१ तिमोथी 2:4 - ह्योल्‍मो

⁴ मिह थाम्‍ज्‍यीगी थार्पा ज्‍योर ख़ूज्‍यु ओहले खुङया़गी तेहन्‍दामकी स्‍याहलला या़हबु पेहती ङोह स्‍य़े ख़ूज्‍यु म़ेदी किन्‍ज्‍योगी थु-सेम जे नाङगे।

१ तिमोथी 2:4 Iomraidhean Croise

मत्ती 28:19

ओ़ह सोङबे ता़ह ख्‍याया़ काहल्‍दी थाम्‍ज्‍यीराङ क्‍यिहपाया़ला स्‍याहप्‍च्‍यी जे़दोङ। खुङया़ला किन्‍ज्‍यो याहप, स़ेबु दाङ नाम्‍पार-ताहक्‍पा थुगी छेनला बप्‍तिस्‍मा तेर,

मर्कूस 16:15

ओ़ह तिङले येशूगी खुङया़ला सुङ नाङसीन, “जाम्‍बुलीङ थाम्‍ज्‍यीला काहल्‍दी मिह थाम्‍ज्‍यीलाराङ या़हबु लेहङगु स्‍येतोङ!

लूका 1:77

तिहक्‍पालेगी स्‍या़बा ज्‍योर्ते थार्पा थोप्‍च्‍ये येह माएँ ताम ख्‍येगी चो़वो छ्येवागी मिहया़ला लोप तेर्च्‍ये येह।

लूका 14:23

“ओहले ताहक्‍पुगी योक्‍पुया़ला मासीन, ‘क्‍याहसाले माहर डोसा लाहम दाङ युहलया़ला काहल्‍दी मिहया़ला उर्चु पेहती क़े क्‍याहप्‍ती ख्‍येर-स्‍यो, ङाहगी खाङबा काहङॱराङ कोहएँ!’

लूका 24:47

ओहले यरूशलेम यिहन्‍ज्‍यु छ़ूदी थाम्‍ज्‍यीराङ क्‍यिहपाया़ला येशूगी छेनला राहङगी सेमगी स्‍या़बा पेहती तिहक्‍पा पाङसीन माना तिहक्‍पागी स्‍या़बा ज्‍योर्च्‍ये येह माएँ तामगी तेहन्‍दाला स्‍येॱराङ कोहच्‍ये येह।

यूहन्‍ना 14:6

ओहले येशूगी खोला सुङ नाङसीन, “लाहम, तेहन्‍दाम दाङ मिहली ङाहराङ यिहन। ङाह लाहमले पेहती मिहम्‍बानी सुज्‍यीॱआङ याहप्‍च्‍येन आबासाला लेप मी़हखुएँ।

यूहन्‍ना 17:17

खुङया़ला तेहन्‍दामला नाम्‍पार-ताहक्‍पा ज़ो नाङदोङ, राहङगी सुङदेन तेहन्‍दाम यिहन।

यूहन्‍ना 6:37

याहपगी नाङगे थाम्‍ज्‍यी ङाहसाला ओहङज्‍ये येह, ओहले ङाहसाला ओहङगेनया़ला ङाहगी नाहमॱआङ लो़ ताङज्‍ये म़ेह।

रोमी 11:14

दि ल़ेहगी पेहती ङाहती राहङदीराङ क्‍यिहपाकी मिहया़गीॱआङ ख्‍या ङ्याम्‍बु ठादो पेहती लाहला किन्‍ज्‍यो ङो़ले ग्‍युर्के गा यिहम्‍बानी माएँ ङाहला रेहवा येहबा।

१ तिमोथी 4:10

ओ़ह सोङबे ङ्यिह ला़ खाॱनाङ मे़हखाॱनाङ कादुप च्‍येती ल़ेह पेहकें च्‍यिबेमाना ङ्यिहगी रेहवा सोम्‍बो ज़्‍य़ू नाङगेन किन्‍ज्‍यो थो़ला ज़्‍या़दी येह। ओहले मिह-रो़हराङ मिह थाम्‍ज्‍यीला थार्पा नाङगेन्‍गी किन्‍ज्‍यो यिहम्‍बा खास पेहतीती मिहरो थो़ला म़ेहबा पेहकेनया़ला थार्पा नाङगेन्‍गी किन्‍ज्‍यो यिहम्‍बा।

