१ पत्रुस 5:4 - ह्योल्‍मो

⁴ ओहले ल़ूहकी ताहक्‍पु ङोहदोराङ थेन फेप्‍केमु ख्‍याया़गी नाहमॱआङ याहल्‍दी मेहन्‍डोएँगी ज़िज्‍यिदकी पेस्‍यो ज्‍योर्च्‍ये येह।

१ पत्रुस 5:4 Iomraidhean Croise

यूहन्‍ना 10:11

या़हबु कोहरोवा ङाहराङ यिहन। या़हबु कोहरोवागी राहङगी ल़ूहया़ला थार च्‍य़ूज्‍येला राहङगी ज़ुबुॱआङ च्‍यिहम्‍बा ताङगे।

१ कोरिन्‍थी 9:25

चेमु चाज्‍येला बो लेहन्‍गे मिहया़गी ज्‍यिबुराङ तुहक्‍पु पेहती च्‍याहङदार पेहकें। खुङया़गी ओ़ह तोङदी डोएँगी च्‍याहगा ज्‍योर्च्‍येला ओ़हठी पेहकें, यिहॱनाङ ओहराङदी नाहमॱआङ मेहतोङगे च्‍याहगा ज्‍योर्च्‍येला दिठी पेहकें।

२ तिमोथी 4:8

ता़ह ङाहगी तेहन्‍दाला टाहङदेनकी पेस्‍यो ज़्‍या़ नाङदी येह, ओ़हदी टाहङबु-ठिम ताङ नाङगेन चो़वोगी ओ़ह ङ्यिहमाला ङाहला नाङज्‍ये येह, ओहले ङाहला च्‍यी़राङ मिहम्‍बा, यिहॱनाङ मिहरो फेप नाङगेन्‍गी लाहम ज्‍यिबुराङ सेम काहसो पेहती कू़हदे तेहकें थाम्‍ज्‍यीलाराङ नाङज्‍ये येह।

हिब्रू 13:20

ता़ह ल़ूहया़गी चा़ छ्येस्‍यो कोहरोवा ओहराङ चो़वो येशूला था़ म़ेहबा ताहम्‍ज्‍याकी ठा़ लाहमले स्‍यिवालेगी सोम्‍बो ज़्‍याङ च्‍य़ू नाङगे स्‍य़िहदे नाङगे किन्‍ज्‍योगी

याकूब 1:12

तुहक्‍पु-काहबुगी ती़हजीलाॱआङ ना़दे थिर पेहती तेहकें मिह काहजे सोनाम-साक्‍पु। च्‍यिबेमाना किन्‍ज्‍योगी मिहरोला चेवा पेहकेनया़ला मिहलीगी च्‍याहगा तेर्के सुङदे ताहम्‍ज्‍या ज़्‍या़ नाङदी येह। ओ़ह च्‍याहगादी सु, तुहक्‍पुगी ती़हजीलाॱआङ थिर पेहती तेह ख़ूएँ खोगी ज्‍योर्च्‍ये येह।

१ पत्रुस 1:4

स्‍यिहङगामला ख्‍याया़गी तेहन्‍दाला सी़दे ज़्‍या़क्‍योगी फास्‍यी नाहमॱआङ तोङदी डोज्‍ये म़ेह, नाहमॱआङ नोङज्‍ये म़ेह ओहले नाहमॱआङ तोर्च्‍ये म़ेह।

१ पत्रुस 2:25

च्‍यिबेमाना ख्‍या ल़ूहया़ ल़ेहमुराङ पेहती आला ख्‍याम्‍दी येहकें, यिहॱनाङ ता़ह ख्‍याया़गी नाम्‍स्‍यीला कोहरोवा जे नाङगे दाङ सुङ नाङगे साला ख्‍याया़ लो़ह ओहङदी येह।

१ पत्रुस 5:2

ल़ूह ताहक्‍पुगी राहङगी ल़ूह बा़लया़ला चारा पेहकें ल़ेहमुराङ ख्‍यागी पाहरक्‍यीला येहकेन्‍गी किन्‍ज्‍योगी छो़बाया़ला चारा पेहतोङ। कारगी मिहम्‍बा यिहॱनाङ राहङ सेम तिहङ यिहन्‍ज्‍युराङ, क्‍युहगी ह्‍अम्‍बागी पेहती मिहम्‍बा यिहॱनाङ क़ेहनाङ पेहती,

१ यूहन्‍ना 3:2

ए ङाहगी च्‍याहम्‍बु रो़हया़, ताहन्‍दानी ओहराङ किन्‍ज्‍योगी छार्क्‍यीनया़राङ यिहम्‍बा यिहॱनाङ तिङलेनी ओहराङ च्‍यि ओहङगे यिहम्‍बा, ओ़हगी तेहन्‍दाला किन्‍ज्‍योगी ओहराङला ह्‍अ कोह च्‍य़ू नाङदी म़ेह। यिहॱनाङ मास्‍यीका फेप नाङ फान्‍ज्‍यो ओहराङॱआङ मिहरो ल़ेहमुराङ डोज्‍ये येह च्‍यिबेमाना मिहरो काहन्‍डुमु येहबा, ओहराङगी मिहरोला ओ़ह ल़ेहमुराङ थोङज्‍ये येह।

ज्‍याल्‍गा 1:7

त़ेदोङ, मिहरो मुक्‍पाला फेप नाङगेराङ येह, ओहले मिह थाम्‍ज्‍यीगी मिहरोला थोङज्‍ये येह ओहले मिहरोला दुङगी चो़क्‍योया़गीॱआङ थोङज्‍ये येह। थाम्‍ज्‍यी मी़गी मिहरोला थोङज्‍ये येह। ओहले जाम्‍बुलीङकी थाम्‍ज्‍यी क्‍यिहपाया़गी मिहरोगी तेहन्‍दाला ङ्याहङेन पेहच्‍ये येह। दि ल़ेहमुराङ ओहङज्‍यु। आमेन।

ज्‍याल्‍गा 2:10

ता़ह ख्‍या थो़ला तुहक्‍पु बाप ओहङज्‍ये पेहती येह ओ़ह यिहन्‍ज्‍यु मा़हन्‍ज्‍यी। ती़ह गो-छ्येवागी ख्‍या नाहङला लाहलाला ङ्याहम च्‍येच्‍ये म़ेदी चोन-खाङला लू़ज्‍ये पेहती येह, ओहले ख्‍याला ङ्यिहमा च्‍यु थु च्‍यी़राङ तुहक्‍पु ओहङज्‍ये येह। स्‍यि कोहॱनाङ ङाहलेगी तेहपा मा़हलोह, ओहले क्‍याहल्‍दी ज्‍योर्केन्‍की च्‍याहगा था़ म़ेहबा मिहली ज़ाङबु ङाह ख्‍येला तेर्के।

ज्‍याल्‍गा 3:11

त़ेदोङ, ङाह ग्‍यो़बाराङ ओहङज्‍ये येह। ख्‍ये ङ्याम्‍बु च्‍यि येहबा, ओ़हदीला या़हबु पेहती ज़ुङदी ज़्‍यो़, ओहले ख्‍येती पेस्‍यो सुज्‍यीगीॱआङ फ्रो़ज्‍ये म़ेह।