१ तिमोथी 1:1 - ह्योल्‍मो

¹ ओहराङला थार्पा नाङगेन किन्‍ज्‍यो दाङ रेहवा नाङगेन मास्‍यीका येशूकी का लाहमले मास्‍यीका येशूकी ल़ेह-पेन काहल्‍ग्‍यो ङाह पावलगी दि यिहगी

१ तिमोथी 1:1 Iomraidhean Croise

लूका 1:47

ओहले ङाहगी सेम, ङाहला थार्पा थोप च्‍य़ू नाङगेन किन्‍ज्‍यो ङ्याम्‍बु काहसो पेहकें।

लूका 2:11

तिहरीङ दाऊदगी क्‍येसा फायु बेथलेहेमला ख्‍याया़ला थार्पा थोप च्‍य़ू नाङगेन मास्‍यीका ठुङदी येह। ओ़ह स़ेबुराङ किन्‍ज्‍योगी ताङ नाङग्‍योकी चो़वो छ्येवा मास्‍यीका यिहन।

ल़ेह-पेन 9:15

यिहॱनाङ चो़वो छ्येवागी हननिया़ला सुङ नाङसीन, “ख्‍ये सोङ, च्‍यिबेमाना लेहमेन क्‍यिहपाया़ला, क्‍याहल्‍बुया़ला ओहले इस्राएली छार्क्‍यीनया़गी दिनला ङाहगी मिहन ङोह स्‍य़े च्‍य़ूज्‍येला ङाहगी खोला दाम्‍दी येह।

रोमी 1:1

दि यिहगी ङाह पावलगी प्रुहक्‍यो यिहम्‍बा। ङाह मास्‍यीका येशूगी योक्‍पु यिहम्‍बा। मिहरोगीॱराङ ङाहला ल़ेह-पेन ज़ो़-नाङज्‍येला क़े क्‍याहप नाङसीन ओहले किन्‍ज्‍योकी या़हबु लेहङगु स्‍येच्‍येला खा फे़ नाङसीन।

१ कोरिन्‍थी 1:1

किन्‍ज्‍योकी थु लाहमले मास्‍यीका येशूगी ल़ेह-पेन डोज्‍येला क़े क्‍याहप नाङग्‍यो पावल दाङ ओहराङगी नो़ह सोस्‍थेनेस लाहमले,

१ कोरिन्‍थी 9:17

ङाहगी दि ल़ेह राहङगीराङ दाम्‍ग्‍यो यिहन्‍सीमाना ओ़ह लाहमले च्‍यिरा ज्‍योर्केनी म़ेदी ङाहगी रेहवा पेहच्‍ये येहकें। यिहॱनाङ दि ल़ेह ङाहला किन्‍ज्‍योगीॱराङ चि क्‍याहप नाङग्‍यो सोङबे ङाहगी पेहॱराङ कोहएँ म़ेदी ङाहगी पेहकेनॱराङ येह।

२ कोरिन्‍थी 1:1

किन्‍ज्‍योगी थु लाहमले मास्‍यीका येशूगी ल़ेह-पेन पावल दाङ ओहराङगी नो़ह तिमोथी लाहमले, कोरिन्‍थला येहकेन्‍गी किन्‍ज्‍योगी छेन्‍छोकला, ओहले अखैयाला येहकेन्‍गी थाम्‍ज्‍यी मास्‍यीकाकी पुह पोहमोया़ला दि यिहगी प्रुहएँॱराङ येहबा।

गलाती 1:1

ङाह ल़ेह-पेन पावलगी दि यिहगी प्रुहएँॱराङ येहबा। मिहया़ दाङ मिहगी ओङ लाहमले मिहम्‍बा, यिहॱनाङ येशू मास्‍यीका दाङ मिहरोला टोहङग्‍योलेगी सोम्‍बो ज़ो नाङगे किन्‍ज्‍यो याहपगीॱराङ ङाहला ल़ेह-पेन ज़ो नाङग्‍यो यिहम्‍बा।

