१ थेसलोनिकी 4:3 - ह्योल्‍मो

³ ख्‍या फ़ेबे-म़ेहमेॱया नाम्‍पार-ताहक्‍पा ओहङ कोहकें म़ेदी किन्‍ज्‍योगी थुसेम जे नाङगे, ओ़ह सोङबे ख्‍या फ़ेबे-म़ेहमेॱया छ्येउ-छ्येंमु ङो़ले था़-रिहङबुराङ ज़्‍य़ू नाङदोङ।

१ थेसलोनिकी 4:3 Iomraidhean Croise

मत्ती 12:50

च्‍यिबेमाना स्‍यिहङगामला ज़्‍य़ू नाङगेन्‍गी ङाहगी याहपगी का ङ्यिहन्‍गेया़ॱराङ ङाहगी नो़ह, नुहमु दाङ आमा यिहम्‍बा।”

मत्ती 15:19

च्‍यिबेमाना मिहगी सेम नाहङलेॱराङ ङ्येहम्‍बा नाम्‍स्‍यीया़ थेन्‍गे। दि ङ्येहम्‍बा नाम्‍स्‍यीया़गी पेहती खोगी मिह सेकें, छ्येउ-छ्येंमु पेहकें, कुमेन क्‍याहप्‍कें, स्‍योप क्‍याहप्‍ती पाङबु तेर्के ओहले किन्‍ज्‍योला स्‍ये़हन्‍डील पेहकें ल़ेहमु ल़ेह चोक्‍पाया़ पेहकें।

मत्ती 5:32

यिहॱनाङ ङाह ख्‍येला माएँ छ्येउ-छ्येंमु पेहक्‍यो म़ेदी लेहमेन केच्‍यालेगी राहङगी पी़हमीला थाक्‍पा च्‍येकेन्‍दीगी मोहला छ्येउ-छ्येंमु पेह च्‍य़ूएँ ओहले ओ़ह ल़ेहमु पेहती थाक्‍पा च्‍येक्‍यो पी़हमीला पा़हमा पेहकेन्‍दीगीॱआङ छ्येउ-छ्येंमु पेहक्‍यो ओहङगे।”

मत्ती 7:21

“ओहले ङाहला, ‘ओ़ चो़वो, ओ़ चो़वो’ माएँगी मिहया़ थाम्‍ज्‍यीराङ किन्‍ज्‍योगी क्‍याहल्‍सीला स्‍य़ूह ङ्युहङज्‍ये म़ेह, स्‍यिहङगामला ज़्‍य़ू नाङगेन्‍गी याहपकी थु ङ्ये़हएँगी ल़ेह पेहकेनया़ च्‍यी़राङ स्‍य़ूह ङ्युहङज्‍ये येह।

मर्कूस 3:35

च्‍यिबेमाना किन्‍ज्‍योगी थु ङ्ये़बागी ल़ेह पेहकेनया़ॱराङ ङाहगी नो़ह, नुहमु दाङ आमा यिहन” म़ेदी सुङ नाङसीन।

यूहन्‍ना 4:34

ओहले येशूगी खुङया़ला सुङ नाङसीन, “ङाहला ताङ नाङगेन याहपकी का दाङ मिहरोगी छ्या़ले छाङबु पेहकेन्‍दीराङ ङाहती साहप्‍च्‍या यिहम्‍बा।

यूहन्‍ना 7:17

किन्‍ज्‍योकी थु ङ्य़ेबु ल़ेह पेहच्‍ये छोल्‍गेया़गी दि सुङदेन किन्‍ज्‍यो लाहमले ओहङग्‍यो यिहम्‍बानी ङाह राहङ लाहमलेॱराङ ओहङग्‍यो यिहम्‍बा माएँ ताम ङोह स्‍ये़ज्‍ये येह।

ल़ेह-पेन 15:20

यिहॱनाङ ओहराङगी खुङया़ला दि तामया़गी तेहन्‍दाला ङोह स्‍येॱराङ च्‍य़ू कोहएँ, कुला तेरक्‍यो ची़बु काहल्‍ग्‍योगी साहज्‍ये से़हया़ माहसाह, छ्येउ-छ्येंमु माहबे ओहले ज्‍यिङबा च्‍यिर्ते सेक्‍यो सेम्‍ज्‍येनया़गी स्‍या दाङ ठा़ माहसाह।

