१ तिमोथी 3:6 - ह्योल्‍मो

⁶ खो थेरेरे किन्‍ज्‍योला यिह-छ्य़े पेहक्‍यो मिह ओहङज्‍ये मेहयोहङगे, मिहन्‍सीमाना खो छ्य़ेन्‍दो तेन्‍दी ती़ह गो-छ्येवागी ङ्य़ेहबाला छ्यिच्‍ये येह

१ तिमोथी 3:6 Iomraidhean Croise

लूका 10:18

ओहले येशूगी सुङ नाङसीन, “ङाहगी ती़ह गो-छ्येवाला नामले माहर चिलाम ल़ेहमु पेहती ताहप्‍केन थोङसीन।

१ कोरिन्‍थी 3:1

आदा-नो़ह दाङ आज्‍यी-नुहमुया़, ख्‍या ङ्याम्‍बु ताम माएँमु यिहक्‍तेन मिहया़ ङ्याम्‍बु ल़ेहमु पेहती ङाहगी ताम मा मा़हखु, यिहॱनाङ जाम्‍बुलीङकी मिह, मास्‍यीकाला येहकेन्‍गी ल़ेनु पेहजाया़ ङ्याम्‍बु ताम माक्‍यो ल़ेहमु पेहती ङाहगी ताम मा ख़ूसीन।

१ कोरिन्‍थी 8:1

ता़ह ङाह कुला छ्येपा फुल्‍ग्‍यो साहएँ से़हया़गी तेहन्‍दाला माउ येह। ओहराङला क्‍यी़हराङ येहबा, ओहराङ ङ्याम्‍बु येहन्‍देन येहबा। येहन्‍देनगी मिहला छ्य़ेन्‍दो तेन्‍गे ज़ोएँ, यिहॱनाङ चेवागीती मिहला याहरक्‍यी डो च्‍य़ूगे।

२ कोरिन्‍थी 12:7

किन्‍ज्‍योगी ङाहला तिहङ-रिहङबुकी केच्‍याया़ माहङबुराङ तेन नाङसीन दि लाहमले ङाह माहङबु स्‍येर्क्‍या माहतेन्‍ज्‍यु म़ेदी का़ज्‍येला ङाहती ज़ुबुला सुह क्‍याहप च्‍य़ूगेन्‍गी छेर्मा च्‍यी़ नाङसीन पे येहना ओ़ह ती़ह गो-छ्येवागी स्‍याहप्‍च्‍यी च्‍यी़ यिहम्‍बा खोगी ताहन्‍दा ङाहला तुहक्‍पु तेर्केॱराङ येहबा।

१ तिमोथी 3:7

येहपाराङ, फि मिहया़गी तन्‍दोलाॱआङ खो या़हबु सी़ह कोहएँ, मिहन्‍सीमाना खोती आब्रु स्‍योर्ज्‍ये येह ओहले खो ती़ह गो-छ्येवागी मिताला छ्यिच्‍ये येह।

१ तिमोथी 6:4

खो छ्य़ेन्‍दो तेन्‍गे, ओहले खोगी च्‍यिॱआङ स्‍य़ेक्‍यो मेहयोहङगे। खोगी स्‍यिती काम्‍बुगी तामया़ला स्‍येपा तुहर्के, ओहले ओ़ह ताम ऱेह-ऱेह थो़दी मिह ङ्याम्‍बु जिङज्‍येला डोएँ। दि तामया़गीनी ठादो, ठ़ूस्‍यी सिहङदा, स्‍ये़हन्‍डील दाङ चोक्‍पा सेम ङ्येहम्‍बाया़ च्‍यी़राङ क्‍ये च्‍य़ूएँ।

२ तिमोथी 3:4

लेहमेन मिहया़ला गो़ कोर च्‍य़ूगे, याम-थेर्पु, छ्य़ेन्‍दो तेन्‍दी ङाहराङ यिहन माएँ, किन्‍ज्‍योकी छापला ङ्याहमसाङ-खाम्‍साङ पेहच्‍ये सेम्‍बा पेहकें,

१ पत्रुस 2:2

थेरेरे क्‍येक्‍योगी पेहजा ओहमा थुङज्‍ये म़ेदी ङुहक्‍यो ल़ेहमुराङ ख्‍याया़ॱआङ किन्‍ज्‍योकी तेहन्‍दामगी सुङया़ ङोह स्‍येच्‍येला सेम ताङदोङ दि लाहमलेॱराङ ख्‍यागी ज्‍योरक्‍योकी थार्पाला ख्‍या जेन-जेन याहरक्‍यी पेहती डो ख़ूज्‍ये येह।

१ पत्रुस 5:5

ओ़ह ल़ेहमुराङ पेहती स्‍यारा स्‍यार्माया़, राहङ म़ेदी छ्यिम्‍बु मिहया़गी ओङ चो़ला तेहतोङ। ख्‍या मिह थाम्‍ज्‍यी ङ्याम्‍बु स्‍यिहवा पेहती च्‍यी़गी च्‍यी़ला रो़हराम पेहतोङ। च्‍यिबेमाना छ्य़ेला दि ल़ेहमु सुङ नाङदी येह, “किन्‍ज्‍योगी छ्य़ेन्‍दो तेन्‍गे मिहया़ला टाह जे नाङगे, यिहॱनाङ स्‍यिहवा पेहकें मिहया़ला काटीन नाङगे।”

२ पत्रुस 2:4

स्‍यिहङगामकी स्‍याहप्‍च्‍यीया़गी तिहक्‍पा पेहकेमु किन्‍ज्‍योगी खुङया़ला ल़े ताङ माहनाङ, यिहॱनाङ खुङया़ला ङ्याल्‍वाला क्‍युर चाहङ नाङसीन, ओहले ठिम ताङ नाङगे ङ्यिहमा थु साप्‍स्‍यी तिहङकी ना़-जुबेला ताहम्‍दी ज़्‍या़ नाङदी येहबा।

यहूदा 1:6

किन्‍ज्‍योगी नाङग्‍यो ओङ चो़ला माहतेहपा पेहती राहङगी ग्‍या़ क्‍युर ज़्‍या़दी डोएँगी स्‍यिहङगामकी स्‍याहप्‍च्‍यीया़ला मिहरोगी साप्‍स्‍यी तिहङकी ना़-जुबेला ठिम ताङ नाङगेन ओ़ह छ्यिम्‍बु ङ्यिहमा थु नाहम-आङ स्‍योर मी़हखुएँ पेहती ताहम्‍दी ज़्‍या़ नाङदी येह।