१ तिमोथी 4:1 - ह्योल्मो1 नाम्पार-ताहक्पा थुगी छ्यिसाल-नाहङसाल जेती सुङ नाङगे, तिङ-तिङले काहजे मिहया़ गो़ कोर च्य़ूएँगी नाम्स्यी दाङ ल्हान्डा-ल्हेन्डीया़की लुहङया़ थो़ला सेम ताङदी तेहपा लो़हज्ये येह। Faic an caibideil |
१ तिमोथी 4:1
64 Iomraidhean Croise
ओहले मिहरो, पे यिहॱना़: तेहन्दामकी थु फेप फान्ज्यो मिहरोगीॱराङ ख्याला थाम्ज्यी तेहन्दामगी लाहमला ॱठि नाङज्ये येह। मिहरोगी राहङ लाहमले च्यिॱआङ सुङ नाङज्ये म़ेह। मिहरोगी सेन नाङग्योकी स्याहलया़ॱराङ सुङ नाङज्ये येह, ओहले तिङमा ङ्यिहमाया़ला ओहङज्ये पेहक्योगी केच्याया़ ख्याला स्य़े नाङज्ये येह।
ओहले इपिक्युरी दाङ स्तोइकी ज्याल्गा थोङगेया़ नाहङगी लाहला मिहया़ॱआङ पावलसाला ओहङदी स्येपा तुहर्सीन। ओहजेला लाहलागी मासीन, “दि खाक्लेगी च्यि माएँ? ओहले लाहलागी मासीन, दि मिहगीनी ल्हा साम्बाया़गी तेहन्दाला गा स्येक्यो ल़ेहमु थोङगो दु।” पावलगी येशू दाङ येशू टोहङ नाङदी येहपाराङ सोम्बो ज़्याङ नाङग्योकी तेहन्दाला स्येक्यो सोङबे खुङगी दि ल़ेहमु मासीन।
ङ्यिहगी ज्याल्गा थोङसीन म़ेदी ङ्येम्ज्युङ पेहचेनज्यी तेन्दी स्यिहङगामकी स्याहप्च्यीला छ्येपा फुल्गेनया़ॱआङ येहबा। ओहले खुङया़गी ख्याया़ला दि ल़ेहमु यिहनॱराङ मिहम्बागी तामया़ स्येती गो़ कोर च्य़ूदी ख्यागी ज्योर कोहएँगी च्याहगा तोर मा़हच्यु। दि ल़ेहमु मिहया़ तिहक्पागी सेम थो़दी तेहन्दाॱराङ म़ेहबाकी तामया़ला छ्य़ेन्दो तेन्दी तेहकें।
ताहङबो इस्राएली मिहया़की पाहरक्यीला चिहन क्याहप्केन्गी लुहङतेम्बाया़ येहकें ल़ेहमुराङ, ताहन्दा ख्याया़गी पाहरक्यीलाॱआङ चिहन क्याहप्ती लुहङ तेर्केन्गी लोबेनया़ थेन्दी ओहङज्ये येह। खुङया़गी नाहङदा नाहङ क्यी़हराङ माहन्ज्योर्पा पेहती तोङदी डो च्य़ूगेन्गी ची़हमा लुहङया़ ख्योङज्ये येह, ओहले खुङया़गी थार्पा नाङगेन्गी चो़वोलाॱआङ मा-लोक पेहच्ये येह। दि ल़ेहमु पेहती खुङ याहङमे-याहङ तोङदी डोज्ये येह।
च्यिबेमाना माहङबुराङ तोहङले ङ्य़ेहबा फो़ज्ये सी़ह सिहन्ग्योकी लाहला मिहया़ खाजुम्बाला ख्या फे़बे मे़हमेया़की पाहरक्यीला स्युहसीहन्दी येह। खुङ किन्ज्योला मेहक्याप्केन्गी मिहया़ यिहम्बा, खुङगी ओहराङकी किन्ज्योकी काटीनला ल़ेह ङ्येहम्बा पेहकेन्गी छेन्ज्याया़ जे़दी येह ओहले ओहराङगी च्यिमी च्यी़राङ ताहक्पु दाङ चो़वो, येशू मास्यीकाला मा-लोक पेहकें।
ओ़ह तोहङस्यो सेम्ज्येनकी छापला दि ल़ेहमु याहम्जेम्बाकी ताक्छेनया़ तेन्गेन्गी स्युक खोला तेर्ते येहकें। दिगी पेहतीराङ खोगी जाम्बुलीङकी मिह थाम्ज्यीला गो़ कोर च्य़ूसीन। पादाङगी नाहन्दी काहल्देॱआङ थारक्यो ओ़ह सेम्ज्येनला ची़नाङ पेहच्येला थाम्ज्यीगी खोगी कु जे़दोङ म़ेदी ओ़ह ङ्यिपा सेम्ज्येनगी मिहया़ला कुल्सीन।
ओहले ओ़ह सेम्ज्येन दाङ खोगी छापला याहम्जेम्बाकी ताक्छेनया़ तेन्गे ओ़ह चिहन क्याहप्के लुहङतेम्बालाॱआङ ज़ुङसीन। दि याहम्जेम्बागी ल़ेहया़ लाहमले ओ़ह चिहन क्याहप्कें लुहङतेम्बागी ओ़ह सेम्ज्येनगी पार क्याहप्कें दाङ खोगी कुला छ्येपा फुल्गे थाम्ज्यीला गो़ कोर च्य़ूदी येहकें। ओ़ह ङ्यिकालाराङ ती़हदी तेहक्यो मेहबुङगी छो नाहङला सोम्बोराङ क्युर चाहङसीन।
सुती नाम्ज्यो येहबा खोगी ङ्यिहन्ज्यु, किन्ज्योकी थुगी छेन्छोकया़ला च्यि सुङ नाङगेराङ येहबा! सुगी क्याहल्गे, ङाह खुङया़ला पे़हदी ज़्या़क्योगी मन्न तेर्च्ये येह। ङाह खुङला तोह कार्पु च्यी़ॱआङ तेर्के, ओ़ह तोह कार्पुला मिहन साम्बा च्यी़ प्री़हदी येहबा। दि तोह कार्पु ज्योर्केया़गी मिहम्बा लेहमेन सुगीॱआङ ह्अ मेहकोहएँ।’”
Sanasan