१ तिमोथी 1:11 - ह्योल्‍मो

¹¹ दि ङ्यिहगी लुहङ ओहराङला मेलाम नाङगेन किन्‍ज्‍योगी यिह-छ्य़े जे-नाङदी ङाहला नाङग्‍योकी ज़िज्‍यिद-च्‍येन लेहङगु या़हबुकी छ्य़े नाहङला ज्‍योर्के यिहम्‍बा।

१ तिमोथी 1:11 Iomraidhean Croise

लूका 2:14

“स्‍यिहङगामला ज़्‍य़ू नाङगेन्‍गी किन्‍ज्‍योला ज़िज्‍यिद ओहङज्‍यु, ओहले जाम्‍बुलीङला किन्‍ज्‍योगी थु-सेम जे नाङग्‍योकी मिहया़ला स्‍य़िहदे ओहङज्‍यु!”

रोमी 2:16

ङाहगी या़हबु लेहङगुगी ताम प्रा साल्‍ग्‍यो ल़ेहमुराङ दि केच्‍या किन्‍ज्‍योगी येशू मास्‍यीका लाहमले, मिहगी राहङ सेम नाहङला साङदे ज़्‍या़क्‍योकी तामया़ला ठिम ताङ नाङगे ङ्यिहमाला ओहङज्‍ये येह।

१ कोरिन्‍थी 9:17

ङाहगी दि ल़ेह राहङगीराङ दाम्‍ग्‍यो यिहन्‍सीमाना ओ़ह लाहमले च्‍यिरा ज्‍योर्केनी म़ेदी ङाहगी रेहवा पेहच्‍ये येहकें। यिहॱनाङ दि ल़ेह ङाहला किन्‍ज्‍योगीॱराङ चि क्‍याहप नाङग्‍यो सोङबे ङाहगी पेहॱराङ कोहएँ म़ेदी ङाहगी पेहकेनॱराङ येह।

२ कोरिन्‍थी 4:4

खुङया़गी तेहन्‍दाला माज्‍ये माना, दि जाम्‍बुलीङकी ल्‍हागी खुङगी ङोह स्‍य़े ख़ूएँगी ओङला स्‍याहर्ना जे तेर्ती येह। किन्‍ज्‍योगी ङ्य़ेहरीला मास्‍यीका ज़्‍य़ू नाङदी येह, मिहरोगी ज़िज्‍यिदगी या़हबु लेहङगु खुङया़गी माहथोङज्‍यु म़ेदी दि जाम्‍बुलीङगी ती़ह गो-छ्येवागी खुङया़गी मी़ का तेरक्‍यो येहबा।

२ कोरिन्‍थी 4:6

“ना़-जुबेला क्‍या-साङेगी येहपा छ्याज्‍यु” म़ेदी सुङ नाङगेन्‍गी किन्‍ज्‍योॱराङ, ताहन्‍दा ओहराङगी सेम नाहङला येहपा छ्या़दे येहबा, ओ़ह लाहमले पेहती किन्‍ज्‍योगी ज़िज्‍यिदकी येहन्‍देनगी क्‍या-साङे मास्‍यीकागी स्‍याहल्‍दोङला येहपा छ्या़ ख़ूज्‍यु।

गलाती 2:7

ओ़हगी छापला खुङगी तोहरोङ किन्‍ज्‍योगी पत्रुसला यहूदीया़ला या़हबु लेहङगु स्‍येकेन्‍गी छ्या़ले चि क्‍याहप नाङग्‍यो ल़ेहमुराङ ङाहॱलाङ लेहमेन क्‍यिहपाकी मिहया़ला या़हबु लेहङगु स्‍येकेन्‍गी छ्या़ले चि क्‍याहप नाङग्‍यो गा थोङसीन।

एफिसी 1:12

ओहराङ मास्‍यीकाला तोहङ यिहन्‍ज्‍युराङ रेहवा पेहकेनया़ला किन्‍ज्‍योगी राहङदी त़ेरा तेच्‍याकी तेहन्‍दाला दाम नाङसीन।

एफिसी 1:6

ओहजे छ्यिम्‍बु काटीनगी तेहन्‍दाला ओहराङ किन्‍ज्‍योला थुज्‍यी-छ्ये़ फुल्‍दोङ। मिहरोगी राहङगी चेवा जे नाङग्‍योकी स़ेबु ओहराङला आहन्‍डाराङ फुल नाङसीन।

