१ तिमोथी 1:9 - ह्योल्‍मो

⁹ ओहराङला दि तामॱआङ क्‍यी़ह ओहङ कोहएँ, ठिम या़हबु मिहगी तेहन्‍दाला ज़ोक्‍यो मिहम्‍बा। ठिमनी ठिमला गोम्‍गेन दाङ माक्‍योगी ताम मी़हङ्यिहन्‍गेनया़गी तेहन्‍दाला, किन्‍ज्‍योला मी़हचीगे दाङ तिहक्‍च्‍येम्‍बाया़गी तेहन्‍दाला, नाम्‍पार-ताहक्‍पा म़ेहबा दाङ छ्य़े मी़हची़गेनया़गी तेहन्‍दाला, राहङ आबा-आमाला सेकेंया़ दाङ मिह सेकेंया़गी तेहन्‍दाला,

१ तिमोथी 1:9 Iomraidhean Croise

मत्ती 10:21

“नो़हगी नो़हला सेच्‍येला ज़ुङ च्‍य़ूज्‍ये येह, आबागी पुह पोहमोला, पुह पोहमोगी आबा-आमाला टाह पेहच्‍ये येह ओहले खुङया़ला से च्‍य़ूज्‍ये येह।

रोमी 1:30

ओहले मिहला आब्रु तेन्‍गे, किन्‍ज्‍योला क्‍युक्‍टो पेहकें, सुॱलाङ चा मेहबेकें, छ्य़ेन्‍दो तेन्‍गे ओहले ठासक तेन्‍गे। ओहले खुङगी चोक्‍पा-चोक्‍पा तामया़ छोल्‍दी माएँ। खुङगी आबा-आमागी माक्‍यो तामया़ च्‍यिॱआङ मिहङ्यीहन्‍गे।

रोमी 4:13

अब्राहामगी छ्य़े-ठिम ची़क्‍यो सोङबे मिहम्‍बा, यिहॱनाङ खोगी किन्‍ज्‍योला यिह छ्य़ेक्‍यो सोङबे खो टाहङबु सी़ह ख़ूसीन ओहले किन्‍ज्‍योगी खो दाङ खोगी छार्क्‍यीनया़ला जाम्‍बुलीङला ओङ ज्‍योर्केया़ ज़ो नाङज्‍ये येह सुङदी ताहम्‍ज्‍या ज़्‍या़ नाङसीन।

रोमी 5:20

छ्य़े-ठिम ओहङ फान्‍ज्‍यो तिहक्‍पाॱआङ माहङबु काहल्‍सीन, यिहॱनाङ तिहक्‍पा ङ्याम्‍बुराङ किन्‍ज्‍योगी काटीनॱआङ तोहरोङ माहङरो माहङरो काहल्‍सीन।

रोमी 6:14

च्‍यिबेमाना तिहक्‍पागी ख्‍या थो़ला ओङ छ्य़ेज्‍ये म़ेह, च्‍यिबेमाना ख्‍या छ्य़े-ठिमकी ओङ चो़ला म़ेह, यिहॱनाङ किन्‍ज्‍योगी काटीनकी ओङ चो़ला येहबा।

गलाती 3:19

ओ़हठी यिहन्‍सीमानानी ता़ह छ्य़े-ठिम च्‍यिबे कोहसीन ले? तिहक्‍पा ङोह स्‍य़े ख़ूज्‍यु म़ेदी छ्य़े-ठिम नाङग्‍यो यिहम्‍बा ओ़ह सोङबे तोहदाम ज़्‍या़ नाङग्‍योकी अब्राहामकी छार्क्‍यीन माहफेप थु दि छ्य़े-ठिम कोहपु काहल्‍ग्‍यो यिहम्‍बा। छ्य़े-ठिम स्‍यिहङगामकी स्‍याहप्‍च्‍यीया़ लाहमले मोशागी मिहया़ला नाङसीन।

गलाती 5:18

यिहॱनाङ ता़ह ख्‍या नाम्‍पार-ताहक्‍पा थुगी तेन नाङग्‍योकी लाहमला डोलु-तेहलु पेहक्‍यो यिहन्‍सीमानानी ख्‍या ता़हनी छ्य़े-ठिमकी ओङ चो़ला ज्‍युल्‍दी म़ेह।

गलाती 5:21

लेहमेन मिहया़ याहरक्‍यी काहल्‍ग्‍यो थोङगेमु सेम छी़गे, छ्याङसीवा, याम-थेर्पु लुया़ लेहन्‍दी छ्याम्‍गे, ज़िगे से़हया़ थुङदी छ्येउ-छ्येंमु पेहती खाम्‍साङ-ङ्याहम्‍साङ पेहकें ओहले लेहमेनॱआङ दि ल़ेहमुराङ तिहक्‍पागी ल़ेहया़ पेहकेन मिहया़ किन्‍ज्‍योगी क्‍याहल्‍सी नाहङला स्‍य़ूहज्‍येला ओङ ज्‍योर्च्‍ये म़ेह। दिगी तेहन्‍दाला ङाहगी तोहङलेॱआङ ख्‍याया़ला ठो़ पेहती माक्‍यो येहकें ओहले ताहन्‍दाॱआङ माएँराङ येहबा।

