१ तिमोथी 1:2 - ह्योल्‍मो

² यिह-छ्य़ेला ङाहगी तेहन्‍दामकी पुह तिमोथीला प्रुहएँॱराङ येहबा। किन्‍ज्‍यो याहप दाङ ओहराङगी चो़वो मास्‍यीका येशूगी ख्‍याया़ला काटीन, थुज्‍यी दाङ स्‍य़िहदे नाङज्‍यु।

१ तिमोथी 1:2 Iomraidhean Croise

रोमी 1:7

रोम क्‍याहसाला तेहकेन किन्‍ज्‍योगी च्‍याहम्‍बु ङ्येन्‍जेन-ङ्येहवाया़ थाम्‍ज्‍यीला ङाह दि यिहगी प्रुहएँॱराङ येहबा, किन्‍ज्‍योगी ख्‍या थाम्‍ज्‍यीला च्‍याहम्‍बा जेती मिहरोकी नाम्‍पार-ताहक्‍पा छार्क्‍यीन ज़ो नाङज्‍येला क़े क्‍याहप नाङदी येह, किन्‍ज्‍यो ओहराङगी याहप दाङ चो़वो येशू मास्‍यीकागी ख्‍या थाम्‍ज्‍यीला काटीन दाङ स्‍य़िहदे नाङज्‍यु।

गलाती 1:3

ओहराङगी किन्‍ज्‍यो याहप दाङ चो़वो येशू मास्‍यीकागी ख्‍याला काटीन दाङ स्‍य़िहदे नाङज्‍यु।

१ थेसलोनिकी 3:2

ख्‍या फ़ेबे-म़ेहमेया़ला स्‍युक क्‍ये च्‍य़ूदी यिह-छ्य़ेला सान्‍दी ज़ोज्‍येला किन्‍ज्‍योला मास्‍यीकाकी लेहङगु या़हबुकी स्‍याहप्‍तो स्‍युहएँ ओहराङकी नो़ह तिमोथीला ङ्यिहगी ताङसीन।

१ तिमोथी 1:12

ङाहगी ल़ेहला ङाहला स्‍युक नाङगेन ओहराङगी चो़वो येशू मास्‍यीकाला ङाह थुज्‍यी-छ्ये़ फुल्‍गे। मिहरोगी ङाहला यिह-छ्य़ेबु ज़ी़ नाङदे राहङगी छ्या़लेला च्‍य़ू नाङसीन।

१ तिमोथी 1:18

त़ेदोङ, ङाहगी पुह तिमोथी, माहङबुराङ तोहङले ख्‍येगी तेहन्‍दाला किन्‍ज्‍यो ङो़ले सुङ नाङग्‍योकी स्‍याहलला ल़ेहमु पेहती ख्‍येला दि ल़ेहया़ चि क्‍याहप्‍केराङ येहबा। ख्‍येगी मा़ या़हबु क्‍याहप्‍तोङ।

१ तिमोथी 6:20

तिमोथी, ख्‍येला चि क्‍याहप्‍क्‍योगी तामया़ या़हबु पेहती ज़्‍यो़। उल्‍दुम्‍बा तामया़ दाङ फेन मे़हथोएँगी तामया़ला ताहक्‍स्‍यार पेहकेन्‍गी तामया़ ओ़ह माहताहक्‍पाकी येहन्‍देनया़ यिहम्‍बा ओ़ह ङो़ले ख्‍ये था़-रिहङबुराङ तेह।

२ तिमोथी 1:2

ङाहगी च्‍याहम्‍बु पुह तिमोथीला दि यिहगी प्रुहएँॱराङ येहबा। किन्‍ज्‍यो याहप दाङ ओहराङगी चो़वो येशू मास्‍यीकागी ख्‍येला काटीन, थुज्‍यी दाङ स्‍य़िहदे नाङज्‍यु।

२ तिमोथी 2:1

ओ़ह सोङबे ख्‍ये, ए ङाहगी पुह, मास्‍यीका येशू थो़ला येहकेन्‍गी काटीनला सान्‍दी पेहती तेह।

तीतस 1:4

ङ्यिह यिह-छ्य़े च्‍यी़ला येहकेन्‍गी ङाहती तेहन्‍दामगी पुह तीतसला दि यिहगी प्रुहएँॱराङ येहबा। किन्‍ज्‍यो याहप दाङ ओहराङला थार्पा नाङगेन्‍गी मास्‍यीका येशूगी ख्‍याया़ला काटीन दाङ स्‍य़िहदे नाङज्‍यु।

तीतस 2:2

क़ेहङगेन मिहया़ला, ख्‍या फे़बेया़गी स्‍यिहताङ ना़ ख़ूएँदी ओहङ कोहकें, लेहमेन मिहया़गी चा़ पेहच्‍ये सी़हगेन्‍दी ओहङ कोहकें, ङोह स्‍य़ेगे ओहङ कोहकें ओहले किन्‍ज्‍योला तेहपा पेहलुला स्‍युक छ्यिम्‍बु ओहङ कोहकें, मिहया़ला चेवा पेह स्‍ये-कोहकें ओहले ना़स्‍यीङ छ्यिम्‍बु ओहङ कोहकें म़ेदी लोप्‍तोङ।

तीतस 3:15

देला ङाह ङ्याम्‍बु येहकें थाम्‍ज्‍यीगीराङ ख्‍येला टास्‍यी-देले ताङदे येह। यिह-छ्य़ेला ङ्यिहला निङज्‍यी पेहकें आदा-नो़हया़ला टास्‍यी-देले म़ेदी म़े तेर। ख्‍या थाम्‍ज्‍यी ङ्याम्‍बु किन्‍ज्‍योकी काटीन ज्‍यू़-नाङज्‍यु!

१ पत्रुस 1:2

तोहङ यिहन्‍ज्‍युराङ राहङगी ज़ो नाङग्‍योगी च्‍याहम्‍दा लाहमले जेती किन्‍ज्‍यो याहपकी ख्‍याया़ला राहङदीराङ नाम्‍पार-ताहक्‍पा मिहया़ ज़ो नाङज्‍येला दाम नाङग्‍यो यिहम्‍बा। येशू मास्‍यीकाकी ठा़गी नाम्‍पार-ताहक्‍पा काहल्‍दी मिहरोकी काया़ ख्‍याया़गी ची़ ख़ूज्‍यु म़ेदी किन्‍ज्‍योगी ख्‍याया़ला नाम्‍पार-ताहक्‍पा थु लाहमले राहङदी ज़ो नाङसीन। किन्‍ज्‍योगी ख्‍याया़ला काटीन दाङ स्‍य़िहदे माहङबु म़ेदी माहङबु नाङज्‍यु।

२ यूहन्‍ना 1:3

किन्‍ज्‍यो याहप दाङ मिहरोगी स़ेबु येशू मास्‍यीका लाहमले काटीन, थुज्‍यी दाङ स्‍य़िहदे ओहराङ ङ्याम्‍बु तेहन्‍दाम दाङ चेवाला ज़्‍य़ू नाङज्‍ये येह।

३ यूहन्‍ना 1:4

राहङदी पुह पोहमोया़ तेहन्‍दामकी लाहमला स्‍य़ूहदीॱराङ दु माएँ ताम थ़े ङ्युहङगे ल़ेहमु काहसो लेहमेन ताम च्‍यि ओहङ ख़ूएँ ले?

यहूदा 1:2

ख्‍याया़ला माहङबु म़ेदी माहङबु थुज्‍यी, स्‍य़िहदे दाङ चेवा ओहङज्‍यु।