ल़ेह-पेन 15:29

राहङ फे़बेया़गी कुला तेरक्‍यो से़हया़ माहसाह, ज्‍यिङबा च्‍यिर्ते सेक्‍यो मार्च्‍येगी स्‍या दाङ ठा़या़ माहसाह ओहले छ्येउ-छ्येंमु माहबे। दि तामया़ ङो़ले राहङ फ़ेबेॱया जेम्‍दे तेहसीन मानानी या़हबु ओहङज्‍ये येह। ख्‍या फे़बेया़ला मा कोहएँगी तामया़ देजेराङ यिहन। टास्‍यी-देले” म़ेदी यिहगी प्रुहसीन।

ल़ेह-पेन 20:32

ता़हनी ङाहगी ख्‍या फे़बेया़ला किन्‍ज्‍योगी छ्या़ला च्‍योल्‍गो येहबा। किन्‍ज्‍योगी ओहराङला थुज्‍यी ज़ी़ नाङगेन माएँगी सुङ सेमला ज़ुङदी टेहम्‍बा माहच्‍येहप्‍पा पेहती तेहतोङ। ओ़ह सुङगी पेहतीराङ किन्‍ज्‍योगी ख्‍या फे़बेया़ला यिह-छ्य़ेला स्‍युक क्‍ये च्‍य़ू नाङज्‍ये येह ओहले राहङगी मिहया़ला मेलाम थोप्‍केन्‍गी मिहया़ ज़ो नाङज्‍ये येह।

ल़ेह-पेन 26:18

‘ख्‍येगी खुङया़गी मी़ खा फ़ेदी खुङया़ला ना़-जुबेलेगी क्‍या-साङेला ओहले ती़ह गो-छ्येवागी ओङलेगी किन्‍ज्‍यो ङो़ले लोह च्‍य़ू कोहएँ ओहले खुङया़गी ङाहला तेहपा पेहच्‍ये येह ओहले खुङया़गी तिहक्‍पा ता़हज्‍ये येह ओहले खुङया़गी किन्‍ज्‍योगी दाम नाङग्‍योगी मिहया़गी छोक्‍पाला तेह ङ्युहङज्‍ये येह।’

रोमी 1:29

ओ़ह सोङबे खुङ नामे नाजोकी तोक्‍ला छान्‍दी, ती़हसेमगी काहङग्‍यो ओहङगे। खुङया़गी मिहया़ला नाम्‍दो पेहकें ओहले ह्‍अम्‍बा पेहकें, लेहमेन मिहला ठादो पेहकें ओहले मिहला सेकें। खुङ ठुक्‍पा क्‍याहप्‍कें, चिहन क्‍याहप्‍के, मिहदाम च्‍येहके ओहले ताम ख्‍येर क्‍याहप्‍कें,

रोमी 12:2

ख्‍या जाम्‍बुलीङकी मिहया़ला पे त़ेदी खुङ ल़ेहमुराङ पेहच्‍ये माहछोल, यिहॱनाङ ख्‍या राहङ सेमला साम्‍बा काहल्‍दी सेम तिहङ यिहन्‍ज्‍युराङ किन्‍ज्‍यो ङो़ले ग्‍युर्तोङ। ओहले किन्‍ज्‍योकी ज़ी़लुला च्‍यि या़हबु यिहम्‍बा, च्‍यि से़हगी किन्‍ज्‍योकी थु काहसो ज़ोएँ ओहले किन्‍ज्‍योकी याहङ-ताहक्‍पा थु-सेम च्‍यि यिहम्‍बा, ओ़ह ख्‍याया़गी ङ्याहम च्‍ये ख़ूज्‍यु।

रोमी 6:22

यिहॱनाङ ता़ह ख्‍याया़ तिहक्‍पालेगी टोहल्‍दी किन्‍ज्‍योकी योक्‍पु काहल्‍दी येह, ओहले ख्‍याया़गी ज्‍योर्केन ख्‍येप्‍साङती नाम्‍पार-ताहक्‍पा यिहम्‍बा। ओहले दिगी ख्‍याया़ला नाहमॱआङ स्‍यिज्‍ये म़ेहबागी मिहली ज़ाङबुला क्‍याल्‍गे।

१ कोरिन्‍थी 1:30

किन्‍ज्‍योगीॱराङ ख्‍याया़ला मास्‍यीकाला नोम फेप्‍सीन, मास्‍यीकालाॱराङ मिहरोगी ओहराङगी रिहक्‍स्‍यी, टाहङबु दाङ नाम्‍पार-ताहक्‍पा ओहले थार्पा नाङगेन्‍दी ज़ो नाङसीन।