गलाती 1:11

आदा-नो़ह दाङ आज्‍यी-नुहमुया़ ख्‍यागी दि तामया़ ङोह स्‍य़े ख़ूज्‍यु म़ेदी ङाह माएँ, ङाहगी स्‍ये़क्‍योकी या़हबु लेहङगुया़ मिहया़ ङो़ले ओहङग्‍यो मिहम्‍बा।

कलस्‍सी 1:27

खुङया़ला मिह थाम्‍ज्‍यीगी तेहन्‍दाला छ्यिम्‍बु तिहङ-रिहङबुगी तेहन्‍दा खा फे़ तेर्केन किन्‍ज्‍योकी राहङगी ज़ोक्‍योकी च्‍याहम्‍दा यिहम्‍बा। तिहङ-रिहङबुगी ताम दिराङ यिहम्‍बा, मास्‍यीका ख्‍या ङ्याम्‍बु ज़्‍य़ू नाङदी येहबा। दिगी तेहन्‍दा किन्‍ज्‍योगी ज़िज्‍यिदला ख्‍यागी बो ज्‍योर्च्‍ये येह।

२ थेसलोनिकी 2:16

ता़ह ओहराङला चेवा जे नाङगे दाङ काटीन लाहमले था़ म़ेहबाकी सेम-स्‍युक दाङ ज्‍यिबुराङ या़हबु रेहवा नाङगेन ओहराङ चो़वो येशू मास्‍यीका दाङ किन्‍ज्‍यो याहप राहङगीराङ,

१ तिमोथी 1:12

ङाहगी ल़ेहला ङाहला स्‍युक नाङगेन ओहराङगी चो़वो येशू मास्‍यीकाला ङाह थुज्‍यी-छ्ये़ फुल्‍गे। मिहरोगी ङाहला यिह-छ्य़ेबु ज़ी़ नाङदे राहङगी छ्या़लेला च्‍य़ू नाङसीन।

१ तिमोथी 2:3

ओहराङला थार्पा नाङगेन किन्‍ज्‍योगी ज़ी़दाङला दि या़हबु यिहम्‍बा ओहले मिहरोगी दि ल़ेहमुराङ थु-सेम जे नाङगे।

१ तिमोथी 2:7

ओ़ह सोङबे ङाहगी लेहमेन क्‍यिहपागी मिहया़ला तेहपा दाङ तेहन्‍दामला लुहङ प्रा-साल्‍ज्‍येला चो़वोगी ङाहला ल़ेह-पेन दाङ लोबेन ज़ो नाङसीन। ङाहगी तेहम्‍बाराङ माक्‍यो यिहम्‍बा, स्‍योप क्‍याहप्‍ती म़ेह।

१ तिमोथी 4:10

ओ़ह सोङबे ङ्यिह ला़ खाॱनाङ मे़हखाॱनाङ कादुप च्‍येती ल़ेह पेहकें च्‍यिबेमाना ङ्यिहगी रेहवा सोम्‍बो ज़्‍य़ू नाङगेन किन्‍ज्‍यो थो़ला ज़्‍या़दी येह। ओहले मिह-रो़हराङ मिह थाम्‍ज्‍यीला थार्पा नाङगेन्‍गी किन्‍ज्‍यो यिहम्‍बा खास पेहतीती मिहरो थो़ला म़ेहबा पेहकेनया़ला थार्पा नाङगेन्‍गी किन्‍ज्‍यो यिहम्‍बा।

तीतस 1:3

ओहले ठाबे ती़हजीलाराङ मिहरोगी दि राहङगी लेहङगु या़हबुया़ तेन नाङसीन। ओहले दि लेहङगु या़हबुया़ स्‍येच्‍येला ओहराङला थार्पा नाङगेन किन्‍ज्‍योगी का नाङदी ङाहला चि क्‍याहप नाङसीन।

