१ थेसलोनिकी 1:5 - ह्योल्मो5 च्यिबेमाना ङ्यिहगी ख्या फ़ेबे-म़ेहमेया़गी पाहरक्यीला लेहङगु या़हबु ख्योङगेमु तामला च्यी़राङ मिहम्बा, यिहॱनाङ नाम्पार-ताहक्पा थु दाङ ओङ लाहमले ख्या फ़ेबे-म़ेहमेया़गी तेहन्दामकी लेहङगु या़हबुया़ यिह छ्य़े ख़ूएँ पेहती ख्योङदी ओहङसीन। ङ्यिह ख्या फ़ेबे-म़ेहमेॱया ङ्याम्बु तेहकेमु ङ्यिहगी ख्या फ़ेबे-म़ेहमेया़गी तेहन्दाला ङ्यिहगी मिहजी काहन्डुमु पेहती ताङबा, ओ़ह राहङया़ला थुयी़राङ येह। Faic an caibideil |
१ थेसलोनिकी 1:5
60 Iomraidhean Croise
ङ्यिहगी माक्योगी ताम ङ्यिहन्गेनया़ नाहङला लिडिया माएँ पी़हमी च्यी़ येहकें। मोह थिआटीरा क्याहसादी यिहन्गे ओहले मोह क्ये़हज्येन काप्च्यागी छोङ क्याहप्को येहकें। ओहले मोहगी किन्ज्योला छ्येपा फुल्गो येहकें। ओहले पावलगी माक्योगी तामला या़हबु पेहती ङ्यिहन्दी पेहच्यु म़ेदी चो़वोगी मोहगी सेम खा फे़ नाङसीन।
ओ़ह सुङगोराङ किन्ज्यो याहपगी येशूला राहङ ङ्याम्बुराङ राहङगी योबा ङो़ले ज़्या़ नाङदी येह ओहले राहङगी ताहम्ज्या ज़्या़ नाङग्यो ल़ेहमु जेती येशूला नाम्पार-ताहक्पा थु नाङसीन। ओ़ह नाम्पार-ताहक्पा थुराङ चो़वो छ्येवा येशूगी ताहन्दा ओहराङ थो़ला ज़्या़ नाङदी येह, ओ़ह ताम ख्या फे़बेया़गी ताहन्दा थोङदी, थे़दी ओ़हङदीॱराङ येहबा।
किन्ज्योगी ङाहला ज्याल्गा नाङग्यो सोङबे ङाह यरूशलेमला काहल्सीन, ओहले ङाहगी ओ़ह ग्या़गी गोबाया़ला च्यी़राङ खाजुम्बाला क़े क्याहप्ती ङाहगी लेहमेन क्यिहपाकी मिहया़ला स्ये़क्योकी या़हबु लेहङगुॱराङ या़हबु पेहती प्रा साल्सीन। च्यिबेमाना ङाहगी पेह सिहन्ग्यो दाङ पेह तेहक्योकी ल़ेहया़ स्यिती काम्बुला थोरो डोनी म़ेदी ङाहला ज्यी़सु येहकें ओ़ह सोङबे ङाहगी ओ़ह ल़ेहमु पेहक्यो यिहम्बा।
च्यिबेमाना दि लाहमले ख्या यिह-छ्य़ेला सान्दी डो ख़ूज्यु ओहले च्यी़गी च्यी़ला चेवा पेहती ख्या च्यी़राङ डो ख़ूज्यु। दि ल़ेहमु पेह फान्ज्यो किन्ज्योकी तिहङ-रिहङबुकी येहन्देन ङोह स्य़े ख़ूएँ दु म़ेदी ख्या राहङगी तेहम्बाराङ क्यी़ह ज्योर्च्ये येह। ओहले तिहङ-रिहङबुगी येहन्देनदी मास्यीका यिहम्बा।
ओ़ह सोङबे दिगी तेहन्दाला ङ्यिहगीॱआङ किन्ज्योला नाहम माॱनाङ थुज्यी-छ्ये़ फुल्गे, च्यिबेमाना ङ्यिहगी ख्या फ़ेबे-म़ेहमेया़ला किन्ज्योगी लुहङ स्येकेमु ख्या फ़ेबे-म़ेहमेया़गी दि लुहङ ङ्यिहती मिहम्बा यिहॱनाङ दि लुहङ किन्ज्योदीॱराङ यिहम्बा म़ेदी ची़सीन। यिहन्ज्येॱआङ दि तेहम्बाराङ किन्ज्योदीॱराङ लुहङ यिहन्गे। ता़ह यिह छ्य़ेगे ख्या फ़ेबे-म़ेहमेया़गी पाहरक्यीला दि लुहङगी छ्या़ले जे नाङगेराङ येहबा।
खुङया़ला दि केच्या ङोह स्य़े च्य़ूक्यो येहकें च्यिबेमाना खुङया़गी राहङगी तेहन्दाला मिहम्बा, यिहॱनाङ ख्याया़ला स्याहप्तो स्यी़ह-तेहक्यो येहकें। दि केच्या स्यिहङगामले माहर ताङ नाङग्योकी नाम्पार-ताहक्पा थु लाहमले ख्याया़ला स्येक्योगी या़हबु लेहङगुया़ प्रा साल्गेनया़गीॱराङ ताहन्दा ख्याया़ला स्येती येहबा। स्यिहङगामकी स्याहप्च्यीया़ॱआङ दि से़हया़ ताज्येला ज्यिबुराङ सेम पेहती येहबा।
Sanasan