क्‍याहल्‍बु यिहम्‍बा।”

मत्ती 27:43

खोगी किन्‍ज्‍योला म़ेहबा पेहको येहकें ओहले ‘ङाहनी किन्‍ज्‍योगी स़ेबु यिहम्‍बा’ म़ेदी डोउ येहकें। का़हलेॱआङ किन्‍ज्‍योगी थुला ठुङदी येहसीमानानी ता़ह किन्‍ज्‍योगीॱराङ खोला थार च्‍य़ू नाङज्‍यु” म़ेदी मासीन।

यूहन्‍ना 1:29

नाहङबार च्‍युङ यूहन्‍नागी येशूला राहङ ङो़ले फेप्‍केनॱराङ जेक्‍यो थोङदी मासीन, “त़ेदोङ, जाम्‍बुलीङकी तिहक्‍पा क्‍या़दी नोम फेप नाङगे किन्‍ज्‍योकी ल़ूह स्‍ये़बु!

यूहन्‍ना 4:42

ओहले खुङया़गी ओ़ह पी़हमीला मासीन, “ता़ह ख्‍येगी स्‍य़ेक्‍यो तामगी च्‍यी़राङ पेहती ङ्यिहगी यिह छ्य़ेक्‍यो मिहम्‍बा, यिहॱनाङ ङ्यिह राहङगीराङ मिहरोगी सुङदेन ङ्यिहन्‍ग्‍यो सोङबे तेहम्‍बा-तेहन्‍सुमॱराङ मिहरो जाम्‍बुलीङगी मिहया़ला थार्पा थोप च्‍य़ू नाङगेन्‍दी यिहम्‍बा दु म़ेदी ङ्यिहगी ङोह स्‍य़ेदी येह।”

यूहन्‍ना 5:24

“तेहम्‍बाराङ, ङाह ख्‍याया़ला माएँ, सुगी ङाहती ताम ङ्यिहन्‍गे ओहले ङाहला ताङ नाङगेन्‍दीला यिह-छ्य़े पेहकें, खो ङ्याम्‍बु नाहमॱआङ मिहस्‍यीएँगी मिहली ज़ाङबु ओहङगे। खोला ठिम ताङज्‍ये म़ेह, यिहॱनाङ खो स्‍यिवालेगी मिहलीला स्‍य़ूह सिहन्‍दी येह।

१ कोरिन्‍थी 15:10

यिहॱनाङ ताहन्‍दा ङाह काह-ठि येहबा, ओ़ह थाम्‍ज्‍यी किन्‍ज्‍योगी काटीनगीॱराङ यिहम्‍बा ओहले मिहरोगी ङाहगी मिहजीला जे नाङग्‍योकी काटीन स्‍यिती काम्‍बुला थोरो माहकाहल। तोहरोङ खुङया़गी म़ेदीॱआङ माहङबु ङाहगी तुहक्‍पु पेहसीन। यिहॱनाङ ङाहगी मिहम्‍बा, ङाह ङ्याम्‍बु ज़्‍य़ू नाङगे किन्‍ज्‍योगी काटीनगी यिहम्‍बा।

२ कोरिन्‍थी 1:10

मिहरोगी ङ्यिहया़ला ओ़ह ल़ेहमु ङ्याहम्‍छेया़ लाहमले थार च्‍य़ू नाङसीन, ओहले थार च्‍य़ू नाङज्‍ये येह। ओहले मिहरोगी ङ्यिहया़ला येहपाराङॱआङ थार च्‍य़ू नाङज्‍ये येह म़ेदी ङ्यिहगी मिहरो थो़लाराङ रेहवा पेहती येहबा।

१ तिमोथी 2:3

ओहराङला थार्पा नाङगेन किन्‍ज्‍योगी ज़ी़दाङला दि या़हबु यिहम्‍बा ओहले मिहरोगी दि ल़ेहमुराङ थु-सेम जे नाङगे।

१ तिमोथी 2:4

मिह थाम्‍ज्‍यीगी थार्पा ज्‍योर ख़ूज्‍यु ओहले खुङया़गी तेहन्‍दामकी स्‍याहलला या़हबु पेहती ङोह स्‍य़े ख़ूज्‍यु म़ेदी किन्‍ज्‍योगी थु-सेम जे नाङगे।