गलाती 5:23

स्‍यिहवा, राहङगी सेम टिहला ज़्‍या़गेन। दि ल़ेहमु तामया़ला टाह पेहकेन्‍की लेहमेन च्‍यिॱआङ छ्य़े-ठिमया़ म़ेह।

२ थेसलोनिकी 2:8

ओ़ह तिङले तिहक्‍पागी मिह थेन ओहङज्‍ये येह, ओहले खोला चो़वो येशूगी राहङगी स्‍याहलकी उगी तोङ च्‍य़ू नाङज्‍ये येह, मिहरो फेप नाङगेन क्‍या-साङे येहसेरगी खोला तोङ च्‍य़ू नाङज्‍ये येह।

१ तिमोथी 4:7

किन्‍ज्‍योला मे़हक्‍याप्‍के दाङ तेहन्‍दा म़ेहबागी तोहङमा तोहङमागी पेतामया़ ङो़ले था़-रिहङबुराङ तेह। बरु किन्‍ज्‍योला क्‍याप्‍ती राहङगी मिहजी या़हबु ताङज्‍येला च्‍याहङदार पेहतोङ।

१ तिमोथी 6:20

तिमोथी, ख्‍येला चि क्‍याहप्‍क्‍योगी तामया़ या़हबु पेहती ज़्‍यो़। उल्‍दुम्‍बा तामया़ दाङ फेन मे़हथोएँगी तामया़ला ताहक्‍स्‍यार पेहकेन्‍गी तामया़ ओ़ह माहताहक्‍पाकी येहन्‍देनया़ यिहम्‍बा ओ़ह ङो़ले ख्‍ये था़-रिहङबुराङ तेह।

२ तिमोथी 2:16

जाम्‍बुलीङकी तेहन्‍दा म़ेहबा दाङ कोह मे़हछ्येएँगी तामया़लेगी था़-रिहङबुराङ तेह, च्‍यिबेमाना दिगीनी मिहया़ला किन्‍ज्‍यो यिहन्‍ज्‍यु जेन माहङबु था़-रिहङबु ख्‍येर्के।

२ तिमोथी 3:2

च्‍यिबेमाना मिहया़ राहङला च्‍यी़राङ निङज्‍यी पेहकें, क्‍युह-नोहरला ह्‍अम्‍बा पेहकें, छ्य़ेन्‍दो तेन्‍गे, राहङ च्‍यी़राङ छ्यिम्‍बु यिहम्‍बा म़ेदी माएँ, किन्‍ज्‍योला स्‍याहम्‍डेन तेन्‍गे, आबा-आमाला ची़नाङ मेहबेकें, गिन म़ेहबा दाङ नाम्‍पार-ताहक्‍पा म़ेहबा

तीतस 1:10

च्‍यिबेमाना माहङ-छ्येवा मिहया़ लेहमेनकी ओङ चो़ला तेहच्‍ये सेम मेहबेकें, फेन मेहथोएँकी तामया़ माएँ ओहले गो़ कोर च्‍य़ूगेनया़ ओहङगे, ओ़ह नाहङॱलाङ माहङ-छ्येवा स्‍या-ताक पेह कोहकें माएँया़राङ ओ़ह ल़ेहमु ओहङगे।

तीतस 1:16

खुङया़गी किन्‍ज्‍योला ङोह स्‍य़ेगे म़ेदीनी माएँ यिहॱनाङ खुङया़गी पेहक्‍यो ल़ेहया़गीदी किन्‍ज्‍योला मा-लोक पेहक्‍यो म़ेदी तेन्‍गे। खुङया़नी नाम्‍दो लाहङज्‍ये ल़ेहमु ओहङगे ओहले किन्‍ज्‍योगी काया़ मी़हची़एँदी ओहङगे ओहले खुङ का़हन्‍दीॱआङ या़हबु ल़ेहया़ पेहच्‍येला मी़हसीहएँ।

तीतस 1:6

छेन्‍छोककी एल्‍डरया़ला सुज्‍यीगीॱआङ क्‍येन ता-माहखू़ज्‍यू, ओहले खोगी पी़हमी च्‍यी़ ङ्याम्‍बु च्‍यी़राङ पा़हमा पेहक्‍यो ओहङ कोहकें, ओहले खोती पुह पोहमोया़गी चो़वोला यिह छ्य़ेक्‍यो ओहङ कोहकें, डोलु-तेहलुया़ या़हबु ओहङ कोहकें, ओहले माक्‍योकी तामया़ ङ्यिहन्‍गेन्‍दी ओहङ कोहकें।