२ तिमोथी 2:25

ओहले टाह पेहकेनया़ला खोगी स्‍यिहवा पेहती या़हबु लाहमला ॱठि ख़ूएँदी ओहङ कोहकें। ओ़हठी यिहन्‍सीमाना च्‍यी़राङ किन्‍ज्‍योगी खुङया़ला स्‍या़बा पेहकेन दाङ तेहन्‍दामकी स्‍याहल ङोह स्‍य़े ख़ूएँगी सेम नाङज्‍ये येह,

२ तिमोथी 3:7

ओ़ह पी़हमी-पेहजाया़गी लोप्‍च्‍येनी नाहम माॱनाङ लोप्‍तीॱराङ तेहकें यिहॱनाङ तेहन्‍दामकी येहन्‍देनला नाहम-आङ ओहङ मी़हखुएँ।

तीतस 1:1

किन्‍ज्‍योकी योक्‍पु दाङ मास्‍यीका येशूकी ल़ेह-पेन ङाह पावल लाहमले दि यिहगी प्रुहएँॱराङ येहबा। ओहले किन्‍ज्‍योगी दाम नाङग्‍योकी मिहया़ला तेहपाला सान्‍दी ज़ोज्‍येला ओहले मिहरोगी थु-सेम जे नाङगेन मिहली ङ्याम्‍बु डी़गेन्‍गी तेहन्‍दामकी लाहम ङो़ले खुङया़ला ठिच्‍येला ङाहला कुल नाङसीन।

तीतस 2:11

च्‍यिबेमाना मिह थाम्‍ज्‍यीगी थार्पा ज्‍योर ख़ूज्‍यु म़ेदीराङ किन्‍ज्‍योगी काटीन तेन नाङग्‍यो यिहम्‍बा।

हिब्रू 10:26

च्‍यिबेमाना तेहन्‍दामकी रिहक्‍स्‍यी ज्‍योर्तीॱआङ ओहराङगी ङोह स्‍य़ेदी स्‍य़ेदीॱआङ तिहक्‍पा पेहसीनमाना ता़ह तिहक्‍पाकी तेहन्‍दाला लेहमेन का़हन्‍दीॱआङ मार्च्‍ये म़ेह।

याकूब 3:14

यिहॱनाङ ख्‍याया़गी सेम नाहङला ठादो पेहकेन दाङ राहङदेन ज़ोएँगी सेम्‍बा येहसीमाना दि तामला छ्य़ेन्‍दो माहतेन, ओहले तेहन्‍दामगी स्‍याहलला फिर्च्‍या माहज़ो़।

२ पत्रुस 3:9

राहङ ताहम्‍ज्‍याकी तेहन्‍दाला चो़वोगी फिमु जे नाङगे म़ेदी लाहला मिहया़गी माॱनाङ मिहरोगी फिमु जे नाङग्‍यो म़ेह। यिहॱनाङ ख्‍या नाहङला सुज्‍यीॱआङ माहतोङज्‍यु, यिहॱनाङ ख्‍या थाम्‍ज्‍यीगी सेमकी स्‍या़बा पेहच्‍यु सुङदी चो़वो ख्‍याया़गी तेहन्‍दाला कू़हदे ज़्‍य़ू नाङदी येहबा।

२ यूहन्‍ना 1:1

ङाह छेन्‍छोककी एल्‍डर, किन्‍ज्‍योगी दाम नाङग्‍यो पी़हमी-पेहजा दाङ मोहगी पुह पोहमोया़ला दि यिहगी प्रुहएँॱराङ येहबा। ङाह खुङया़ला तेहम्‍बाराङ चेवा पेहकें, ओ़ह ङाहगी च्‍यी़राङ मिहम्‍बा, यिहॱनाङ तेहन्‍दामला ङोह स्‍य़ेगे थाम्‍ज्‍यीगीराङ चेवा पेहकें।

ज्‍याल्‍गा 14:6

दि तिङले ङाहगी नामला उहर्ती तेहक्‍यो लेहमेन स्‍यिहङगामकी स्‍याहप्‍च्‍यी च्‍यी़ थोङसीन। थाम्‍ज्‍यी क्‍यिहपा, छाङ, ताम दाङ लुहङबाकी मिहया़ला था़ म़ेहबा या़हबु लेहङगु स्‍येच्‍येला खो ओहङगेॱराङ येहकें।