१ थेसलोनिकी 3:2 - ह्योल्‍मो

² ख्‍या फ़ेबे-म़ेहमेया़ला स्‍युक क्‍ये च्‍य़ूदी यिह-छ्य़ेला सान्‍दी ज़ोज्‍येला किन्‍ज्‍योला मास्‍यीकाकी लेहङगु या़हबुकी स्‍याहप्‍तो स्‍युहएँ ओहराङकी नो़ह तिमोथीला ङ्यिहगी ताङसीन।

१ थेसलोनिकी 3:2 Iomraidhean Croise

ल़ेह-पेन 16:1

ओ़ह पावल डर्बी दाङ लुस्‍त्रा क्‍याहसाॱलाङ लेप्‍सीन। ओहले ओ़ह क्‍याहसाला तिमोथी मिहन थो़क्‍यो स्‍याहप्‍च्‍यी च्‍यी़ तेहको येहकें। खो किन्‍ज्‍योला यिह-छ्य़े पेहक्‍यो यहूदी पी़हमी च्‍यी़गी पुह यिहन्‍गे, यिहॱनाङ खोगी आबादी ग्रीक यिहन्‍गे।

ल़ेह-पेन 16:5

दि ल़ेहमु पेहती छेन्‍छोककी मिह थाम्‍ज्‍यी राहङगी यिह-छ्य़ेला स्‍युक छ्यिम्‍बु पेहती ङ्यिहमा-टाहङमाराङ चो़वो येशूला यिह-छ्य़े पेहकेन्‍गी स्‍याहप्‍च्‍यीया़ माहङरो माहङरो पेहती काहल्‍सीन।

ल़ेह-पेन 18:5

ओहले सिलास दाङ तिमोथी माकेडोनिया लुहङबाले ओहङ फान्‍ज्‍यो पावलगी सुङ ख्‍येप्‍टा तेर्केन्‍गी ल़ेह पेहसीन। खोगी यहूदीया़ला, येशूॱराङ थार्पा नाङगेन्‍गी मास्‍यीका क्‍याहल्‍बु यिहन म़ेदी पाङबु तेर्सीन।

रोमी 16:21

ङाह ङ्याम्‍बुराङ ल़ेह पेहकेन्‍की तिमोथीगी ख्‍याया़ला टास्‍यी-देले म़ेदी येह। ओ़हठीॱराङ पेहती ङाहती यहूदी नो़हया़ लुकियस, यासोन दाङ सोसिपात्रोसगीॱआङ ख्‍याया़ला टास्‍यी-देले म़ेदी येह।

१ कोरिन्‍थी 3:10

किन्‍ज्‍योगी ङाहला नाङग्‍यो काटीनगी पेहती ङाहगी गो-छ्येवा चिक्‍सो-खे़बागी ल़ेहमुराङ पेहती खाङबाकी ब्राम तिङ ङ्युहङसीन, ओहले लेहमेनगीती ओ़ह थो़ला खाङबा ज़ोएँ। खाङबा ज़ोएँ थाम्‍ज्‍यीगी काह-ठि पेहती ज़ो कोहएँ यिहम्‍बा, ओ़ह या़हबु पेहती साम्‍लु ताङ कोहएँ।

१ कोरिन्‍थी 4:17

ओ़ह सोङबे तिमोथीला ख्‍यासाला ताङगेराङ येहबा। खो चो़वोला ङाहगी च्‍याहम्‍बु दाङ यिह-छ्य़ेबुगी पुह यिहम्‍बा। ङाहगी थाम्‍ज्‍यी ग्‍या़या़गी छेन्‍छोकया़ला लोप्‍क्‍यो ल़ेहमुराङ मास्‍यीकाला ङाहगी मिहली काह-ठि येहकें, ओ़ह खोगी ख्‍याया़ला टेहम्‍बा साल च्‍य़ूज्‍ये येह।

२ कोरिन्‍थी 1:1

किन्‍ज्‍योगी थु लाहमले मास्‍यीका येशूगी ल़ेह-पेन पावल दाङ ओहराङगी नो़ह तिमोथी लाहमले, कोरिन्‍थला येहकेन्‍गी किन्‍ज्‍योगी छेन्‍छोकला, ओहले अखैयाला येहकेन्‍गी थाम्‍ज्‍यी मास्‍यीकाकी पुह पोहमोया़ला दि यिहगी प्रुहएँॱराङ येहबा।

२ कोरिन्‍थी 1:19

च्‍यिबेमाना किन्‍ज्‍योगी स़ेबु येशू मास्‍यीका लाहमले पे यिहॱना़: सिलास, तिमोथी दाङ ङाहगी ख्‍याया़गी पाहर्कीला स्‍येक्‍योगी लेहङगुला “यिहम्‍बा” दाङ “मिहम्‍बा” ङ्यिकाराङ म़ेहबा येहकें। यिहॱनाङ मिहरोला नाहम्‍माॱनाङ “यिहम्‍बा” च्‍यी़राङ येहबा।

२ कोरिन्‍थी 2:12

मास्‍यीकाकी लेहङगु या़हबु स्‍येच्‍येला त्रोआस क्‍याहसाला ओहङगेमु चो़वोगीॱराङ ङाहला मिहरोगी छ्या़ले पेहकेन्‍गी लोहङ नाङसीन।