एफिसी 2:7

किन्‍ज्‍योगी दि थाम्‍ज्‍यी जे नाङग्‍योकी तेहन्‍दादी ओहराङ मास्‍यीकाला यिह-छ्य़े पेहक्‍यो मिहया़ला थुज्‍यी ज़ी़ नाङदी मिहरोगी था़ म़ेहबा काटीनकी क्‍युह ओहङगेन ङ्यिहमाया़ला नाहम-मानागी तेहन्‍दाला तेन नाङज्‍येला यिहम्‍बा।

एफिसी 3:10

दि ल़ेहमु पेहती छेन्‍छोक लाहमले किन्‍ज्‍योकी नामे-नाजो येहन्‍देनया़ स्‍यिहङगामकी ग्‍या़या़ला ठिम तेन्‍गेया़ दाङ ओङ ज्‍योरक्‍योया़की पाहरक्‍यीला तेन ख़ूज्‍यु।

कलस्‍सी 1:25

किन्‍ज्‍योगीॱराङ ङाहला छेन्‍छोकला स्‍याहप्‍तो स्‍युहएँकी मिह ज़ो नाङसीन ओहले ख्‍याया़गी तेहन्‍दालाराङ मिहरोकी लोप्‍च्‍युङया़ छाङबु पेहती स्‍येकेन्‍गी छ्या़ले ङाहला चि क्‍याहप नाङसीन।

१ थेसलोनिकी 2:4

यिहॱनाङ लेहङगु या़हबु चि क्‍याहप्‍च्‍येला किन्‍ज्‍योगी ओहराङला यिह-छ्य़ेबु ज़ी़ नाङसीन। ओ़ह सोङबे मिहया़ला क़ेहनाङ लाहङ च्‍य़ूज्‍येला मिहम्‍बा, यिहॱनाङ ओहराङगी सेम ज़ी़ नाङगेन किन्‍ज्‍योकी थु काहसो ज़ोज्‍येला ङ्यिह किन्‍ज्‍योला थु-ङ्ये़हएँकी तामया़ माउ येह।

१ तिमोथी 2:7

ओ़ह सोङबे ङाहगी लेहमेन क्‍यिहपागी मिहया़ला तेहपा दाङ तेहन्‍दामला लुहङ प्रा-साल्‍ज्‍येला चो़वोगी ङाहला ल़ेह-पेन दाङ लोबेन ज़ो नाङसीन। ङाहगी तेहम्‍बाराङ माक्‍यो यिहम्‍बा, स्‍योप क्‍याहप्‍ती म़ेह।

१ तिमोथी 6:15

मिह-रो़हराङ मेलामकी किन्‍ज्‍यो दाङ थाम्‍ज्‍यी म़ेदी ओङज्‍या छ्यिम्‍बु, क्‍याहल्‍बुया़दीॱआङ क्‍याहल्‍बु, चो़वोया़गीॱआङ चो़वोगी ठाबे ती़हजीला मास्‍यीकाला ताङ नाङज्‍ये येह।

१ तिमोथी 6:20

तिमोथी, ख्‍येला चि क्‍याहप्‍क्‍योगी तामया़ या़हबु पेहती ज़्‍यो़। उल्‍दुम्‍बा तामया़ दाङ फेन मे़हथोएँगी तामया़ला ताहक्‍स्‍यार पेहकेन्‍गी तामया़ ओ़ह माहताहक्‍पाकी येहन्‍देनया़ यिहम्‍बा ओ़ह ङो़ले ख्‍ये था़-रिहङबुराङ तेह।

२ तिमोथी 1:11

ओ़ह या़हबु लेहङगु स्‍येच्‍येलाॱराङ किन्‍ज्‍योगी ङाहला या़हबु लेहङगु स्‍येकेन्‍गी मिह, ल़ेह-पेन दाङ लोबेन ज़ो नाङसीन।

२ तिमोथी 1:14

ख्‍येला चि क्‍याहप्‍क्‍योगी तेहन्‍दामकी तामया़ ओहराङ नाहङला ज़्‍य़ू नाङगेन नाम्‍पार-ताहक्‍पा थु लाहमले सी़दे ज़्‍या़दोङ।

२ तिमोथी 2:2

पाङबु तेर्के माहङबुराङ मिहया़की दिनला ङाहगी ख्‍येला लोप्‍क्‍योकी तामया़ लेहमेन लोप ख़ूएँ दाङ यिह-छ्य़ेबु मिहया़ला चि क्‍याहप तेर।

तीतस 1:3

ओहले ठाबे ती़हजीलाराङ मिहरोगी दि राहङगी लेहङगु या़हबुया़ तेन नाङसीन। ओहले दि लेहङगु या़हबुया़ स्‍येच्‍येला ओहराङला थार्पा नाङगेन किन्‍ज्‍योगी का नाङदी ङाहला चि क्‍याहप नाङसीन।