१ तिमोथी 3:10 - ह्योल्‍मो

¹⁰ थाम्‍ज्‍यी म़ेदी तोहङले डिकनला ङ्याहम च्‍ये कोहकें, ओहले खुङला च्‍यिॱआङ क्‍येन मे़हना च्‍यी़राङ खुङगी डिकनकी ल़ेहला स्‍याहप्‍तो स्‍युहज्‍यु।

१ तिमोथी 3:10 Iomraidhean Croise

१ कोरिन्‍थी 1:8

ओहराङ चो़वो येशू मास्‍यीका फेप नाङगे ङ्यिहमु ख्‍या ङ्य़ेहबा-छ्यू़बा म़ेहबा ओहङज्‍यु म़ेदी मिहरोगीॱराङ ख्‍याला तिङस्‍यो ङ्यिहमा थु थिक-चि पेहती ज़्‍या़ नाङज्‍ये येह।

कलस्‍सी 1:22

यिहॱनाङ ता़ह राहङगी दिनला ख्‍याया़ला नाम्‍पार-ताहक्‍पा, ङ्य़ेहबा-छ्यू़बा म़ेहबा दाङ च्‍यिॱआङ फातुर माहफो़बा पेहती तेन्‍ज्‍येला मास्‍यीकाकी कुसोगी स्‍यिवा लाहमले किन्‍ज्‍योगी राहङ ङ्याम्‍बु ख्‍याया़ला थिन च्‍य़ू नाङसीन।

१ तिमोथी 3:13

च्‍यिबेमाना डिकनगी स्‍युह कोहएँगी स्‍याहप्‍तो सुगी या़हबु पेहती स्‍युहएँ खुङगी येशू मास्‍यीकाला येहकेन्‍गी तेहपागी तेहन्‍दाला लेहमेनया़लाॱआङ स्‍युक छ्यिम्‍बु पेहती मा ख़ूज्‍ये येह।

१ तिमोथी 3:2

ओ़ह सोङबे छेन्‍छोककी लोबेनला च्‍यिॱआङ ङ्य़ेहबा फो़क्‍यो ओहङज्‍ये मेहयोहङगे। ओहले खोदी पी़हमी च्‍यी़मे च्‍यी़राङ ओहङ कोहएँ। खो राहङगी राहङला थिला ज़्‍या़ ख़ूएँदी ओहङ कोहएँ, ना़स्‍यीङ छ्यिम्‍बु पेह ख़ूएँदी ओहङ कोहएँ, ओहले खोगी डोलु-तेहलु या़हबु ओहङ कोहएँ, खोगी टोहम्‍बोया़ला ता़हनाङ-ताहम्‍जी पेह स्‍य़े कोहएँ ओहले या़हबु पेहती लुहङ तेर ख़ूएँदी ओहङ कोहएँ

१ तिमोथी 3:6

खो थेरेरे किन्‍ज्‍योला यिह-छ्य़े पेहक्‍यो मिह ओहङज्‍ये मेहयोहङगे, मिहन्‍सीमाना खो छ्य़ेन्‍दो तेन्‍दी ती़ह गो-छ्येवागी ङ्य़ेहबाला छ्यिच्‍ये येह

१ तिमोथी 5:22

ह्‍अदा-ह्‍ओदे पेहती सु मिहज्‍यी थो़ला लाहक्‍पा ज़्‍या़दी खुङला छेन्‍छोककी एल्‍डर माहज़ो़। ओहले लेहमेन मिहया़गी पेहकेन्‍गी तिहक्‍पागी ल़ेहला लाहक्‍पा माहक्‍याहप। राहङला नाहम्‍माॱनाङ नाम्‍पार-ताहक्‍पा ज़्‍या़दोङ।

१ यूहन्‍ना 4:1

ङाहगी च्‍याहम्‍बु रो़हया़, “ङाह ङ्याम्‍बु नाम्‍पार-ताहक्‍पा थु येह” माएँ मिह थाम्‍ज्‍यीला ख्‍यागी यिह मा़हछ्ये, यिहॱनाङ खुङ ङ्याम्‍बु किन्‍ज्‍योगी नाम्‍पार-ताहक्‍पा थु येहबानी म़ेहबा म़ेदी ङ्याहम च्‍येतोङ च्‍यिबेमाना चिहन क्‍याहप्‍केन्‍गी लुहङतेम्‍बाया़ माहङबुराङ दि जाम्‍बुलीङला थेन सिहन्‍दी येह।