१ कोरिन्‍थी 7:2

यिहॱनाङ छ्येउ-छ्येंमुगी तेहन्‍दाला लेहमेन माहङबुराङ ङ्याहम्‍छेया़ येहकें सोङबे रेबेॱराङ क्‍येप-ख्‍योवाया़दी राहङदीराङ पी़हमी ओहले पी़हमी पेहजाया़दीॱआङ राहङदीराङ ख्‍योवा ओहङज्‍यु।

२ कोरिन्‍थी 12:21

ङाह येहपाराङ ओहङगेमु ङाहती किन्‍ज्‍योगी ङाहला ख्‍याया़गी दिनला फेमा ज़ो नाङज्‍ये येह म़ेदी ङाहला ज्‍यी़सु येहबा, ओहले खुङया़गी तोहङले तिहक्‍पा पेहक्‍यो येहकें, ओहले राहङगी पेहक्‍योकी मेहचाङा ल़ेहया़, छ्येउ-छ्येंमु दाङ छारा ल़ेहया़ लाहमले तोहरोङॱआङ खुङया़गी स्‍या़बा माहन्‍डुपा सोङबे ङाहगी खुङगी तेहन्‍दाला ङ्याहङेन पेह कोहच्‍ये येह।

गलाती 5:19

ओहराङ मिहगी पेहच्‍ये सेम क्‍येएँकी चोक्‍पा ल़ेहया़ दिया़राङ यिहम्‍बा दि सुगी माॱनाङ थोङ ख़ूएँ– तेहच्‍या, मेहचाङा, दाङ छारा ल़ेहया़ पेहकें,

एफिसी 5:17

ओ़ह सोङबे ख्‍ये उल्‍दुम्‍बा पेहती माहतेह, यिहॱनाङ चो़वोकी थु-सेम च्‍यि यिहम्‍बा, ओ़हदी छोल्‍दोङ।

एफिसी 6:6

मिहया़ला क़ेहनाङ लाहङ च्‍य़ूगेया़ ल़ेहमु मिहगी मी़गी थोङदाङला च्‍यी़राङ ल़ेह या़हबु पेहकें मिहम्‍बा, यिहॱनाङ मास्‍यीकाकी योक्‍पुया़गी ल़ेहमु निङ थाक्‍पालेगीॱराङ किन्‍ज्‍योकी थु-सेम छाङबु पेहतोङ।

कलस्‍सी 1:9

दि केच्‍या थ़े यिहन्‍ज्‍यु ङ्यिह ख्‍यागी तेहन्‍दाला किन्‍ज्‍यो ङ्याम्‍बु नाहम-माना सोल्‍वाङ ताप्‍ती ओहर-छ्य़े स्‍युहएँराङ येहबा। नाम्‍पार-ताहक्‍पा थुगी नाङगे थाम्‍ज्‍यीराङ येहन्‍देन दाङ ह्‍अ कोह ख़ूएँगी ओङ लाहमले ख्‍यागी किन्‍ज्‍योकी थु-सेम ङोह स्‍य़े ख़ूज्‍यु म़ेदी ङ्यिहगी सोल्‍वाङ ताप्‍को येहबा।

कलस्‍सी 3:5

ख्‍यागी दि तिहक्‍पा पेहकेन्‍गी सेम्‍बाया़ला सेतोङ पे यिहॱना़: छ्येउ-छ्येंमु, मेहचाङा, छारा ल़ेह पेहकेन्‍गी सेम्‍बा, चोक्‍पा नोम्‍साङ ताङगेन्‍गी तामया़ ओहले ह्‍अम्‍बा पेहकेन्‍दी कुला छ्येपा फुल्‍ग्‍यो यिहम्‍बा।

कलस्‍सी 4:12

ख्‍या नाहङदीॱराङ नो़ह मास्‍यीका येशूगी योक्‍पु इपाफ्रासगीॱआङ ख्‍याया़ला टास्‍यी-देले ताङदे येह। खोगी नाहम्‍माॱनाङ ख्‍याला सोल्‍वाङला टेहम्‍बा साल्‍दी ख्‍या किन्‍ज्‍योला सान्‍दी डो ख़ूज्‍यु, यिह-छ्य़ेला च्‍यिप्‍क्‍यो ओहङ ख़ूज्‍यु ओहले काया़ ची़ ख़ूज्‍यु म़ेदी कादुप च्‍येती सोल्‍वाङ ताप्‍को येह।