१ तिमोथी 2:6

ओहले मिहरोगीॱराङ मिह थाम्‍ज्‍यीला थार्पा नाङज्‍येला राहङगी कुसोॱराङ च्‍यिहम्‍बा ताङ नाङसीन, ओ़हदी ठाबे ती़हजीला नाङग्‍योकी पाङबु यिहम्‍बा।

१ तिमोथी 3:15

का़हलेॱआङ ङाह ओहङज्‍येला यिहन थो़सीमाना किन्‍ज्‍योगी क्‍याहल्‍सीला ओहराङगी डोलु-तेहलु काह-ठि ओहङ कोहकें माएँ ताम दि यिहगी लाहमले ङोह स्‍ये़दोङ। किन्‍ज्‍योगी क्‍याहल्‍सीदी सोम्‍बो ज़्‍य़ू नाङगेन किन्‍ज्‍योकी छेन्‍छोक यिहम्‍बा। दि किन्‍ज्‍योकी क्‍याहल-खाङ, तेहन्‍दामकी काप्‍स्‍यी दाङ ब्राम यिहम्‍बा।

१ तिमोथी 6:17

दि जाम्‍बुलीङकी छ्युक्‍पु मिहया़ला छ्य़ेन्‍दो माहतेन म़ेदी म़ेदोङ, ओहले ले खाल मी़हखुएँकी क्‍युह-नोहर थो़ला मिहम्‍बा यिहॱनाङ ओहराङला थाम्‍ज्‍यी से़हया़ माहङबु म़ेदी माहङबु जेती नाङगेन किन्‍ज्‍यो थो़ला रेहवा पेहतोङ म़ेदी खुङया़ला का तेर।

हिब्रू 11:26

मिश्र क्‍याहल-खापगी थाम्‍ज्‍यी क्‍युह-नोहर ज्‍योर्केन म़ेदीनी बरु थार्पा नाङगेन मास्‍यीकाकी तेहन्‍दाला मिहगी ङेन्‍ज्‍येन पेहक्‍योदी ना़गेन्‍दीॱराङ चा़ छ्यिम्‍बु क्‍युह-नोहर यिहम्‍बा म़ेदी खोला ऩेसीन। च्‍यिबेमाना किन्‍ज्‍योगी नाङगेन च्‍याहगा ङो़ले खोगी त़ेदी तेहक्‍यो येहकें।

हिब्रू 13:13

ओ़ह सोङबे ओहराङॱआङ पा़ल फिला येशूसाला डो, ओहले मिहया़गी येशूला आब्रु तेन्‍ग्‍यो ओहराङगीॱआङ ना़दोङ।

१ पत्रुस 1:21

ओहले मिहरो लाहमलेॱराङ ख्‍याया़गी किन्‍ज्‍योला तेहपा पेहसीन, ओहले ओ़ह किन्‍ज्‍योगीॱराङ मास्‍यीकाला टोहङग्‍योलेगी सोम्‍बो ज़्‍याङ च्‍य़ू नाङसीन ओहले मिहरोला ज़िज्‍यिद-च्‍येन ज़ो नाङसीन, ओ़ह सोङबे ख्‍याया़गी राहङगी तेहपा दाङ रेहवा किन्‍ज्‍यो थो़ला ज़्‍या़गे यिहम्‍बा।

१ यूहन्‍ना 2:2

मिहरो ओहराङगी तिहक्‍पा ता़ह च्‍य़ू नाङज्‍येलाॱराङ टोहङ नाङग्‍यो यिहम्‍बा। ओहराङ च्‍यी़गी तेहन्‍दाला मिहम्‍बा, यिहॱनाङ जाम्‍बुलीङगी मिह थाम्‍ज्‍यीगी तेहन्‍दाला यिहम्‍बा।

१ यूहन्‍ना 4:14

किन्‍ज्‍यो याहपगी राहङगी स़ेबुला जाम्‍बुलीङला थार्पा नाङज्‍येला ताङ नाङग्‍यो ङ्यिहगी थोङसीन ओहले ताहन्‍दा ङ्यिह दिगी पाङबु तेर्के।