१ तिमोथी 3:13 - ह्योल्‍मो

¹³ च्‍यिबेमाना डिकनगी स्‍युह कोहएँगी स्‍याहप्‍तो सुगी या़हबु पेहती स्‍युहएँ खुङगी येशू मास्‍यीकाला येहकेन्‍गी तेहपागी तेहन्‍दाला लेहमेनया़लाॱआङ स्‍युक छ्यिम्‍बु पेहती मा ख़ूज्‍ये येह।

१ तिमोथी 3:13 Iomraidhean Croise

मत्ती 20:28

ओ़ह ल़ेहमुराङ मिहगी स़ेबुॱआङ लेहमेनलेगी स्‍याहप्‍तो ज्‍योर्च्‍येला मिहम्‍बा, यिहॱनाङ लेहमेनला स्‍याहप्‍तो स्‍य़ूहज्‍येला ओहले मिह माहङबुलाराङ थार्पा नाङज्‍ये दाङ राहङगी कुसोॱराङ नाङज्‍येला फेप नाङसीन।”

मत्ती 25:21

ताहक्‍पुगी खोला, ‘ख्‍येगी या़हबु पेहसीन दु! ख्‍ये यिह छ्ये़बु योक्‍पु दुबा। ख्‍ये ङ्ये़हमु से़हया़ॱलाङ यिह-छ्य़ेबु काहल्‍ग्‍यो सोङबे ङाह ख्‍येला लेहमेनॱआङ माहङबुराङ से़हया़ चि क्‍याहप्‍के। ता़ह, ख्‍ये ङाह ङ्याम्‍बु ओहङदी डेन से़हदी क़ेहनाङ पेहतोङ!’

लूका 19:17

ओहले क्‍याहल्‍बुगी, ‘ख्‍येगी या़हबु पेहसीन ख्‍ये ज्‍यिबुराङ या़हबु योक्‍पु दुबा! ख्‍ये ल़ेह फेमाज्‍यीॱलाङ यिह-छ्य़ेबु ओहङ ख़ूसीन, ता़ह ख्‍येगी क्‍याहसा च्‍यु थो़ला ओङ छ्य़े ङ्युहङज्‍ये येह’ म़ेदी मासीन।

ल़ेह-पेन 21:35

माक्‍मीया़गी पावलला ख्‍येर्ती डोएँमु मिह मिह-माहङया़ खुङया़गी तिङदा तिङ ओहङसीन। ओहले टे़बाले याहर डोज्‍ये पेहकेमुनी मिहया़गी पावलला सेच्‍ये म़ेदी च्‍योम ओहङसीन। ओ़ह सोङबे मिहया़गी लाहक्‍पाले थार च्‍य़ूज्‍येला माक्‍मीया़गी पावलला खुर्ती ख्‍येर्सीन।

ल़ेह-पेन 6:15

ओहजेला छो़बा छ्यिम्‍बुला तेहक्‍योगी मिह थाम्‍ज्‍यीगी स्‍तिफनासला छ्यारे पेहती त़ेदी तेहसीन। खोगी तोहङबादी स्‍यिहङगामकी स्‍याहप्‍च्‍यीदी ल़ेहमु क्‍या-साङे पेहती येहसेर क्‍याहप्‍क्‍यो थोङसीन।

ल़ेह-पेन 6:5

ल़ेह-पेनया़गी माक्‍योगी ताम थाम्‍ज्‍यीला या़हबु ऩेसीन। ओ़ह सोङबे खुङया़गी तेहपा दाङ नाम्‍पार-ताहक्‍पा थुगी काहङग्‍योगी स्‍तिफनास, फिलिप, प्रखरस, निकानोर, तीमोन, पर्मिनास दाङ यहूदी छ्य़ेला स्‍य़ूहक्‍यो एन्‍टिओखिया क्‍याहसाकी निकोलाउसला दाम्‍सीन।

ल़ेह-पेन 6:8

स्‍तिफनासगी चो़वोलेगी माहङबुराङ मेलाम दाङ स्‍युक ज्‍योर्ती येहकें। खोगी मिहया़गी पाहरक्‍यीला याहम्‍जेम्‍बागी ल़ेहया़ पेहती ताक्‍छेनया़ तेन्‍गो येहकें।

१ कोरिन्‍थी 16:15

आदा-नो़ह दाङ आज्‍यी-नुहमुया़, ख्‍याया़गी अखैयाला येहकेन्‍गी स्‍तिफनास दाङ खोगी खाङबा म़ेहमे थाम्‍ज्‍यीला ङोह स्‍य़ेएँ। खुङगी थाम्‍ज्‍यी म़ेदी तोहङस्‍यो किन्‍ज्‍योला यिह-छ्य़े पेहक्‍यो येहकें। ताहन्‍दा खुङया़गी मास्‍यीकागी पुह पोहमोया़ला स्‍याहप्‍तो स्‍य़ूहज्‍येला राहङगी मिहजीराङ तेर्ती येहबा।

फिलिप्‍पी 1:14

ङाह चोन-खाङला छ्यिक्‍यो सोङबे माहङ-छ्येवा नो़हया़ चो़वोला सान्‍दी काहल्‍दी येह, ओहले खुङ ज्‍यिक्‍पा म़ेहबा पेहती या़हबु लेहङगु स्‍येच्‍येला स्‍युक क्‍ये़दी येह।

१ थेसलोनिकी 2:2

ख्‍या फ़ेबे-म़ेहमेॱया साला ओहङगे म़ेदी तोहङले फिलिप्‍पीकी मिहया़गी ङ्यिहला आब्रु तेन्‍दी ज्‍यिबुराङ तुहक्‍पु तेर्सीन। दि केच्‍याॱआङ ख्‍या फ़ेबे-म़ेहमेया़ला थुयी़राङ येह। मिहया़गी ङ्यिहला ज्‍यिबुराङ टाह पेहॱनाङ किन्‍ज्‍योगी लेहङगु या़हबु ख्‍या फ़ेबे-म़ेहमेया़ला स्‍येच्‍येला ङ्यिहला किन्‍ज्‍योगीॱराङ स्‍युक क्‍ये च्‍य़ू नाङसीन।

१ तिमोथी 3:14

ख्‍येसाला ङाह ग्‍यो़बाराङ ओहङगे रेहवा पेहती येह, यिहॱनाङ ङाह ख्‍येला दि यिहगी प्रुहएँॱराङ येह,

२ तिमोथी 2:1

ओ़ह सोङबे ख्‍ये, ए ङाहगी पुह, मास्‍यीका येशू थो़ला येहकेन्‍गी काटीनला सान्‍दी पेहती तेह।

हिब्रू 6:10

किन्‍ज्‍योकी मिहया़ला ख्‍याया़गी रो़हराम पेहसीन ओहले ताहन्‍दाॱआङ पेहकेनॱराङ येह। किन्‍ज्‍योगी सुॱलाङ ङ्येम्‍बा-ङ्य़ेहरी जे मेहनाङगे। ख्‍याया़गी पेहक्‍यो दि रो़हराम दाङ निङज्‍यीला किन्‍ज्‍योगी नाहमॱआङ थु नाल नाङज्‍ये म़ेह।