१ तिमोथी 2:3 - ह्योल्‍मो

³ ओहराङला थार्पा नाङगेन किन्‍ज्‍योगी ज़ी़दाङला दि या़हबु यिहम्‍बा ओहले मिहरोगी दि ल़ेहमुराङ थु-सेम जे नाङगे।

१ तिमोथी 2:3 Iomraidhean Croise

लूका 1:47

ओहले ङाहगी सेम, ङाहला थार्पा थोप च्‍य़ू नाङगेन किन्‍ज्‍यो ङ्याम्‍बु काहसो पेहकें।

रोमी 14:18

दि ल़ेहमु छ्याप्‍स्‍यी पेहती मास्‍यीकाला स्‍याहप्‍तो स्‍युहएँया़गी किन्‍ज्‍योकी थु काहसो ज़ोएँ ओहले मिहया़गी तालुलाॱआङ खुङ या़हबु सी़हगे।

फिलिप्‍पी 1:11

किन्‍ज्‍योकी ज़िज्‍यिद दाङ त़ेरा तेच्‍याकी तेहन्‍दाला येशू मास्‍यीका लाहमले ओहङगेन टाहङदेनकी सेदोगी ख्‍याया़ काहङदी तेहतोङ।

फिलिप्‍पी 4:18

ङाहगी ज्‍योर कोहएँ म़ेदी माहङबु ज्‍योर्ती येह। ख्‍यागी इपाफ्रोडिटसकी लाहक्‍पाला ताङग्‍यो डेल्‍बाया़ ज्‍योर्ती ङाह दाङस्‍यी काहल्‍दी येह। दि डेल्‍बा तेर्ती ख्‍यागी किन्‍ज्‍योला थु काहसो ज़ोएँगी छ्येपा फुल्‍सीन, दि डेल्‍बा किन्‍ज्‍योला टिहमा स्‍यिहम्‍बु खाएँगी स्‍युक्‍पा फुल्‍ग्‍यो ल़ेहमुराङ काहल्‍सीन।

कलस्‍सी 1:10

ओहले ख्‍याया़गी चो़वोला थु ङ्ये़एँगी मिहजी ताङदी नाहम-माना मिहरोला क़ेहनाङ लाहङ च्‍य़ू ख़ूज्‍यु ओहले थाम्‍ज्‍यी या़हबु ल़ेहया़ला सेदो या़ह च्‍य़ूगेनॱराङ किन्‍ज्‍योकी येहन्‍देनला याहरक्‍यी पेहती डो ख़ूज्‍यु।

१ थेसलोनिकी 4:1

ता़ह ज्‍युक्‍स्‍योलला आदा-नो़ह दाङ आज्‍यी-नुहमुया़, चो़वो येशूगी छेनला ङ्यिह राहङ फ़ेबे-म़ेहमेया़ला थाल्‍मा च्‍याहर्ती दि उर्चु पेहको येह, ख्‍या फ़ेबे-म़ेहमेया़गी ङ्यिह लाहमले किन्‍ज्‍योला थु ङ्ये़एँगी डोलु-तेहलुया़ लोप नाङदी येह ओहले लोप्‍क्‍यो ल़ेहमुराङ ख्‍या फबे-मे़हमेया़गी नाहरे जे नाङगेराङ येह। ओ़ह ल़ेहमु डोलु-तेहलुया़ला ख्‍या फ़ेबे-म़ेहमेॱया जेन-जेन या़हबु पेहती फेप नाङदोङ।

१ तिमोथी 1:1

ओहराङला थार्पा नाङगेन किन्‍ज्‍यो दाङ रेहवा नाङगेन मास्‍यीका येशूकी का लाहमले मास्‍यीका येशूकी ल़ेह-पेन काहल्‍ग्‍यो ङाह पावलगी दि यिहगी

१ तिमोथी 4:10

ओ़ह सोङबे ङ्यिह ला़ खाॱनाङ मे़हखाॱनाङ कादुप च्‍येती ल़ेह पेहकें च्‍यिबेमाना ङ्यिहगी रेहवा सोम्‍बो ज़्‍य़ू नाङगेन किन्‍ज्‍यो थो़ला ज़्‍या़दी येह। ओहले मिह-रो़हराङ मिह थाम्‍ज्‍यीला थार्पा नाङगेन्‍गी किन्‍ज्‍यो यिहम्‍बा खास पेहतीती मिहरो थो़ला म़ेहबा पेहकेनया़ला थार्पा नाङगेन्‍गी किन्‍ज्‍यो यिहम्‍बा।

१ तिमोथी 5:4

का़हन्‍दीॱआङ ह्‍युग्‍मोती पुह-पोहमो दाङ छो़ छामुया़ येहसीमाना, खुङया़गी थाम्‍ज्‍यी म़ेदी तोहङले राहङ खाङबा मे़हमेया़ ङो़ले राहङगी पेहॱराङ कोहकेन्‍गी टाहङबु ठिमया़ ची़ज्‍ये लोप्‍च्‍यु, ओहले राहङ आबा-आमाकी सोक्‍यो टिहलेन च्‍याल ख़ूज्‍यु, च्‍यिबेमाना दि किन्‍ज्‍योकी ज़ी़नाङला लोक जेच्‍ये सी़हगे।

२ तिमोथी 1:9

किन्‍ज्‍योगी ओहराङला थार च्‍य़ू नाङसीन, ओहले नाम्‍पार-ताहक्‍पा मिहलीगी तेहन्‍दाला क़े क्‍याहप नाङसीन। ओहराङगी पेहक्‍योगी ल़ेहला ज़ी़दी मिहम्‍बा यिहॱनाङ किन्‍ज्‍यो राहङगी थु दाङ काटीन लाहमले जे नाङग्‍यो यिहम्‍बा। जाम्‍बुलीङ छ्या़गे म़ेदी तोहङलेराङ ओहराङला मास्‍यीका येशूगी दि काटीन नाङग्‍यो यिहम्‍बा।

हिब्रू 13:16

च्‍यी़गी च्‍यी़ला या़हबु ल़ेह दाङ रो़हराम पेहच्‍येला टेहम्‍बा माहच्‍येह। च्‍यिबेमाना किन्‍ज्‍योला थु ङ्ये़एँगी मार्च्‍ये दिराङ यिहम्‍बा।

१ पत्रुस 2:20

च्‍यिबेमाना ख्‍याया़गी ल़ेह चोक्‍पा पेहती तुहङदा साहएँमु ना़स्‍यीङ छ्यिम्‍बु पेहती तुहङदा साहसीन माना ओ़हला छ्यिम्‍बु ताम च्‍यि येहबा ले? यिहॱनाङ ख्‍याया़गी ल़ेह या़हबु पेहतीॱआङ तुहक्‍पु खुर कोहकेमु ना़स्‍यीङ छ्यिम्‍बु पेहती तुहक्‍पु ना़सीन माना ओ़ह किन्‍ज्‍योगी ज़ी़लुला यिह-छ्य़ेबु ओहङगे,

१ पत्रुस 2:5

ख्‍याया़ॱआङ येशू मास्‍यीका लाहमले किन्‍ज्‍योकी ज़ी़लुला सी़ह ख़ूएँगी यिहक्‍तेन मार्च्‍ये फुल्‍गेन्‍गी नाम्‍पार-ताहक्‍पा पूजाहारीगी तेहन्‍दाला सोम्‍बो तोह-पा़रा ल़ेहमुराङ राहङला यिहक्‍तेन खाङबा ज़ो नाङगेराङ येहबा।