तीतस 2:10

खुङया़गी राहङकी ताहक्‍पुकी पेलाया़ कुमेन माह-क्‍याहप्‍च्‍यु यिहॱनाङ नाहम माॱनाङ या़हबु-या़हबु ल़ेहया़ पेहती ताहक्‍पुकी ज़ी़लुला खुङ यिह-छ्य़ेबु ओहङ ख़ूज्‍यु। दि ल़ेहमु पेहती खुङया़गी च्‍यि ल़ेहलामाॱनाङ ओहराङला थार्पा नाङगेन्‍गी किन्‍ज्‍योगी लुहङला चा़ छ्यिम्‍बु ज़ो ख़ूज्‍यु।

तीतस 2:13

ङ्यिहगी सोनाम-साक्‍पुकी रेहवा– ओहराङगी थाम्‍ज्‍यी म़ेदी चा़ छ्यिम्‍बु किन्‍ज्‍यो दाङ ओहराङला थार्पा नाङगेन येशू मास्‍यीका राहङगी ज़िज्‍यिद छ्यिम्‍बुला फेप नाङगेन्‍गी ङ्यिहमाला ङ्यिह क़ूह तेहको येहबा।

तीतस 3:4

यिहॱनाङ, ओहराङला थार्पा नाङगेन किन्‍ज्‍योगी निङज्‍यी दाङ थुज्‍यी ज़ी़ नाङग्‍यो ङ्यिहगी थोङसीन।

तीतस 3:6

थार्पा नाङगेन चो़वो येशू मास्‍यीकाकी जेती किन्‍ज्‍योगी ओहराङला राहङगी नाम्‍पार-ताहक्‍पा थु माहङगे थु नाङदी येहबा।

१ पत्रुस 1:21

ओहले मिहरो लाहमलेॱराङ ख्‍याया़गी किन्‍ज्‍योला तेहपा पेहसीन, ओहले ओ़ह किन्‍ज्‍योगीॱराङ मास्‍यीकाला टोहङग्‍योलेगी सोम्‍बो ज़्‍याङ च्‍य़ू नाङसीन ओहले मिहरोला ज़िज्‍यिद-च्‍येन ज़ो नाङसीन, ओ़ह सोङबे ख्‍याया़गी राहङगी तेहपा दाङ रेहवा किन्‍ज्‍यो थो़ला ज़्‍या़गे यिहम्‍बा।

१ पत्रुस 1:3

ओहराङ चो़वो येशू मास्‍यीकाकी याहप किन्‍ज्‍योला थुज्‍यी-छ्ये़। किन्‍ज्‍योगी थुज्‍यी लाहमले टोहङग्‍योलेगी येशू मास्‍यीकाला सोम्‍बो ज़्‍याङ च्‍य़ू नाङदी मिहरोगी ओहराङला मिहली साम्‍बा नाङसीन। ओ़ह सोङबे ओहराङ थाम्‍ज्‍यीगी सोम्‍बो रेहवा ज्‍योर्ती येह।

२ पत्रुस 1:1

येशू मास्‍यीकाकी योक्‍पु दाङ ल़ेह-पेन सिमोन-पत्रुस लाहमले, ओहले ओहराङगी किन्‍ज्‍यो दाङ थार्पा नाङगेन येशू मास्‍यीकाकी टाहङदेन लाहमले ङ्यिहती ल़ेहमुराङ चा़ छ्यिम्‍बु तेहपा ज्‍योर्केनया़ला:

१ यूहन्‍ना 4:14

किन्‍ज्‍यो याहपगी राहङगी स़ेबुला जाम्‍बुलीङला थार्पा नाङज्‍येला ताङ नाङग्‍यो ङ्यिहगी थोङसीन ओहले ताहन्‍दा ङ्यिह दिगी पाङबु तेर्के।

यहूदा 1:25

ओ़ह च्‍यिमे च्‍यी़राङ किन्‍ज्‍यो, ओहराङला थार्पा नाङगेन येशू मास्‍यीका ओहराङ चो़वो लाहमले ज़िज्‍यिद, ची़नाङ, स्‍युक, ओङ काल्‍बा-काल्‍बा तोहङ यिहन्‍ज्‍यु ताहन्‍दा दाङ छे दाङ छे ओहङज्‍यु। आमेन।