१ थेसलोनिकी 4:2

च्‍यिबेमाना ङ्यिहगी चो़वो येशू लाहमले ज़्‍योरक्‍योगी का़हन्‍दी काया़ ख्‍या फ़ेबे-म़ेहमेया़ला तेर्पा ओ़हदी राहङ फ़ेबे-म़ेहमेया़ला थुयी़राङ येह।

१ थेसलोनिकी 4:4

ख्‍या फ़ेबे-म़ेहमेॱया नाम्‍पार-ताहक्‍पा पेहती ओहले लेहमेन मिहया़गी ख्‍या फ़ेबे-म़ेहमेया़ला ची़नाङ पेहकें छ्याप्‍स्‍यीगी राहङ फ़ेबे-म़ेहमेया़गी राहङगी ज़ुबु थिला ज़्‍या़ कोहएँ माएँ ताम ङोह स्‍ये़दोङ।

१ थेसलोनिकी 5:18

काह-ठि क्‍यिदु-तुहक्‍पु ओहङॱनाङ नाहम-माना थुज्‍यी-छ्ये़ फुल्‍दोङ, च्‍यिबेमाना मास्‍यीका येशूला ख्‍या फे़बेया़गी तेहन्‍दाला किन्‍ज्‍योगी थु-सेम जे नाङगेन्‍दीॱआङ दिराङ यिहम्‍बा।

१ थेसलोनिकी 5:23

स्‍य़िहदेकी किन्‍ज्‍यो राहङगीराङ ख्‍या फ़ेबे-म़ेहमेया़ला सेम तिहङ यिहन्‍ज्‍युराङ चाङमा ज़ो नाङज्‍यु, ओहले ख्‍या फे़बे मे़हमेया़की थाम्‍ज्‍यी सेम, सो दाङ ली़ह ओहराङकी चो़वो येशू मास्‍यीका फेप नाङगे ङ्यिहमा थु च्‍यिॱआङ क्‍येन म़ेहबा पेहती ज़्‍या़ नाङज्‍यु।

२ थेसलोनिकी 2:13

चो़वोगी चेवा जे नाङग्‍योकी आदा-नो़ह दाङ आज्‍यी-नुहमुया़, राहङ फ़ेबे-म़ेहमेया़गी तेहन्‍दाला ङ्यिहगी नाहम माॱनाङ किन्‍ज्‍योला थुज्‍यी-छ्ये़ फुलॱराङ कोहएँ च्‍यिबेमाना तोहङ यिहन्‍ज्‍युराङ नाम्‍पार-ताहक्‍पा थुगी टाहङबु ज़ोएँगी ल़ेह लाहमले ओहले तेहन्‍दामकी स्‍याहल थो़ला तेहपा पेहती थार्च्‍येला किन्‍ज्‍योगी राहङ फ़ेबे-म़ेहमेया़ला दाम नाङसीन।

तीतस 2:14

येशू मास्‍यीकागी ओहराङला तिहक्‍पा ना थाम्‍ज्‍यीले थार च्‍य़ू नाङज्‍येला, टाहङबु ज़ो़-नाङज्‍येला, राहङदीराङ मिहया़ ज़ो़-नाङज्‍येला, या़हबु ल़ेहया़ पेहच्‍येला स्‍युक क्‍ये च्‍य़ूज्‍येला मिहरोगी राहङकी मिहलीॱराङ च्‍यिहम्‍बा ताङ नाङसीन।

हिब्रू 10:36

किन्‍ज्‍योकी थु-सेम छाङबु पेहच्‍येला ओहले मिहरोगी ताहम्‍ज्‍या ज़्‍या़ नाङग्‍योकी केच्‍याया़ ज्‍योर्च्‍येला ख्‍या थिक-चि पेहती कू़हदी तेहतोङ।

हिब्रू 12:16

सुज्‍यीॱआङ छ्येउ-छ्येंमु पेहकेन्‍की मिह माहन्‍डोज्‍यु ओहले एसाव ल़ेहमु तिहक्‍च्‍येम्‍बा मिह माहन्‍डोज्‍यु। एसावगीनी तो छाक च्‍यी़गी तेहन्‍दाला पुह छ्येस्‍योगी ज्‍योर्केन्‍गी हकराङ चोङसीन।

