१ पत्रुस 4:4 - ह्योल्‍मो

⁴ ख्‍या खुङ ङ्याम्‍बु ओ़ह ल़ेहमु ल़ेह चोक्‍पागी लाहमला मा़हस्‍युहबा थोङदी खुङ ह्‍अ ल़ेहगे, ओहले खुङगी ख्‍याया़गी ताम च्‍येहके।

१ पत्रुस 4:4 Iomraidhean Croise

मत्ती 23:25

“ए छ्य़े-ठिमकी लोबेनया़ दाङ फरिसीया़! ख्‍याया़ काहजे छा़ तुहवा! ख्‍याया़ काहजे यिहन्‍दो तेन्‍गे मिहया़ दुबा। ख्‍याया़गी तेहर्मा दाङ फार्को फि ङो़लेनी ताहर्ती चाङमा ज़ोएँ, यिहॱनाङ नाहङ ङो़लेदी माहराप पेहती फ्रो़दी ख्‍योङग्‍यो से़हया़गी काङगे।

लूका 15:13

“ङ्यिहमा तोबा तिङले पुह च्‍युङागी राहङ ङ्याम्‍बु येहकेन्‍गी थाम्‍ज्‍यीराङ फास्‍यी ख्‍येर्ती लेहमेन लुहङबाला काहल्‍सीन। ओहले ओ़हला खोगी सेमला ने़जेबा काहने थेते पेहती राहङ ङ्याम्‍बु येहकेन्‍गी क्‍युह रेबेॱराङ क्‍युर्सीन।

ल़ेह-पेन 13:45

मिह थाम्‍ज्‍यी बुङजी क्‍याहप्‍ती ओहङग्‍यो थोङदी यहूदीया़गी पावल दाङ बारनाबासला ठादो पेहसीन। ओहले पावलगी माक्‍यो तामला खुङया़गी टाह पेहती स्‍ये़हन्‍डील पेहसीन।

ल़ेह-पेन 18:6

ओहले खुङया़गी पावलला खा लो़हदी स्‍ये़हन्‍डील पेहसीन। ओ़ह सोङगोराङ पावलगी राहङगी काप्‍च्‍या प्रू़दी खुङया़ला दि ल़ेहमु मासीन, “ख्‍याया़गी तिहक्‍पा ख्‍याया़लाॱराङ फो़ज्‍यु, ता़ह ङाहला ङ्य़ेहबा फो़ज्‍ये म़ेह। ता़ह यिहन्‍ज्‍यु ङाह लेहमेन क्‍यिहपागी मिहया़साला डोज्‍ये येह।”

रोमी 13:13

ङ्यिहमाला ल़ेहमुराङ पेहती ओहराङ ल़ेह टाहङबु पेह कोहएँ। कुहङमु ल़ेहमु खाम्‍साङ-ङ्याहम्‍साङ पेहकें, ज़िगे से़हया़ थुङगे, छ्येउ-छ्येंमु पेहकें, छा़रा ल़ेहया़ पेहकें, जिङगे ओहले ठादो पेहकेन्‍गी ल़ेहया़ पाङ कोहएँ।

एफिसी 5:18

छ्याङगी ज़िदे राहङगी मिहली खाम्‍साङ-ङ्याहम्‍साङ पेहती माहताङ यिहॱनाङ नाम्‍पार-ताहक्‍पा थुगी काहङदोङ।

१ पत्रुस 2:12

किन्‍ज्‍योला यिह-छ्य़े माहबेबाकी मिहया़गी पाहरक्‍यीला ख्‍याया़गी डोलु-तेहलु या़हबु ओहङज्‍यु। सुज्‍यीगीॱआङ ख्‍याया़ला मिह चोक्‍पा म़ेदी ख्‍याला टाह पेहसीनमाॱनाङ खुङया़गी ख्‍यागी पेहक्‍योगी ल़ेह या़हबुया़ थोङज्‍यु, ओहले किन्‍ज्‍योगी ठिम ताङ नाङगेन ङ्यिहमाला खुङया़गी किन्‍ज्‍योला त़ेरा तेच्‍या फुल्‍ज्‍यु।

१ पत्रुस 3:16

ख्‍याया़गी नावा नाहम-माना चाङमा ज़्‍या़दोङ, ओ़हठी पेहसीमाना ख्‍याया़गी मास्‍यीकाला तिङ ङ्या़गेमु पेहक्‍योगी या़हबु छ्याप्‍स्‍यीया़ थोङदी ख्‍याला आब्रु तेन्‍गेया़ खुङ राहङराङ ङोहजाला छ्यिच्‍ये येह।

२ पत्रुस 2:12

यिहॱनाङ दि मिहया़ पेहताङ चोक्‍पागी ल़ेहया़ पेहकें। खुङया़नी ज़ुङदी से कोहकेन्‍की रिहदाया़ ल़ेहमुराङ ओहङगे। खुङया़गी ङोहॱराङ मा़हस्‍येबाकी तामया़ला स्‍याहम्‍डेन तेन्‍गे। ओ़ह सोङबे खुङॱआङ रिहदाया़ ल़ेहमुराङ पेहती तोङज्‍ये येह।

२ पत्रुस 2:22

दि तेहन्‍दामकी पेताम लाहमलेॱराङ खुङया़ला दि ल़ेहमु सुङ नाङदी येह, “क्‍यिबु राहङगी क्‍यू़क्‍यो ग्‍या़लाराङ लो़ह ओहङगे,” “ओहले ठी़ क्‍याहप तेरक्‍योदी फा़ येहपाराङ दाक्‍पालाॱराङ फार छुर बोल्‍गे।”

यहूदा 1:10

यिहॱनाङ दिया़गी का़हन्‍दीला स्‍याहम्‍डेन तेन तेहती येहबा ओ़ह खुङया़ला क्‍यी़हराङ म़ेह, ओहले खुङगी राहङगी सेमला ने़जेबाकी ल़ेहया़ पेहक्‍यो सोङबे खुङ रिहक्‍स्‍यी म़ेहबाकी सेम्‍ज्‍येनया़ ल़ेहमुराङ पेहती तोङज्‍ये येह।