२ कोरिन्‍थी 2:13

यिहॱनाङ ङाहती नो़ह तीतसला ओ़हला मी़हथुगेमु ङाहती सेम ज्‍यिबुराङ छाबा-छुबे काहल्‍सीन। ओहले ङाह खुङ ङ्याम्‍बु कोहङबा स्‍यी़हदी माकेडोनिया लुहङबाला काहल्‍सीन।

२ कोरिन्‍थी 8:23

तीतसती ङाहती रो़ह यिहम्‍बा ओहले ख्‍याया़ला स्‍याहप्‍तो स्‍य़ूहज्‍येला खोॱआङ ङ्यिह ङ्याम्‍बु-ङ्याम्‍बुराङ ल़ेह पेहको येहबा, ओहले खो ङ्याम्‍बु ओहङगेन्‍गी लेहमेन नो़हया़ला छेन्‍छोकया़गी ताङग्‍यो स्‍याहप्‍च्‍यी यिहम्‍बा ओहले खुङ मास्‍यीकाकी ज़िज्‍यिद यिहम्‍बा।

फिलिप्‍पी 1:25

ङाहला दि या़हबु पेहती क्‍यी़ह येह। ओ़ह सोङबे ख्‍याया़ला यिह-छ्य़ेला याहरक्‍यी डो च्‍य़ूज्‍येला ओहले काहसो डो च्‍य़ूज्‍येला ङाह सोम्‍बोराङ लिहच्‍ये येह ओहले ख्‍या थाम्‍ज्‍यी ङ्याम्‍बु तेहच्‍ये येह,

कलस्‍सी 1:1

किन्‍ज्‍योकी थु लाहमले मास्‍यीका येशूकी ल़ेह-पेन ङाह पावल दाङ ओहराङगी नो़ह तिमोथीगी,

कलस्‍सी 1:7

दि या़हबु लेहङगु ङ्यिह ङ्याम्‍बुराङ स्‍याहप्‍तो स्‍युहएँ च्‍याहम्‍बु नो़ह इपाफ्रासगी ख्‍याया़ला लोप्‍सीन। खो ङ्यिह ङ्याम्‍बुराङ ङ्यिहती छापला ख्‍याया़गी पाहरक्‍यीला मास्‍यीकाकी छ्या़ले पेहकेन यिह-छ्य़ेबु नो़ह यिहन।

कलस्‍सी 4:12

ख्‍या नाहङदीॱराङ नो़ह मास्‍यीका येशूगी योक्‍पु इपाफ्रासगीॱआङ ख्‍याया़ला टास्‍यी-देले ताङदे येह। खोगी नाहम्‍माॱनाङ ख्‍याला सोल्‍वाङला टेहम्‍बा साल्‍दी ख्‍या किन्‍ज्‍योला सान्‍दी डो ख़ूज्‍यु, यिह-छ्य़ेला च्‍यिप्‍क्‍यो ओहङ ख़ूज्‍यु ओहले काया़ ची़ ख़ूज्‍यु म़ेदी कादुप च्‍येती सोल्‍वाङ ताप्‍को येह।

कलस्‍सी 4:9

ओहले ख्‍या नाहङदीॱराङ नो़ह ओनेसिमसॱआङ खो ङ्याम्‍बु ओहङगेॱराङ येह। खोॱआङ ओहराङगी यिह छ्य़ेबा दाङ च्‍याहम्‍बु नो़ह यिहम्‍बा। दि ग्‍या़गी लेहङगु थाम्‍ज्‍यी खुङगी ख्‍याया़ला स्‍येच्‍ये येह।

१ थेसलोनिकी 3:13

दिगी पेहती मिहरोकी थाम्‍ज्‍यी नाम्‍पार-ताहक्‍पा मिहया़ ङ्याम्‍बु ओहराङगी चो़वो येशू मास्‍यीका फेप नाङगेमु चो़वो येशूगी ओहराङगी किन्‍ज्‍यो याहपकी दिनला ख्‍या फ़ेबे-म़ेहमेया़गी सेम नाम्‍पार-ताहक्‍पा दाङ च्‍यिॱआङ क्‍येन म़ेहबा पेहती थिक-चि पेहती ज़्‍या़ नाङज्‍यु। आमेन।

१ थेसलोनिकी 3:5

ओ़ह सोङबे ङाहगी ना़ॱराङ मा़हखुबा सोङबे ङ्याहम्‍छेला छ्यि च्‍य़ूगेया़गी ख्‍या फे़बे-मे़हमेया़लाॱआङ ङ्याहम्‍छेला छ्यि च्‍य़ूबा नि म़ेदी ओहले ङ्यिहगी कादुप च्‍येक्‍योदी स्‍यिती काम्‍बुला थोरो डोएँ ज्‍यी़सुगी ख्‍या फ़ेबे-म़ेहमेया़गी यिह-छ्य़े क्‍यी़ह ज्‍योर्च्‍येला ङाहगी तिमोथीला ताङग्‍यो यिहम्‍बा।

२ थेसलोनिकी 2:17

ख्‍या फ़ेबे-म़ेहमेया़ला सेम ज़ुङ च्‍य़ू नाङज्‍यु ओहले ना थाम्‍ज्‍यीराङ या़हबु ल़ेहया़ दाङ किन्‍ज्‍योकी सुङला राहङ फ़ेबे-म़ेहमेया़ला थिक-चि पेहती ज़्‍या़ नाङज्‍यु।