हिब्रू 13:21

ख्‍याया़ला नामे-नाजो या़हबु गीनया़गी छाङबु ज़ो नाङज्‍यु, ओहले ख्‍याया़गी मिहरोगी थु-सेम तेहन्‍दा डुप च्‍य़ू ख़ूज्‍यु। ख्‍याया़गी मिहरोला थु ङ्ये़एँगी ल़ेह पेह ख़ूज्‍यु म़ेदी येशू मास्‍यीका लाहमले मिहरोगी ख्‍याया़गी सेमला छ्या़ले जे नाङज्‍यु। नाहम्‍स्‍यी किन्‍दु येशू मास्‍यीकाकी ज़िज्‍यिद ओहङज्‍यु।

हिब्रू 13:4

पा़हमा, मिह थाम्‍ज्‍यीगी ची़नाङ पेहच्‍ये सी़हगेन्‍दी ओहङ कोहएँ, ख्‍योवागी राहङगी पी़हमी क्‍याहपला लेहमेन पी़हमी छोल्‍ज्‍ये मेहयोहङगे, पी़हमीगीॱआङ राहङगी ख्‍योवा क्‍याहपला लेहमेन ख्‍योवा छोल्‍ज्‍ये मेहयोहङगे। च्‍यिबेमाना छारा ल़ेह पेहकें दाङ छ्येउ-छ्येंमु पेहकेनया़ला किन्‍ज्‍योगी ङ्य़ेहबा काल नाङज्‍ये येह।

१ पत्रुस 1:2

तोहङ यिहन्‍ज्‍युराङ राहङगी ज़ो नाङग्‍योगी च्‍याहम्‍दा लाहमले जेती किन्‍ज्‍यो याहपकी ख्‍याया़ला राहङदीराङ नाम्‍पार-ताहक्‍पा मिहया़ ज़ो नाङज्‍येला दाम नाङग्‍यो यिहम्‍बा। येशू मास्‍यीकाकी ठा़गी नाम्‍पार-ताहक्‍पा काहल्‍दी मिहरोकी काया़ ख्‍याया़गी ची़ ख़ूज्‍यु म़ेदी किन्‍ज्‍योगी ख्‍याया़ला नाम्‍पार-ताहक्‍पा थु लाहमले राहङदी ज़ो नाङसीन। किन्‍ज्‍योगी ख्‍याया़ला काटीन दाङ स्‍य़िहदे माहङबु म़ेदी माहङबु नाङज्‍यु।

१ पत्रुस 4:2

दि ल़ेहमु पेहती खोगी राहङगी मिहलीकी ओहङगेन ती़हजीया़ला येहपाराङ मिहगी सेमला ने़जेबाकी चोक्‍पा लाहमया़ला खो स्‍य़ूहदी डोज्‍ये म़ेह, यिहॱनाङ खोगी किन्‍ज्‍योगी थु ङ्ये़बाकी मिहजी ताङज्‍ये येह।

१ यूहन्‍ना 2:17

जाम्‍बुलीङ दाङ जाम्‍बुलीङगी चोक्‍पा सेम्‍बाया़ थाम्‍ज्‍यीराङ तोङदी डोज्‍ये येह, यिहॱनाङ किन्‍ज्‍योगी थु ङ्ये़बाकी ल़ेह पेहकें मिहया़ नाहम्‍स्‍यी किन्‍दुॱराङ लिहच्‍ये येह।

ज्‍याल्‍गा 21:8

यिहॱनाङ ज्‍यी़गेया़, यिह मे़ह-छ्ये़गेया़, नाम्‍दो लाहङज्‍ये ल़ेहमु ल़ेह पेहकेनया़, मिह सेकेनया़, छ्येउ-छ्येंमु पेहकेनया़, ङ्येहन क्‍याहप्‍केनया़, कुला छ्येपा फुल्‍गेया़ ओहले स्‍योप क्‍याहप्‍केनया़ थाम्‍ज्‍यी मेह दाङ मेहबुङगी छो नाहङला डोज्‍ये येह। दि ङ्यिपा स्‍यिवा यिहम्‍बा।”

ज्‍याल्‍गा 22:15

यिहॱनाङ ख्‍यिदी ल़ेहमु छारा पेहताङ येहकेनया़, ङेहन क्‍याहप्‍केनया़, छ्येउ-छ्येंमु पेहकेनया़, मिह सेकेंनया़, कुला छ्येपा फुल्‍गेनया़, चिहन क्‍याहप च्‍य़ूगेनया़ क्‍याहसा फिला ओहङज्‍ये येह।”