तीतस 3:3

च्‍यिबेमाना तोहङले ओहराङॱआङ उल्‍दुम्‍बा येहकें, माक्‍यो ताम मिहङ्यीहन्‍गेनदी येहकें, आला ख्‍याम्‍दी येहकें, नामे नाजोकी डे़छ्या दाङ ङ्याहम्‍साङ खाम्‍साङकी योक्‍पु काहल्‍दी येहकें, मिहला सेम चोक्‍पा च्‍याङदी ठादो पेहती राहङगी मिहजी ताङगो येहकें, मिहया़गी ओहराङला ङ्येन्‍ज्‍येन पेहको येहकें ओहले ओहराङगीॱआङ मिहया़ला ङ्येन्‍ज्‍येनॱराङ पेहको येहकें।

हिब्रू 11:31

राहाब माएँ पी़हमी बान्‍डन यिहन्‍दीॱआङ मोहगी किन्‍ज्‍योला तेहपा पेहक्‍यो सोङबे किन्‍ज्‍योगी का मिहङ्यीहन्‍गे मिहया़ ङ्याम्‍बु स्‍यि मा़हकेह च्‍यिबेमाना मोहगी ओ़हला ङ्याहम च्‍ये ओहङग्‍योगी इस्राएली मिहया़ला फेप स्‍युहक्‍यो येहकें।

हिब्रू 12:16

सुज्‍यीॱआङ छ्येउ-छ्येंमु पेहकेन्‍की मिह माहन्‍डोज्‍यु ओहले एसाव ल़ेहमु तिहक्‍च्‍येम्‍बा मिह माहन्‍डोज्‍यु। एसावगीनी तो छाक च्‍यी़गी तेहन्‍दाला पुह छ्येस्‍योगी ज्‍योर्केन्‍गी हकराङ चोङसीन।

१ पत्रुस 2:7

ओ़ह सोङबे ख्‍याया़ का़हन्‍दीगी यिह छ्य़ेगे खुङया़गी तेहन्‍दाला मिहरो माहङबुराङ चा़ छ्यिम्‍बु येह, यिहॱनाङ यिह मे़हछ्येगेया़गी तेहन्‍दालानी, “का़हन्‍दी तोह खाङबा ज़ोएँ चिक्‍सो-खे़बाया़गी फेन मे़हथोएँ म़ेदी क्‍युर चाहङग्‍यो येहकें ताहन्‍दा ओ़ह तोहॱराङ चिक्‍पाकी थाम्‍ज्‍यी म़ेदी चा़ छ्यिम्‍बु सुहर-तोह काहल्‍सीन।”

१ पत्रुस 3:20

ओ़ह नाम्‍स्‍यीया़दी, ताहङबो नोआगी छ्यु-टुह ज़ो नाङगे ती़हजीला तिहक्‍पालेगी लो़हगे यिहम्‍बानी म़ेदी किन्‍ज्‍योगी लाहम ज़ी़ नाङग्‍योकी नाम्‍स्‍यीया़ यिहन्‍गे। यिहॱनाङ खुङया़गी किन्‍ज्‍योला माहङ्यीहन। छ्यु-टुह नाहङला येहकें ङ्युहङसे़ मिहया़, मेहन्‍दा क्‍ये़ह च्‍यी़राङ छ्यु लाहमले थार्सीन।

१ पत्रुस 4:18

छ्य़ेगी दि ल़ेहमु सुङ नाङदी येह, “टाहङबु मिहला थार च्‍य़ूज्‍येलानी काहजे का़हबु ओहङगे मासीमानानी जेन किन्‍ज्‍योलाॱराङ मी़हचीगेन तिहक्‍च्‍येम्‍बा मिहया़गी गादीनी च्‍यि ओहङडो?”

यहूदा 1:15

मिहरोगी मिह थाम्‍ज्‍यीला ठिम ताङ नाङज्‍ये येह ओहले खुङया़गी प़ेह ज़्‍या़क्‍योगी ना थाम्‍ज्‍यी चोक्‍पा ल़ेहया़ ओहले चो़वोला टाह पेहती माक्‍यो तामया़गी तेहन्‍दाला ङ्य़ेहबा काल नाङज्‍ये येह।”

ज्‍याल्‍गा 21:8

यिहॱनाङ ज्‍यी़गेया़, यिह मे़ह-छ्ये़गेया़, नाम्‍दो लाहङज्‍ये ल़ेहमु ल़ेह पेहकेनया़, मिह सेकेनया़, छ्येउ-छ्येंमु पेहकेनया़, ङ्येहन क्‍याहप्‍केनया़, कुला छ्येपा फुल्‍गेया़ ओहले स्‍योप क्‍याहप्‍केनया़ थाम्‍ज्‍यी मेह दाङ मेहबुङगी छो नाहङला डोज्‍ये येह। दि ङ्यिपा स्‍यिवा यिहम्‍बा।”

ज्‍याल्‍गा 22:15

यिहॱनाङ ख्‍यिदी ल़ेहमु छारा पेहताङ येहकेनया़, ङेहन क्‍याहप्‍केनया़, छ्येउ-छ्येंमु पेहकेनया़, मिह सेकेंनया़, कुला छ्येपा फुल्‍गेनया़, चिहन क्‍याहप च्‍य़ूगेनया़ क्‍याहसा फिला ओहङज्‍ये येह।”