१ तिमोथी 2:10 - ह्योल्‍मो

¹⁰ यिहॱनाङ या़हबु-या़हबु ल़ेहया़ पेहती राहङला ज़ाप्‍च्‍यू, ओ़हदी किन्‍ज्‍योला क्‍याप्‍केन पी़हमी-पेहजाया़ला ज्‍यार्पु थोङगे।

१ तिमोथी 2:10 Iomraidhean Croise

ल़ेह-पेन 9:36

योप्‍पा माएँ क्‍याहसाला ताबीता माएँगी चो़वो छ्येवाला यिह-छ्य़े पेहक्‍यो नुहमु च्‍यी़ येहकें। ताबीता माक्‍योदी डोरकास यिहम्‍बा। ओ़ह माक्‍योगी तेहन्‍दादी “रेहउ” यिहम्‍बा। ओहले मोह नाहम माॱनाङ लेहमेन मिहया़ला या़हबु पेहको येहकें ओहले प्राङबुया़ला रो़हराम पेहको येहकें।

ल़ेह-पेन 9:39

ओहले पत्रुस खुङ ङ्यी़ ङ्याम्‍बुराङ योप्‍पाला काहल्‍सीन। ओ़हला लेप-लुहङ मे़हबाराङ मिहया़गी पत्रुसला थो़स्‍यो तेङला ख्‍येर्सीन। ओहले ह्‍युग्‍मोया़ डोरकास ङ्याम्‍बु येहकेमु ताबीतागी चेम तेरक्‍योगी काप्‍च्‍या थो़दी पत्रुसला तेन्‍दी, ङी़हदी पत्रुसकी पोहला तेह ओहङसीन।

एफिसी 2:10

च्‍यिबेमाना ओहराङ या़हबु ल़ेहया़की तेहन्‍दाला मास्‍यीका येशूला ज़ो नाङग्‍योकी किन्‍ज्‍योकी छ्या़की छ्या़लेया़ यिहम्‍बा। ओहराङगी ओ़ह या़हबु ल़ेहया़ पेहच्‍यु सुङदीमाराङ किन्‍ज्‍योगी तोहङ यिहन्‍ज्‍युराङ ठाबे जे नाङग्‍यो येहकें।

१ तिमोथी 2:11

पी़हमी-पेहजागी राहङगी छेन्‍छोककी गोबाया़गी ओङ चो़ला तेहती खाजुम्‍बा पेहती लोप्‍च्‍यु।

१ तिमोथी 2:9

ओ़ह ल़ेहमुराङ पेहती पी़हमी पेहजाया़गीॱआङ राहङला ज्‍यार्पु थोङगेन्‍गी काप्‍च्‍याया़ या़हबु पेहती केहन्‍ज्‍यु। ओहले गो़गी टा माहङबु ज़ाप्‍ती, सेर, मोती दाङ ओहले रिहन माहङबु डोएँगी काप्‍च्‍याया़ माहकेहन्‍ज्‍यु।

तीतस 2:14

येशू मास्‍यीकागी ओहराङला तिहक्‍पा ना थाम्‍ज्‍यीले थार च्‍य़ू नाङज्‍येला, टाहङबु ज़ो़-नाङज्‍येला, राहङदीराङ मिहया़ ज़ो़-नाङज्‍येला, या़हबु ल़ेहया़ पेहच्‍येला स्‍युक क्‍ये च्‍य़ूज्‍येला मिहरोगी राहङकी मिहलीॱराङ च्‍यिहम्‍बा ताङ नाङसीन।

तीतस 3:8

दि तेहन्‍दामकी स्‍याहल यिहम्‍बा। किन्‍ज्‍योला यिह छ्य़ेक्‍यो मिहगी राहङला या़हबु ल़ेहया़ला सेम ताङज्‍येला जेम्‍बु पेहच्‍यु म़ेदी ख्‍येगी स्‍युक तेर्ती लोप्‍क्‍यो ङाहला या़हबु ने़गे। च्‍यिबेमाना दि ल़ेहमु तामया़ मिहया़गी तेहन्‍दाला या़हबु दाङ फेन थो़एँगी तामया़ यिहम्‍बा।

१ पत्रुस 2:12

किन्‍ज्‍योला यिह-छ्य़े माहबेबाकी मिहया़गी पाहरक्‍यीला ख्‍याया़गी डोलु-तेहलु या़हबु ओहङज्‍यु। सुज्‍यीगीॱआङ ख्‍याया़ला मिह चोक्‍पा म़ेदी ख्‍याला टाह पेहसीनमाॱनाङ खुङया़गी ख्‍यागी पेहक्‍योगी ल़ेह या़हबुया़ थोङज्‍यु, ओहले किन्‍ज्‍योगी ठिम ताङ नाङगेन ङ्यिहमाला खुङया़गी किन्‍ज्‍योला त़ेरा तेच्‍या फुल्‍ज्‍यु।

२ पत्रुस 3:11

दि थाम्‍ज्‍यी किन्‍ज्‍योगी तोङ च्‍य़ू नाङगे सुङबे नाम्‍पार-ताहक्‍पा दाङ टाहङदेनकी मिहजी ताङ कोहएँ।

ज्‍याल्‍गा 2:19

ख्‍येगी ल़ेह, ख्‍येगी चेवा, ख्‍येगी तेहपा, ख्‍येगी स्‍याहप्‍तो स्‍युहएँकी ल़ेह ओहले ख्‍येती ना़स्‍यीङ छ्यिम्‍बु ङाहला क्‍यी़ह येह। तोहङले म़ेदी ख्‍येगी ताहन्‍दादी माहङबुराङ स्‍याहप्‍तो स्‍युहएँराङ येहबा म़ेदी ङाहला क्‍यी़ह येहबा।